bonne mémoire en advisa ledict de Rymersch, y adjousta que s'y l'on eust peu parvenir jusques au hault de la montée susdicte par quelcque secrète ouverture que l'on poulroit faire pardessus icelle en ung trou auquel ledict de Rymersch mectoit quelcque bois pour sa commodité, se polroit par là facilement practicquer la sortie de ceste court qui leur servoit et aux aultres détenuz de prison; et doiz la mesme heure, comme par bonne inspiration, enchargèrent à Adrien Van Culsbroucq, varlet de chambre dudict seigneur d'Erpe, de leur faire faire un fer long et propre selon l'instruction à luy donnée, qu'il exécuta fidellement doiz le mesme jour, et au moïen duquel fer furent bruslez et ostez par dessous icelle montée par lesdictz seigneurs d'Erpe et de Rymersch conjoinctement, tandis que l'on avisoit leurs guardes à quelcque esbat, deux ou trois degrez ou escaillons, au moïen desquelz leur fist donner ouverture secrète pour parvenir jusques à la susdicte fauste porte de derrière, à laquelle furent essayez tant de diverses clefz de nuict et par diverses fois que en parfin s'en trouva des propices qui ouvrirent les serrures de ladicte fauste porte, et par ainssy, par l'industrie inventée et bonne moïen de sortir de la court du roy, et à l'adsistence dudict de Rymersch, par la montée qui se rendoit en ladicte chambre, et illecq s'estant chascun déguisé d'accoustrement tel qu'il avoit choisy et ayant chaussé soliers de feutre ad ce préparez et accommodez hors d'un bas de manteau du seigneur d'Eecke par l'industrie et invention du seigneur de Champaigny, pour n'estre apperçeuz et marcher

sans bruict par planchiers, pontz et navires, ilz descendirent par montées secrètes.

Estans embas, ayans réïtéré leurs prières, avecq l'ayde seullement de deux clefz dextrement recouvertes sortirent ladicte court, et eux estans sortiz, l'homme dudict de Rymeersch retourna pour reserrer tous les huys et passaiges ainssy qu'ilz estoient auparavant et selon que le conchierge de ladicte court estoit accoustumé de les asseurer et fermer, et comme l'on avoit enseigné audict varlet, lequel l'effectua et se remict par après en la chambre de son maistre jusques au matin que luy et tous les aultres serviteurs sortirent la court et la ville sans aulcun empeschement notable, selon qu'ilz aviont esté instruictz par leurs maistres, et vindrent tous en sauveté là où leur avoit esté ordonné.

Quant aux maistres, ilz passèrent les rampards nouveaux, trois rivières ou cours d'eaue et quelcques aultres passaiges assez difficiles, sans aulcun bruict ny estre apperçeuz de personne, ensemble ledict Olivier Meyne qui avoit procuré leur sortie avec Adrien Van Caseele, aussy procureur audict conseil, et Jean Le Cleercq, lesquelz il avoit prins à son ayde.

Mais se trouvans oultre le dernier cours d'eaue et rivière, appellé de Lieve, sans aulcune addresse de chevaulx ny guardes telle que avoit esté promis et lesquelz l'on avoit à l'ung d'eulx escript le lundy matin qui estoit le xv jour susdict, que ilz seriont prestz au lieu et heure assignée, veoire que celluy qui se y estoit entremis et offert se y trouveroit en personne, ilz en feirent diverses appréhensions et à

la fin invocquans Dieu en ayde, se résolurent d'aller à pied au rendez-vous pour parler; le révérendissime évesque de Bruges estoit défectueux et débile d'une jambe, il fust laissé à une lieue de Gand au villaige de Mariekercke en une maison fidelle où l'on proposoit d'envoyer Heurne au plustost avecq fort bonne compaignie; les aultres passèrent deux lieues plus avant au villaige de Lovendeghem où ne trouvans rien aussy de ce qu'ilz cherchoient, en furent encore plus perplex, et, après s'estre cachez quelcque temps au bled, furent par le bailly du lieu, appellé Liévin Van Deele, conduictz en ung bois taillé hors du grand chemin où ilz feirent de rechief conjoinctement leurs prières à Dieu, le remerchians du passé et suppliants leur donner ce qu'il congnoissoit leur estre plus salutaire pour l'advenir.

