eodem loco cum omnibus pertinentiis suis: item ecclesiam sancte Marie de Plozo cum omnibus pertinentiis suis presentibus et futuris: item peciam unam de terra que iacet in monte Bonino non longe ab ecclesia Apostolorum per mensuram tabulas cccc cccc. XVIII: decimam totius nostri dominicati quod nostri antecessores habuerunt infra predictam curtem, necnon et partem illam decime quam eius loci milites dederunt; similiter et omnem decimam terre quam monace laborabunt in toto nostro episcopatu, et terram quam habent sive cultam sive incultam: item ecclesiam sancti Sixti que sita est iuxta villam Baenne cum omnibus suis dotibus, et cum toto iure quod pertinet ad predictam ecclesiam: item locum qui est positum de Flibinis, ac medietatem de predicto dominicato in rivo Merendario, terciamque partem Braide Aloidi, mansos duos quorum unum regitur per Ubertum aliud per Girardum: insuper ecclesiam sancte Genesie constructam in loco Vici cum toto cimiterio et suo castegnario et cum omnibus rebus que pertinent vel pertinebunt ad dictas ecclesias, videlicet piscationibus, pascuis, silvis: item decem mansa in Barbazano et totum allodium quod homines Celarengi habent in Barbazano et Gualfenaria: item ius piscandi in Tanagro flumine ubicumque voluerint, ultra quod libet ingenium faciendi seu molendinum construendi, omnesque homines in suo territorio consistentes distringendi et opera faciendi habet potestatem: item ecclesias santi Michaelis et sancti Laurencii cum omni eo quod predecessores nostri Alricus et Petrus et Otto electus tercius et Landulfus in castello et in villa Montenarii, et in Wepilio, et in Travazole cum hominibus qui erant de suo districtu, sicut et cetera supradicta concesserunt et firmaverunt: item totam videlicet partem Predolensis castri excepta plebe quod in nostra reservamus potestate medietate mercati et telonei atque districti, duos quoque molendinos: terciam partem eiusdem ville, et quicquid in Fiamello et in Malgiano, in Fraverge, seu in Banalo et in centis locis ad eadem corte pertinentibus per laboratores iam dictorum locorum laboratum est ad partem nostri episcopatu Astensis, cum casis, insediminibus, vineis, campis, pascuis, silvis ac telareis, aque aquarumque decursibus, ripis, rupinis, paludibus, viis et inviis, exitibus et redditibus, quesitis et inquisitis, piscationibus, cultis et incultis, divisis et indivisis, una cum finibus, terminibus, accessionibus, omnia in integrum cum decimis de redditu huius tercie partis, et de omni suo dominicato laborato sive predecessor noster Alricus pie memorie episcopus tenebat octo diebus antequam ab hoc seculo migrasset: item monasterium sancti Stefani de Lacu et sancti Andree de Casallo, cum omnibus pertinentiis suis sub imperio abbatisse sancti Anastasii distringenda sunt. In omnibus supradictis monastariis vel in aliqua ecclesia, vel capella ecclesie sancti Anastasii nullus episcopus, nec archipresbiter, nec archidiaconus, nec quivis alius aliquem sacerdotem, vel diaconem, vel rectorem, vel custodem contra voluntatem abbatisse possit ordinare, iuris enim abbatisse est in eisdem monasteriis, et ecclesiis, et capellis ponere et deponere sacerdotes, diacones, rectores et custodes quos voluerit. Decernimus etiam atque ordinamus et cumstituimus ut supradicta abbatissa habeat ex nostri episcopatus parte nostrorumque successorum licentiam et potestatem de terra ipsius monasterii commutaciones facere atque cetera scripta que solent fieri per alia monasteria sicut in lege precipitur. Placita quoque omnia que apparuerint de quacumque re ipsius monasterii ante eamdem abbatissam pleniter diffiniantur. Hec autem omnia que supradiximus, imitantes exempla venerabilium predecessorum nostrorum videlicet Alrici et Petri et Ottoni electus tertius et Landulfi beate recordacionis, statuimus et sicut ipsi predicto monasterio concesserunt et confirmaverunt, ita et nos auctoritate Beate Marie semper