decimas, terras, domos, villas, prata, pascua, nemora, [molendina], iu[ra, iuris]dictiones et quedam alia bona ipsius domus, datis super hoc litteris, confectis exinde publicis instrumentis, interpositis iuramentis, factis renuntiationibus et penis adiectis, in grauem dicte domus lesionem [nonnullis] clericis et laicis, aliquibus eorum ad uitam, quibusdam uero ad non modicum tempus et alijs perpetuo ad firmam uel sub censu annuo contulerunt, quorum aliqui super hijs confirmationis litteras in forma communi a sede apostolica impetrasse dicuntur. Quia uero nostra interest, super [hoc] de oportuno remedio prouidere, discretioni tue per apostolica scripta mandamus, quatenus ea, que de [bonis] ipsius [domus] per [conces]siones huiusmodi alienata inueneris illicite uel distracta, non obstantibus [literis, publicis instrumentis, iuramentis, renunciationibus, penis et confirmationibus supradictis, ad ius et proprietatem eiusdem domus legitime reuocare procures, contradictores per censuram ecclesiasticam, appellatione postposita compescendo. Testes autem, qui fuerint nominati, si se gratia, odio vel timore subtraxerint, censura simili, appellatione ces]sante compellas ueritati testimonium [perhibere]. Datum Auinione VI idus Aprilis, pontificatus nostri anno decimo.

Oryginał pargaminowy, w znacznej części zbutwiały i powypryskiwany, przechowany jest w zbiorach książąt Czartoryskich. Bula wraz ze sznurkiem oderwana. lest ten dokument drukowany w Nakielskiego: Miechowii, na str. 254.

DXCII. 1326. die 30. m. Septembris, Cracoviae.

Nankerus episcopus Cracoviensis, inter Philippum archidiaconum Lublinensem et coenobium Calvomontense de decima villae Czołys litem dirimit.

In nomine Domini amen. Nos Nankerus Dei gracia episcopus Cracouiensis, vniuersis presentes litteras inspecturis, facimus manifestum, quod discretus vir Philippus archidyaconus Lublinensis in nostro iudicio per discretum virum Dominicum capellanum nostrum, religiosorum virorum Strezkonis abbatis et sui conuentus de Caluo monte procuratorem legitimum, tractus in causam, personaliter constitutus, confessus est et publice recognouit, quod decima campestris in villa Czolys wlgariter nuncupata, super qua sibi lis et questio in nostro iudicio mota fuit per Dominicum supradictum, pertinuit ab antiquo et pertinere debet ad abbatem et suum conuentum ac ipsorum monasterium de Caluo monte, nec ipsos de cetero in ipsa decima predictus archidyaconus wlt aliqualiter tanquam eis debita impedire, omni iuri vel accioni ibidem renuncians in perpetuum, quod ius vel accio sibi racione predicti hactenus videbitur competere in eadem vel posse competere in futurum archidyaconatus de Lublin. In cuius rei testimonium presentes litteras nostro maiori sigillo sigillatas, abbati et conuentui predictis dari mandauimus perpetuo valituras. Actum et datum Cracouie in castro, in domo nostra episcopali, in crastino beati Michaelis

archangeli, anno Domini Mo. C°C°C° vicesimo sexto. Presentibus dominis: Mathia Zauichostensi et Wirchoslao Radomiensi archidiaconis, canonicis Cracouiensibus, Frowino plebano de Sandomiria, Petro nostro et Alberto dicti Mathie scriptoribus et multis alijs testibus. fidedignis.

Oryginał pargaminowy, pieczęć wraz z sznurkiem oderwana.

Calvus mons, Łysa góra czyli Święty krzyż, wieś w woj. sandomirskiem, obw. i pow. opatowskim, par. Słupia nowa.

Czolys, gdzieby leżał, odszukać nie zdołaliśmy.

DXCIII. 1327. die 2. m. Februarii, Cracoviae.

