Imágenes de páginas
PDF
EPUB

reges et eorum principes iam dicto monasterio tradiderunt, ut et patruus noster rex Stephanus illustris memorie hec idem prenotato monasterio iure perpetuo confirmauit, sicut in eorum priuilegiis continetur, secundum quantitatem terminorum terrarum illarum, uidelicet terram in Rogoua et Uirbiza cum aqua molendinaria, terras de Teno et de Gorrizza ac alias terras, quas in diuersis locis per Croaciam sepedictum monasterium optinet. Statuentes presenti edicto, ut si quis illud infringere atemptauerit, et fratribus illis de predictis terris diminutionem uel molestiam aliquam facere uoluerit, diuine ultionis periculum incurrat, et nostram se sentiat ledere maiestatem, ac regio iudicio nostro subiaceat. Preterea ob peccatorum nostrorum remissionem sicut pretaxatus rex fecit patruus noster Stephanus, concedimus, ut quos cumque hospites ad inhabitandas prenominatas terras de quibuscumque locis adducere poterint, a nemine nisi ab abbate et fratribus et eorum prepositis iudicentur. Ad neminem cum sigillo uel homine determinati ire cogantur. Si autem eis aliqui uim intulerit aliquam, predicte sententie subiaceant. Ut autem hoc a nobis xessum (concessum) confirmationis munus ratum et inconcussum duret in eternum, presenti eum pagina in noticiam deduci posterorum et regie auctoritatis sigillo fecimus insigniri. Datum per manum magistri Thome Berprimensis prepositi et aulle regie cancellarii, anno ab incarnatione domini millesimo CCX°, uenerabili Johanne Strioniensi archiepiscopo, reuerendo Bertoldo Colocensi electo et bano, existentibus Calano quinque ecclesiensis, Bolezlao Waciensi, Cathapano Agriensi, Symone Waradiensi, Desiderio Chenadiensi, Wilielmo Transiluano, Gothardo Zagrabiensi, Petro Geuriensi, Roberto Reprimiensis ecclesias feliciter gubernantibus, Pot palatino et Mussumenus comite, Michaele uoiuoda existentibus, Petro Bachiensi, Jula Budrigiensi et curiali comite regine, Bucone Bicoriensi et curiali comite regine, Nicolao Kewiensi et curiali comite, Dchuc Supruniensi, Mog possoniensis comitibus, regni nostri anno sexto.

Sigillum dicti priuilegii est magnum, compositum et compaginatum ex cera alba, appensum in medio literarum scripture paginis seu priuilegii, cui est appensum dictum sigillum in cordulla sericis collorum uidelicet rubei, crocei et uiolati, in quo sigillo apparebat quedam ymago regis sedens super cathedram, tenens in manu dextera sceptrum regale et in sinistra ad instar pomi desuper cum cruce. In circuitu uero dicti sigilli littere legebantur: Andreas dei gratia Hungarie, Dalmatie, Croatie, Rame, Seruie, rex, et in alio circullo minori iuxta magnis litteris: Sigillum secundi Andree regis, tercii Bele regis filii.

Policorion 50.

116. Priuilegium domini nostri domini Johannis pape XXII. de confirmatione huius monasterii.

Anno 1324. 23. aprilis. Avinioni.

Johannes episcopus seruus seruorum dei, dilectis filiis . . . abbati et conuentui monasterii sanctorum Cosme et Damiani de Monte

ordinis sancti Benedicti Jadrensis diocesis salutem et apostolicam benedictionem. Cum a nobis petitur, quod iustum est et honestum, tam uigore equitatis, quam ordo exigit rationis, ut id per solicitudinem officii nostri ad debitum perducatur effectum. Ea propter dilecti in domino filii uestris iustis postulationibus grato concurrentes assensu, personas uestras et locum, in quo diuino estis obsequio mancipati, cum omnibus bonis, que impresentiarum rationabiliter possidetis ac in futurum iustis modis prestante domino poteritis adipisci, sub beati Petri et nostra protectione suscipimus, specialiter autem decimas, terras, domos, uineas, uillas, insulas, salinas, prata, pascua, nemora, molendina, ortos, possessiones, iura, iurisditiones et alia bona uestra, sicut ea omnia iuste et pacifice obtinetis; uobis et per uos monasterio uestro auctoritate apostolica confirmamus, et presentis scripti patrocinio communimus, salua in predictis decimis moderatione concilii generalis. Nulli ergo omnino hominum liceat hanc paginam nostre protectionis et confirmationis infringere uel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se nouerit incursurum. Datum Auinioni X kalendas maii, pontificatus nostri anno nono.

