anni domini mille CXXXVIII. nonis lanuarii. Indictione II. feliciter Ego Olliorus iudex hanc cartulam scripsi et in altare sancti Zenonis posui. Inedita. Da un antico Protocollo dell' Archivio capitolare di Pistoia contenente carte dall' anno 700 all' anno 1200 delto libro Croce. IX. (A pag. 166.) OFFERTA CHE PIETRO PICUNENSE FA DELLE COSE SUE E DI SE STESSO ALLA CANONICA DI S. ZENONE. In Christi nomine. Notula brevis recordationis, ad memoriam habendam et retinendam, qualiter actum est in burgo civitatis Pistorii, quod est de sancto Leonardo, presentia bonorum hominum quorum nomina inferius ponuntur; Petrus Picunensis iacens in letulo infirmitate, pro amore Dei et remedio animae suae dedit se Deo et ecclesiae sancti Zenonis in canonica videlicet, et misit se in manibus Bent. prepositi et Ugonis archipresbiteri vice de canonica, ut ab ipsa hora in antea sit in obedientia et familiaritate prepositi et aliorum canonicorum, et sit in servitio et beneficio de ipsa canonica. Et post posuit et refutavit et dedit et concessit cum uxore sua Berta totum illud ius tenimenti quod ipse habebat in domo quam ipse tenebat a canonica in manibus predicti pre positi et archipresbiteri ut ab hac hora in antea sit in potestate eorum habendi tenendi possidendi et aliis dandi et insuper posuit dare, et iudicavit pro anima sua centum solidos bonorum denariorum lucensium in canonica ecclesiæ sancti Zenonis. Hoc autem actum est presentia Arvini de Borgo et Castrabecki et Tolomei filii Salvori et Coniunti filii Sanelli et Gerardinelli Monte murlesi. Signa testium. Anni domini millesimi C. XLVI, XIII. kalendas aprilis, Inditione VIIII. feliciter. Olliorus notarius et iudex hoc breve rogatu predictorum iugalium scripsit et signum manus sue inposuit. Inedita. Dall' Archivio Diplomatico di Firenze. X. (A pag. 176.) BOLLA DEL PONTEFICE CELESTINO II AL CLERO Coelestinus episcopus servus servorum Dei. Dilectis filiis clero et populo pratensi salutem et apostolicam benedictionem. Manifestum est, quoniam obedientia virtutum stabilitas est, et fundamentum qua infidelis quis esse convin citur, etiamsi fidelis esse videatur. Quo circa per apostolica vobis scripta mandamus, quatenus venerabili fratri nostro Attoni pistorien. episcopo, discreto siquidem et religioso viro, tamquam proprio pastori et animarum vestrarum episcopo absque ulla contradictione debitam obedientiam et reverentiam humiliter deferatis. De possessionibus vero et pensionibus Ecclesiae suae nullam ei iniuriam faciatis, nec ab aliis fieri permittatis. Datum Later. XIII. Kalend. Martii. Edita dal Zaccharia Anedoct. med. aevi collectio. XI. (A pag. 175.) LETTERE DI RANIERI CARDINALE O CANONICO DI COMPOSTELLA E DI DIDACO ARCIVESCOVO della medesimA CITTA' AL B. ATTO VESCOVO DI PISTOIA. LETTERA PRIMA di Ranieri AL B. ATTO. - Suo dilectissimo Patri A. (idest Attoni) Dei gratia Pistoriensis Ecclesiae pontifici reverendissimo, R. ( idest Raynerius) eadem gratia eiusdem sedis omnium levitarum minimus quod semper debetur. Tuis desiderabilibus perlectis cartulis, salutatione, fideli oratione, Dominicae benedictionis promissione, gratiarum actione, mira exhortatione, salutari doctrina, honesto et utili imperio usquequaque refecti sumus. Quo circa non inhians et immobilis, sed vivus et advolans, cupio fieri lapis exemplo illius, quam reprobaverunt aedificantes; qui factus est in caput anguli, iuxta quem remanere non est tutum, ultra ipsum quaerere est stultum, vitae docendo viam, prius tamen incedendo per eam. Acceptis