Wladislaus rex Poloniae cum coenobio Mstoviensi villas. Komorniki et Skarzyce villis Włodowice et Parkoszowice com

mutat.

acta

In nomine Domini amen. Cum ea, que frequenter legitime sunt, longitate temporis interueniente, que mater est obliuionis, multis multocies in dubium reuocantur, ideoque nos Wladislaus Dei gracia rex Polonie, nec non terrarum Cracouie, Sandomirie, Lancicie, Cuiauie, Syradieque dux et dominus, scire volumus vniuersos, tam presentes, quam posteros, presencium noticiam habituros, quia intendentes vtilitatibus nostris, bona siue hereditates nostras insimul volentes aggregare, cum religiosis viris domino Iohanne preposito et conuentu de Msthow wlgariter dicto, commutacionem fecisse profitemur, dantes eis hereditates, videlicet Kumornyky in Morszko et Scaricze wlgariter dictas, pro partibus hereditatum Wlodowycze et Parkossowicze wlgariter dictarum, que quidem partes dictarum hereditatum ipsos seu claustrum eorundem ab exordio sue locacionis hereditarie contingere videbantur, cum omnibus vtilitatibus, vsufructibus in dominium nostrum per commutacionem puram recitatas dicti claustri hereditatum partes ex nunc accipimus; prefato conuentui seu claustro prescriptas hereditates simili modo cum omnibus vtilitatibus, vsufructibus, syluis, pratis, piscinis, ceterisque prouentibus, qui nunc sunt, aut fieri poterunt in futurum, secundum quod pretacte hereditates certis suis antiquis terminis circumferencialiter sunt distincte. Insuper attendentes, quanta speciali prerogatiua felicis recordacionis progenitores nostri fundacionem suam claustrum predictum fratresque ibidem Deo deseruientes dilexerunt, eorum vestigijs inherere cupientes, marcam auri, quam nobis soluere singulis annis sunt astricti, ob amorem diuine retribucionis dimittimus, ipsos et eorum successores a predicta marca absoluimus et eximimus perpetuo liberando. Damus eciam predicto conuentui seu claustro memorato potestatem locandi iure Theutonico, iure scilicet Nouifori, quod Sroda dicitur, omnes hereditates ad ipsum claustrum pertinentes: iura Polonicalia omnia et singula in solucionibus, exaccionibus, seruicijs ceterisque vexacionibus, angarijs, perangarijs, quibuscumque nominibus censeantur, necnon iudicia castellanorum,

a

palatinorum, iudicum, subiudicum ac iurisdicciones ipsorum, ministeriales, officiales quoque eorundem a prefati claustri hereditatibus seu villis perpetuo remouendo"; sed tantummodo scolteti villarum conuentus nominati in bonis eiusdem causas tam leues, quam magnas, siue (ad) suspendendum, siue ad decollandum, ceteraque genera penarum iuxta merita penas infligendo, iure Theutonico iudicabunt, neque euocacionibus ministerialium seu officialium ad presenciam quorumlibet iudicum citari tenebuntur, nisi per nostram litteram sigillo consignatam, in nostra curia euocati, de se querulantibus iure suo Teutonico respondebunt; omnes habitatores hereditatum nominatarum, dum scolteti eorundem in reddenda iusticia negligentes reperti fuerint, iure sue locacionis existant responsuri. In cuius rei testimonium presentem paginam sigilli nostri munimine duximus roborandam. Actum Cracouie in die Purificacionis Virginis gloriose, anno Domini Mo. CCCo. XXVIIo. Presentibus nobilibus viris: Nauogio castellano Cracouiensi, Thomislao palatino Sandomiriensi, Spyczmiro (palatino Cracouiensi), Mysthuyo iudice Cracouiensi, Adamo castellano Vislicensi, Imramo subpincerna Cracouiensi, domino Petro preposito Sandomiriensi, vicecancellario curie nostre, et alijs multis fidedignis. Datum per manus magistri Francisci, prepositi Vislicensis et cancellarij Cracouiensis, quarto nonas Februarij.

Długosz: Liber beneficiorum, tom III, str. 158. Sprostowane myłki: a) fundacione sua, b) remouendi, c) gratulantibus, d) Myschuxo.