Là, leur fust par ledict bailly apporté quelcque rafraichissement des vivres, mais comme il tarda longtemps et plus d'une grosse heure à les rapporter, les prisonniers entrèrent en nouveau doubte et soupçon de la fidélité, qui les fist mespriser et rejecter son bon conseil de se séparer par diverses trouppes et chemins et d'accepter deux ou trois chariotz dont il offroit les assister et pourvoir.

A la parfin, comme ilz se virent privez de toute aultre apparente addresse et que ledict bailly affirmoit de les vouloir accompaignier et courir telle fortune qu'eulx, quictant maison et biens pour les ayder, olres qu'il n'eust cognoissance d'aulcung d'entre eulx, que du seigneur d'Eecke et ce, seullement du visaige qu'il avoit remarcquable par une excressence de chair sur l'œille droicte; mais par

pitié soeullement et commisération, du moment qu'il les entendoit avoir sy longuement souffert; et comme par divine adresse ilz se partirent et furent par deux guides et divers chemins conduictz jusques au villaige de Loo-ten-Hulle, où, s'estans conjoinctz, passèrent pardevant le chasteau de Poucques, jusques à ung caberet viz-à-viz du molin, appellé par ung nom de mauvaise augurre: la court au prince, séant en la paroiche de Caneghem.

Là les prisonniers trouvèrent quelcque peu de provision de pain, bière, laict et œufz, et pendant qu'ilz s'en rafraichissoient l'on s'estoit accordé avecq un charton qui les auroit à mener seullement jusques l'église dudict Caneghem, distant dudict caberet environ demie-lieue, tant estoient aulcuns d'entre eulx lassez et défatiguez par le travail non accoustumé et le reliqua des gouttes aux pieds qui ne les avoient encores du tout abandonnez; lequel charton, quant se vint au partir, en fist difficulté et comme l'on ne sçeut persuader d'atteler ses chevaulx, iceulx guidez d'un aultre paysant allèrent à pied, mais le guide fust révocqué quasi à demy chemin par sa femme avecq grandz cryz et faincte messaige de soudaine maladie de sa femme, ce que meist aulcuns en doulte, de plus que l'on avoit veu audict caberet les paysans les testes ensemble et que le seigneur d'Eecke en avoit veu trois accoustrez en soldatz en ung tailly de bois du costé du chemin.

Parquoy, ilz se résolurent de suyvre ung aultre paysant et se saisir de sa maison, y tenir bonne sentinelle et après la nuict prendre et aller la route de Roullers; mais à peine fut ledict conseil arresté

qu'ilz ouyrent ung bruict de plusieurs accourans en cryans en flameng et franchois: Tuez, tuez les trahistres; par où chascun, s'efforça de se sauver en une belle et spacieuse campaingne voisine, adnestée de soille bien haulte et eslevée.

Et comme les poursuivans emploièrent aussy des chiens pour les chercher, les évesque d'Ypre, seigeurs de Champaingny, Eecke et Rymersch furent descouvertz, pillez, appréhendez et maltraictez; lesdictz évesque d'Ypre, seigneur de Champaingny et Cincq prisonniers Eecke blessez et le lendemain mercredy remenez à Gand chergez d'injures, mocqueries et menaces'.

Les seigneurs de Raisseghem et Erpe se sauvèrent diversement, aussy feirent ceulx qui les aviont assistez et guidez hors de Gand avec le bailly de Lovendeghem, et arrivèrent tous sur ledict mercredy, environ une heure, l'ung après l'aultre à Roullers; mais ledict seigneur de Zweveghem se tient plus de xxiiij heures en ladicte pièche de bled tant pour sa débilité et l'asseure, que pour n'oser se départir du jour de ce lieu de poeur des aguetz; il arriva audict Roullers le xviije, feste du corps de Dieu, envers les noeuf heures du matin, justement xxiiij heures

Ce récit si intéressant de l'évasion des prisonniers diffère de celui du P. de Jonghe en ce que ce dernier conduit les fugitifs à Virderhaute où un boucher de Gand les rencontre et court les dénoncer au magistrat qui ordonna aussitôt de fermer les portes de la ville et de faire des visites domiciliaires chez tous les habitants mais notamment chez les catholiques. On publia à son de trompe que ceux qui découvriraient la retraite des seigneurs de Champagny et de Rassenghien recevraient une récompense de deux mille florins et mille florins pour chacun des autres seigneurs échappés du Princen-hof.

ramenez à Gand.

Trois eschapper

et du tout

mis en liberté.