virginis et voluntatem nostrorumque fratrum et nostram concedimus, corroboramus et confirmamus. Si quis vero face cupiditatis accensus, vel invidie fomite corruptus hanc nostre auctoritatis, concessionis et confirmationis paginam temerario ausu infringere vel imminuere presumpserit, animadversionis iaculum metuat et plagam Dathan et Abiron senciat, necnon vindictam maleditionis quam Anania et Saphira in corpore pertulerunt incurrat; societatem vero Jude proditoris non amittat, et quod gravius est sit anathema, maranatha, idest perditus sine iudicio in die iusti examinis. Datam in Aste iterum volta feliciter. Ego Oto Astensis episcopus subscripsi Ego Rodulfus vicecomes interfui Ego Otto Guaraldus vicedominus interfui Ego Obertus gastaldus interfui Lanfrancus advocatus sancti Anastasii interfuit. Anno ab incarnacione Domini nostri Jhesu Christi millesimo centeximo quadrageximo II, octavo die mensis aprilis indicione tercia ("). Testes interfuerunt Petrus Gareto, Agnardus Gastaldius, Otto Gastaldius, Rolandus, Agnardus, Rufinus de Corte Comario, Dunniotte, Lanfrancus advocatus sancti Anastasii interfuit. Ego Joseph astensis causidicus et vasallus ecclesie et abbatisse interfui et scripsi. DOCUMENTO VI. 1186, 8 giugno Copia del secolo XV nelle Carte Soteri, ecc. Urbanus episcopus servus servorum Dei dilectis in Christo filiabus Sibille abbatisse sancti Anastasii de Astensi civitate suisque sororibus tam presentibus quam futuris regularum vitam professis in perpetuum. Prudentibus virginibus que sub humbram religionis accensis lampadibus pro opera sanctitatis se vigile preparant ne obviam sponso sedes apostolica debet presidium impertiri ne forte cuiuslibet temeritatis incursus aut eas a proposito revocet, aut robur quod absit sacre religionis infringat, ea propter dilecte in Christo filie vestris iustis postulationibus clementer annuimus et prefatum monasterium sancti Anastasii de civitate Astensi in quo divino mancipate obsequio sub beati Petri et nostra protectione (*) Per uno sbaglio che sovente s'incontra l'indizione è la v e non la che trovasi segnata sulla nostra copia. suscipimus et presentis scripti privilegio communimus. In primis siquidem statuentes ut ordo monasticus qui secundum Deum et beati Bernardi regulam in eodem monasterio constitutus esse dinoscitur in perpetuis ibidem abidem temporibus inviolabiliter observetur. Preterea quascumque possessiones, quecumque bona idem monasterium in presentialiter iuste et canonice possidet, aut in futurum concessione pontificum, largitione regum vel principum, oblatione fidelium seu aliis iustis modis prestante Domino poterit adipisci firma vobis et eis qui vobis successerint et illibate permaneant. In quibus hec propriis duximus exprimenda vocabulis locum ipsius in quo prefatum monasterium situm est cum pertinenciis suis, ecclesiam de Narzolle cum omnibus pertinenciis suis, ecclesiam de Trinitate cum omnibus pertinenciis suis, ecclesiam sancti Stefani de Lacu cum omnibus pertinentiis suis, et alias ecclesias quas habetis cum omnibus pertinenciis suis, possessiones quas habetis in Cellerengho, et quas habetis in Ferrere, et ceteras quas habetis possessiones et iura. Sane non alicuius vestrorum qui propriis manibus aut sumptibus collitis sive nutrimentis animalium vestrorum decimas a vobis nullus exigere aut extorquere presumat. Liceat quoque vobis personas e seculo fugientes liberas et absolutas ad conversionem recipere et eas absque condicione aliqua retinere. In parrochialibus autem ecclesiis quas habetis liceat vobis sacerdotes elligere et diocesano episcopo presentare, quibus si idonei fuerint episcopus curam animarum committat, et de plebis quidem cura episcopo, de temporalibus vero vobis debeant respondere. Cum autem generale interdictum terre fuerit, liceat vobis clausis ianuis, exclusis excomunicatis et interdictis, non pulsatis campanis, suppressace divina officia cellebrare. |