rin, Mariette, Phelippe et Colesson. Et de ce à tenir fermement ont submis li dit Warins, Mariette, Philippe et Colessons, eulz et lor biens mobles et non mobles en la juridiction nostre signor le conte de Bar. En tesmongnaige de la quel chose, por ce que ferme soit et estable, je Thiebaus, doyens, je Jehans, prestres, et je Pierres, bourgiois dessus dit, à la requeste des dis Warin, Mariette, Philippe et Colesson, avons mis le seel de la dicte contei de Bar en ces presentes lettres, saulf le droit nostre signor le conte de Bar et l'aultrui. Ce fuit fait l'an de grace mil dous cens quatre vins et deix, le diemenche devant les bures.

LIII 1. 1276, septembre.

Lettre de Domengin, de Resson, et d'Arembourc sa feme, qui sunt ads dames de Sainte Hoult, et lor hoir.

Nous Walerans de Lucembourc, sires de Liney, chevaliers, faisons savoir à tous qui ces presentes lettres verront et orront, que comme descors fuist entre nous d'une part, et l'abbasse et le convent de Sainte Ahoult d'aultre part, de Arembourc, la feme Domengin de Resson, et de ces anfans, paix et accorde en est faite en teil maniere que Marguerons et Adeline, filles Domengin et Arembourc devant dis, et li anfant Ewrard et de Mariette, fille le dict Domengin et Arembourc sa feme, nous demorent pasiblement et quitement heritable de peire et de meire, d'eritages et d'aques, à tous jors, à nous et à nos hoirs, signors de Lynei; et Domengins, et Arembors, sa feme, et tuit lor aultre enfant demorent pasivlement et quitement, à tous jours, à l'abbasse et au convent de Sainte Ahoult, heritable ausi de peire et de meire. Et, por ce que ce soit ferme chose et estable, nous avons seelley ces presentes lettres de nostre seel,

' Original à la Bibliothèque nationale, coll. lorr., 521, no 8 : rapporté par M. Natalis de Wailly, dans sa « Notice sur les actes en langue vulgaire du XIIIe siècle contenus dans la collection lorraine, » page 125, titre 173.

en tesmongnaige de veritei. Ce fuit fait l'an de grace Nostre Signor mil dous cens et sexante seze, ein mois de septembre.

LIV.

1246, avril.

Lettre de ce que messires Joffrois de Nonsart avoit en deymes de Chonville, grosses et

menues.

Je Joffrois, cuens de Salebruche et sires d'Apremont, fas cognoissant à tous ciaulz qui ces lettres verront et orront, que mes sires Joffrois de Nonsart, mes homs et mes fiables, at donei, pour Deu et en aumone, pour lui, et por sa feme, et pour ses ancessors, à l'abbasse et au convent de Sainte Ahoult, ce qu'il avoit en la dysme de Chonville, en gros et en menus, qui est de mon fié, par mon los et par mon otroi. En tesmongnaige de ce, ai je fait saelleir ces lettres de mon scel. Ce fut fait quant li miliaires courroit par mil et cc. xlvj. ans, ein mois d'avril.

LV. 1246, avril.

Lettre de ce que les dames de Sainte Hoult ont en deymes de Chonville, grosses et menues, de par monssignor Joffroi, signor de Nonssart.

Je Joffrois, sires de Nonsart, fas cognoissent à tous ceulz qui verront et orront ces lettres, que je ai doney, pour moi, et por ma feme, et pour mes ancessors, en aumone, à l'abbasse et au convent de Sainte Ahoult, ce que je avoie en la deyme de Chonville en gros et menu, et lor en doie porteir garentie, je et mi hoir, vers tous ceulz qui voulroient venir à droit; et pour ce que ce soit ferme choze, je ai seellei ces lettres de mon seel. Ce fuit fait en l'an que li miliaires courroit par. M. et ijc ans et xlvj., ein mois d'avril.

LVI.

1258, novembre.

Lettre d'une charrée de vin que les dames de Sainte Hoult aquesterrent à Paillart, baili de Monsons.

Je Warins, sires de Nonsardt, fas cognoissent à tous ceulz qui ces lettres verront et orront que la charrée de vin que je avoie donée à Paillart, baili de Monssons, en fiei et en homage, et li queilz movoit de moi, celle charrée de vin devant dicte at il vendu à l'abbasse de Sainte Ahoult et au convent an aloi, par mon crant et par mon los. Et pour ce que ce soit ferme chose et estable, ai je seellées ces lettres pandens de mon seel, en tesmongnaige de veritei, en l'an que li miliaires corroit par mil et dous cens et cinquante et viij. ans, en mois de novembre.

LVII.

1242 (n. st.), 29 janvier.

Lettre de ce que les dames de Sainte Hoult pueent acquesteir en fiei de la contei, et en fief que on tient dou conte Henri, et de ce qu'il lor at quitei tout ce qu'il avoit en boix signor Renault de Nuefville.

