QUELLEN

zur

Geschichte der Stadt Köln.

FÜNFTER BAND.

Herausgegeben

von

Dr. Leonard Ennen,

Archivar der Stadt Köln.

KÖLN, 1875.

Verlag der M. DuMont-Schauberg'schen Buchhandlung.

Druck von M. DuMont-Schauberg.

Nr. 1.

Richter, Schöffen, Rath und andere Bürger der Stadt Köln nehmen auf Anstehen des Erzbischofs Friedrich wieder Juden auf die Dauer von zehn Jahren als Bürger auf. 1372, 29. December. 1)

In Gotz namen. amen. Wir richtere, scheffene, rait ind andere 1372 burgere der stat van Coelne doin kunt allen luden, die diesen brief soelen sien of hûeren liesen, dat wir mit gûeden vurraide angesien haven nütz ind urber unser steede ind ouch umb sunderlinge beede des eirwerdigen vaders ind heren heren Frederichs ertzbuschof zo Coelne, hee mit uns ind wir mit yem eyndreichtich zu werden, die jüedene in unse stat zu intfangen, haven genomen ind intfangen die jueden van Coelne mit yren lyven ind güden semencliche in unse beschirmenisse ind huede zu unsen samenburgeren zeyn jair na eynander volgende, die angiengen up sente Remeysdach nu alreneyst leden, ind geloven, dat wir die vurgenante jueden die vurschreven zien jaire van alre unreichter gewalt, die yeman an sy keirde of keren wolde, mit allen truwen gelychs uns selfs burgeren semenclichen ind sunderlingen beschirmen, bewaren ind bevreden soilen. Vort geloven wir denselven jûeden, dat wir neyt gehengen en soilen, dat eynich van unsen samenburgeren die vürgenante jueden of eynichen van yn in eyniche saiche trecke of sy anspreche vur eynichem gerichte, id sy van coesten of van schaden, die gegheven, bezailt of geloest syn, of umb schoilt of umb essende spyse, dan in yrre scholen vur yrme bûschoeve, also as sy dat van alders herbraicht haint; ind woulde her en boyven eyniche vreymde persone sy ansprechen vur eynichen anderen gerichte dan in yrre scholen vur yrem bûsschoeve, den soilen wir, of wir moigen, mit gutlichen worden darzů halden, dat hee aflaisse ind reicht van yn neeme in yrre scholen vur yren bûsschove; ind en woilde hee des neyt doen, so soilen wir yrre saichen semenclichen ind sunderlingen weder die vreymde persone

1) Die Urkunde ist datirt: anno d. 1373, ipso die bti. Thome Cantuariensis; dieser Tag fällt nach unserer Rechnung noch in das Jahr 1372.