Nostre-Signeur DCCCC et XIX ans. Ernous, ses fils, rechut la conté. Il ot à feme la fille le conte de Vermendois, de laquele il engendra Bauduin et Liégart. Il fu moult cavilleux et engingneus, et moult estudioit coment il poroit les marches de la conté estendre. Il toli au conte Heluin le castiel de Monsteruel. Cil qui n'avoit pooir contre lui, quist aïde au duc Guillaume de Normendie qui li ot convent, et tant fist que li quens Herluins r'ot son chastiel. De quoi li quens Ernous fu si iriés que grant guerre en esmut entre lui et le duc.

» Fo 147 vo. Quant le roi Loeys fu bien affremés en son règne, il commencha à user dou conseil le conte Ernoul de Flandres. Cil Ernous avoit grant content contre le duc Guillaume de Normendie, si com vous avés oï desus. Cil dus Guillaumes donna sa serour Gerlot au conte Guillaume de Poitiers, par le conseil Huon le grant. De chou furent li rois Loeys et li quens Ernous molt courouchié, pour chou qu'il leur sambloit que leur force croissoit trop. Après ces choses fu pris uns jors de paix dou duc Guillaume et dou conte Ernoul, à Pinkeigni sour Somme. Là fu li rois et moult d'autre preudoume qui traitièrent de la pais, mais ele ne pot venir, et en la fin quant il s'en durent départir, Bausses li Cours, uns chevaliers ki estoit avoec le conte Ernoul, traïst l'espée et féri le duc parmi la teste et l'ocist, et puis s'en ala viers Flandres avoec le conte Ernoul. Si en fu li rois molt blasmés, de chou que il avoit ensi le duc laissié ocirre sans venjance prendre. Li Normant emportèrent le cors leur signeur, si l'enfouirent à Ruem à grant duel, car moult l'avoient amé. (Le chroniqueur raconte ici comment le roi Louis vint à Rouen et emmena ensuite à Paris le fils du duc Guillaume, l'héritier de Normandie, en disant aux Normands) « que si li enfès estoit nouris en son hostel, il en vaudroit mieus, et plus i poroit aprendre de bien que aillours. Li Normand ki n'i entendirent se bien non, l'en mierchièrent. »

» Fo 148 ro. Poi après s'acorda li quens Ernous au roi et puis pourchacha tant, par l'aide la roïne Geuberge, que li rois com

mencha à moustrer mauvais samblant à l'enfant. Et dist-on parmi l'ostel que li rois li baoit à cuire les gairés (jarrets) (1). Quant Omons, uns varlés qui gardoit l'enfant, entendi ces choses, molt en fu dolans; si pensa comment il le poroit garandir. Il prist un fais d'ierbe, si le porta en la chambre, et quant il vit ke les gens entendoient au mangier, il loia l'enfant en cele herbe et l'enporta à son col à l'estable, aussi comme pour douner à son ronchin. Il mist sa siele hastivement et monta, puis prist l'enfant devant lui et s'en ala, tant que il vint à Saint-Lis au conte Bernart. Si li conta comment il avoit esploitié, dont li conte ot moult grant joie.

» F° 149 ro. Charles, li frères au roi Lohier ot ii filles : l'une ot non Ermengars et l'autre Gerberge. De Ermengart issi Aubers, li quens de Namur. Cil Aubers engendra Aubert, qui après lui fu quens de Namur, et Henri qui fu quens de Durbuis. Li secons Aubers engendra Godefroit et Henri ki fu cuens de la Roche. Cil Henris ot une fille qui avoit non Mehaus. Cil ot dou signor de Walecourt, Weri de Walecourt et Béatris, qui fu feme Winant, le signour de Hufalise. Et quant li sires de Walecourt fu mors, Mehaus prist Nicholon d'Avesnes. Si ot de lui Jakemon d'Avesnes, et Mehaut ki fu femme le chastelain de Saint-Omer. Godefrois, quens de Namur, ainsnés frère le conte Henri de la Roche, engendra Henri et Aélis qui fu dounée au conte Bauduin de Haynau, de qui ele ot Bauduin, qui après son père tint le conté de Haynau. Cil Bauduins prist à feme Margherite, fille Thiéri, conte de Flandres, de laquele il engendra Bauduin, qui puis fu empereres de Constantinoble, et Phelippe et Henri et ii filles.

