entrèrent en la maizon : c'est assavoir le tiers de la deyme en ban de Tareincourt et la moitié des terrages, et la moitié des resoinnes qui partent à ma dame Agnel, dame de Chaumont, et le boix qui fut partis à ma dame de Chaumont, que les dames de Sainte Hoult firent estronchier; et sunt lor tuit li terrage et les dous pars de la deyme, et li resoinnes tous, et li moitiés dou ban et de la justice de Tareincourt, fors sus sous1 de Mares, et dous journelz de terre qui sieent ein boix de Tareincourt qui sunt lor par elles. En tesmongnage de la queil chose, je ai fait saelleir ces presentes lettres de mon seel. Ce fut fait l'an de grace mil dous cens sexante et seze ans, en mois d'aoust. XXVI. 1249 (n. st.), mars. Lettre de ce que les dames de Sainte Hoult ont acquestei Roubillon de Wavin court. Je Thiebaus, cuens de Bar, fas cognoissent à tous ceulz qui ces lettres verront et orront, que messires Jaques de Mongneyville, chevaliers, at vendu à l'abbasse et au convent de Sainte Hoult Roubillon de Wavincourt, lui, et la soie choze au champs et à la ville, par lou lous et par lou creante de sa feme de par cui il vient. Et por ce que ce soit ferme chose et estable, je, à la requeste des parties, ai mis mon seel en ces presentes lettres, en tesmongnaige de veritey. Ce fut fait l'an que li miliaires courroit par mil dous cens et quarente ouyct ans, ein mois de mars. XXVII. 1285, 12 mai. Lettre d'une pièce de boix con appelle la Coue que les dames de Sainte Hoult acquesterrent à monssignor Joffroi de Nuefville. Je Thiebaus, doiens de Bar, et je Pierres de Nuefville, bourgiois de Bar, gardour dou seel de la contei de Bar, faisons sa 1 << Sus sous >> sic, pour «< sur ceaulx, sur ceux de Marats. >> voir à tous, que par devant nous estaubli en propres persones, mes sires Joffrois de Nuefville, chevaliers, filz mon signor Renaut de Nuefville qui fut, et ma dame Maholz, sa feme, ont recogneu que il ont vendu à religiouse dame l'abbasse de Sainte Hoult et au convent de Sainte Hoult à tenir permenablement en heritage à tous jours, une piesce de bois cun appelle la Coue, qui siet deleiz Sainte Hoult, à l'issiue dou grant bois de Sainte Hoult, et en vat jusques au nuef meiz de Sainte Hoult, et siet deleis le bois ma dame Leucharde de Nuefville de l'une part, et deleiz les champs de la maison de Sainte Hoult des aultres pars; et contient la dicte piesce de bois cinc arpens de boix et dous verges; et ce plus avoit en celui leu, li sorplus seroit ladicte abbasse et le convent de Sainte Hoult dessus dis à tous jours; et est fais cis vendages dessus dictz parmi trente livres, et dous soulz, et seix deniers de bons petis tournois, bone monée coursable, que li dict messires Joffrois et ma dame Mahoulz, sa feme, ont receu des dictes abbasse et convent de Sainte Hoult; et si, s'en tiennent por bien paié d'elles entierement. Et renuncent li dict messires Joffrois, et ma dame Maholz, sa feme, ad ce que il ne puissent dire ne desnoiier que il n'aient eu et receu les dictes trente livres, dous soulz, et seix deniers, de l'abbasse et dou convent dessus dici; et ont promis li dict messires Joffrois, ma dame Maholz, sa feme, por aulz et por lor hoirs sub l'obligement de tous lor biens mobles et non mobles, presens et avenir, où que il soient et puissent estre trovei, à warentir le vendage dessus dict, à l'abbasse et au convent desordis, à tous jours, enver toutes gens qui à jour et à droit ein voulroient venir; et de ce à faire tenir ce sunt submis li dis messires Joffrois, et ma dame Maholz, sa feme, en la juridicion nostre signor le conte de Bar; et cest vendage dessus dict ont fait li dit messires Joffrois et ma dame Maholz, sa feme, par le grei et par l'otroi de ma dame Leuchardt de Nuefville, feme monssignor Thomas qui fut, de cui la dicte Coue de bois movoit, et par le grei et par l'otroi de Jehannet, fil la dicte ma dame Leuchart; et ont ancor promis li dict mes sires Jofrois et ma dame Maholz, sa feme, que il feront loeir et greeir cest vendage desor dict à nostre signor le conte de Bar, à la requeste ladicte abbasse et convent, ou à la requeste de lor commandement, et en donront à la dicte abbasse et convent lettres saellées dou seel nostre signor le comte desor dict, de cest dict vendage; et la dicte abbausse et convens coutengeront celle lettre. Et por ce que ce soit ferme chose et estable, je Thiebaus, doiens, et je Pierres, bourgiois dessus dict, à la requeste dez dis monsignor Joffroi, et ma dame Maholt, feme, et à la requeste de ma dame Leuchardt et de Jehannet, son fils desordis, avons mis le seel de la dicte contey de Bar en ces lettres, saulf le droit nostre signor le conte de Bar et l'aultrui. Ce fut fait l'an de grace mil dous cens quatre vins et cinc ans, ein mois de may, le sabmedi devant Penthecoste. XXVIII. sa Lettre de l'acquest que les dames de Sainte Hoult firent à Jennet dit Soirant, de tout ce qu'il avoit en terrages de Buxi, en terrages de Mucey et de Nufville, et en toutes les appartinences des dictes villes. Je Thiebaus, doiens de Bar, et je Pierres de Nuefville, bourgiois