399. Egidius, pastoor van Puurs, geeft zijne toestemming aan de overdracht der tienden zijner parochie, door Felicitas van Trainel aan de abdij van S. Bernaarts gedaan. Juni 1278. Universis presentes litteras visuris Egidius, presbiter curatus in Puedersse, salutem in Domino sempiternam. Cum domina Felicitas, domina de Hoboken, dicta de Parweis, omnem decimam quam habebat in parochia de Puedersse viris religiosis, abbati et conventui Loci sancti Bernardi, Cysterciensis ordinis, Cameracensis diocesis, vendiderit et nos prius requisierit, sicut curatum dicte ville, quod eam emeremus si vellemus, nos pro defectu pecunie eam emere non valentes, venditioni quam fecit predicta domina Felicitas prefatis abbati et conventui, et emptioni super eadem decima, quantum in nobis est, nostrum assensum adhibuimus et favorem et hoc universis tenore presentium litterarum notum facimus et testamur. In cujus rei testimonium eisdem litteris sigillum nostrum duximus apponendum. Datum anno Domini Mo CC° septuagesimo octavo, mense Junio. A.-B. Cartul. I-II-III, R (rub.) 10. 400. Ingeram, bisschop van Kamerijk, gebiedt aan Felicitas van Trainel, vrouw van Hoboken, de tiende welke zij te Puurs aan de abdij van S. Bernaarts heeft geschonken, volgens recht aan de parochiekerk aldaar af te staan. 4 Juli 1278. Ingerrannus, Dei gratia episcopus Cameracensis, nobili domine Felicitati, dicte de Perweys, domine de Hoboke, salutem in Domino. Cum decima de jure communi ad parrochiam spectare dinoscitur baptismalem, dilectionem vestram in Domino monemus et hortamur quatinus decimam vestram de Puderse, quam viris religiosis, abbati et conventui loci sancti Bernardi, iamiam assignastis, ecclesie dicte parrochie de Puderse assignare velitis, alioquin si hoc facere nolueritis, de officio nostro quantum ad dictam decimam secun dum quod ius dictaverit, procedemus. Et super hoc voluntatem vestram per litteras hiis annexas recribere studeatis. In cuius rei testimonium sigillum nostrum litteris presentibus est appensum. Datum anno Domini Mo CCo LXXo octavo feria secunda infra octavam apostolorum Petri et Pauli. Felicitas van Trainel schrijft aan den bisschop van Kamerijk dat zij weigert de tienden van Puurs aan de parochie van dien naam af te staan. 6 Juli 1278. Reverendo in Christo patri ac domino sibi karissimo, Ingerano, Dei gratia episcopo Cameracensi, Felicitas, dicta de Parweis, domina de Hoboken, salutem et quidquid potest reverentie et honoris. Cum litteras vestre monitionis et exhortationis receperimus, quod decimam, quam habuimus in villa et appenditiis de Puedersse, vestre diocesis, et quam viris religiosis, abbati et conventui Loci sancti Bernardi, Cisterciensis ordinis, nomine monasterii sui, in eleemosinam pro salute nostra contulimus, assignare vellemus ecclesie de Puedersse baptismali, vestre paternitati per tenorem presentium litterarum nostrarum respondemus, quod licet decime de jure communi ad parochiam spectent baptismalem, de gratia tamen speciali potest unaqueque persona secularis decimam suam conferre cuicumque loco religioso voluerit, prout melius crediderit expedire, et secundum hoc quod dicti religiosi de loco sancti Bernardi nobis sunt karissimi et dilecti, collationem dicte decime, quam ipsis religiosis fecimus, mutare omnino nolumus nec aliquibus aliis locis vel personis ipsam conferre decrevimus, quia nobis mercedem ampliorem acquirere credi mus, quam si dicte parochie baptismali dictam decimam contulissemus. Ideoque paternitatem vestram affectu et devotione qua possimus ampliori rogamus, quatenus ipsis religiosis collationem dicte decime auctoritate vestra ordinaria confirmare velitis tantum inde pietatis intuitu precumque nostrarum interventu facientes ut vobis teneamur ad multimodas in Domino gratiarum actiones. Datum anno Domini Mo CC LXX° octavo, mercurii post festum sancti Martini estivalis. A.-B. Cartul. I-II-III, R (rub.) 7. 402. Petrus, oud-koster van Cracovia, gelast den abt van S. Bernaarts met de zorg zijner belangen en van die van heer Herman te Puurs. 