que etiam in Predol ad ecclesiam pertinebat. Item villam Guteprunne superiorem, que est sita iuxta Strobnich, cum omni suo fructu. Item uilla Wintersdorph me procurante ad idem cenobium est donata. Item de villa mea Lutwinouich tercium manipulum decimarum, et de villa mea Plan etiam partem tertiam decimarum. De assensu insuper uestro, domine episcope, do uolo et ordino ac dispono incommutabiliter, ut omnes ville que in hereditate mea situm habent inter Wlitauam et ripam Wlitauich maiorem, et que ibidem inposterum locabuntur, ad forensem ecclesiam in Hohenuurt pertineant et ab ipsius ecclesie plebano qui pro tempore fuerit, incole earum recipiant uniuersa ecclesiastica sacramenta, et ei parrochalia iura persoluant, et ab eo audiant divina offitia, et corpora defunctorum sepeliantur in eiusdem ecclesie cimiterio sicut decet, et dent ipsi plebano de omnibus agris quos excolunt et excolent in futurum, partem terciam decimarum. Item in terra Opauie villam unam nomine Kotchen de nouo fundatam et plantatam cum omni suo iure et prouentibus donau (sic) cenobio antedicto. Item de Sonberk duas partes decimarum, et de Stradenich tercium manipulum decimarum, et de curia nostra Malsich decimas integrales. Item in Sedlechrut duas areas cum agris suis. Item villam Babich cum omni prouentu, qui ex ea poterit prouenire. Item villam Ponedraz apud Wesele dedi dicto cenobio pleno iure. Et hec omnia et singula sepedictus Wocco compater noster donauit nominato cenobio Hohenuurt libere quiete plenarie et integre iure hereditario perpetuo possidenda, petens a nobis humiliter et deuote, ut hoc factum eius in omnibus et per omnia generaliter et singulariter dignaremur nostre confirmationis robore et litteris nostris facti seriem continentibus cum sigilli nostri apensione, ut conuenit, roborare. Nos uero piis uotis et salubribus desideriis fauore beniuolo concurrentes, donationem dotationem et ordinationem ipsius in premissis omnibus et singulis premissorum rite et rationabiliter ac sulubriter et legitime celebratam auctoritate qua fungimur, confirmamus et presentis scripti patrocinio communimus, facientes ipsum honorabili dicti cenobii sigilli nostri caractere insignitum conuentui fauorabiliter assignari. Nulli ergo omnino hominum liceat hanc nostre confirmationis paginam infringere aut ei ausu temerario contraire. Si quis contrarium attemptare presumpserit cum Datan et Abyron et cum Juda traditore domini et cum hiis qui dixerunt domino deo: „Recede a nobis scientiam uiarum tuarum

nolumus", recipiat porcionem.

Actum et datum anno gratie

MoCo Colving. Kl. Junii. Indictione XV.

1. Siegel an grünrothen Seidenfäden hängend und beschädigt; sonst wie in II.

2. Jongelin Not. abb. Ord. Cisterc. lib. V. p. 10. - Sommersberg, Scriptt. I, p. 927 n. 9. Millauer

P.

12.

--

Proschko

P.

3.

IV.

1259. 1. Juni, Hohenwrt. Budiwoy von Krumau schenkt dem neuen Cistercienserkloster zu Hohenfurt seinen Antheil an dem sogenannten Klosterwald. In nomine sancte et indiuidue trinitatis amen. Qvoniam eorum que geruntur in tempore, obliuio solet memoriam resecare, necesse est ea tam testium quam scripture munimine perhennari. Nos igitur Bvdwoy de Krvmbenowe notum facimus et constare uolumus presentium inspectoribus vniuersis, quod de consensu et expressa voluntate uxoris nostre Perhte liberorumque nostrorum cenobio in Hohenwrt ordinis Cysterciensis, quod diuina inspirante gracia ad honorem sancte perpetueque virginis dei genitricis Marie ob remedium anime sue Woko patruelis noster, marsalcus videlicet Boemie, de nouo fundare et construere in communi nostra possessione inchoauit, eam partem silue que nos iure hereditario contingebat, ut ipsius boni propositi et remunerationis diuine participes simus et nominis fundatoris, per manum domini Johannis venerabilis episcopi Pragensis in dedicatione eiusdem ecclesie dedimus in perpetuum pleno iure exceptione qualibet pretermissa, metas eiusdem predicto cenobio legitimas distinguentes. Hec autem sunt mete: Nemus ex altera parte Wlte in occidentali parte attingens uiam illam que ducit in Helfenberch, in orientali parte transiens riuum quendam qui uocatur minor Wltawitz, et pratum Zbyadel inclusiue, ita quod idem pratum ad cenobium integraliter pertineat; et meta in riuulo Mokri nomine terminetur, et incipiens a flumine Wlta dirigitur ascendendo usque ad ortum riuuli iam predicti et inde per montem Hradisch in minorem Wltawitz reuertitur ex directo, et ascendit in illo riuo usque ad altitudinem silue Boemiam et Bawariam diuidentem. Ut autem predicta robur habeant firmitatis, presentem paginam scribi fecimus et sigilli nostri munimine roborari. Testes autem qui aderant, sunt: Dominus Johannes prenotatus venerabilis episcopus Pragensis ecclesie. Dominus Heinricus et Wernhardus fratres de Schowenberch. Wern

