to the Auld toun of Abd for thair pairt of ane horse and rydder to the forsaid expeditioun the said Thomas day forsaid is decernit be the said baillie to gif in his forsaid accomptis or if he failze to be lyabill to the preiudice of ellewin scoir merkis aledgit on the heidis of the Auld toun this efter nuin. III 74.

2 SEPTEMBER 1644.

The said day in pns. of the baillies and counsall of Auld Abd. it is statut and ordanit in respeck the pnt. baillies Johne Forbes Mr Johne Lundie and Mr Williame Rait haue acknawledgit the recept of threttie muskettis and bandeleiris conforme and haue to this effect giffin thair band and obligatioun to the committie of estaitis at Abd. quhane the saidis baillies salbe requeiret ather to redelyuer thame or ten pundis for ilk peice in caice of failzie that the successiue baillies quha sall succeid to theas abowe specefeit quhane ewer it sall happin sall stand in the samen missor bund and obliest for the forsaidis baillies releiff and as they now ar sall tak the burding on thame all objectioun and exceptioun being put apairt except onlie thair not recept of armes or ony pairt of thame qlk obiectioun being secludit and they the forsaidis baillies successiue haueing receawit the forsaidis armes or ony pairt therof to be bund and heirby bindis quhane they receawe thair office for releiff as is abowe specefiet.

III 75.

The said day it is appointit the toun and Chanrie of Auld Abd salbe dewydit in thre pairtis and ilk ane of theas pairtis dewydit sall be led owt in armes with thair baillies to wit Mr. Williame Rait for the Chanrie Johne Forbes frome the Cross to the Colledge on the eist pairt Mr Johne Lundie frome the Cross to the Colledge on the wast pairt and the Spittel boundis to be cum in diuislie betuix Johne Forbes and Mr Johne Lundie to be execerceit and dreillit thre dayis in the weik Monday Woddinsday and Fryday fra this weik furth at ten houris ilk day wind and wadder serwand. III 76.

27 SEPTEMBER 1644.

The baillies and counsalloris for the maist pairt ellectit nominat and chuisit Mr Thomas Sandelandis Mr Johne Lundie and Alex' Spalding baillies to Michelmes nixt Jai. sex hundreth fourtie fywe ziers and the said Mr Johne Lundie being present at the bar refuisit to accept the

said office in respeck he is Humanist and maister of the gramer schwill and expreslie prohibit be the actis of the last generall assemblie nocht to be burdinit with ony vther charge as lykwayis [this] toun nocht haueing pouer to chuise the Colledge Magestratis.

And lykwayis the said Alex' Spalding being pntlie. pnt. refuisit to accept the said office in respeck of his inhabilitie and weiknes greiwet with the gutt in his seit kneis and legis and that he may not walk vp nor doun stairis nor keip the churche in tyme of dewyne serwice quhair vpon the said Mr Johne Lundie and Alexander Spalding ilk ane for thair awin pairtis askit and tuik act and instrumentis. III 76.

II OCTOBER 1644.

The said day the haill counsall auld and newe being fullie conwenit and haue all sworne to gif thair woices vprichtily and unpartiallie according to thair knowledge and concience. Thair woices being formalie askit did vnanimuslie nominat ellect and chuise to be thair baillies frome the dait of thir pntis. to Michelmes next 1645 yeirs. Mr Thomas Sandelandis commissar of Abd. Johne Forbes and Mr Williame Rait gifand thame full pouer to excerss the forsaid office duiring the forsaid tyme with vpliftit handis promesing all all lauchfull obedience respect and rewerence and all incuradgment they culd gyff vnto thair forsaidis baillies for the better dischargeing of the said office that they micht do the wark with joy and not with greiff. Quhairupon the persones forsaid to accept the said office vpon thame and gaif thair aithis de fideli administratione and in testimonie thairof the baillies forsaid hes subscrywit thir pntis. with thair handis day and plaice forsaid. III 77.

18 NOVEMBER 1645.

The said day Robert Gleney is decernit to pay to the said theawsauer Ten merkis resevit be him to leiue schouldioris in the said toune and Robert fled and was ane fugitive. III 81.

20 MAY 1646.

The said day it is statuit and ordanit that ilk inhabitant within the toune that hes hors and wantis girse to thair hors that they and everie ane tak girse to thair horses and ky in dew tyme of yeir. Wtherwayis gif ther guid beis fund within thair niechtbouris corne or girse sall pay

fourtie Shillingis toties quoties and that they that hes troupperis horses in keiping and will nocht find thaim girs and corne sall pey the lyk soum in the lyk cais.

The said day it is statut and ordanit that they that wantis horss within the toune sall pey to Meriorie Carle the candell tene wp fra her for susteining of the schouldiouris and they that hes hors sall pey Capitaine Arthour Forbes his peitis that he furnessed to the schouldiouris in naim of the toun. III 83.