» Fo 151 ro. Si dirons dou conte Ernoul de Flandres. Il assambla grant ost, si entra en Haynau et saisi la conté de Mons contre Renier et Lambiert, qui furent fil Renier Long col, conte de Mons, et abbati li quens le chastiel de Boussut, et guerroia tant

(1) Voyez Philippe Mouskés, t. II, p. 90.

les enfans que il les convint fuir en France pour querre aïde. Lambiers avoit à feme Gerberge fille Charlon, qui puis fu feme au conte de Brousiele, si com nous avons dit desus. Et Reniers avoit à feme la fille Huon Kapet. Quant il furent venu en France, il assamblèrent grant ost et rentrèrent en Haynau, si reconquisent toute leur terre. Poi après moru li quens Ernous de Flandres, l'an del incarnation Nostre-Signeur DCCCC * et X. Si tint après lui la conté Bauduins li Barbes, ses fils. Il prist à feme Ogive, la fille Gillebert, conte de Lussenboure.

» Fo 153 ro. En ce tans requist Bauduins li Barbes, quens de Flandres, au roi Robiert de France, Alle, sa fille, qui gisoit encore en bierch, avoec Bauduin son fil. Li rois li otroia volentiers; si l'emporta li quens en Flandres, et quant ele ot aage, Bauduins l'espousa; mais petit après guerroia-il son père, pour chou que il voloit avoir plus de terre ke li quens ne li voloit douner, et li fist moult d'anui. Et li quens s'en ala au duc Robert de Normendie, qui li vint aidier à grant force, et entra en Flandres, et fist tant ke Bauduins vint à mierchi à son père, et puis s'en ala li dus en son païs. Après ces choses, quant li quens Bauduins li Barbes ot tant traveillié et guerroié contre l'empereur d'Alemaingne et molt d'autres, si moru. Bauduins de Lisle ses fils rechut la conté après lui.

» Fo. 153 v°. Après Henri de Baivière, entreprist l'enpire Conras, l'an de l'incarnation Nostre Seigneur mil et xxv, à la nativité Nostre Signour prochainne. Apriès fist-il couronner Henri son fil à roi d'Alemaingne, et à le Paske après ala à Roume et fu sacrés à empereour. A son tans fu Gérars, li vesques de Cambrai, de grant renon en son palais. Contre cestui Conrat mut grant guerre li quens Bauduins de Flandres et Godefrois li dus de Loherraine. Papes Lions, ki adont estoit ou païs, s'en mesla de la pais confermer, mais ele ne pot parvenir. Ains passa li quens parmi Haynau et ala jusques à Hui; si arst le chastiel, et puis s'en retourna en son païs, si ferma le chastiel d'Audenarde. Apriès fist dou castiel d'Inham une abbéye et i mist moingnes,

et puis saisi Braibant jusques à la rivière de Tenre. Adont clamoit-on Loheraine tout la terre jusques à la rivière d'Escaut, de là où ele sourt jusques à là où ele piert son nom. Quant li emperères Conras entendi ces choses, il assambla grant ost et chevaucha viers Flandres. Il passa par devant Arras, où li quens Bauduins estoit, mais il ne pot gaires aler avant par les passages que li quens avoit bien garnis. Dont s'en retourna li emperères viers Alemaingne. Et li quens qui sa gent avoit assamblée, le sivi jusques au Rin, et en son retour arst le palais de Nimaie. De chou fu li emperères moult dolans, mais pour chou que il estoit ensouniiés de grans besoingnes, li convint délaiier la venjance près de vii ans. Et quant il ot ses besoingnes achievées, il fist grant semonse, si entra en Flandres à grant force par l'Escluse, si se venja bien de ses anemis, car il en ocist grant plenté et prist plusour riches houmes en la cité de Tournai. Preudoume se mellèrent de la pais, qui fu faite en tel manière ke li emperères rendi tous les prisons au conte, et li otroia le Braibant dalès Audenarde, et li conferma Waucres (1), et li quens l'en fist houmage et li jura foiauté. Après s'en retourna Conras en Alemaingne, et quant il ot régné xv ans, si moru. Après lui régna Henris li tiers, ses fils.

