eorum prout indiguerint tuitioni nostre benigne subicere. Quapropter notum sit omnibus Christi fidelibus tam presentibus quam futuris, quod dilectus ministerialis noster uidelicet dominus Albero de Chvnnringe, pro salute dominorum suorum et pro remedio anime sue et dilecte coniugis domine Elyzabeth predium suum quod situm est Albern nostra permissione cenobio sancte Marie in Zwetel tam nostra quam propria manu legittime delegauit, tam in siluis et pascuis quamquam in agris cultis et incultis.

In Haslarn curiam ex integro cetera uero que ibidem possedit siue in agris et in siluis et pascuis diuisit, et medium dicto monasterio donauit cum duabus uineis positis iuxta Talarn et duobus allodijs in Chambarn. Sed et alia quecumque ministeriales nostri sev quelibet persone prefato monasterio libera largitione delegauerunt presenti pagine subscribi iussimus. Dominus Albertus de Minnenbach tam nostra donatione quam auctoritate eidem cenobio predium suum in Albern, canonice in concambio 2. Seite contradidit. Herbordus de Gorse predium suum in Nitzen 1. Col. cum uinea sita in Levthacher, Rvdolfus Stvbech, predium suum in Limfindorf. Erchenbertus de Gorse quinque allodia in Zigaistorf, pratum, siluam, curtim, molendinum. Otto de Pvrchartstorf duo allodia Voelsinberg. Herbordus de Rvspach vnum in Zegendorf. Pilgrimus de Chadowe iij in Rauign. Meinhardus de Ravna duo in Manegols. Hainricus de Zebing curiam in Werd. Hainricus de Thij vj. in Wirnbach. Comes Fridericus de Willtperch curiam in Haizendorf. Wolfgerus comes de Stain tria allodia sita in Nivsidel iuxta Plaustvden cum curti vna. Comes Chvnradus de Racze predium suum in Munehesrvten. Hainricus de Pvchperch tria in Isinhartstorf. Nize de Glognitz uineam unam in Legenvelde. Trvhtlip uineam unam in Marquartstorf. Nos quoque prenominato monasterio allodium unum in Polan, cum possessoribus suis in concambio delegauimus. Verumtamen ut hec tam legitima do

natio de cetero in posterum rata et inconuulsa permaneat, presentem paginam sigilli nostri impressione signari iussimus, anno ab incarnatione domini m. c. lxxi. indictione iiij. Testes uero huius actionis subscripti sunt. Albero de Chvnring, Erchenbertus de Gorse, Otto de Gobatspvrch, Hainricus de Plabenich, Rapoto de Schonenberch, Hainricus canis, Albertus de Horn, cum filio Alberto, Albertus de Phafstetin cum fratre suo Gervngo, Waltherus de Missowe cum fratre suo Gundolfo et Else et Ottone, Boto de Malendorf, Chvnradus de Riede, Chvnradus de Hvslitten, Rudolfus Stubech, Gozwin de Gvtenberch, Rvdigerus de Grvnenbach, Otto de Gottenspvnne, Hainricus de Gympendorf.

Quidam adstruunt grangiam nostram in Neitzen nomen esse sortitam a Nitzone, qui fuit pater Hadmari primi fundatoris, sed quia sedes apostolica nobis indulsit vt de agris quos propriis manibus aut sumptibus colimus decimas dare non debeamus, tamen plebanus de Polan nomine Hainricus decimas ab eadem grangia extorquere uoluit, sed dux Austrie Hainricus hanc litem per tale priuilegium noscitur dirimisse.

IN nomine sancte et indiuidue trinitatis. Hainricus 2. col. diuina ordinatione dvx Austrie omnibus Christi fidelibus presentibus et futuris in posterum, recta sapere et vitam eternam possidere. Cvm auctoritatis nostre prouidentia, quibusque pie uiuentibus in iusticia sua deesse non debeat nec uelit, maxime tamen paci ecclesiarum et quieti monasteriorum nos consulere et prouidere conuenit, inde est, quod ad peticionem dilecti capellani nostri domni Hainrici de Pôlan controuersiam quam cum fratribus de Zwetel pro decima cuiusdam grangie ipsorum, que dicitur Nizin div habuit, secundum prouidam vtriusque partis deliberationem intercidimus et intercisionis huius actionem hoc modo scribi iussimus. Nouerint quique fideles tam futuri quam presentes, quod nostra permissione, auctoritate et libera donatione predictus parrochianus,

16. Blatt

1. Seite

monasterio in Zwetel prenominatam decimam perpetuo iure delegauit, cui dominus abbas assensu tocius congregationis duas uineas cum agris suis in Hevndorf in concambio uice decime pro dote ecclesie ipsius in Pôlan, legitima largitione donauit, conditione hac interposita vt si aliquando predicti fratres grangiam in Limfintorf fecerint, decima eiusdem grangie usibus cedat monasterij. Que vt de cetero tam a succedentibus, quam a presentibus rata et inconuulsa permaneat, presentem paginam sigilli nostri impressione communimus. Acta sunt hec anno ab incarnatione domini m. c. lxxj indictione iiij. Testes uero huius actionis subscripti sunt. Albero de Chvnring. Erchenbertus de Gorse, Otto de Gobarspvrch, Hainricus de Plabenich, Rapoto de Schoennperch, Hainricus canis, Albertus de Horn cum filio suo Alberto, Albertus de Phastetin cum fratre suo Gerungo, Waltherus de Meissowe cum fratre suo Gvndolfo et Else et Ottone. Boto de Malenstorf, Chvnradus de Hvslyden, Rvdolfus Stvbech, Goczwinus de Gvtenberch, Rvdegerus de Grvenbach, Otto de Gottensprvnne, Hainricus de Gympendorf.

