MONUMENTORUM BOICORUM COLLECTIO NOVA. EDIDIT ACADEMIA SCIENTIARUM BOICA. VOLUMEN XVIII. MONACHII, TYPIS DR. FR. WILD (FF. PARCUS). MDCCCIC. BOICA. VOLUMEN QUADRAGESIMUM QUINTUM. EDIDIT ACADEMIA SCIENTIARUM BOICA. MONACHII, SUMTIBUS ACADEMICIS. MDCCCIC. Praefatio. En tibi, lector benevole, quae toties promisimus, monumentorum episcopatus wirziburgensis supplementa! Quae colligenda atque tractanda, postquam de Rockinger ab opere recessit, L. B. de Oefele suscepit. Et quidem inde ab anno millesimo undecentesimo ad annum usque millesimum trecentesimum undenonagesimum hoc in volumine ea sistimus, insequenti ad finem usque saeculi quarti decimi progressuri nonnullaque huius voluminis paralipomena adiecturi, sero ex archivo regio wirzi burgensi transmissa aut in archivo regni reperta. Horum supplementorum, trecentis sexaginta numeris signatorum, pars fere dimidia ad tempora Gerhardi episcopi spectat, e gente schwarzburgiana oriundi, et afflictas res episcopatus wirziburgensis, tum aere alieno valde gravati, amplius illustrat. Caetera quoque, ex parte nondum edita, rerum scriptoribus grata fore, speramus. |