Imágenes de páginas
PDF
EPUB

à nostre solagement: ce que sadicte alteze prenant de bonne part, promit de faire, et qu'elle porteroit le soin aux affaires publicques de tout son povoir, et notamment au solagement desdictz bailliages, et qu'elle en auroit memoire.

Est aussy à rememorer que, tost apres la venue desdictz deputez à Bruxelles, l'huissier Polyn, à la requeste d'un Gerard Van Cleff, alleman, adjourna lesdictz estatz du Tournesiz à raison de jc. vm, florins bien peu moins, qu'il demande aux estatz generaulx, comme aussy lesdictz estatz ont esté adjournez à la requeste de la dame douairiere De Bossut : desquelles choses ledict Du Bois, par sondict memorial, a laissé la cherge audict Acrynson, procureur.

XXVIII.

passees

à

Relation des particularitez et ceremonies Bruxelles lors de la publication des patentes royalles de la cession des Pays Bas au proffit de la serenissime infante, et de l'acceptation que les estatz generaulx ont faict d'icelle, ensemble de la prestation des sermens hinc inde en ensuivis les xxje et xxije daougst 1598 (1).

Par lettres closes en date du xixe de juillet auparavant, monseigneur Albert, par la grace de Dieu, archiduc d'Austriche, etc., fist assembler tous les estatz de pardeça de l'obeissance du roy nostre sire, chascun en sa province, le xxxe dudict mois, pour le lendemain oyr el

(1) Titre littéral de la pièce.

entendre ce que de le part de sa maté leur seroit proposé. A quoy ilz obeyrent et leur fut, à aulcuns par leurs gouverneurs provinciaulx, aux aultres par les presidens, chancelliers et chefz des consaulx de la mesme province, respectivement rafreschie et reduicte en memoire la resolution que, dez le mois de septembre auparavant, sa maté avoit prinse tant endroict le mariaige de ladicte dame infante, que le transport desdictz pays de pardeça et comté de Bourgoingne pour dot d'icelle, avec declairation des causes qui avoient à ce meu sadicte ma", qu'estoit pour le bien de la chrestienté en general et repoz de ces pays en particulier, selon que, en leur assemblee du mois de decembre ensuivant, leur avoit esté amplement representé, et sur quoy dez lors ilz avoient par leurs responses tesmoigné à sa ma le grand contentement qu'ilz avoient de ceste sienne resolution, pour le bien que s'en attendoit;

Que, ensuite de ce, sa maté avoit voullu passer plus avant, ayant faict la cession et donation de ses pays, de l'adveu et assentement du prince son filz, dont estoient venues les depesches, aussy de l'acceptation que ladicte dame infante en avoit faict, comme ilz verroient plus particulierement par les lettres que sa maté leur en escripvoit, joinctes à celles que monseigneur l'archiduc leur faisoit en credence sur lesdictz gouverneurs, presidens et chefz des consaulx provinciaulx respectivement;

Que, comme ladicte dame infante avoit envoyé audict seigneur archiduc procure souffisante, dont leur fut exhibee copie, pour, au nom d'elle, prendre possession desdictz pays, et faire et recevoir les sermens ordinaires et accoustumez, qu'il estoit bien que cela se fist en presence des deputez de toutes lesdictes provinces; que, partant, mondict seigneur l'archiduc avoit faict joindre lesdictz estatz chascun en la sienne, afin qu'ilz fussent in

formez de ce que passoit, et envoyassent icy leurs deputez avec procure pour assister et faire ce que dependoit d'eulx, suivant la minute que leur en fut quant et quant communiquee, laquelle fut conforme à celle dont l'on usa au tems que l'empereur Charles V, de tres haulte memoire, resigna lesdictz pays au roy nostre sire;

Que ladicte assemblee se feroyt en ceste ville de Bruxelles le jour de l'Assomption Nostre Dame xye dudict mois d'aougst, et que ainsy leursdictz deputez y fussent le xiiije pour le plus tard avec la procure que dessus, pour ce que les affaires ne permettoient dilation, et que mondict Sr l'archiduc ne pouvoit icy faire plus long sejour.

Entretemps, mondict Sr l'archiduc fit apprester et mettre en ordre la grande sale de la court de Bruxelles, pour y solemniser ladicte cession, la faisant tapisser tout à l'entour de la tapisserie de l'ordre de la thoison d'or contenant l'histoire de Gedeon, et doiz le costé de weest (a), qu'est vers l'endroit des bailles (b) et la grande cheminee, fut dressé ung passet ou marche pied hault de deux apas (c), qui arivoit si avant, qu'il comprennoit justement le mitand (d) des deux cheminees estans vers le midy et vers le nord, que sont quarante six pieds, et au reste occupoit la largeur de ladicte sale, que sont cincquante huict pieds, lequel passet fut entierement couvert de tapis veluz et aultres tapisseries.