Policorion 51.

117. De ecclesia omnium sanctorum cum suo zardino procedentes et pertinentes monasterio sanctorum Cosme et Damiani, situata extra muros Jadre.

Ecclesia sanctorum omnium, que est et pertinet monasterio sanctorum Cosme et Damiani Jadrensis diocessis et eius obedientie, situata et posita extra muros Jadre cum uno suo orto siue zardino, qui est a parte trauersali dicte ecclesie omnium Sanctorum, et qui eidem ecclesie est coniunctus, cui ecclesie et zardini hii sunt confines de austro est locus comunis, de trauersa est uia puplica, de borea possidet comissaria condam domini Jacobi militis de Cesamo, et de quirina est amiterium dicte ecclesie extendens se usque ad arenam, et partim est locus uersus boream ospitalis Urane, qui zardinus est circumdatus cum maceria, et ex parte quirine est murus.

Policorion 52

118. De loco supra dicte ecclesie sanctorum omnium.

Item unus locus pertinens dicte ecclesie sanctorum omnium, positus et situatus infra muros ciuitatis Jadre in confinio sancti Siluestri uerberatorum de Jadra, iuxta ortum conuentus sancti Platonis predicatorum Jadre; qui locus est quatuor passuum et medii cubiti ad mensuram comunem Jadre; cuius loci hos confines: de trauersa est uia puplica inter dictum zardinum et predictum locum, de austro est domus Laurentii tubatoris condam Drasoy tubatoris, de borea locus Drage relicte condam piscatoris, de quirina possidet Nicola Bratoyeuich.

Policorion 52.

·119. Priuilegium domini Innocencii pape VI. de libertate huius monasterii.

Anno 1358. Auinioni.

Innocentius episcopus seruus seruorum dei. Dilectis filiis Gregorio abbati monasterii sanctorum Cosme et Damiani de Monte eiusque fratribus tam presentibus quam futuris regularem uitam professis inperpetuum. Quotiens a nobis petitum, quod religioni et honestati conuenire dinoscitur, animo nos decet libenti concedere, et petentium desideriis congruum suffragium impertiri. Ea propter dilecti in domino filii uestris iustis postulationibus clementer annuimus, et monasterium uestrum sanctorum Cosme et Damiani de Monte Jadrensis diocessis, in quo diuino mancipati estis obsequio sub beati Petri et nostra protectione suscipimus, et presentis scripti priuilegio communimus. Inprimis siquidem statuentes, ut ordo monasticus, qui secundum deum et beati Benedicti regulam in eodem monasterio institutus esse dinoscitur, perpetuis ibidem temporibus inuiolabiliter obseruetur. Preterea quascunque possessiones, quecunque bona idem monasterium impresentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis prestante domino poterit adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis. Locum ipsum, in quo profatum monasterium situm est cum omnibus pertinenciis suis; possessiones omnes monasterii sancti Johannis euangeliste, quod quondam Uenetici destruxerunt; ecclesiam sancti Michaelis de Rogoua cum pertinenciis suis; Uerbisa cum pertinenciis suis, et unum molendinum; Bubnani cum pertinenciis suis, Bin cum pertinenciis suis; Gelsani cum pertinenciis suis; Craschani cum suis pertinentiis; Mirani cum pertinenciis suis; Chamenani cum pertinenciis suis et unum molendinum in Scardona; nec non terras, uineas, possessiones, census et alia iura, prata, nemora, usagia, pascua, in bosco et plano, in aquis et molendinis, in uiis et semitis et omnibus aliis iuribus suis. Paci quoque et tranquilitati uestre paterna imposterium solicitudine prouidere uolentes, auctoritate apostolica prohibemus, ne infra clausuras locorum uestrorum aliquis rapinam seu furtum facere, ignem apponere, sanguinem fundere, hominem temere capere uel interficere seu uiolentiam audeat exercere. Propterea omnes libertates et immunitates canonicas, que fuerunt supra dicti monasterii a predecessoribus nostris Romanis pontificibus monasterio uestro, quod illius capella fuit concessas, nec non libertates et exemptiones secularium exactionum a regibus et principibus uel aliis fidelibus rationabiliter uobis indultas, auctoritate apostolica confirmamus, et presentis scripti patrocinio com. munimus. Sane noualium uestrorum, que propriis manibus aut sumptibus colitis, siue de nutrimentis animalium uestrorum nullus a uobis decimas exigere uel extorquere presumat, salua moderatione concilii generalis. Liceat quoque uobis clerios uel laicos, liberos et absolutos, e seculo fugientes, ad conuersionem recipere,

