[saellées] dou seel l'abbey Jaque, de Saint Arnoult, et dou seel l'archidiacre Waultier, de la grant esglise de Mes, par la requeste et par la proiiere dou devant dit Franquignon, en tesmongnaige de veritei, qui furent faites l'an de mil et dous cens et lx. et xv. ans, la vigille de feste Saint Andreu.

LX..

1253 (n. st.), février.

Lettre de xiiij. sestiers de bleif, moitié froment, moitié avoinne, à la mesure de Gorze, à panre à Haidonville1, à la Saint Martin et x. sols de fors à Noel, sus la terre messire Ferri de Chambleis qui fut.

Cognue chose soit à tous ceulz qui ces lettres verront et orront, que messires Ferris de Chambleiz qui fuit, et ma dame Mahoulz, sa feme, ont doney en aumone à la maison de Sainte Hoult xiiij. sestieres de bleif, moitié froment, moitié avoinne, sus la terre de Hadonville, par lou crant de Ferri, son fil, et des aultres oirs, à la mesure de Gorze, à feste Saint Martin, à paier à tous jours, et x. sols de fors à Dommeil, à paier sus la terre devant dicte. Et por ce que ce soit ferme chose et estable, je Symons, par la grace de Deu abbes de Gorze, i met je mon seel en tesmongnaige de veritei. Ces lettres furent faites en l'an que li miliaires courroit par mil et ijc. et cinquante ij. ans, en mois de fevrier.

Lettre de tout ce que les dames de Sainte Hoult ont en deymes de Bauncorts et d'Espinceloy, de par monsignor Poince de Belrain et Emmeline, sa femme.

Cognue soit chose à tous, que messires Poinces de Belrain

1 Hadonville. 2 Voir no xxxvi, p. 32.

3 Boncourt.

et ma dame Emmeline, sa femme, ont doney, por Deu en aumone, le ceste1 de la deyme de Bauncort et d'Espinceloy; et vj. sols en deniers; et ix. falcies de prei: s'en est une atournée à une lampe, li queile arderat totes les nuis devant l'aulteil Sainte Ahoult, et à toutes les messes, et ads vespres de xij. lections; et met ancor à ceste lampe demey mui de vin à tous jours; et les oyct falcies devant dictes sunt atournées por lor anniversaires à chascun anniversaire xx. sols, et demey mui de vin; et un mui de vin ads messes, à tous jours; et, sor les preis devant dis, xx. solz por j. cierge, li queilz arderat ad Corpus Domini; et sat doney un mui de vin à tous jours en l'enfermerie, et demey mui à tous jors ads iiij. saingnies les convers. Et cest mui et demei de vin retient messires Poinces desordis et sa feme, lor vies; et ce, lor donet le saveur celonc sa maison, après sa mort, ads malades de l'enfermerie en teil maniere que li abbasse ne peut peschier, ce por les malades non. Et por ce que ce soit ferme choze et estable, li abbes de Cleirevaulz, et li abbasse de Sainte Hoult ont mix en ces lettres lor seelz, en tesmongnaige de veritei. Ce fuit fait lan. M... Ce vin devant dit doit on panre en cellier de Sainte Hoult, ne dou piour, ne dou milour3.

LXII.
1276, 25 novembre.

Lettre de ij. jors de terre que Hauwys, feme [Remi] le Grangier, donast à l'esglise de Sainte Ahout.

Je Giles, doiens de la crestientei de Bar, fas savoir à tous que Hauwys, qui fut feme Remi le Grangier, at donei, por Deu et en aumone, à Sainte Ahoult ij. jours de terre qui sunt de son heritage et qui sieent entre Sainte Hoult et la nuefve grange, par le grei et l'otroi de Remey, son mari. En tesmongnaige de

Le ceste; sic, pour le sexte, le sixième.-2 Sat, sic: pour s'at, si at, si a. 3 Titre incomplet.

la queil choze, j'ai seellées ses lettres de mon seel, les queilz furent faites l'an mil. cc. et lxxvj. ans, le jor de feste Sainte Kat erine.

LXIII.

1270 (n. st.), février.

Lettre de ij. muis de bleif que les dames de Sainte Hoult aquaterrent à Jennet, escuier de Laimmont, que les dames li devoient, chacun an.

Je Pierres de Nuefville, prevos de Bar, fas savoir à tous ceulz qui verront et orront ces presentes lettres, que par devant moi ein propre persone establis, Jehannes de Laimmont, escuiers, filz monssignor Adan de Laimmont, chevalier, qui fuit, at recogneu qu'il at vendu et oltroiei ads dames de Sainte Ahoult à tenir en heritage perpetuelment, à touz jours, dous muis de bleif qu'il prenoit chascun an en lor'grenier, à Sainte Ahoult, dont il avoit lor lettre, et les at rendues ads dames devant dictes parmi trente et dous livres de tournois, dont li dis Jehannes se tient por bien paiés des dictes dames, en bons deniers compteis et numbreis. Et por ce que ceste chose soit ferme et estable, j'ai mis mon seel en ces lettres, à la requeste et à la proieire dou devant dit Jehannet. Ce fuit fait l'an de grace mil dous cens sexante et nuef ans, en mois de fevrier.