Sur le mesme passet, contre ladicte grande cheminee, fut dressé ung aultre passet hault de trois apas d'environ xxj pieds en quarrure, et pardessus icelluy fut tendu le riche dosseret (e) des armes de Bourgoingne, et ledict

(a) De weest, de l'occident.
(b) Des bailles, des barrières.
(c) Apas, degrés.

(d) Le mitand, le milieu.

(e) Dosseret, dais.

passet couvert d'ung tapis de drap d'or de mesme parure, et tout contre icelluy dosseret fut dressé une belle chayere (a) à doz correspondant au mesme ouvraige.

Du costé droit, sur le grand passet, y avoit ung petit bancq pour les chevaliers de l'ordre cy aprez nommez, et derriere eulx ung aultre bancq plus grand pour ceulx du conseil d'estat de courte robe et pour ceulx du conseil privé, et apres icelluy bancq ung plus petit bancq pour les deux gouverneurs des provinces cy aprez nommez, et furent tous lesdictz bancqz couverts de tapis veluz.

Du costé gauche fut dressé un grand bancq pour les conseillers d'estat de longue robe et ceulx des finances, et apres un aultre petit bancq pour les aultres deux gouverneurs des provinces cy aprez nommez, iceulx deux bancqz aussy couverts de tapis veluz.

Embas de ladicte sale, commençant à quattre pieds prez du grand passet, furent dressez de travers subsecutivement dix sept bancqz longs de 36 pieds, distans les ungz des aultres deux pieds et demi, tous couverts de drap rouge, dont le dernier bancq arrivoit quasi à l'endroict de la porte par où l'on va de la sale au donjon de la court; et, pour aller au passet du costé de midy et du costé du nord, y restoient deux allees, chascune large de onze pieds (1).

Et, pour eviter la foule du peuple et affranchir lesdictz bancqz, mondict Sr l'archiduc avoit faict faire, aprez le dernier bancq, une barriere ou entredeux hault de cincq pieds, tout au travers de ladicte sale, avec deux portes, l'une pour l'une allee de la sale, et l'aultre porte pour l'aultre allee.

(a) Chayere, fauteuil.

(1) La plupart de ces dispositions étaient les mêmes que celles qui avaient été faites lors de l'abdication de Charles-Quint en 1555. (Voy. Analectes belgiques, pp. 75 et suiv.)

Or, estant venu le xiiije jour d'aougst, tous les deputez des estatz de pardeça se trouverent à Bruxelles, et exhiberent successivement leurs procures à son alteze, laquelle les fist visiter et examiner, pour scavoir si elles estoient conformes à son intention.

Et en effect l'on trouva qu'il estoit besoing faire redresser la procure des deputez de Haynau, pour la condition expresse qu'ilz y avoient inseré, que mondict Sr l'archiduc ne pourroit s'absenter d'icy pour faire le prochain voyaige d'Espaingne.

A raison de quoy, et que d'aultre part tous iceulx deputez n'avoient encor eu vision ny communication des lettres patentes de la cession et transport de sa ma, ny de celles de la confirmation du prince et de l'acceptation de ladicte dame infante, mondict Sr l'archiduc, à leur instante requeste, se contenta de remettre lesdictes ceremonies jusques au jeudy xxe d'aougst, lequel jour venu, s'estant encor representees quelques aultres difficultez, fut besoing differer ladicte assemblee jusques au lendemain xxje d'aougst, jour de vendredy.

Auquel jour tous iceulx deputez, par charge de mondict seigneur l'archiduc, se trouverent, sur les trois heures aprez midy, en ladicte grande sale, où le thoison d'or avoit charge d'assignerà chascun son bancq et siege, comme il fist en donnant, asscavoir :

Aux estatz de Brabant, qui furent en nombre de trente six personnes, les deux premiers bancqz;

Apres eulx, ceulx de Lembourg, en nombre de treize personnes;

Apres, suivirent ceulx de Luxembourg, en nombre de neuf personnes;

En apres, ceulx de Gueldres, en nombre de sept per

sonnes;

En apres, ceulx de Flandres en nombre de vingt sept

personnes;

« AnteriorContinuar »