raison de heritage qu'elles avoient à Naives et en finage, en deymes et en coustumes et en terres arables, c'est assavoir : en Val de la Caure, dous journels de terre entre la terre Huet d'une part et d'aultre; et à Louvel, journel et demey; et dessus la maison Vielet, un journeil, en Ragonval; un journel, et un pon de prey en la coste Vielet, en Ragonval; un journel ancor en Ragonval; demey jornel et trois journeilz à la Fontainne à la Soche, et demey jornel sor le guey de Bouseires; et la maizon qui fut Warnier le Feivre; et la grange et les appendises et alours s'on le trueve en dict finage. Et ce li dis Guios ou sui hoir ne paievent la coustume au dites dames ainsi com il est dessus devisei, les dites dames porroient raleir à lor heritage sens mespenre, et à la Guiot qui siet en champ Lambert que li portiers de Wammcourt tient, don il rent au dict Guiot dous sextieres de bleif, au bleif, et à la versainne, dous deniers. Et por ce que ce soit ferme chose et estable, je Thiebaus, doiens, et je Pierres dessus dit, avons seellées ces presentes lettres dou seel de la dicte contei de Bar, à la requeste dou dict Guiot, saulf le droit nostre signor le conte de Bar et l'aultrui. Ce fut fait l'an de grace nostre signor mil dous cens quatrevins et cinc ans, le premier jour de may.

Lettre d'un sextier de froment de rente à

panre sor iiij. verges de terre seans en ban de Laymont, à recevoir en l'osteil Estevenin à Laimmont, à la Saint Martin.

Je Thiebaus, doiens de Bar, je Jehan d'Amenty, et je Pierres de Nuefville, bourgiois de Bar, gardour dou seel de la contey de Bar, faisons cognoissent à tous que Estevenins, dis Fransois, li feivres de Leymmont, establis en propre persone par devant nous, at recognu que il at doney et done, por Deu et en aumone, à l'abbasse et au convent de Sainte Hoult, de l'ordre de

Cysters, de la dioceise de Toul, un sextier de froment de rente chascun an, à la mesure et au preix dou minaige de Bar, sur quatrevins verges de vigne seans en ban de Laymmont, entre la tenor Warin Neix de Chet' d'une part et d'aultre, lou queil sextier de froment li dis Estevenins lor at assignei à paier, chascun an, en son hosteil à Laymmont, le jour de feste saint Martin en yver, parmi douze deniers fors petis, monoie coursable, de relevement par devers les hoirs le dit Estevenin. Et ce li dis Estevenins, ou cil qui li dit heritage tenriet, deffaloit de paier le dit sextier de froment au leu et au jour dessus dis, il seroit à l'amende, à l'us et à la custume de la chastelerie de Bar. Et se tenroient les dames de Sainte Ahoult au dit heritage jusques à plain paiement dou dit froment et de l'amende. Et de ce à tenir fermement s'est submis li dis Estevenins en la juridition nostre signor le conte de Bar. Et por ce que ce soit ferme chose et estable, je Thiebaus, doiens, je Jehans d'Amenty, et je Pierres, bourgiois dessus dit, à la requeste de Estevenin dit Fransois, dessus nomey, avons seellées ces presentes lettres dou seel de la dite contei de Bar, saulf le droit nostre signor le conte de Bar et l'aultrui. Ce fut fait l'an de grace mil trois cens et dous, ein mois d'octembre.

XXXV.

1288, 25 juin.

Lettre d'une piesce de prei, con dit à la Fosse Symonnet, que les dames de Sainte Hoult acquesterrent à Gerart de Raimbercourt.

Je Thiebaus, doiens de Bar, je Pierres Kaboche, et je Pierres de Nuefville, bourgiois de Bar, gardour dou seel de la contey de Bar, faisons savoir à tous que par devant nous establis en propre persone, Gerars de Raimbercort dis de La Grainge, filz Lietardt qui fut, at recogneu et recognoist, que il at vendu à l'abbasse et au convent de Sainte Ahoult, à tenir et à avoir à lor

1 Warin Nez de Chat.

maison de Sainte Hoult, permenablement en heritage, à tous jours, une piesce de prei que on dit à la Fosse Symonnet, qui siet en finage de Raimbercort, entre le biez de Sainte Hoult d'une part, et le prei les anfans Paulin de Raimbercort qui fut, d'aultre part, dès la bonne dou chemin de Fossey1, jusques au champ en la coste mastre Renaut de Sainte Hoult. Et est fais cis vendages dessus dis por quarente solz de bons petis tornois et por vint quarterons de froment à la mesure de Bar, que li dis Gerars at receu de la dicte abbasse et convent, dont il s'en tient por bien paiies; et renunce li dis Gerare ad ce qu'il ne puisse dire ne desnoiier que il n'ait eu et receu desdictes abbasse et convent les quarente soulz et les vingt quarterons de froment dessus dis. Et at promis li dis Girars, por lui et por ses hoirs, sub l'obligement de tous ces biens mobles et non mobles, presens et avenir, où qu'il soient et puissent estre trouvey, à warentir le vendage dessus dict à la dicte abbasse et au convent de Sainte Hoult, à tous jours, envers toutes gens qui à jour et à droit en voulroiënt venir. Et de ce à faire tenir c'est submis li dis Gerars en la juridicion nostre signor le conte de Bar. Et por ce que ce soit ferme chose et estable, je Thiebaus, doiens, je Pierres Kaboche, et je Pierres, bourgiois dessus dit, avons mis le seel de la dicte contei de Bar en ces presentes lettres, à la requeste dou dit Girardt, saulf le droit nostre signor le conte de Bar et l'aultrui. Ce fut fait l'an de grace mil dous cens quatre vins et oyct ans, ein moix de junet, le vendredi apres la Nativitei St Jehan.

