V. Anno 1382. 27. Septembris. Gerichtsbrief wodurch zwei Bürgern von Memmingen alle Rechte bestättiget werden, die der Bischof Burkhart in der Stadt Buchlun, und in den Dörfern Beraburunn, Rosshaupten und Denklingen hatte. Ich Chunrat Sighart ab der Haide ain fryer Lantrichter in der Graffschaft ze Marstetten von des Hochgeborn Durluchtigen fuersten wegen Herzog Fridrich von gotes genaden pfallentzgraff by Rin Herzog ze Baigern tun kunt mit disem offen Brief vor allen den die in sehent oder hoerent lesen das an dem tag als der Brief geben wart. Do Ich ze Memmingen ze offem Lantgribt sas für Mich kommen die erbern Manne philipp der Hueter vnd eberhart der singer Burger ze Memmingen Mit fürsprechen vnd vrkunten vnd sprachen also sy wärin geanlait worden vnd wärin in ir nutzlich gewer gesetzt worden mit vrtail vnd mit Recht vor offem Lantgriht ze Memmingen des sy Brief vnd vrkunt hettin die vor Lantgriht verhört vnd gelesen wrden ze allen den Leuten vnd gueten nuzzen vnd Rechten die Bischoff Burkart von ospurg haut ze der statt ze Buchlun mit allen nuzzen vnd Rechten die dar zu vnd dar In von alter vnd von Recht vnd von gewonhait gehörent oder gehörin sölin Mit aller zugehört vnd was der egenaut Bischoff haut Lut oder gut nuzze oder Rechtes ze dem dorff ze Beraburun ze dem dorff ze Rosshoupten vnd ze dem dorff ze Daenklingen vnd was ze den vorgenanten Luten vnd guten nuzzen vnd Rechten gehöret es sigi an holtz an holtzmarken an feld an zwy an wasun an waid an akkern an gartun an Brülen an wismad an wassern an wigern an fischenzun an vberturung an zehenden an zinsen an diensten an geniessen an sturun an gelt es sigi an varendem oder an Ligendem es sigi aigen oder Lechen es sigi benenpt oder vnbenenpt besuchz vnd vnbesuchz es sigi ob erd vnder erd vnd Batun die vorgenanten philipp der Hueter vnd eberhart der singer ze eruarent an ainer vrtail wie sy nun füro geuaren soeltin Mit dem Rechten als Recht waery vnd als es kraft vnd Macht haun vnd haben soelti do wart ertailt mit dem Rechten wan sy die anlaitin vnd die nutzzlich gewer Besessen hettin vnuersprochen als Recht waery vnd die egenanten Lut vnd gut nieman versprochen hetti Mit dem Rechten als Recht waery das denn die egenanten philipp der Hueter vnd eberhart der singer mit den egenanten Luten vnd guten nuzzen vnd rechten geuaren soeltin als ain Jedlich Man mit sinen aigen Luten vnd guten geuaren soelti mit ze versetzent oder mit ze verkoffent oder In selber ze Händ ob sy wend wan es mit dem Rechten Ir aigen gut haist vnd worden ist vnd wart In dar vber ze schirmmer geben mit vrtail vnd mit Recht die hochgeborn durluchtig fürsten herzog Fridrich vnd Herzog Steffan ze Baigern vnd der Burgermaister vnd der Raut die Burger gemainlichen Mit ain ander der statt ze Memmingen vnd des alles ze ainem wauren offen vrkunt aller vorgeschrieben sach So haun ich obgenanter Chunrat der Lantrichter den vorgenanten philippen dem hueter vnd eberhart dem singer disen brief geben Besigelt mit des Lantgrichz hangendem Insigel ze Memmingen das an disem Brief hanget der geben ist Mit vrtail vnd mit Recht vor offem Lantgriht ze Memmingen an dem nächsten Samstag vor sant Michels tag des Jars do diu zal was von Cristes geburt driu zehen hundert Jar vnd dar nach In dem zway vnd Achtzzigosten Jar. › VI. Anno 1383. 19. Januarii. Augsburg. Vergleich zwischen dem Stifte und der Pfaffheit zu Augsburg, sodann den Bürgern daselbst Betreffs verschiedener Irrungen. Wir die Stette gemainlich die den bund mit ainander haltent in Swaben alz wir dez nechsten aftermentags nach Sant Katherinen tag der. nechst vergangen vnd hin ist, gen Augspurg ze samen komen sien Vnd alz wir dar nach vff ditz zit, ze Vlm bi ainander gewesen sien Bekennen vns offenlich mit disem brief vnd tuen kunt allen den die in ansehent oder hoerent lesen von solicher zwaivng brüche vnd auch stösse wegen die vfferstanden gewachsen vnd auch gewesen sind zwischan dez hochwirdigen vnsers lieben herren Bischoff burkhartz dez Bistums ze augspurg, vnd ouch dez Capittels gemainlich dez Stifftes ze Augspurg vnd ouch aller pfaffheit daselbs an ainem tail Vnd ouch vuser lieben aidgenoszen der burger gemainlich der Stat ze augspurg an dem andern tail, Vnd da von sölicher grosser gotzdienst nider gelegen vnd vnderwegen beliben ist Davon wir nauch vnderwisung vnser aigner gewisznen den zorn gotz vnd gross plauge in allen vnsern sachen besorget haben Wan wir vnd alle Christen lut vor allen dingen gebunden sien div werk gotes ze veben vnd Götlich dienst ze fürdren Darvmbe vnd daz ouch vns div hilff gotes in allen vnsern sachen dez bigestendiger si vnd ouch alle redlich vnd gerecht sach veben vnd würken lasse Wan denne baid vorgenannte taile willeclich vff