Mr. Gilbert askit and tuik act of court and instrument in the handis of me notar publict and clerk of court. The said day the haill deakenes of the craftes conteined in the foirsaid instrument viz. David Abell deiken of the wobsteris, George Chalmer deakin of the fleshers, Andrew Adam deacon of the cordonaris, John Andersone deikin of the tailzeouris, and William Hay dekin of the Hammermen, being all first solemnelie suorne to be faithful in thair owin callingis and craftis and then to choose among themselfis a dekin convener they all in one voice nominat and choosed the said Williame Hay deikin of the Hammermen to be deiken convener of the haill craftis. The said day Mr. Gilbert Ros is found to have securitie for his old stipend and likewise for the 40 merkis conditioned him by the bailzies and deikenis of the toun as is at moir lenth conteined in the foirsaid instrument lykewayes the said Mr. Gilbert his scholleris thair stipendis are appoynted as followis viz. thoiss that readis and wreittis onlie a merke everie quarter thoiss that are learneing to sing tuentie shilling the singeris and the tothers both tuentie sex shillingis aucht pennies, and in this regard the said Mr. Gilbert is ordayned to keipe the ordinarie houres of attendance at the kirk and schoole according to the forme of New Aberdein, viz. to read the prayeris at the chope of sewin in the morning efter the prayer bell hes rung halfe an houre, and efternoon the bell to ring betuixt halff houre to five and five choped at quhich tyme immediatelie he sall begin to read the prayeris in summer and in winter ane houre sooner at nicht and ane houre laitter in the morning and for his schoole to frequent it betuixt sex and nyne in the morning, ten and tuelf in the fornoone and tuo efternoone and sex houres at nicht. III 17. 18 JULY 1636. The qlk day it wes statute and ordained that the haill feueris and tenementis of Old Abd sall compeir within the consistore place the 26 day of Julij at ten houres and pay thair taxatioune and such as peyed nocht according to the stent roll at that hour shall pey the double within aucht and fourtie houres therefter. III 21. 9 AUGUST 1636. The said day it is statute and ordained that no man shall lay muck in the wyndis of Old Abd. or upon such pairtis of the Calsie that may devigour the toun or impede the free passage of horse and men and sick muck as lyes in thoise pairtis alreadie to be removed be the owneris within aucht and fourtie houres under pain of confiscatioun and in tyme cumming if they lay onie moir thair it shall be leasome to anie man efter aucht and fourtie houres lying to transport away and apply it to his oune uses but onie deed of violence or wrong to be incurred be him thairby. The said day concerning the reparatione of the calsies it wes found that maine actis were made abefore under penalties and not put to executioun and thairfor for the hie calsie that wes appoynted so oft to be repaired it is statute that the calsier sall be sett to work before ewerie manes doore quho sall be obleidged to furnish sand and stones and the calsier to work at the common pryce of fourtie shillingis the rood proportionallie and if the saids inhabitants pey not befor the calsier goe from the dore to be poynded instantlie according to the raitt of the former actis. And because the north entrie of the toune and Loch Wynd makis the access to the toune in winter so difficult that men and horse are both in danger. Therfor it wes thocht guid be the haill toune that theise tuo pairtis should be calsied befor winter ane with uniforme consent of the haill induelleris of the Spittell chanrie and middell toun it wes statute and ordained that thoise that hade horse sould send thair horse gratis and willinglie as it fell them in order to bring four draucht of sand or stones to the saidis places as also all the rest of the inhabitantis that had not horse sould send at leist a sufficient servant with barrowis tulis skullis and such like instrumentis to carie sand as it fell them in thair ordour under paine of poynding the absentis or disobedientis. III 21. 5 DECEMBER 1636. Compt of the Cacies giwin up be Doctor Gordoun and Mr John Lundie Collectouris and bailzies the fyft of December 1636 yeirisImprimis resaived be Doctor Gordoun at thrie severall courtis and a pairt from Mr. John Lundie 39 libs 98 Dischairge-Imprimis givin to the Caciers for sex ruid of Cacie in the Loch Wynd and fyve ruid and a quarter Cacie anent the douket grein in the North syd at 40s the ruid Item to the officiaris for ten dayis attendance and work about sex shillingis the peace per day Item to David Donald for nyn scoir cairt fulls of gryt stones out of Clunies yaird to the Nether Chanrie Port 22 libs 15s 5 libs 4s Summa 12 libs So super exspent IOS Compt Mr John Lundie. Imprimis be me Johne Lundie alon attour all that wes resaived be D. Gordoun according to the said Mr Johne's compt givin in writtin be himself