hardus et Heinricus eiusdem tituli fratres minores. Dominus Gerbertus. Dominus Livpoldus. Habelo. Andreas. Prehtlo. Chunradus de Turdelinge. Benada. Benisius. Bvdilaus purchrauii de Rosenberch, et alii quam plures. Datum et actum in Hohenwrt anno domini Mo CCo lv. Kal. Junii. Indictione XV.

1. Gut erhaltenes dreieckiges, an gelbrother Seide hängendes Siegel in weissem Wachs. Eine fünfblätterige Rose; in jeder der drei Ecken ein Vogel, von denen der in der Dreieckspitze befindliche offenbar einen Schwan vorstellt. - Si. Budivoi. De. Crvmnov.

2. Millauer p. 23, n. 2.

V.

1259. 1. Juni, Hohenwrt. Witigo von Krumau schenkt dem neuen Cistercienserkloster zu Hohenfurt seinen Antheil an dem sogenannten Klosterwald.

In nomine sancte et indiuidue trinitatis amen. Quoniam eorum que geruntur in tempore, obliuio solet memoriam resecare, necesse est, ea tam testium quam scripture munimine perhennari. Nos igitur Witigo de Krvmbenowe notum facimus et constare uolumus presentium inspectoribus uniuersis, quod de consensu et expressa uoluntate uxoris nostre Sibille liberorumque nostrorum cenobio in Hohenwrt ordinis Cysterciensis, quod diuina inspirante gracia ad honorem sancte perpetueque uirginis dei genitricis Marie ob remedium anime sue Woko patruelis noster, marsalcus videlicet Boemie, de nouo fundare et construere in communi nostra possessione inchoauit, eam partem silve que nos iure hereditario contingebat, ut ipsius boni propositi et remunerationis diuine participes simus et nominis fundatoris, per manum domini Johannis venerabilis episcopi Pragensis in dedicatione eiusdem ecclesie dedimus in perpetuum pleno iure exceptione qualibet pretermissa, metas eiusdem predicto cenobio legitimas distinguentes. Hec autem sunt mete: Nemus ex altera parte Wlte in occidentali parte attingens uiam illam que ducit in Helfenberch, in orientali parte transiens riuum quendam qui uocatur minor Wltawitz, et pratum Zbyadel inclusiue, ita quod idem pratum ad cenobium integraliter pertineat; et meta in riuulo Mokri nomine terminetur, et incipiens a flumine Wlta dirigitur ascendendo usque ad ortum riuuli iam predicti et inde per montem Hradisch in minorem Wltawitz reuertitur ex directo, et ascendit in illo riuo usque ad altitudinem silue Boemiam et Bawariam diuidentem. Ut autem predicta

robur habeant firmitatis presentem paginam scribi fecimus et sigilli nostri munimine roborari. Testes autem qui aderant sunt: Dominus Johannes prenotatus venerabilis episcopus Pragensis ecclesie. Dominus Heinricus et Wernhardus fratres de Schowenberch. Wernhardus et Heinricus eiusdem tituli fratres minores. Dominus Gerbertus. Dominus Liupoldus. Habelo. Andreas. Prehtlo. Chouradus de Turdelinge. Benada. Benysius. Bvdylaus purchrauii de Rosenberch, et alii quam plures. Datum et actum in Hohenwrt anno domini M° CC vinj Kal. Junii. Indictione XV.

Gut erhaltenes dreieckiges, an gelbrother Seide hängendes Siegel in w. W. Ein aufrecht ein herschreitender einfach geschwänzter Löwe hat vor sich die fünfblätterige Rose. S. Vitigonis. De. Crhymnovve. Vergl. XXIII.