prius a te gratiarum laudibus, summas itaque tuae grates et laudes refero sanctitati: non enim valescit planta, care pater, quae saepe transferatur. Nihil tam utile est, ut in transitu prosit. Ad te igitur, promissor fidelissime, et ad sacratissimam meam Pistoriensem ecclesiam matrem, divina comitante clementia, cum debuero et potero, redibo; et te, et eam pro viribus honorare, iuvare non immerito statui. Tuae virtus innocentiae a me laudanda foret, sed timui laudes diminuisse tuas. Romana namque et Apostolica sedes, dum studium tenerem Quintoniae in Anglia, in tantam tuae prorupit laudem excellentiae in curia praesulis Quintoniensium per Dominum Matthaeum diaconum et cardinalem S. Georgu (qui) interrogatus a me de nostrae et Romanae ecclesiae statu, dicens, quod Romana et Apostolica sedes beata foret, si tui duceretur moderamine gubernaculi, quod me ultra, quam dici possit, laetificavit. Legimus de beato Ioanne Baptista, quod in deserto Verbum praedicavit vitae, et testimonium praebuerit Filio Dei, et negaverit, se Christum esse eo tempore, quo ei satis crederetur, si diceret, et numquam Salvator eum inde abstraxit, sed capi et in carcerem tradi et ab Herode capite minui permisit. Te vero ab eremi solitudine abstrahens ad coeli forum usque deducit; aperto monachorum carcere, summum pastorem super ecclesiae candelabrum immobiliter statuit. De loanne dictum est: Non erat ille lux. De te et Apostolis, quorum vices geris scriptum est: Vos estis lux mundi. Superas etiam beatum Ambrosium in inventione et acquisitione sacrorum corporum: ille enim tantum martyres exposuit suis civibus: tu vero tuis, admirande pater, dabis martyrem et Apostolum. Non hoc dico, ut sanctis detraham Patribus, sed ut Deus in te ex parte nostris glorificetur temporibus, gloriosissimis tuis meritis, divina tamen praeveniente et subsequente gratia, meoque non modico labore et sudore, et angustissima difficultate non minimam reliquiarum de capite beatissimi Apostoli Iacobi, fratris Ioannis Evangelistae, omnibus pro me apud dominum archiepiscopum Compostellanae sedis, qui dedit, intervenientibus personis, atque eiusdem ecclesiae canonicis, et in locello, in quo sunt propriis locavit manibus, obtinui partem ; quam non promitto, sed fideliter atque filialiter et devote per Medium Villanum, prudentissimum virum, et vestrum legatum, et per Tebaldum avunculum eius vobis et sanctae matri ecclesiae Pistoriensi ad praesens mitto. Suppliciter igitur atque obnixe vestram imploramus sanctitatem atque pietatem, ut ea reverentia, eo honore, quo tantum decet Apostolum et nostram matrem ecclesiam, vestramque personam, exeundo obviam cum clero et populo, si vestrae complacet maiestati, facta ex ordine processione, supradicta patrocinia suscipiatis, et ad vestram et nostram matrem ecclesiam, cui delegamus, deducatis, et honeste tractetis, et in honorem supradicti Apostoli in basilica nostrae matris Pistoriensis ecclesiae, altare larga benedictione consecrare, sicut mihi literis significastis, quanto citius studeatis. Si feceritis, erit, qui domino Archiepiscopo et mihi dicat. Salutat vos per me dominus Compostellanae sedis archiepiscopus, et omnes vestros canonicos, quem ex vestra salutavi parte, qui gavisus est valde, et amplectitur vos summo amore prae solicitudine et amore erga me, quam in vestris perpendit literis, revolvens illud saepius: Non valde miretur fraternitas tua, quod ignoti ignoto scribamus. Salutant vos omnes beati Iacobi Apostoli canonici. Salutate omnes sanctae |