vns komen vnd hinder vns gangen sind vnd ouch vns darzu vollen gewalt empfolhen vnd gegeben hand wie wir daz zwischan in vff etlich zite vnd Jare vmb sölich sach daz ze baider site ir Ehaeffti frihait vnd recht an gavt Vszrichten vnd entschieden daz ouch si dabi baidenthalb willeclich vnd Mon. Boie. Vol. XXXIV seu collectionis novae VII. Pars I. 2 gern beliben vnd och daz stät halten haben vnd vollefueren woelten getreweclich vnd ane gewerde Darvmb so haben wir alle soelich ir gebresten vnd stoesze gar aigenlich vff baiden siten zu den ziten alz wir ze augspurg bi in in ir stat gewesen sien verhoert vnd ingenomen Vnd haben die ouch dar nach gar berätenlich mit guten fürsätzen vnd wolbedächten sinne nauch Ravte vnser Räte zwischan in also entschaiden vszgericht vnd gesetzt, mit namen waz ir Ehäftyu frihait vnd recht angavt ze baider site zehen gantziv Jar div nechsten nach ain ander ze halten in aller der form vnd wise alz hernach geschriben stät Waz aber entwederm taile sin Ehäffti frihait vnd recht niť anruret noch antriffet Sprechen wir zwischan in getreweclich ze halten in aller der wise alz her nauch ouch aigenlich vnderschaiden vnd begriffen ist ane alle gewerde Vnd bi dem ersten So sprechen vnd erkennen wir vns mit namen vnd vor allen dingen daz der vorgenante vnser herre der bischoff der Tumprobst der Tegan vnd ouch daz Capitel gemainlich dez Stifftes ze augspurg vnd gemainlich alle ander korherren, vnd pfaffhait daselbs vnd wer von iren wegen zuo den sachen gewant ist an ainem taile Vnd ouch die Egenanten vnser lieb aidgenossen die burgermaister Räte vnd alle burger gemainlich der stat ze Augspurg Vnd wer von iren wegen darzu behafft ist an dem andern taile Vmbe alle die kriege brüche zwaiung, vnd stösze die sich zwischen in bis vff disen hivtigen tag verloffen vnd ergangen hänt wie oder in wellich wise sich die verhandelt hänt gut vnd luter frivnde haiszen vnd sin sullen die sach gen ain ander die vorgenanten zehen Jar nit ze äfern noch ze rechen mit kainen sachen in kainem wege ane alle geverde Vnd daz ouch die vorgenanten vnser herren der Bischoff vnd alle ander Prelaten Korherren vnd pfaffhait ze augspurg vsz vnd in wandlen sullen vnd mügen vnd Götlich dienst da veben vnd vollebringen vnengolten aller vorgeschriben brüch vnd stösze ane alle gewerde Darnach so haben wir für vns genomen ir Clagan ze baider site Dez ersten die zwo Clagan die für vns getragen sind von der vorgenanten vnser herren dez Bischoffs dez Capitels vnd der pfaffhait wegen wo die zins oder gult habent in der stat ze augspurg, da in ain pfund augspurger pfenning oder zwai pfund italiger haller dafür verschriben sind oder werden sullent Dafür gevallen noch werden in nit mer denne achtenhalb schilling augspurger pfenning, oder fünfzehen_schilling haller dafür Vnd daz darzu die vorgenanten vnser aidgenoszen von augspurg angefangen haben dieselben ir zins vnd gült in dem Ettern ze augspurg ze stivrent vnd stiwr dar uff ze legen also daz si aller iarlich den sechsten tail davon ze stiwer nemen daz vormalz nie me beschechen si Daz in davon von yedem Phund Pfennig aller iarlich viertzig Pfennig gevallen vnd werden, die zwai stukk haben wir also vszgericht vnd entschaiden daz die vorgenanten herren der bischoff daz Capitel vnd ouch die pfaffhait, gemainlich ze augspurg die münsze der Regenspurger an iren zinsen vnd gülten die vorgenanten zehen Jar nemen sullen in aller der werung vnd mäsze alz div hivt ditz tags gat vnd vormalz bisher genomem hant ane alle geverde Alz verre ob die selb münsze alz lang gat vnd geng vnd gebe ist Vnd daz ouch denne her wider vmbe die vorgenanten vnser aidgenoszen von augspurg von denselben zinsen vnd gülten die wile div egenant Münsze werot vnd in der stat ze augspurg geng ist, kain stiwr nit nemen noch begeren sullen weder von dem vorgenanten vnserm herren dem Bischoff, dem Capittel noch von der Pfaffhait in dehain wise ane alle geverde Waere aber daz inderhalb den vorgenanten zehen Jaren ain andriv gutiv münsze vfferstünde vnd geng wurd in der stat ze augspurg also daz in der vorgenante ir zins volleclich gevile vnd wurde nauch ir brieff sag Ez wäre an augspurgern oder an italigen hallern oder an ander münsze da für div alz guet geng vnd gebe wäre So sullen si denne aber ze baider site mit vollem gewalt für uns stett komen vnd vns denne ir zins alt vnd Niewe aigenlich verschriben bringen vnd ir sach dar uff erzelen wie div gestalt si vnd wez sich denne die statt aber darvmb erkennent vnd ze rat werdent gemainlich oder mit dem merren tail ob div pfaffhait die selben zins gült div ubrigen Jar volle usz waz der dennocht an den vorgeschriben zehen Jaren vorbanden waeren verstivren sullen oder nit da bi sullen si denne |