Mstów, miasteczko w woj. kaliskiem, obw. i pow. wieluńskim.
Komorniki, dziś nie istnieją, snać do wsi Skarzyc przyłączone zostały.
Skarzyce, wieś parafijalna w woj. krakowskiem, obw. olkuskim, pow. pileckim.
Morsko należy do parafii Skarzyce.

Włodowice, wieś paraf. w tymże obwodzie i powiecie.
Parkoszowice należą do par. Włodowice.

DXCIV. 1327. die 19. m. Aprilis, (in Stary Sącz).

Catharina abbatissa monasterii Sandecensis, sanctimonialium ordinis s. Clarae, Mathiae Ungaro et filio eius Nicolao scultetiam in villa Myślec confert.

In nomine Domini amen. Ne processu temporis gesta hominum euanescant, iure suadente testimonio fidedignorum et literarum adminiculo per memoriam perpetuam fulciuntur. Proinde nouerint vniuersi, presentes pariter et futuri, quod nos soror Catherina abbatissa totusque conuentus sororum in antiqua Sandecz, ordinis sancte Clare, attendentes fidelia et vtilia seruicia Mathie Vngari de Myslcza, que olim reuerende domine et matri nostre Kynge, ducisse Cracouie et Sandomirie, simul et domui nostre per eandem fundate, multipliciter exhibuit, et adhuc domino concedente filius suus Nicolaus, vt credimus, nobis plenius exhibebit, dedimus et contulimus eisdem Mathie videlicet et filio suo Nicolao predicto ac legittimis successoribus eorundum sculte

ciam in villa nostra Myslcza, locata iure Theutunico Maydeburgensi, laneos vndecim censuales continente: ita videlicet, quod prefati sculteti ac ipsorum vtriusque sexus legitimi successores incolas hereditatis eiusdem in omni causa in dicta villa et non alias iudicabunt, exceptis causis enormibus et difficilibus, quas in curia nostra iure ipsorum cum assessoribus, quos domina abbatissa de consilio ponet sororum, fine debito terminabunt. De omnibus autem penis iudicialibus ijdem sculteti terciam partem pro se recipient, residuis duabus partibus nostro conuentui assignatis. Ceterum omnes incole eiusdem ville singulis annis octo scotos vsualis argenti de quolibet manso in festo beati Martini soluent pro debito censuali, cuius census quinque partes nobis cedent, pars autem sexta ad sepefatos scultetos nostros eorumque posteros deuoluetur. Alia uero seruicia quecunque et honores et vtilitates nec non legaciones, vt alij sculteti nostri faciunt, tenebuntur nobis ipsi ac eorum posteri adimplere. Tria eciam iudicia solenniora ter in anno distincta, iudicare absque nostro nuncio non presumant. Predictis eciam scultetis ac legitimis ipsorum successoribus mansum vnum liberum a solucione census duximus concedendum. Damus eciam eisdem vnam tabernam liberam in dicta nostra villa locandam, et vnum liberum molendinum super quendam meatum fluuij Poprod ex parte ville prehabite construendum, ita, quod vna rota aquatica tantummodo sint contenti, nec ciues nostre ciuitatis antique ibi recipient ad molendinum, alioquin ipso facto vtilitate dicti molendini perpetuo sint priuati. Concedimus insuper predictis scultetis liberam facultatem sculteciam eandem vendendi, donandi, commutandi vel quouis alio modo alienandi, cum nostre tamen voluntatis beneplacito et assensu. In cuius rei testimonium presentes sibi dedimus nostrorum sigillorum munimine roboratas. Presentibus discretis viris: domino Vrouino canonico et plebano Sandomiriensi, fratribus Nicolao et Iohanne confessoribus nostris, Geruino fabro, vicem aduocati gerente, Stephano dicto Cys, Suantoslao dicto Kobolca, Henrico nostro scriptore, Martino clauigero nostre curie et alijs quam plurimis fidedignis. Actum et datum anno Domini M. CCC. XXVII, XIII kalendas Maij.

