of god 1610 yeris w powar to the said Mr Jon and his forsaidis to resaue and vptak the samen fra his tennentis at the terms of peyment. I 95.

5 OCTOBER 1610.

The said day comperit James Elphinstone of Glak and producit ane instrument of the lands of Glak of the dait at Abd. the thretene day of November the yeir of god Jaj four hundret nyntie nyne yeiris qlk beiris na suit nor presens to the bishopis court and therfor the Baillyie obsoluit him therfra. I 99.

6 APRIL 1611.

In presens of ane reuerend father in God Pitter Bischope of Abd. The quhilk day in presens of me notar publict and clark of the bischoprick of Abd. and vitnes vnder writtin Comperit personalye Margrat Ogilvy spous to Alex' Forbes portionar of Croffs and therout with the presens of hir said spous Renuncit quyt clamet and dischargit hir lyverent and conuinct fie of all and haill ane croft of land callit Simonis croft extending to thrie scoir and sewin elnis or ruddis in breid at all partes lyand on the est syid of the kingis commone gett that passis fra the toune of Abd. to the Brig of Done in the beirsched of the Seatone Betuixt the croft sumtyme of George Knollis now of Patrik of Gordones mill at the southe the landis of Seatone at the northe and eist partes and the kingis commone gett at the vast lyand within the schyir and sherefdom of Abd. In fauoris of Jon Touche elder burges of Abd. and Mariory Barbur his spous in lyverent and for all the dayis of thair lyiftymes and failzeing therof in fauoris of Williame Touche thair secund lautfull sone thair airis and assignis q'sumeuer vt all right tyttel of richt entres cleme propertie and posessione kyndaus and gud vill qlk scho in anievayis haid hes or may pretend therto and gave hir corporall ayth neuer to cum in the contrar Renunceand all exceptione of the law introducit In fauoris of veimen and in speciall senatus consulli veleyani and imediatlie therefter comperit the said Alex and gave his expres consent and assent to the said renunciatione and ratefeit and approvit the samen in all poyntis To the qlkis premissis the Bischope forsaid interponit his authie vpone qlkis premissis the said Jon Touche askit and tuik not and instrument in the handis of me clark of court and notar vnder writtin

in the said bischopis hall of new Abd. at thrie houris efter noun or therby Befoir thir vitnes Mr Archabald Blackburne ministar of Abd. Mr Wm Strauchin seruitor to the said reuerand father Alex' Litster in Auld Abd. and Robert Forbes burges of Abd. I 108.

19 NOVEMBER 1611.

The said day the Reuerand father hes choissen and electit Alexander Gordoun of Cluny prouest of Auld Abd. and he to exerceis the said office qll the feist of Michalmes nixt And Siclyk electit Mr Patrik Gutherie and Mr James Irving bailzeis of Auld Abd. qll the said feist of Michalmes quha acceptit the said office of bailzearie in and vpone tham and gaif thair aythis de fideli administratione therintill. I 109.

13 DECEMBER 1611.

The said day George Chalmer in Auld Abd. fleschor and Elspet Nory his spous ar convict in amerciament of court for the ryottis and vrangis doing be tham to Mariory Chalmer Bessie and Issobell Chalmeris in Auld Abd. viz for cuming to thair wall w'out licence and casting done of Patrik Leslies seruandis tub and spilling of thair watter they haffing gottin licence of the said Mariory as also in vrangus and m'full away taking of watter out of the said Marioyes wall and in trubling and offending the said Mariorie and hir saidis dochteris and thairfor to pay the sowme of Ten libs of wnlay and sax libs money for asythment to the said pairties w'in terme of law. I III.

16 DECEMBER 1611.

The said day the visitor of the Tayler and Cordinaris and fleschoris ar convict ilk ane of thame in the sowme of ten libs for contraweing of the act maid the 9 day of Dec'. I 112.

IO DECEMBER 1612.

The said day ane reuerent father haueing pouer to elect prowest and baillies within the said citie and Mr Dauid Rait principall of the colledge of Auld Abd. commond procurator of the samen electit noiat. and chesit the Richt honorabill Alex Gordoun of Cluny prowest Mr. Patrik Guthrie and Johne Chein baillies for the toun and colledge

boundis for ane yeir vnder this condisioun that the seuerall juresdictiones be not confoundit bot be saiff to thame and that they concur with vtheris qlk prowest and baillies acceptit the said office in and vpon thame quha gawe thair aith de fideli administrationi. I 114.

The said day it is statut and ordanit be the prowest and baillies with the consent of the maist pt. of the inhabitentis therof that quhatsumeuer persone or personis within the citie of Auld Abd. or colledge boundis aduancis or lens to any schoillier within colledge or gramar schoull of the samen aboue ane merk peice vpon ane word or vtherwayis That the samen salbe null and of na strenth on the skoller and the skoller to haue back his awin geir again but payment of ony sowme therfor and to tyne sic sowmes as he or sho happinis to giwe and the recepter of the saidis wadis being conwict therfor sall pay the sowme of fywe pundis toties quoties giff they be twyce relapis The samen salbe ane point of ditta to thame and this to be payit to the toune. I 115.