LXIV.
1284.

Lettre d'une faulcie de prei que Ysabelz Chanterelle, de Leheicort, donast à l'esglise de Sainte Hout.

Je Ysabelz dicte Chanterelle, borgioise de Leheicort, fas savoir à tous, que je ai doney de ma volentei, por Deu et en aumone, à l'englise de Sainte Ahoult une faulcie de prei que je ai achetei à Jennet con dit des Preis, genre Colet Pelluel le

charpentier, et les dames de l'englise me doient rendre chascun an, à ma vie, dous charretées de foinc ein preiz de Leheicort; et cest don ai je fait en bone santei et en mon bon sen, et par devant mon curei, mon signor Jehan; et fas savoir à tous que je ne puis cest don rapeleir, ne aleir encontre, ne aultre por moi. Et en tesmongnaige de veritei ai je fait ses lettres seeller dou seel mon signor Jehan, curei de Leheicort, par ma requeste et par ma volentei, l'an de grace mil dous cens quatre vins et quatre ans.

LXV1.
1289.

Lettre de ce que messires Nicholes, curey de Buxi, at reprix dez dames de Sainte Hoult, qui muet dou presbiteire de Buxi.

Nous Nicholes, doiens de la crestientei de Bar, fazons savoir à tous, que en nostre presence establis, Nicholes, cureiz de Buxi, at recogneu par devant nous que il at reprix de dames religiouses et honestes l'abbasse et le convent de Sainte Ahoult, à sa vie, une partie qui est ajointe à la grange qui muet dou presbiteire de Buxi, c'est assavoir ce qui est d'aultre part: les darriennes estaches de la dicte grange par devers le meis, et le meix ausi; la queilz partie de la grange et li meix muevent des dessus dictes dames. Et ce at reprix li dis cureiz de Buxi ads dessus dictes dames, parmi trente soulz de fors d'entreie 2, dont les dictes dames se tiennent bien por soultes et por paiés, et quatre deniers fors que li dis cureiz paierat chascun an ads dessus dictes dames, ou à lor commandement, à feste Saint Remey en chief d'octembre; et s'ainsi avenoit que Deus feist sa volentei dou dict curey, de mort, ou par resinacion de la dicte cure de Buxi, li partie de la dicte grange avec le meis revenroit ads dessus dictes dames, quites et franches. En tes

1 Original, collection Servais; aujourd. Arch. de la Meuse.

3

2 Le texte du manuscrit portait evertie, mot auquel nous avons préféré le mot entrée, écrit dans la charte originale.

3 Le manuscrit porte avevenoit.

mongnaige de la queil chose, nous Nicholes, doiens dessus dis, à la prieire et à la requeste des dessus dictes dames et dou dict Nichole, curei de Buxi, nous avons mis le seel de la doyenei en ces presentes lettres. Et je Nicholes, cureis de Buxi, ein plus grant surtei, j'ai mix le mien seel. Ce fut fait l'an de grace mil dous cens quatre vins et nuef.

LXVI.

1281 (n. st.), 13 janvier.

Lettre de deix sextieres et j. bichet froment, con nos doit de rente à Signeulles, ansi com il est contenu en ces lettres.

Je Nicholes, doyens de la crestientei de Bar et cureiz de Condey, fas savoir à tous ceulz qui ces presentes lettres verront et orront, que par devant moi establis en propre persone, messires Hanris, cureiz de Signuelles, at recogneu que il at vendu à ma dame Helui, par la volontei de Deu abbasse de Sainte Ahoult, et à tout le convent de celui leu, deix sextieres et un bichet de froment de rente, à tous jours, les quelz li dis mes sires Hanris avoit de son droit acquet à Signeulles. Si en doit Perrenes, li escuiers, cinc sextieres à tous jours, sor cinc journelz de terre qui sieent en Lieuval deleiz Domengin le fil Melinon, et sor dous journeilz parmi Grant Leu, en la montant roie. Si en doit Martines dis Cobres, trois sextieres sor trois journeilz de terre et un demey; desquelz, dui journel sieent entre la vigne Saint Airi et Jaquemet le fil Heibert, et uns jornels siet en la briuiere deleis Martin, le fil Colet, et uns jornelz devant Abriboix; et dous sextieres et un bichet doit Gerards Bezace sor dous journelz qui sunt deleiz Jennet le fil Torpin, en la Moine Quoste, et sor demey jour en Grant Leu deleis le fil Colart, et sor demei jour en Refroichan. Et tout ansi com il les deveient à monssignor Hanri, la doient il paier à ma dame l'abbasse devant dicte et au convent dit devant, au terme qui i est mis, c'est assavoir à la feste Saint Martin el chief d'octobre, oyct jours devant, ou oyct après. Et est assavoir que nulz de ceulz qui tiennent la terre, ne en