Z kopijarza klasztoru Panien Klarysek w Starym Sączu, karta 56. Oryginał opatrzony był dwiema pieczęciami.

Myślec, wieś w pow. starosądeckim, par. Żeleźnikowa, po prawym brzegu Popradu położona.

DXCV. 1329. die 1. m. Februarii, Cracoviae.

Segneus heres de Cossek et de Płaszów, monasterio Cracoviensi fratrum ordinis Praedicatorum LX marcas legat eidemque monasterio pratum in Plaszów oppignerat.

In nomine sancte Trinitatis et indiuidue vnitatis amen. Quoniam omnis humana actio stabilis perseuerat, que testimonio literarum ac fidelium testium perhenne recipit firmamentum, sed quoniam pociora

sunt bona anime quam corporis, hinc est, quod mens humana exacta diligencia primo et principaliter prouidere debet bona anime, quam corporis, et illa solerti cura testimonio scripturarum videlicet et testium firmare debet. Quoniam, ut ait apostolus, omnes stabimus ante tribunal Christi, accepturi prout in corpore gessimus, siue bonum fuerit, siue malum: ideo oportet diem messionis extreme misericordie operibus preuenire ac eternorum intuitu seminare in terris, quod reddentea Domino cum multiplicato fructu recolligere debeamus in celis, firmam spem fiduciamque tenentes, quoniam qui parce seminat, parce et metet, et qui seminat in benedictionibus, de benedictionibus et metet vitam eternam. Cum igitur ad sustentacionem fratrum Predicatorum sancte Trinitatis de Cracouia proprie ipsis et presertim suorum animalium ad onera deputatorum, de quorum laboribus vitam comunem ducunt et utcunque mendicando sustentantur, non cum modico onere et sudore, non suppetant facultates, quapropter ego Segneus heres de Cossek et de Plassow, notum facio vniuersis presentibus et futuris, quod in remedium animarum parentum meorum, qui ex hac luce iam feliciter transierunt, ac intuitu proprie salutis trado ac libera donacione nomine testamentj memoratis fratribus predictis de Cracouia ad sanctam Trinitatem confero et lego, circa plenam et lucidam racionem consistens, sexaginta marcas Pragensis monete. Sed quia forte edax penurie tenacitas posset forsitan in eis, qui succedent bonis meis, ex neglectu ipsorum hanc meam intencionem et vltimam voluntatem prepedire in solucione videlicet pecunie predicte fratribus prelibatis, ideo ex nunc ipsis fratribus predictis, quatenus per subuentionem meam certam, securam et expressam ipsorum inopie consulatur, libera largicione do et applico in prenominata pecunia sexaginta marcarum pratum iuxta hereditatem meam Plassow in vicino sitam, quod quidem pratum fratres prefati ex concessione parentum meorum nomine elemosine gratuita simul et mea iam ferme circiter per quinquaginta annos possederunt et tenuerunt, secundum quod in suis terminis, gadibus et limitibus quasi circumferencialiter est distinctum et per rubeta maiora notabiliter circumquaque vallatum, licet minora rubeta in medio super pratum predictum hincinde appareant, que quandoque pro cultura eiusdem extirpantur. Ne obliuio, que nouerca est noticie, memoriam obfuscet preteritorum, quod videlicet predictum pratum non veniebat in sortem sepedicte hereditatis, dum ipsa hereditas pro suma pecunie domino Varsio castellano de Woynycz pro certa summa pecunie exponebatur, sed semper ante et tunc ab omni iurisdicione, titulo excepcionis interiecto a possidentibus iure accomodato excipiebatur. Postquam vero prelibatis fratribus predictis in prenominata pecunia sexaginta marcarum nomine testamentj, ut premittitur, racionabiliter legata, plenarie extiterit satisfactum, extunc ijdem heredes, quos eadem hereditas dicta Plassow post decessum meum contingerit, extunc plenam et liberam facultatem cum omni iure et dominio in sepedicto prato possidebunt, omni respectu fratrum memoratorum excluso ab eodem. In cuius rei testimonium presentem paginam conscribi fecimus, et