ALEXANder episcopus seruus seruorum dei dilectis filijs Rvedegero abbati monasterij de Zwetel eiusque fratribus tam presentibus quam futuris regularem uitam professis in perpetuum. Religiosam uitam eligentibus apostolicum conuenit adesse presidium ne forte cuiuslibet temeritatis incursus aut eos a proposito reuocet aut robur quod absit sacre religionis infringat. Ea propter dilecti in domino filij uestris iustis postulationibus clementer annuimus et prefatum monasterium sancte dei genitricis semperque uirginis Marie de Zwetel in quo diuino mancipati estis obsequio ad exemplar felicis recordationis predecessoris nostri Adriani pape sub beati Petri et nostra protectione suscipimus et presentis scripti priuilegio communimus. In primis siquidem statuentes, ut ordo monasticus qui secundum dominum et beati Benedicti regulam, atque institutionem cysterciensium fratrum in eodem monasterio

institutus esse dinoscitur, perpetuis ibidem temporibus inuiolabiliter obseruetur. Preterea quascumque possessiones, quecumque bona idem monasterium in presentiarum iuste et canonice possidet aut in futurum concessione pontificum largitione regvm uel principum, oblatione fidelium sev alijs modis iustis prestante domino poterit adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis. Locum ipsum in quo prefatum monasterium est cum pertinencijs suis Geizrvk, Racensruta, Zembecelines, Gerates, Gradenec, Rvedmares, Haselowe, Rabentanne, Stralbach, Neitzen, Albern, Zwetel cum omnibus terminis et earum pertinencijs sicut Hadmarus in nortica silua iuste possedit et predicte ecclesie uestre per manum illustris memorie Chvnradi quondam Romanorum regis consensu nobilis recordationis Levpoldi ducis Bawarie legittime noscitur contulisse. Sane laborum uestrorum quos propriis manibus aut sumptibus colitis siue de nutrimentis animalium uestrorum nullus a uobis decimas exigere presumat. Liceat quoque uobis clericos vel laycos e seculo fugientes liberos et absolutos ad conuersionem recipere et eos sine contradictione aliqua retinere. Prohibemus insuper, ut nulli fratrum vestrorum post factam in eodem loco professionem fas sit de eodem loco absque 2. col. abbatis sui licentia discedere, discedentem uero absque communium litterarum cautione nullus audeat retinere.

Paci quoque uestre et tranquillitati paterna sollicitudine prouidere uolentes auctoritate apostolica prohibemus ut infra clausuras locorum sev grangiarum uestrarum nullus uiolenciam uel rapinam, sev furtum committere, aut ignem apponere sev homines capere uel interficere audeat. Decernimus ergo vt nulli omnino hominum fas sit prefatum monasterium temere perturbare, aut eius possessiones auferre, aut ablatas retinere minuere sev quibuslibet uexationibus fatigare sed omnia integra conseruentur eorum pro quorum gubernatione ac sustentatione concessa

2. Seite

sunt, usibus omnimodis profutura, salua apostolice sedis auctoritate. Si qua igitur in futurum ecclesiastica secularisve persona hanc nostre constitutionis paginam sciens contra eam temere uenire temptauerit secundo terciove commonita nisi reatum suum digna satisfactione correxerit potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Ihesu Christi aliena fiat, atque in extremo examine diuine ultioni subiaceat. Cunctis autem eidem loco sua iura seruantibus sit pax domini nostri Thesu Christi quatinus et hic fructum bone actionis percipiant, et apud districtum iudicem premia eterne pacis inueniant amen. Datum Laterani per manum Alberti sancte romane ecclesie presbiteri cardinalis et cancellarii my? kal. April. Indictione xj incarnationis dominice anno m c. lxxviiij. Pontificatus vero domni Alexandri pape tercij anno vicesimo.

URBANUS episcopus seruus seruorum dei venerabilibus fratribus archiepiscopis, episcopis et dilectis filijs Abbatibus. Prioribus. Archydiaconis. Decanis. Presbiteris et alijs ecclesiarum prelatis, ad quos littere iste peruenerint salutem et apostolicam benedictionem.

Quia plerumque ueritatis integritas per minorem intelligenciam aut maliciam hominum deprauatur, non uidetur incongrvum si ea etiam que manifeste dicta uidentur ad omnem ambiguitatis scrupulum amouendum euidentius exponantur et turbatoribus ueritatis omnis aufe1. Coratur contradictionis occasio qua ea que recte dicta sunt aliqua ualeant obumbratione fuscari. Accepimus autem quod cum fratribus de Zwetel, sicut alijs omnibus cysterciensis ordinis a patribus et predecessoribus nostris concessum sit et a nobis ipsis postmodum confirmatum, ut de laboribus quos propriis manibus aut sumptibus excolunt nemini decimas soluere teneantur, quidam ab eis nichilominus contra indulgentiam sedis apostolice deci