to attend the bailzies in the counsall hous the tyme of the marcat according to the former act maid theranent in the sowme of Tuelf shillingis scotts for ilk man absent and that ilk man that vas absent fra the meiting of the Bissoip according to ane vther act maid therannent sall pay ilk ane of tham tuelf shillingis scotts. III 268.

I MARCH 1664.

The said day it vas ordeanit be the bailzies and counsall that everie merchand that salbe admitit herefter sall pay to the theasurer to the veill of the toune being ane stranger man the sowme of tuentie pounds scotts money, and everie stranger tradsman aucht lib and everie prenteis and friemanes childrane accept the eldest sone four pounds. III 272.

5 APRIL 1664.

The said day it was ordeanit annent the orderring of the mercat called Skaesfiesday that all hors nolt scheip sall stand betuixt the Brig of Done and the Toune end and all sort of clothe sall [be] at the cros and the timber betuixt the Laird of Clunyes wynd and his hous and the Bailzies and quartermaisters sall attend the mercat as vas done abefor and Johne Hervie George Allane and Alex' Irving to sicht and trye the vychtis within the toune. III 274.

27 SEPTEMBER 1664.

The said day Patrik Chyne having ane hors going in the samen citie having the skab and lercie he vas ordeanit to put avey his hors or els to fell him and give anny ane felit him he sould be frie for doing of the

The said day Andro Barker smithe in Old Aberdeine vas decernit to pay and delyver to Williame Youngsone cherurgine in Aberdeine the sowme of ten merks for cureing of Georg Barker his broken lege to be peyit vithin terme of law. III 279.

8 NOVEMBER 1664.

The said day it vas ordeanit that ilk ane that vas absent fra the laird of Vdny his buriall sould pay tuelf shillings give they hed not ane lawfull excuis for ther absenty and the Theauserer to vptak the samen vithin terme of law. III 280.

3 DECEMBER 1664.

The said day the hammermen tred vas ordeanit to pey four schillings sterling for admitting of Walter Mengzies Andro Nairne to ther court vithout leive askit of the Bailzies and counsell. III 280.

15 JUNE 1665.

The said day it vas ordeanit that George Cuming deacane of the hammermen tred sould dischairge patrik Kilgour frome all forder working within the toune till he enter frimane within the toune and that vithin aucht dayis and to tak his naime out of the croftis buik under the failzie of four punds. III 282.

16 OCTOBER 1665.

The said day Alexander Orum in Old Aberd having takine the small customes efter ropping of the samen till Michelmes nixt Jm vic hundrethe and sexty sex yeirs for the quhilk yeirs tak he promissit and obledgit faithfullie to pay and delyver to Walter Robertsone Theausaurer for the vs of the toune all and haill the sowme of feftie thrie merks thrie shillingis four penies payable at tua termes the on half at Vitsonday nixt and the wther half at Michelday therefter and for performing of the premisses The said Alexander Orum as principall and Johne Leithe backer and Williame Coutts merchand as cautioners for and withe him bindis and oblidges thamselfis conjunctlie and severallie to pay the forsaid soume at the forsaids termes abowe writtine wnder the failzie of ten merks for ilk termes failzie In testimonie quhairof they have subscryvit thir presentes withe thair handis At Old Aberdeine the sexteine day of October Jai sex hundrethe and sextie fyve yeirs before vitnesses James and George Gordoune bailzies. III 287.

18 OCTOBER 1655.

Compeirit the collectors quho vas chossine for uptaking of the customes at Sanct Luiks fair Item be George Allane his reset at the Brig of Done tuentie merks four s 1od Johne Hervie at the Milor Holl sexteine merks 9d Williame Wobster at the Poewis Brig tua lib 18s Williame Sangster at the Brounhil fyve lib 3s 4d Andro Baird at Tillidronshill 16s 8d within the bodie of the toune fourtie shillings all deliverit to the Theausaurer. III 288.

24 OCTOBER 1665.

The said day it vas ordainit be the Bailzies that herefter no deacans within the treds sall be chossine accept the man that hes heritage vithin the citie and to be ane vnderstanding mane to be anserable to the Bailzies and counsall and ordeanit this act to be insert and buikit in the deacane conveinar his buikis making intimatioune to all the rest of the deacanes of the haill Treds to the effect forsaid. III 288.

7 NOVEMBER 1665.

The said day George Murray pypper having givine in ane supplicatioune to the Bailzies and counsall for going throche the toune morning and evining withe the pype and drum The saids Bailzies and counsall having hard the supplicatioune they gaive him the office and to go. throche the haill citie betuixt four and fyve hours in the morning and at aucht houris in the evining and he to gait tua schillings of ilk riking hous vithin the citie and he to give and set ane honest cautioner for him for his lawful dilligence of his plaice quho fand . . .

his cautioner. III 289.

5 DECEMBER 1665.

The said day James Hay skinner in old Aberdeine vas decernit to pay and delyver to Margaret Elleis ther four merks of silver withe cot and sleives ane pair of schone ane new sark for her service fie half ane yeir bygaine or than the hiest pryce of the said geir to be peyit within terme of law dedutand threttie shillingis peyit in peyment theroff. III 290.

