VI.

1270, avril.

Lettre de ij. muys de bleif moitainge à panre à Bucey1, à la St Remey.

Nous Thiebauls, cuens de Bar, faizons savoir à tous qui ces presentes lettres verront et orront, que en nostre presence establis, messires Miles de Saint Amant, chevaliers, at recognu par devant nous, car il at doney et oltroié por Deu et en aumone, por lui et por ma dame Havvi, sa feme, qui fut, dous muys de bleif moitenge, à tous jours, à Sainte Hoult, à paier chascun an, à la feste Saint Remey en chief d'octembre, à panre sor tout l'aquest qu'il fit à Bucey; et pour que ce soit ferme chose et estable, nous avons saelley ces presentes lettres comme sires, à la requeste dou dict Milon. Ce fut fait quant li miliaires de Nostre Signor corroit par mil dous cens sexante et dis ans, en moix d'avril.

VII.

1249, octobre.

Lettre de xl. reises de bleif moitié froment, moitié avoinne, à panre en molins de Varennes, chascun an.

Je Thiebaus, cuens de Bar, et je Renaus, ses freres, faisons savoir à tous ceulz qui ces lettres verront et orront que nous otroions et volons l'aumone que mes sires Hanris, nostres freres, qui est passeis de cest siecle, a fait à l'abbausse et au convent de Sainte Hoult, c'est assavoir de quarente reises de bleif moitié froment, moitié avoinne, à panre chascun an, à tous jours, on molins de Varennes; et s'ansi estoit qu'eles ne puissent avoir tout le devant dit bleif en devant dis molins, le

'Bussy-la-Côte,

deffaute panroient elles en aultres rentes de Varennes. Et pour ce que ce soit ferme chose et estable, je, Thiebaus, cuens de Bar, ai saellées ces lettres de mon seel pour moi, et pour Renault, mon frère, qui n'avoit ancor point de seel, par sa requeste. Ces lettres furent faites quant li miliaires courroit par mil cc. et quarente nuef ans, ein moix de octembre.

VIII.

1247, juillet.

Lettre qui touche Thibaut le Courtois de Nuefville et sa feme, et les preiz de Leheicourt, avec [le bruel dont elles sunt tenens.]

Je Thiebaus, cuens de Bar, fas savoir à tous ciaus qui ces lettres verront et orront, que je ai doney et oltroié, pour Deu et en aulmone, à tous jours, à la maizon de Sainte Hoult, de l'ordre de Citiaulz, Thiebault le Courtois de Nuefville' et damoiselle Asceline, sa feme, et toutes lor chozes ein preiz, en terres, en maizons et en toutes aultres chozes, et les preis de Leheicourt avec le bruel dont elles sunt tenens; et pour ce que ce soit ferme chose et estable, ai je mix mon seel en ces presentes lettres, en tesmongnage de veritey. Ce fut fait en l'an de l'Incarnation mil dous cens quarente sept ans, ein moix de juillet.

IX 2. 1261, avril.

Lettre d'une charrée de vin à panre en sences monssignor Simon, à Wytonville, chascun an.

3

Je Thiebaus, cuens de Bar, fas savoir à tous ceulz qui cest escript verront et orront, que mes sires Symons de Port at

Neuville-sur-Orne.

2 Titre rapporté à nouveau sous le no xxxvii, p. 33.

3 Sic, pour censes.

recognu par devant moi, que il at donney, pour Deu en aumone permenable, ads dames de Sainte Hoult une charrée de vin chascun an, à tous jours, à panre en ses censes de Wytonville. En tesmongnaige de veritei de la quel chose, je ai mix à ces lettres mon seel per l'otroi et le creant de mon signor Symon devant dict, l'an de grace que li miliaires courroit par mil et dous cens et sexante et un an, el mois d'avril.

X.

1273 (n. st.), 12 février.

Lettre dame Ysabel de Baudigneicort, de vj. muis de bleif, moitié froment, moitié avoinne, à panre en terrages et en rentes de Mucey.

Je Thiebaus, cuens de Bar, fas savoir à tous qu'ain ma presence estaublie, ma dame Ysabiaus de Baudigneycourt at doney, pour Deu et en aumone, pour le salut de son ame et de ses ancessors, et pour l'amour de suer Perronne, sa fille, dame à Sainte Hoult, au convent et au dames de ce mesme leu, seix muis de bleif moitié froment, moitié avoinne, à la mesure [de Bar], chascun an, à paier, à tous jours, à la feste Saint Martin en yver, sus quanque elle tient de moi en fies de Mucey, en terrages, en rentes et en toutes aultres chozes; et est ansi que ce li dis bleis n'estoit paiés audict jour au devant dict convent et dames de Sainte Hoult, elles iroient au devant dictes chozes en fies de Muscey, et les tenroient tant com [on] lor averoit fait lor grey dou devant dict bleif entierement; et est ancor ansi, que ce li dicte ma dame Ysabiaus ou cil qui par heritage deveroient venir au devant fiei de Muscey, voloient ascenneir le dict bleif à dictes dames de Sainte Ahoult, en aultre leu souffizant, elles le doient panre, ne ne pueent estre en contre. Et ceste aumone et cest don at fait la dicte dame Ysabiaus par lou lous et l'otroi de mon signor Wautier de Lascour, chevalier, à cui les choses dou devant dict fiei de Muscey estoient atournées en parson; et leu at atorney la dicte