de Bar, gardour dou seel de la contei, faisons cognoissent à tous que, por ce par devant nous estaublis en propre persone, Jennes dis Soirans de Nouyers, escuiers, filz mon signor Jehan de Nouiers, chevalier, qui fut, at recognu que il at vendu à l'abbausse et à tout le convent de Sainte Hoult, les terrages de Buxi, dou finage et dou parrochage, tout ce que il i avoit, pooit et devoit avoir sens riens à retenir et tout ce qu'il avoit de terrages ens finages de Mucey et de Nuefville. Et est fais li vendages dessus dis parmi sept vins livres de proviniziens fors, bone monoie coursable, desqueilz li dis Jennes Soirans, escuiers, se tient por bien paiés et bien soulz, et renonce à ce li dis Jennes Soirans, qu'il ne puist dire qu'il n'ait eu et receu entierement de ladicte abbasse et dou convent les dis sept vins livres de tournoix, en bons deniers compteiz et nombreiz. Et at promis li dis Jennes Soirans, por lui et por ses hoirs, sub l'obligement de tous ses biens mobles et non mobles, presens et avenir, où que il soient et puissent estre trovey, à warentir à tous jours permenaublement à la dicte abbasse et à tout le convent de Sainte Houlte le vendage dessus dict, c'est assavoir teil chose cum il i avoit et soloit panre en dis lieus au jour et au temps que cis vendages fut fais; et l'at promis à warentir vers toutes gens qui à jour et à droit en voulroient venir. Et de ce à faire tenir fermement c'est li dis Jennes Soirans submis en la juridicion nostre signor le conte de Bar. En tesmongnaige de veritei, et por ce que ce soit ferme chose et estable, je Thiebaus, doiens, et je Pierres, bourgiois dessus dict, à la requeste dou dict Jennet Soirant, escuiers avons mis le seel de la dicte contei de Bar en ses presentes, lettres, saulf le droit nostre signor le conte de Bar et l'aultrui. Ce fut fait l'an de grace, mil dous cens quatre vins et cinc ans, ein mois de junet. XXIX 1. 1288 (n. st.), 17 février. Lettre de l'acquest que les dames de Sainte Hoult ont fait à Jennet Sairant de Nouiers, de tout ce qu'il avoit à Buxi, en fie, en homes et en femes. Je Thiebaus, doiens de Bar, je Pierres diz Caboche, chapellains de Saint Maxe de Bar, et je Pierres de Nuefville, bourgiois de Bar, gardour dou seel de la contey de Bar, faisons cognoissent à tous que, pour ce especialment establis en propre persone par devant nous, Jennes Sairans de Nouwiers, escuiers, at recogneu que il at vendu en franc alluef si comme son franc alluef, à religiouses dames, à l'abbausse et au convent de Sainte Hoult, de l'ordre de Citelz, de la dyoceise de 'Original, collection de M. Victor Servais; collection dont ce savant vient de se dessaisir gracieusement et généreusement en faveur des Archives de la Meuse. Voir l'Introduction. : Toul, tout ce que il a et tient à Buxi, en finage et ens appartenences de la dicte Buxi, en son demoinne et en son fiey, et les magnies dez homes et des femes ci apres contenus, c'est assavoir Androin de Buxi, Wymbelet seure Androuyn, Jennet fil Huguenet, Bernier le Messain, Jehan fil Bone suer Jennin, Horcenon Hauwyette feme Oudet, Warnier Colet, Bat les aulz, Jehan le munier, Androuet, Jehan fil Houdion, Humbelet, Emeline, Margueritte, la moitié de Grignon et de Haley, les femes et les anfans des magnies des homes et dez femes dessus dis, et les redevances que li dict home et femes li doient, la vigne et le jardin qu'il at à Buxi, la moitié du four de Bussy, sa maison, sa grange et les appendises, la moitié dou ban et de la justice de Buxi, dou finage et des appartenences de la dicte Buxi, les preiz, les terres arables et non arrables que il at en finage de Buxi, et tout ce generalment que il at, puet et doit avoir à Buxi, en finage et en appartenences de la dicte Buxi, c'est assavoir en homes, en femes, en preiz, en terres, en boix, en yaves, en ban, en justice, en rentes, en censes, en croées, en gelines, et en totes aultres choses queiles qu'elles soient, sens riens à retenir, et les homaiges dez fiez et des arrierfiez que Jehans de Morey, mes sires Renaulz Bruignons, et Warines de Behonne tiennent de lui à Buxi, en finage et ens appartenences de ladicte Buxi. Et cest vendage dessus dict at fait li dis Jehans ads dictes dames de Sainte Holt por la some de deix ouyct vint livres et cent soulz de bons petis tournois, desqueilz il ce tient pour soulz et pour paiés; et renonce ad se li dis Jehans que il ne puisse dire ne desnoiier que il n'ait eu et receu les dis deniers des dictes dames en bons deniers compteiz et nombreiz; et at promis li dis Jehans à commandeir par vive voix ads diz Jehan, Renaut et Warinet que il entroient en l'omage de la dicte abbasse de Sainte Hoult de ce qu'il tenoient de lui en fies, en arrier fiey et en homage à Buxi et en appartenences de Buxi. Et de ces choses dessus dictes s'en est dessaizis li dis Jehans, et en at saisi par ces presentes lettres l'abbasse et le convent dessus dictz; et est faiz ciz vendages dessus dis par le los et par le grey de Margueritte, feme le diet Jehan, la queile Margueritte at recogneu par devant nous que elle loe |