XXXVI 2.

1256, juillet.

Lettre de marchie que mes sires Poinces de Belrain fit à Colet de Nuefville et à Marie, sa feme.

Je Thiebaus, cuens de Bar, fas cognoissent à tous, que mes sires Poinces de Belrain et ma dame Ameline, sa feme, ont fait marchie à Colet de Nuefville et à Marie, sa feme, de tout ce

qu'il tiennent desous moi, qui muet de la tenor et de l'eritage ma dame Ameline, la feme au dit Poincet, parmi seze livres de tournois, chascun an, à rendre au devant dis Poincet et sa feme, tant comme ma dame Ameline vivera, c'est assavoir deix livres à la Saint Remey, et seix à la Pasque; et Coles et sa feme sunt tenu au rendre, et Coles l'at fiencié; et Coles et sa feme tenront quitement l'eritage devant dict, saulf le droit as enfans monsignor Wautier de Eyrise; et lez dames de Sainte Ahoult i ont un mui de bleif, chascun an, moitié froment et l'aultre avene, à panre en terres arables ma dame Ameline de Belrain; et, avec ce, i ont les dames de Sainte Ahoult la maisnie dame Oirée, et la mesnie Ancherin; et, se ma dame Ameline moroit devant monsigor Poincoin, elle laisse à monsignor Poincoin, por Deu et en aumosne, lez devant dis seze livres, une année; et quant mes sires Poinces leur avera assigney cest heritage de là en avant, il ne lor emportera nulle warentie, mais il priera à signors que il les en prengne à home; et ce Coles, et Marie, sa feme, qui hoir sunt en cest heritage, ein partie, deffaloient de ces convenences, je le feroie faire, comme sires, par le grei et la requeste de Colet et de sa feme, quant mes sires Poinces, ou sa feme, le me requerroient. En tesmongnage de la queil chose, por ce que ferme soit et estable, je ai mis mon seel en ces lettres qui furent faites l'an de grace quant li miliaires corroit par mil et cc. et cinquante seix ans, en mois de julet.

XXXVII1.
1261, avril.

Lettre d'une chere de vin, que messires Symons de Port at donei ads dames de Sainte Hoult,

à

panre en censes de Witonville.

Je Thiebauls, cuens de Bar, fas savoir à tous ceulz qui cest escript verront et orront, que mes sires Symons de Port at recognu par devant moi que il at doney, por Deu, en aumosne permenable, as dames de Sainte Ahoult, une charrée de vin,

1 Titre déjà précédemment rapporté. Voir no 1x, p. 6.

chascun an, à tous jours, à panre en ses censes de Witonville. En tesmongnaige de veritei de laqueil chose, je ai mis à ces lettres mon seel par l'otro et le creant de mon signor Symon devant dit, l'an de grace quant li miliaires corroit par mil et dous cens et seixante et un an, en mois de avril. En cest transcript at dans Jehans, moinnes de Clerevaulz, mis son se[e]l en tesmonge de veritey.

XXXVIII.

1295, 25 mai.

Lettre de ce que les dames de Sainte Holt
tiennent de par Fransois d'Atain.

Je Bueves, cureiz de Rue1, je Renauldins dis Bardins, et je Ancellons, bourgiois dou Pont à Monssons, wardour dou seel de la prevostei de Monssons, faisons savoir à tous, que Fransois d'Athain, por ce establis en propre persone par devant nous, at recognu que comme il fuist tenus à l'abbasse et au convent de Sainte Ahoult, en quatre muis sept setieres de vin de cens, chacun an, sor tout ce qu'il avoit à Witonville, il lor en assenne por delivreir son aultre heritage à Jennet dict Thiant, un mui, seix setieres de vin, sur la vigne en Harchietron, sur la vigne à la Sunele, sur une vigne desvers Sauceures, et, en contrewage, une piesce de terre au Vivier; ads enfans Ancelot, un mui moinx six quartes, sur lor maison et les appartinences en la ruie, et sur un journaul de terre en Villeirs; à Faulquin fil Larivei, un meu demey mui, et demei sestier sur sa vigne à l'Olieul, sur sa vigne au Neppleir, sur sa chanivière à Contrait, et, en contrewage, une piece de terre en Bone Nowe; à Henriet dit Fourrage, douze sextieres sur sa vigne en Foucey, qui fuit Donat, et deix solz de messains de cens en contrewage, quant qu'il at. Et ancor por plus grant surtey et meillor valor en at mis en contrewage li dis Fransois cinc sextieres de vin que li dis Henries li doit sur la dicte vigne au Foucey, trois jornaulz de vigne en Lameis, et une maison qui siet en Laitre, celont la grange Husson dit Mervaul. Et tout cest dit assen de

' Rue, le haut de Rupt; commune de Pont-à-Mousson.

sur