dame Ysabiaus, en recompensation de ce, les dix livres qu'elle tenoit chascun an en la vente de Bourmont. Et ces choses dessus dictes, lous je et otroi comme sires de cui fié elles sunt. Et pour ce que ce soit ferme chose et estable, ai je mix mon seel en ces presentes lettres, en tesmongnaige de veritey. Ce fut fait l'an de grace mil dous cens sexante douze ans, ein moix de fevrier, le dimenge devant la Saint Valentin.

XI.

1247, 14 août.

Lettre des deymes de Neufville, grosses

et menues.

Je Thiebaus, cuens de Bar, fas savoir à tous ciaulz qui ces lettres verront, que cum bestens fust entre l'abbasse de Sainte Hoult et le convent de cel meismes leu d'une part, et mon signor Adant de Lemmont et ses hoirs d'aultre, si cum de la deyme de Nuefville qui fut Adant de Pontion et Mirabel sa suer, il, par le consoil de proudomes, ont fait pais par devant moi, en teil manière que toute li deyme devant dicte, et grosse, et menue, demoriet quitte la devant dicte abbasse et le convent, ne mes sires Adans, ne sui hoir, ne aultres pour aulz, n'i pueent riens dès ci en avant reclameir; et l'abbausse et li convens doient mon signor Adant et ses hoirs à tous jours dous muis de bleif, la moitié froment, et l'aultre avoinne, à paier chascun an, en lor greniers, à la mesure de Bar; et toutes arables terres et les meises qui furent le devant dict Adant de Pontion et Mirabel sa suer, sunt demorées quittes mon signor Adant et ses hoirs; ne li abbausse, ne li convens, ne aultres pour elles, n'i pueent riens reclameir. Et je dois pourteir warentise mon signor Adant et ses hoirs de ses choses devant dictes envers les signors dont elles muevent. Et pour que ce soit ferme chose et estable, ai je mix mon seel en ces présentes lettres, en tesmongnaige de veritei. Ce fut fait en l'an de l'Incarnation Nostre Signor mil dous cens quarente sept ans, la vigille de l'Assumption Nostre Dame,

XII.

1250, 3 décembre.

Lettre Gocillon de xl. sols de cens.

Cognue chose soit à tous ceulz qui ces lettres verront et orront, que Colins li moinnes et Mahoulz, sa feme, ont vendu à Gocillon de Sauz, citein de Verdun, quarente solz de fors de cens à tous jours, à lui et à ses hoirs, chascun an, à paiier à feste Saint Remey en octembre, sor la maison, et sor la grange, et sor le meix darrier, et sor le vivier, et sor toute la menandie qu'il ont tout entierement, qui siet en Tillei1 devant les Repenties, entre le pont et la maizon lou prest[r]e des Repenties; et si, l'en doient porteir bone warentie au droit de Verdun, et que jamaix après ne reclameront, ne il, ne aultres pour oulz; et si, l'ont fiencié à tenir, et de cest vendage devant nommey ont il eu bon paiement, à lor crant. Et, en tesmongnage de veritey, par la requeste des parties, est mix li seelz de la citey de Verdun en ces presentes lettres qui furent faites en l'an que li miliaires courroit par mil et dous cens et cinquante, ein moix de decembre, le sabmedi devant feste Saint Nicholais.

XIII.

1254 (n. st.), 27 janvier.

Lettre Gocillon de deix sols de cens.

Cognue chose soit à tous ceulz qui ces lettres verront et orront, que Perresons li blans et Mahous, sa feme, ont vendu à Gocillon de Sauz, citein de Verdun, dix soulz de fors de cens à tous jours, à lui et à ses hoirs, chascun an, à paiier à la feste Saint Remey, en octembre, sor la maizon et sor tout ce qui i apent qui siet en Matourne2, entre la maison Colet, le fil Efist, et la maizon Androuyn, le fil dame Aie; et si l'en doient porteir bone warentie au droit de Verdun, que jemais après

'Ancienne rue de Verdun, comme appert par la mention suivante : «<en la rue con dit en Tillei, à Verdun. » Liénard, Dict. topogr. de la Meuse, p. 176. 2 Ancienne rue de Verdun (Comptes de Nicolas Lescaille, fo 397 vo).