VI. ́

1260. Juni, Hohenfurt. Wok von Rosenberg erneuert und vermehrt die von ihm seiner Stiftung zu Hohenfurt gemachten Schenkungen.

In nomine sancte et indiuidue trinitatis amen. Que geruntur in tempore, ne labantur cum tempore, perhennantur testibus et scriptura. Nos igitur Wocco de Rosenberch marscaleus Boemie notum facimus et constare uolumus presentium inspectoribus vniuersis, quod nos de consensu et expressa uoluntate uxoris nostre omniumque parentum nostrorum utrobique diuina nobis inspirante gratia cenobio in Hohenfurt ordinis Cisterciensis, quod ad honorem sancte perpetueque uirginis dei genitricis Marie pro nostra nostrorumque progenitorum et successorum salute et remedio animarum de nouo fundare et construere incepimus, pio fauore predia hic subscripta redditusque subscriptos contulimus in perpetuum pleno iure exceptione qualibet pretermissa, metas predicto cenobio legitimas similiter distinguentes. Hec autem sunt mete: Nemus ex altera parte Wůlte in superiori parte attingens uiam illam que ducit in Helfenberch, tangens in inferiori parte riuum quendam qui uocatur minor Wůltawitz, et pratum Zbyadel inclusiue, ita quod idem pratum ad cenobium supradictum integraliter debeat pertinere; incipiendo ab aqua Wůlta extenditur per ascensum ante dicti riui usque ad altitudinem silue Boemiam et Bawariam diuidentem. Item ex ista parte Wulte incipiendo ab ipsa Wulta dirigitur per ascensum cuiusdam ripe que Pzyn uocatur, usque ad montem quendam Strasedelnik nominatum, et ab eodem directe ascendit pertranseundo metas uillarum Zwatemyri

usque ad metas domini Witigonis de Krvmmenowe. Sepedicto uero cenobio piscaturas dedimus distinguentes sic, quod a prato Zbyadel in aqua Wůlta incipiant et ascendant, usque tangant metas domini Witigonis. Attamen uolumus, quod piscatoribus nostris piscari liceat in eadem. Hii uero sunt redditus quos ad cenobium dedimus supradictum: Ecclesiam in Rosental cum usu totali et partem terciam decimarum tam de nostris villis quam de aliis, quas contulimus in feodo in parrochia iam predicta, et de curia nostra Michenitz decimas integrales. Item ecclesiam in Predal cum omni fructu qui ab ea poterit deuenire, et de curia nostra Polen decimas similiter integrales, et in Zlawatitz de septem aratris decimas frugum totas et de caseis et agnis et aliis uniuersis. Item villam in Cedelitz iuxta Predal, que etiam antea ad ecclesiam Predal pertinebat. Item uillam Gvtenprvnne superiorem, que est iuxta Strobnitz sita, cum omni prouentu. Item de uilla nostra Levtwinitz tercium manipulum nostrarum decimarum et de villa nostra Plan etiam partem tertiam decimarum. Fatemur similiter sepedicto cenobio nos duas vineas contulisse, quarum unam comes de Hardekke nobis dedit, alteram uero noster consobrinus de Schowenberch iunior Werenhardus. Item in terra Opauie uillam unam Kotzen nomine fundatam nouiter et plantatam cum omnibus prouentibus ab ea uenientibus, et in ea in presenti quinquaginta et duo uiri hospites commorantur. Item de Svnnenberch partem decime, que nos contingit. Item de villa Stradonitz tercium manipulum decimarum. Item de curia nostra Malschit[z] decimas integrales. Item in Cedlikstrevt aream unam cum agro predicte aree pertinenti. Item villam Wawitz cum omnibus prouentibus, qui ex ea poterunt prouenire. Vt autem antedicta robur habeant firmitatis presentem paginam conscribi fecimus et sigilli nostri munimine roborari. Testes autem qui aderant, sunt: Dominus Heinricus et Werenhardus fratres de Schowenberch. Werenhardus et Heinricus eiusdem tituli fratres iuniores. Dominus Bvdewoy et dominus Witigo de Krummenowe frater suus. Dominus Poppo. Dominus Johannes. Dominus Gerbertus. Benata et Benisius purchyrauii in Rosenberch et alii plures. Acta sunt autem in Hohenfurt et scripta in Rosenberch anno gratie domini Mo CC saxagesimo in mense Junii.

1. Das Siegel in weissem Wachs, an rother Seide hängend, ist jetzt ganz zerbröckelt.

2. Millauer p. 26 im Auszuge.