CCVI

1202.

Accord entre Saint-Jean de l'Hôpital et Geffroy Gode au sujet de la dime de Melleville à Neuvy en Dunois, et de Bourneville, etc.

Ego Johannes, abbas Beate Genovefe, et Gaufridus ejusdem ecclesiæ prior, et magister Petrus cancellarius Parisiensis, notificamus omnibus hominibus quod cum quedam controversia diu in presencia nostra de mandato domini pape est ventilata inter fratres Hospitales, ex una parte, et Gaufridum Gode militem, ex alia, super duabus decimis de Melesvilla, in parrochia de Novo Vico, et apud Bonamvallem sita et Bornevilla; et super quatuor bovatis terre apud Melesvillam constitutis, que domina Margarita,olim soror domini Gaufridi Gode, perhibebatur legasse ecclesie Sancti - Salvatoris Aurelianensis, quam habent fratres hospitales ex concessione domini Philippi, regis Francie et episcopi et capituli ecclesie Aurelianensis. Tandem composicio facta est in hunc modum, quod predictus Gaufridus Gode et ejus uxor Houdeburgis, et eorum filii Hybertus dictus Paganus et Godet et ejus filia Aaliz concesserunt domui Hospitalis Aurelianis, et fratri Pagano procuratori ejusdem domus decimam de Melesvilla habendam et tenendam et colligendam, ita quod domus Hospitalis habebit decimam et ejusdem decime tractum, et primo percipiet ex ea quatuor modios ad mensuram de Bonavalle, in cujus modio sunt viginti quatuor emine, quorum quatuor modiorum duo erunt de. mixtura grani hiemalis, alii duo de marcescha, quicquid vero superfuerit fratres Hospitalis dimittent Gaufrido Gode militi vel heredi ejus, et si quid fuerit minus Gau

fridus Gode vel ejus heres supplebit de terra sua quam habent apud Melesvillam; et ad hoc concedendum inducent dominum de Puteolo et uxorem et filios ejus, de cujus feodo est predicta terra. Supplebunt autem, sicut dictum est, ad bonitatem et estimationem grani collecti ex predicta decima, mixturam hyemalis grani pro grano hyemali deficienti et granum de marcescha pro grano de marcescha, ita quod marcescham deficientem supplebit Gaufridus Gode vel ejus heres de ordeo vel de avena. Fratres equidem Hospitales, cum colligent et trahent decimam prenominatam, facient jurare tractorem Gaufrido Gode vel ejus heredi quod fidelis erit ei in suo jure servando circa predictam decimam. Tractor vero qui habet decimam nomine domus Hospitalis habebit decimam predicte decime nomine tractus, ita quod illa decima decime non erit de prenominatis quatuor modiis. Preterea dicendum quod si alterutra partium a prefata compositione resilierit, nos contra partem resilientem judiciarie potestatis auctoritatem ad eam excommunicandam nobis reservamus, ita quod cum fuerimus requisiti ab altera parte et nobis constiterit per fidem datam quod alia resiliet, nos partem resilientem excommunicabimus. Huic autem predicte compositioni per fidem datam a fratre Pagano, domus Hospitalis Aurelianensis procuratore,et a Gaufrido Gode milite corroborate, affuerunt, cum fieret ista compositio, testes hii: frater Petrus magister domus Hospitalis Corbolii, frater Renaldus, magister, Petrus canonicus Sancti Marcelli, Bartholomeus de Brueriis, Jodoinus miles de Cotenvilla, Renaldus Miles monachus. Actum Parisiis et sigillorum nostrorum caracteribus roboratum, anno incarnati Verbi M CC secundo, XIII kalendas aprilis.

Archives Nationales, M. 13, no 1, original en parchemin, sceau perdu.

CCVII

1223.

Acte qui constate le droit des Hospitaliers à percevoir une portion des revenus de l'église de Manou.

PRO PRIORE CONTRA PRESBYTERUM DE MANOU COMPOSITIO.

Decanus de Bruerolis... cum litigatum fuisset aliquandiu inter abbatem Sancti-Launomari Blesis et priorem de Monasteriis, ex una parte, et Odonem, presbyterum de Meunou, ex alia, coram judicibus a sede aposto lica delegatis, videlicet coram episcopo, decano et archidiacono Lexoviensi, super redditibus, quos idem prior debet percipere annuatim in ecclesia et in parrochia de Meunou, tam in oblationibus quam decimis, premiciis et rebus aliis... compositum fuit in hunc modum, quod idem presbyter percipiet à festo sancti Remigii proxime venturo usque ad quatuor annos completos omnes prædictos redditus pro quinquaginta solidis Turonensibus solvendis dicto priori a dicto presbytero de Meunou. Quo termino elapso, ad priorem de Monasteriis reddibunt sine contradictione aliqua, libere et quiete, redditus antedicti. Confessus fuit insuper dictus presbyter de Meunou coram nobis quod prior de Monasteriis tantum debet percipere in redditibus ecclesie de Meunou quantum fratres Hospitalis Jerosolymitani percipiunt annuatim, videlicet in oblationibus, decimis et præmiciis antedictis; et ad solum priorem pertinent census et consuetudines qui percipiuntur annuatim in cimiterio de Meunou. Actum anno Domini millesimo ducentesimo vicesimo tercio, die festo beate Mariæ.

FIN

TABLE DES NOMS

Les chiffres romains renvoient aux pages de la Préface; les

chiffres arabes aux pages du Cartulaire.