20 JANUARY 1613.

The said day Margrat Duncan and Gilbert Johnestoun alias caldrum hir spous being delaitit be the priue inquest of the said citie to be ane commond receptor of thift and recepter of the studentis of the Kingis Colledge of Auld Abd. cwilzeor of thame and abstracker of thame frome thair studies and ane commond flyter with the nichtboris of the toun and blasfeming of the name of god sho is convict therfor and also the said Gilbert Jo"stoun alias caldrum hir spous being ane new interand he is delaitit be the said priwe inquest to be ane iydill man and to be ane vnlauchfüll nichtbor within the said toun haueing nather kaill auldhening as also is delaitit to be ane commond drunket and tinezeor quhan he is fwll And in the mein tyme the said Margaret being accuisit sho raiff the bill Judicialie and in respect therof and of the former ditta ilk ane of thame being conwict therfor for thair awin partis The [said] Margrat was decernit to be put in the gorvis as also sundrie complanstis of honest men and vimen if the said citie being giffen in agains thame To compeir and anser at thair just aucess in the court of the said citie and being lauchfullie warnit sundrie and dyweris tymes to that effect they wilfullie rebellit and contemnit the saidis courtis and wald nawayis compeir therintill The saidis prowest and baillies haueing respect to the former dittaes of the saidis Margrat and Gilbert and of thair wilfull

dissobediens to anser to his maiesties lawis conwictit ilk ane of thame and decernit thame to be baneschit furth of the toun and quhatsumeuer persone or persones within the said toun receptis thame heirefter The recepter to pay the vnlaw of Ten merkis for ilk tyme that they ar found to recept thame Toties quoties vpon the qlkis premissis the prowest and bailleis askit and tuik act of court and instrument in the handis of me notar publict. I 115.

22 FEBRUARY 1613.

The said day it is statut and ordanit that the haill inhabitantis of Auld Abd. that quhatsumeuer he be that deforces the officeris within the toun or croftis menis officeris therof in executioun of thair office of puting of thair decreits to executioun ilk persone man or wyff deforceing salbe put in the stokis be the space of fourtie aucht horis and to pay Ten pundis befor thai cum owt theroff prowyeding alwayis that it salbe lauchfull in tyme cuming That giff ony interand entres within this toun that thinkis tham selffis agrewit be the maister of the croftis that thai ar ower heichlie taxit in thair entress It sall be lesum to tham to complein to the prowest and baillies and the wyff that deforces sho to be put in the stokis and hir husband to be comptabill for her vnlaw. I 117.

23 MARCH 1613.

The said day the prowest and baillies forsaid conwictis Jeane Quhyt in amerciament of court for the trubling and iniwring of Elspet Thome and in respect that sho is ane commond flytter and drunkart throw the toun the prowest and baillies ordainis hir to be baneshit aff of the toun and brunt on the cheik incaice sho commit ony fault heirefter ather be word or deid. I 118.

7 APRIL 1613.

The said day it is statut and ordanit be the prowest and bailleis of Auld Abd. bailleis of the colledge bundis and inhabitantis of the chanorie wt consent of the haill inhabitantis of Auld Abd. chanorie and colledge bundis that the bishopis Loche of Auld Abd. salbe bocht be the habitentis thairof fra Mr Robert Gairdyne of Blairtone and thai ar all wiling that the said towne colledge bundis and chanorie salbe stentit for the sowme of Tuelff scoir markis to be peyit within fyiftene dayes efter the gifing out of the stent roll and the prowest bailles consall hes

elecit and chossin Patrik Gordoun of Gordonesmill Jhone Chalmer Mr Patrik Guthrie Alex' Moutray Jhone Reid and incaice of wariance Mr Dauid Rait prin" of the Kingis Colledg of Auld Abd. to be o'man quha hes giffin thair ayt de fideli administratione and sall conuene w'in the consistorie place of Auld Abd. wpone the nynt instantis. I 118.

3 DECEMBER 1613.

The said day the prowest and baillies wt consent of the maist pt of the croftismen of Auld Abd. That quhatsumeuer decean beis chosin be maist waitis he sall enter w'in fourtie aucht horis therefter or eles to pay the vnlaw of twantie pundis to the prowest and baillies and tyne his fredome. I 120.

5 APRIL 1614.

The said day it is statut and ordanit be the baillies for escheweing of the inconvenient and skaith that is done be the bairneis serwandis and vagabandis in Auld Abd. in casting of the steanis on the kirk and braking of the vindowis of the samen And becaus the kirk is pntlie repairit and that the samen be saiff in tymes cuming It is statut and ordanit wt consent of the prowest and baillies and wt consent of the haill inhabitantis of the toun that quhatsumeuer bairne sholler or other lowse youthis w'in the toun not haueing mrs beis fund w'in the kirk or kirkyard playing or casting stenis That the awner of the bairne or m of the serwand sall pay sex s. 8 d. toties quoties they being challengit be Alex' Mutray and the vagabund to be bund to the cros and brydlit therat and stand xxiiij horis bund therat. I 123.

28 DECEMBER 1614.

The said day it is statut and ordanit be the prowest and bailleis of the said citie of Auld Abd. and baillie and conseruiter of the said colledge that the haill croftis of Auld Abd. and colledge boundis To wit the dewcanis therof sall mak compt rakining and payment of the halff of thair entressis of the haill interantis win this toun to the kirk of Sanct Mather thir four yeiris bygain and the decane to mak compt theirof betuix the dait heirof and the feist of Candlemas nixt cume and sua furth yeirlie ewerie decon sall mak compt yeirlie at candilmes vnder the pain of Ten pundis as lykwayis to be comptabill for the penalties for thair absence from the kirk. I 131.