APPENDICE

1297, novembre 3 - Bonifacio VIII cede il monastero dell'abbadia di s. Maria in Silva al vescovo e al Capitolo (Arch. del Capitolo, perg.).

Bonifacius episcopus, servus servorum Dei, venerabili fratri Episcopo et dilectis filiis archipresbytero et Capitulo urbevetano salutem et apostolicam benedictionem.

Urbevetanam Ecclesiam, que veluti filia benedictionis et gratie se dudum Apostolice Sedi devotam semper exhibuit et fidelem et continuatis laudabilibus studiis exibere non desinit favoribus prosequentes uberibus, eamque gerentes in visceribus charitatis opem libenter impertimur et operam dicteque Sedis partes adiicimus, ut ad Dei laudem et gloriam ac beate Virginis Matris sue, in cuius honore dicta Ecclesia fundata dinoscitur, status eius honoris et commodi votiva suscipiat incrementa. Sane considerantes attentius quod prefata Ecclesia, inter ceteras, quas circumposite regionis limes includit, multe nobilitatis insigniis decoratur, quodque in ea devotis et sedulis studiis divina obsequia exercentur, pensantes etiam quod Ecclesia ipsa iuxta sui status decentiam fructus, proventus et redditus non obtinet congruentes, quodve solemnis etiam et operosa eiusdem Ecclesie fabrica, quam pie et laudande sollicitudinis studio inchoastis, multitudinem exigit expensarum, ad quarum supportanda onera proprie vobis non suppetunt facultates, dignum duximus Deoque acceptum iurique consonum arbitramur, ut circa vos et eandem Ecclesiam apostolice liberalitatis munificentiam extendamus.

Cum itaque, sicut habetur fide digna et nostris iam pluries auribus inculcata relatio et ex ipsa facti evidentia innotescit, monasterium sancte Marie in Silva Camaldulensis ordinis Urbevetane diocesis nunc abbatis regimine destitutum, quod anteactis temporibus florere in spiritualibus et temporalibus consuevit, per incuriam et negligentiam personarum hactenus in ipso degentium tam in capite, quam in membris noscatur non modicum deformatum, et quasi continue status eius dispendia minorationis incurrat, nos intendentes super hoc congrue provisionis adhibere remedium dicteque fabrice opportunum subsidium impertiri, ac vos et eandem Ecclesiam favore prosequi gratioso, prefatum monasterium cum omnibus iuribus, membris et pertinentiis suis ubilibet constitutis, vobis tam in vestrum subsidium, quam fabrice supradicte, non obstante quod de Abbatia eiusdem monasterii inter dilectos filios Severinum, qui eam dicitur detinere occupatam, et Petrum eiusdem Camaldulensis ordinis in Romana Curia questio ventilatur, auctoritate apostolica in perpetuum de gratia concedimus speciali. Volumus autem, quod medietas fructuum,

STATUTI E REGESTI DELL'OPERA DI S. MARIA DI ORVIETO

143

reddituum et proventuum monasterii, membrorum, iurium et pertinentiarum predictarum usque ad quinquennium a data presentium numerandum, in eiusdem opus fabrice convertatur, quodque ex tunc fructus, redditus et proventus eosdem vestris possitis usibus applicare, inter vos annis singulis dividendos, te, frater Episcope, partem ipsorum dimidiam, reliquam vero vobis, filii Capitulum, percepturis, reservata de illis monachis in monasterio supradicto morantibus, quamdiu vixerint, congrua portione, de qua commode valeant substentari; quodque in prefata Urbevetana Ecclesia quatuor cappellas perpetuas construi faciatis et totidem cappellanos idoneos instituatis in eisdem perpetuo in ipsa Ecclesia in divinis officiis servituros.

Nos enim ex nunc irritum et inane decernimus, si secus super premissis a quoquam contigerit attentari. Ceterum per concessionem huiusmodi per nos vobis factam nolumus veris monasterii memorati patronis, si qui forte noscuntur, in iis, que ipsis in Collegiatis Ecclesiis iura permittuntur, aliquod preiudicium generari. Nulli ergo omnino hominum liceat hanc paginam nostre concessionis et constitutionis infringere vel ei auso temerario contraire. Si quis autem hoc attemptari presumpserit, indignationem omnipotentis Dei et beatorum Petri et Pauli apostolorum eius se noverit incursurum.

Datum Bulseni tertio nonas novembris pontificatus nostri anno tertio.

VIII.

SERIE DEGLI OFFICIALI DELL' OPERA

STATUTI E REGESTI DELL'OPERA DI S. MARIA DI ORVIETO

1429. Guglielmo di Giov. Giannuccio e 1462. Sebastiano di Domenico de' GianAndrea di Giovanni mercante. 1430. Francesco di Bartolomeo di Mat