I JANUARY 1666.

The said day George Arechbald in Old Aberdeine being chairgit for cuting of Kethoks milne his brum and James Gordoune of Setoune his brome and carieing avey of the samen sindrie and diverse tymes the said George Arechbald compeirand and confessing the samen The Bailzies onlyit him in the sowme of ten merks to be payit within terme of law and give he dois the lyk againe to be banischit out of the toune.

The said day James Nairne skinner being chairgit for having vnfamous wechtis and the Bak therof being teine frome him in . . . be the Deane of Gild in Aberdeine and deteining the Bak of his vechtis The Bailzies ordeanit him to gait the bak againe frome the Deane of

Gild and to present the bak and vechtis befor the Bailzies and Counsall of old Aberdeine and to gait ane absolvitor from the Deane of Gild give his vechtis vas richt or not and to produc the samen vpoune the aucht day of Januar wnder the paine of ten pounds to the Theausaurer of old Aberdeine to the veill of the toune. III 291.

22 JANUARY 1666.

The said day compeirit Thomas Boyis Johne Ros Pat: Leslie Johne Kenney Alexander Lundie induellaris and burgeses of Aberdeine James Fraser Thomas Angus Williame Lin Jeane Forbes Johne Cassie Thomas Orum Williame Angus George Gordoune for Jeane Leithe Williame Logane Johne Fraser Hendrie Adame heritoris of the rigis of land in Old Aberdeine and condisendit that sowme Comissioners sould be chossine and send to the provest and Bailzies and Counsall of Aberdeine for ane meiting and communing annent the multeris of the rigis of Old Aberdeine in relatioune to Gordouns milne Lykas ther vas chossine Mr Thomas Sandilandis Commissar of Abd Mr Patrik Gordoune Johne Ros as also ther vas chossine George Gordoune Thomas Boyis Thomas Angus Patrik Leslie Johne Cassie Johne Kenney for the adverteissing of the Provest and Bailzies of Abd. and for giving in instructiones in the said matters. III 293.

21 FEBRUARY 1666.

The said day maister Patrik Gordoune reportit the ordor of the Comissioune givine annent the multeris of the rigis of Old Aberdeine and Gordounes milne to the magistratis of Newe Aberdeine and declairit he hed sent the just copie to the Bissoip of Aberdeine he being in Ed for the tyme. III 296.

28 FEBRUARY 1666.

The said day George Lovie vas onlyit in fourtie shillings for dissobeying the Bailzie in not cariing ane poor vyf out of the toune as also it vas ordeanit that quhatsumewer persone within the toune manesit or trublit Andro Nicoll for cariing avey the crippell vyff out of the toune sall pay to the veil of the toune ten merks. As also quhatsumewer persone vithin the Citie refussis any of the quarter maisters having chancelled vnfamous persones vithin the said citie and they refussing to obey the quarter maisteris to apprehend any vnfamous

persone vithe tham sall pay ten poundis scotts money and to be vardit till the only be payit and the officiaris to attend the quartermaisteris for putting the trubling persones to any plaice the Bailzies pleisses and this act to be registrat in the deacan conveiner his buik and ilk tred buik vithin the citie.

The said day Davidsone vas ordeanit to remove himself out of the citie befor Vitsonday nixt and that for the most manifold vrongis done be him in the citie and for the most abominable abussing of his vyff both privatlie and publictlie. III 296.

IO APRIL 1666.

The said day the persones vnder vreittine var ordeanit to tak vp the customes at the insewing marcat called Skyrs Firsday James Reid at the Brig of Done George Cuming Alex' Schand for the Morter Holl James Fraser vover for Bromshill Alexander Strauquhan Arthour Knicht Williame Cumingis for Tillidronshill Robert Broune for Powis burne and Hendrie Adame Williame Coutts for the bodie of the toune and the deacane conveinar to hold ane court that ilk tred bring ther varris to the marcat in sick ordor as vas vssit and done abefor And that the customes sall be as followis viz For ilk cow and calf hors ox tuelf penies Ilk zew and lamb or old scheip four penies Ilk elne of clothe lining or vool ane peney Ilk pair of stokingis ane penie-Ilk laid of timber fiche or vther grois vair tua shillingis scotts. Ilk pair of dubbell sold schone accept Bairnes schone four penies singell sold schone tua penies Ilk laid of ledder 6s 8d or else tuelf penies for ilk hyd Ilk Paik of woll 6s 8d Ilk merchand stand 3s 4d and Thomas Angus Williame Lin sall visit the elvanes and wechtis and all goods to be keipit and the cassies dichtit. III 297.

15 MAY 1666.

The said day the Bailzies ordeanit that sindrie of the heritouris of the citie sould go and veisit the mos with the Bissoip of Abd going to the samen vs for the veill of the citie and to choiss sindrie honest men to that effect as they did choiss. III 299.

4 JUNE 1666.

The said day James Gordoune Bailzie declairit that he and George Gordoune Bailzie hed met withe Frances Irving annent the comane