et eos sine contradictione aliqua retinere. Cum autem generale interdictum terre fuerit, liceat uobis clausis ianuis, exclusis excommunicatis et interdictis, non pulsatis campanis, supressa uoce diuina officia celebrare, dummodo causam non dederitis interdicto. Ad hec nouas et indebitas exactiones ab archiepiscopis, episcopis, archidiaconis seu decanis, aliisque omnibus ecclesiasticis secularibusue personis a uobis omnino fieri prohibemus. Sepulturam quoque illius loci liberam esse decernimus, ut eorum deuotioni et extreme uoluntati, qui se illic sepeliri deliberauerint, nisi forte excomunicati uel interdicti sint, aut publici usurarii, nullius obsistat; salua tamen iusticia illarum ecclesiarum, a quibus mortuorum corpora assumuntur. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astutia seu uiolentia preponatur, nisi quem fratres communi concensu uel fratrum maior pars consilii sanioris secundum dei timorem et beati Benedicti regulam prouiderint eligendum. Decernimus ergo, ut nulli omnino hominum liceat prefatum monasterium temere perturbare, aut eius possessiones auferre uel ablatas retinere, minuere seu quibuslibet uexationibus fatigare, sed omnia integra conseruentur, eorum pro quorum gubernatione ac sustentatione concessa sunt usibus omnimodis profutura, salua sedis apostolice auctoritate et Gradensis patriarche canonica iusticia. Si qua igitur in futurum ecclesiastica secularisue persona hanc nostre constitutionis paginam sciens, contra eam temere uenire temptauerit, secundo tercioue commonita, nisi reatum suum congrua satisfactione correxerit, potestatis honorisque sui dignitate careat, reamque se diuino iuditio existere de perpetrata iniquitate cognoscat, et a sacratissimo corpore ac sanguine dei et domini redemptoris nostri Jhesu Christí aliena fiat, atque in extremo examine diuine ultioni subiaceat. Cunctis autem eidem loco sua iura seruantibus sit pax domini nostri Jhesu Christi, quatenus et hic fructum bone actionis percipiant, et apud districtum iudicem premia eterne pacis inueniat. Amen. Amen.

[subsumed][subsumed][subsumed][subsumed][subsumed][ocr errors][ocr errors]

영ᄋ

[ocr errors]

Ego Hugo titulo sancti Laurentii in Damaso
presbiter cardinalis subscripsi.

Ego R. titulo sancte crucis in Jerusalem
presbiter cardinalis subscripsi.

Et ego Petrus titulo sancti Martini in
Montibus presbiter cardinalis subscripsi.
Et ego Guillelmus titulo sancte Marie in
transtiberim presbiter cardinalis subscripsi.
Et ego Andoynus titulo sanctorum Johannis
et Pauli presbiter cardinalis subscripsi.

Et ego Helias titulo sancti Stephani in Celio

monte presbiter cardinalis subscripsi.

Ego Petrus titulo sancte Anastasie
presbiter cardinalis subscripsi.

Ego frater Guillelmus titulo sanctorum Marci
et Petri presbiter cardinalis subscripsi.

Ego frater Nicolaus titulo sancti Sixti
presbiter cardinalis subscripsi.

go Innocentius catholice ecclesie episcopus.

Ego Guillelmus episcopus tusclanus subscripsi.

Ego Guido portuensis et sancte

Ruphine episcopus subscripsi.

Ego P. Ostiensis et Uelletrensis episcopus
subscripsi.

Ego B. sancti Eustachii diaconus cardinalis
subscripsi.

Ego Guillelmus s. Marie in Cossmedin
diaconus cardinalis subscripsi.

Et ego Raynaldus sancti Adriani

diaconus cardinalis subscripsi.

Ego P. sancte Marie noue diaconus
cardinalis subscripsi.

Ego Johannes sancti Georgii ad uelum

aureum diaconus cardinalis subscripsi.

Datum Auinioni per manum P. episcopi Penestrinensis sancte romane ecclesie uice cancellarium, iudictione undecima, incarnationis dominice anno millesimo CCC.L.VIII, pontificatus uero domini Innocentii pape VI. anno sexto.

Policorion 52-55.

« AnteriorContinuar »