Dischairge Imprimis to the Caciers for laying ellevin ruid of cacie about the Nether Chanrie Port and North entrie of the Town Item advanced to the said Caciers for George Bruce and Thomas Mercer's cacie Item to Nicoll Torrie for leiding sand all the tyme Item to two officiaris to attend the work for 15 dayis wage and a part of the 16 50 libs 15s 21 libs 13s 4d 27s 5 libs 16s 8d 10 libs 4s Thairof 27s of Mr George Anderson to cacie the College boundis. III 24. The said day the act anent the resetting of strange beggaris at the Mertimes court wes put to executione and the persones folowing being lawfullie convict wes all amerciat according to the act in 4 libs everie one bot for sundrie causes the rigor of the said act wes mitigat and thair onlayis modified as folowis-Imprimis Johne Wylie elder in the Spittall 40s; Andrew Yongsone in the Spittell 20s; John Catto thair 13s 4d; Andrew Boyn 6s 8d; John Robie 13s 4d; Andrew Small 138 4d; Thomas Crukshank his onlay for hurting Thomas Adam 26s 8d; James Davidson for resett of beggeris 26s 8d; The said day William Gibson and William Buchan wer conwict be thair awin confession for deforcing the officiaris that wes poynding upon ane act of the deacon of the flesheris and amerciat to ten pundis the man bot out of commiseratione for thair ignorance it wes modified to 4 libs the peace making 8 libs. Summa of theis onlayis 16 libs. Quhich wes distributed as folowis Imprimis paed to Mr. Thomas Messer be D. Gordoun for a commission raising in the proces of the customes 8 libs Item givin to him to John Messer and James Skedow officiaris and William Wat Clerk for thair wages everie on a dolour extending in all 8 libs 2s to Item loss upon a leadin dolour givin in 4s Item givin out also be Doctor Gordoun for sustentation of two Wagabondis putt in ward be the Justice of Peace and giwin to a bearair to go to Pitmedden to try if it were thoise that robbed his tenentis 24s Item given be the said D. for this Court Book 30 JUNE 1640. III 27. 20S We Provest and baillies of the Citie of Auld Aberdein be thir presentis admitis Meriorie Carll Inhabitant in the said Citie fre woman in all tymes cuming to use the tred of huxtar by and sell all such wairis. as hes bein in use to be boucht and sauld be ony of the said tred lauchfullie abefoir be this our writt and subscrywit with our handis. III 29. Be it kend till all men be thir presentis me Maister Gilbert Ross reider of St Macher and maister of the muisick scooll thair Forsameikill as by ane act of the Toun's Court of the dait the threttein day of Junij M. sex hundreth threttie sex yeires I demittit in faworis of the craftis of Auld Abd ony richt tytill or custum that I haid to the uptaking of the fredome of the said craftis and unlawis of the toun to the effect they micht have deakins of thair awin hold thair awin courtis and ilk craft uptak thair awin fredomes and unlawis. For the quhilk caus the saidis craftis and deakins becum bund and obleist to the baillies and the bailzeis to me yeirlie at the feast and terme of Mertimes the soume of fourtie merkis as ane pairt of my steipand as reider and scoollmaister And now since it is of veritie that I the said Mr Gilbert Ross hes receawit from Doctor Williame Gordoun and Johne Forbes baillies all and haill the forsaid soume of fourtie merkis Scotis money quhairof I hold me weill content satisfiet and payit. 2 NOVEMBER 1640. The said day it is statut and ordaint that the haill twa penny candill salbe as sufficient as the rest of the candill of Abirdein and thair aucht penny breid conforme thairto under the pain of confiscatioun as lykewayis ordainis that na huchsteris in Auld Aberdein by na mair meill nor serves themeselffes under the pain of fywe pundis toties quoties. The said day it is statut and ordaint that the haill Crem stowpis in Auld Aberdeen salbe brocht to the cross the nynt of November instant to sie the sufficiencie under the pain of fywe pundis. The said day it is statut and ordainet that all billis gifin in salbe maid and subscrywit be the clerk, utherwayes the samen to be rewen and not to be hard. The said day it is statut and ordanit that the haill husbandmen in Auld Aberdein sall saw the twalff pairt of thair haill laboring in pese under the pain of fywe pundis toties quoties evri yeir. The said day it is statut and ordanit that the officeris in Auld Aberdein ilk ane thair day abowt on the Saboth day sall seirche and seik ather prenteishes or ony uther persones quhatsumeuer in tyme of dewyne serwice and gif ony persone beis fund ather drinking or playing in the linkis or at any uther pastim quhatsumewer that they sall gif wp thair names leallie and trewlie as they sall answer to God and the ane halffe of the wnla to be gifin to the officer upgiffer. III 38.. 9 NOVEMBER 1640. The said day ordanis Johne Pettindreich to produce ane testimoniall frome the pairt com frome last the nixt court or else to remowe af of the toun. III 40. |