» Fo. 155 vo. Li dus Guillaumes de Normendie, qui point de femme n'avoit, envoia au conte Bauduin por sa fille : elle avoit non Mehaus. Li quens de Flandres ki bien vossist l'aloiance dou duc, en fu molt liés, si emparla à sa fille; mais ele respondi que ele n'auroit jà bastart. Quant li dus sot que ele l'ot refusé, grant desdaing en ot. Si vint un jour à Lisle et entra en la chambre tous housés et tous emboés, si prist la damoisiele par les trèces et la traîna parmi les chambres et défoula à ses piés, et puis revint à ses chevaus et à ses gens ki l'atendoient dehors la sale, si monta et s'en r'ala viers son païs. Petit après envoia li dus au

(1) Walcheren.

conte et s'acorda de cel meffait. (Ici le chroniqueur rapporte comment Edouard d'Angleterre nomma Guillaume de Normandie son héritier, et comment Harold son compétiteur se prépara à la guerre.) Li dus qui se pourvéoit de nés et de gens renvoia au conte Bauduin de Flandres. Li quens en parla à li. Ele respondi ke bien li plaisoit, car bien avoit esprové que il estoit de grant cuer et de grant hardement, quant il l'osa batre en la chambre son père. Dont fut mandés li dus et les noces faites à grant joie.

» Fo. 156 vo. En ce tans moru li rois Henris de France, quant il ot régné xxx ans. Si fu ensevelis en l'abbéie Saint-Denis. De lui remèsent doi fil. Phelippes ot non li ainsnés, si fu couronnés à Rains; li autres ot non Hues en sournon, li mainsnés. Et pour chou que li rois Phelippes estoit encore trop jovenes, fu li quens Bauduins de Lisle, qui avoit à feme la serour son père, baus du roiame et garde dou roi. Cil Bauduins fonda l'église Saint-Piere à Lisle et l'église Nostre-Dame à Harlebieke, et l'église SaintPiere à Ayre, et mist canonnes en ces trois églyses. Si leur douna grans rentes et grans teneures. Et la contesse Alle sa femme funda l'abéie de Miessines et i mist noires nonnains. Après toutes ces choses, quant li quens Bauduins se fu bien maintenus et droiturièrement au siècle, il moru l'an del incarnation Nostre Signeur M. et lxvii. Il fu ensevelis en l'église Saint-Piere à Lisle. De lui remèsent ij fil: li ainsnés ot non Bauduins et li autres Robers. Celui Bauduin avoit-il marié en son vivant à la contesse Richaut de Mons. Ele avoit esté feme le conte Héremant, et en ce tans ke ele avoit espousé ce conte Héremant, moru li quens de Valenchienes sans hoir de sa char. Et cil quens Heremans et Richaus sa feme firent tant par droit de lignage et par achat enviers ceaus ki droit clamoient à la conté de Valenchienes, que il l'aquisent. Si tinrent les ij contés en hiretage. Il orent un fil et une fille, et quant li Héremans fu mors, quens la contesse Richaus prist à baron Bauduin le fil le conte de Flandres, si com vous aves of desus. Li quens ses pères l'avoit fait asseurer de Flandres, et Robert son autre fil, qui mainnés estoit, par chou