8 OCTOBER 1646.

The said day Janet Craigheid being beinshed out of the toune of Abd as ane commond thief and being fund within the citie of Old Abd steilling of the nichtbouris geir and takin and ane lawfull asyss set wpone her be famous men was ordeanit to be scurgit out of the said citie of Old Abd qlk wes done and they quho restet her thairefter to pey ten pundis toties quoties and decernit Agnes Morisoune and Robert Ortoune ilk ane of tham to pey ten merkis for reseting of her abefoir and Johne Huid ten poundis for reseting of stoline geir stoline be her with ane pair of blankittis ane pair of bed plaidis ane pair of scheitteis quhilk the said Elspet confessit thir onlyes to be peyit to the said Thomas Angus theasaurer within terme of law and the said Johne Huid to be baneshit without the toune till [further] advyss. III 86.

23 MARCH 1647.

The said day Jeane Jonstoune is onlyit in fourtie shillingis for wessing clothes at the channell within the Chanrie.

bearreris of peittis

The said day it is statuit ordeanit that all that beis channellit and gottine taking away thair nichtbouris peittis within the commone moss salbe benashit out of the toune.

The said day it is statuit and ordeanit that no man cast peittis within the commone moss bot onlie heritouris and Indwelleris within the said citie. III 87.

20 MAY 1647.

The said day the cassies about the commoune wall and the cassies going to the brig of Done ar ordeanit to be put up and mendit wpone the commoune charges of the toune. III 88.

The said day it is statuit and ordeanit that everie ricking hous within the toune sall pey to Johne Kilgour for ringing of the fyve houris and nyne houris bell tua shillingis. III 88.

II JUNE 1647.

The said day it is statuit and ordeanit be the bailzies and counsall That the toune salbe divydit in four pairtis for visiting of the seik th'in, and that ther salbe chossine four honest men to be visitoris and that they sall visit everie hous within th' awne quarteris and gif ther diligence to the bailzies of the said toune and to that effect chossit Williame Cuming to be visitior fra Alex' Spalding his duelling hous to Williame Hayis hous on bothe the sydis of the gait Williame Lin visitior fra Williame Hayis hous to Thomas Merser bailzie's hous, Thomas Angus visitor fra Johne Andersone decane of the tailzeor croft his hous, to Dauid Jonstounes hous, and Johne Farquhar of Norane to be visitor fra the said Dauid Jonstounes hous for the haill Chanrie and chaplenes, and that the said visitoris sall tak wp the naimes of everie familie within thair divisioune and that if they pleas to tak any honest man to go with tham for doing of thair diligence. III 89.

3 JULY 1647.

The said day it is statuit be the bailzies that ther salbe nae publict meiting or conventioune in taveranes for bying of wyne or aill in respect of the plaige without licence of the bailzies wnder the pain of Ten poundis toties quoties. III 89.

The said day it is statuit be the bailzies and Counsell that ther salbe ane wetche withine the toune for keiping of the samen striklie for fear of the plaige and for keeping of the said wetche ther salbe chossine sex capitanes within the toune and they to choiss ther awine officieris and the wetche to begin at four houris efter none and to continow till fours efter none therefter and sua furthe according to the tyme of the yeir.

The said day it is statuit and ordeanit that na women or bairnes go to the toune of Abd. under the paine of banishment and that na man go to Aberdene without ane speciall varrand frome the bailzies under the paine of Twentie poundis and tyning of thair fredome and putting thaim out of the toune in respect of the great plaige withine the toune.

The said day it is statuit and ordeanit that na croftisman quhat

someewer, wobster tailzeor hemmerman and uther croftis quhatsumewer sall reseawe na yearne or clothe or any uther wark out of the toune under the paine of tuentie poundis and discharging of thair fredome and puting tham out of the toune in respect of the plaige.

The said day the bailzies and counsall discharges all publict mercat selling or bying at the mercat cross of the said Citie or aney open mercat under the paine of confiscatioune of ther geir that beis sold during the bailzies and counsall ther further advyssment. III 90.

25 SEPTEMBER 1647.

The said day James Moddanes Smithe duelling beyond the cassies having abussit and molestit Thomas Merser bailzie doing his office and drawing of ane dirk to him the said James being takin and puttine within the stokis in ward and having lyne thair tua nightis and tua dayis The said provest and bailzies having considderatioune of the said James his wyff and bairnes, onlyit and decernit the said James to pey to the theasaurer for the veil of the toune Tuentie poundis To sit at the market cross within the stokis during the pleasure of the said Thomas Merser and efter he be releivit not to come within the citie againe till pasche nixt during the provest and bailzies pleasure and Williame Elleis elder vobster becam cautioner to the toune for the said Tuentie poundis. III 93.

10 APRIL 1648.

The said day it is ordeanit that ane privie Inquest sall be had throuche the toune and that thair sall be choissine sexteine honest men to that effect being sworne and sic Infamous men or vomen that beis fund within the toune salbe removit presentlie efter the Inquest. III 96.

The said day it is statut and ordeanit that na man or vomen sall be seine going on the streattis on the Sabbothe day under the paine of fyve lib. III 97.

13 JUNE 1648.

The said day it is ordeanit that ilk reider that is learnit to reid within the Musick schoole sall pay to the doctor thairof thrie schillings four penneis during the vill of the provest and bailzies of the toune.

III 100.