1

Je Rogiers, par la grace de Deu evesques de Toul, et je Philippe, contesse de Bar, faisons cognoissent à tous, que nous avons veu unes lettres que Henris, cuens de Bar, envoia à l'abbasse de Sainte Ahoult et au convent de son testament, saellées de son seel, et pendens, et faites en teil maniere : << Je Henris, cuens de Bar, fas savoir à tous ceulz qui ces lettres verront et orront, que li esglise de Sainte Ahoult cui j'ai fondée en remission de mes pechies et dez mes ancessors, puet aquesteir par mon lous et par mon crante, en mes fiez, et en fiez que on tient

Le titre qui suit est déjà rapporté sous le n° xxxш, p. 18.

de moi, par le crant de ceulz qui les tiennent; et ce, li ai aquittei à tenir, à tous jours, ce que j'avoie et reclamoie ein mon boix qui est avec le boix signor Renaut de Nuefville. Et por ce que ce soit ferme chose et estable, ai je mix mon seel en ces lettres, en tesmongnaige de veritei. Ce fut fait en l'an que li miliaires courroit par mil. cc. et xxx. nuef ans, en mois de septembre. » Et por ce que nous veimes ces lettres, et que nos volons qu'elles vailent, avons nous mis nos seelz en ces lettres, à la requeste de Thiebaut de Bar. Ce fut fait le mercredi devant la Chandelour, quant li miliaires courroit par M. cc. et quarente un an, en mois de janvier.

LVIII. 1300, 28 avril.

Lettre de xl. sols à panre en deymes de Mongneiville, grosses et menues, au jour de feste Saint Martin, en yver.

Je Philippes, chastellains de Bar, fas cognoissent à tous ceulz qui verront et orront ces presentes lettres, que je, por Deu et en aumone, et por la remission de mes pechies, et especialment por l'ame de ma tres chierre compaigne ma dame Yolant, ma feme qui fuit, et por la recompensation de quarente livres de petis tournois, monée coursable, aumoneiz par mon grey à l'esglise de Sainte Hoult de par la dicte Yolant, ma feme qui fuit, et par lou grey et la volentey de mon signor Philippe, et de mon signor Gerardt, chevaliers, mes enfans, vuel et otro que les dictes quarente livres soient mises et converties en quarente soldées de terre de petis tournois, monoie coursable, à panre et à recevoir de par l'abbasse et le convent de Sainte Ahoult, chascun an, en jour de feste Saint Martin en yver, sor mes deymes grosses et menues de Mongneiville, por faire chascun an l'anniversaire en l'ecclese de Sainte Ahoult por la dicte Yolant, ma feme qui fuit; et vuel et commans par la tenour de ces presentes lettres que mi hoir, ou cil qui tenront et amoisoneront les dictes deymes, paioient, chascun an, à l'abbasse et au convent de Sainte Ahoult, ou à lor commandement, les dis qua

rente solz, au termine dessus dit. Et proi à noble home, mon tres chier signor Henri, conte de Bar, que il les dis quarente solz veulle greeir à panre, de par les dictes abbasse et convent, chascun an, sor les dictes deymes, comme sires de cui fiey les dictes chose muevent. En tesmongnaige de la queil chose, et por ce que ferme soit et estable, je Philippes, chastellains dessus dis, ai mix mon seel en ces presentes lettres, qui furent faites l'an de grace mil et trois cens, le juedi devant feste Saint Philippe et Saint Jaque, apostles.

LIX.

1275, 29 novembre.

Lettre de xxvj. sols de meceins de cens à panre sus la terre dame Hauvvy, feme Wautier le Borgon de Nonvoiant1, à la feste Saint Martin.

Cognue chose soit à tous que Franquignons Mingomairs, citains de Mes, at doney, por Deu et en aumone, à lai chiesse Deu de Sainte Ahoult les xxvj. sols de meceins de sans qu'il avoit, chascun an, sur toute la terre dame Hauvvy, la feme Waultier le Borgon de Nonviant qui fuit, qui sunt à paier, chascun an, à feste Saint Martin, c'est assavoir : ix. homeies de vigne qui geisent en Jovenat en iij. piesces; et iiij. homeies desous la Fraisse; et une homée à Harmanfontainne; et une homée en Fasois; et une homeie et demeie au Drowelin, et en la Nowe; et une homée et demeie en Helaumeis; et une homée et demeie en Pairons; et ij. homées en la voie de Gorze, areis Drouat Gueppe; et une homée en Recouchamp; et xviij. homées en la Meise, en une piece; et j. jornal de terre en Livriers; et sa maison; et son meis dessous l'aitre qui siet arreis Chardat Houdreit; et son meix daier l'osteil Piechat; et son meix à Puix; et son meix au Glorieul; et sus quanque dame Hawis at d'eritage où qu'il soit, an tous us. Et de toute ceste aumone devant dicte les en fait Franquignons devans dis, saisies tenens maintenant. Et por ce que ce soit ferme chose et estable, sunt ces presentes lettres

1 Novéant. 2 Sic, pour cens.