10 Juli 1278. Venerabili et in Christo karissimo domino H., abbati Loci Sancti Bernardi, Petrus, Cracoviensis ecclesie quondam custos, salutem et firmam in dilectionem constantiam. Quam profectum vestrum multum diligo, novit Deus, super eo quod nuper intellexi, vos de bonis de Puderse legitime investitos gaudeo supra modum, vobis significans quod Johannes, decimarius, fuit apud me quinta feria proxima preterita in Villari et cum requireret a me utrum bona nostra et domini Hermanni hoc anno deberet deducere, sicut hactenus consuevit, respondi ei quod ille qui pro intersigno suum dextrum acciperet pollicem manu sua, esset ei dicturus meam super hujusmodi voluntatem. Et hoc feci, eventum vestri negotii cupiens expectare, utrum hujusmodi intersigno, quod scilicet dextrum pollicem ejus in manu vestra accipiatis, dicatis eidem Johanni ne de parte nostra et domini H. se de cetero intromittat, et hoc coram idoneis testibus, ut si contrarium ageret, ipsum possetis per justiciam prohibere. Et quum de dictis bonis, de quibus anno preterito habuimus lxx libras vel circiter, non habuimus adhuc in hoc anno triginta, vobis supplico quantum possum ut, ad predictam villam de Puedersse personaliter accedentes, ab investito seu ab eo qui debita nostra scribere consuevit diligenter de riragiis ac sedulo inquiratis transcriptum debitorum nostrorum accipientes finaliter ab eodem. Insuper quia de vobis plenam gero fiduciam, supplico iterato ut de omnibus que ad nos pertinent, me scilicet et dominum H. predictum, diligenter ac sedulo inquiratis et promoveatis nostra negotia de cetero tanquam vestra. Bene valete. Datum anno Domini Mo CC LXXVIII in die Septem Fratrum. A.-B. Cartul. I-II-III, R (rub.) 14. 403. Paus Nicolaus III draagt aan den abt van S. Michiels te Antwerpen den last op te zorgen dat de abdij van S. Bernaarts terug in 't bezit kome der goederen, haar wederrechtelijk ontnomen. 14 Juli 1278. Nicolaus, episcopus, servus servorum Dei, dilecto filio, abbati sancti Michaelis juxta Antwerpiam, Cameracensis diocesis, salutem et apostolicam benedictionem. Inclinati precibus dilectorum filiorum, abbatis et conventus monasterii de Loco sancti Bernardi, Cisterciensis ordinis, Cameracensis diocesis, presentium tibi auctoritate mandamus quatinus ea que de bonis ipsius monasterii alienata inveneris illicite vel distracta studeas ad jus et proprietatem ejusdem monasterii legitime revocare, contradictores per censuram ecclesiasticam appellatione postposita compescendo. Testes autem qui fuerint nominati, si se gratia odio, vel timore subtraxerint, censura simili appellatione cessante compellas veritati testimonium perhibere. Datum Viterbii ij idus Julii pontificatus nostri anno primo. A.-B. Oorspronkelijke handvest op per kament, groot 13 1/2 x 15 cm. Het looden zegel, bevestigd met koordjes van hennep. Op de keerzijde : H. 2. X. De bonis in minori forma. 404. Paus Nicolaus III gelast den abt van S. Michiels te Antwerpen met de zorg de abdij van S. Bernaarts terug in 't bezit te brengen van hare rechten op hare goederen, ten onrechte en tot al te langen tijd, tot groote schade der abdij, vervreemd of verhuurd. 15 Juli 1278. Nicolaus, episcopus, servus servorum Dei, dilecto filio, abbati sancti Michaelis juxta Antwerpiam, Cameracensis diocesis, salutem et apostolicam benedictionem. Ad audientiam nostram pervenit, quod tam dilecti filii, abbas et conventus monasterii Loci sancti Bernardi, Cisterciensis ordinis, Cameracensis diocesis, quam predecessores sui decimas, redditus, terras, domos, possessiones, prata, memora, jura, jurisdictiones et quedam alia bona ipsius monasterii nonnullis clericis et laicis, aliquibus eorum ad vitam, quibusdam vero ad non modicum tempus et aliis perpetuo ad firmam vel sub censu annuo datis, super hec litteris, penis adjectis, factis renuntiationibus et juramentis interpositis concesserunt in enormem predicti monasterii lesionem, quorum aliqui dicuntur super hec a sede apostolica in forma communi confirmationis litteras impetivisse. Quia vero nostra interest lesis monasteriis subvenire, discretioni tue per apostolica scripta mandamus quatinus ea que de bonis monasterii supradicti, per concessiones hujusmodi alienata inveneris illicite vel districta, non obstantibus litteris, penis, renuntiationibus, juramentis et confirmationibus supradictis, studeas ad sui et proprietatem ejusdem monasterii legitime revocare. Contradictores per censuram ecclesiasticam appellatione postposita compescendo. Testes autem qui fuerint nominati, si se gratia, odio vel timore subtraxerint per censuram eamdem appellatione cessante compellas veritati testimonium perhibere. Datum Viterbii idibus Julii pontificatus nostri anno primo. Paus Nicolaus III A.-B. Oorspronkelijke handvest op perkament, met looden bul aan koordjes van hennep, groot 23 1/2 X 27 cm. Op de keerzijde : H. 2. Littera de bonis ad abbatem Bullar. H. 2. 405. bevestigt de abdij van S. Bernaarts in 't bezit van al hare goederen en rechten. |