das ir vnd wir in friden gesezt werdent, so bittent wir uch mit ernste, üwer erbern botten vff dunrstag nehste ze rates zite hie by vns ze hant, der sachen wol vnderwiset, vnd davon sich ze vnderredende nach der stetten vnd des landes notturft, wan wir besorgent, solt lang also bestan, das solicher angriffe vil wurdent. Diß haben wir den andern stetten, üwern vnd vnsern guten fründen, Nüwenburg, Kenzingen vnd Endingen auch also verschriben. Datum in vigilia Johannis Baptiste (23. Juni.) Anno XV.

Burgermeister vnd rät ze Brisach.

Dem burgermeister vnd rate ze Friburg.

Vnser willig dienst sie allzit vor. Sundern lieben fründe. Wir haben vernomen, daz die üwern wider haim komen syend, vnd ist vns damit fürkomen, daz ain bestallung daran gemachet sye zwüschend vnserm gnädigen herren von Desterreich vnd juncker Smasman. Nu woltend wir ouch ettwievil schüßen hinüber schicken. Vmb daz lieben fründe bittend wir üch früntlich, daz ir vns wellind an alles verziehen by disem botten aigenlich verschriben laussen wissen ain aigenschaft wie ez darymb sye, ob fride vnd bestallung daran gemacht sye vnd wie lang, vnd waz üch darvmb ze wissen she, als wir üwer früntschaft des wol getruwen, vnd ouch vmb üch gedienen wellen. Datum sabbato nach dem heiligen Cristag (28. Dec.) Anno XVo.

Burgermeister vnd raute ze Vilingen.

Den fürsichtigen wisen, dem burgermaister vnd dem raute der stat ze Friburg, vnsern fundern guten fründen.

Wir Frydreich von gots gnaden Herzog ze Defterreich,

ze Steyr, ze Kernden vnd ze Krain, Graf ze Tyrol x. em

bieten den erbern wisen vnsern lieben getrewn, dem burgermeister, dem rat vnd den burgern gemainlich zu Fryburg im Brisgow vnser gnad vnd alles guot. Wann wir an des durlewchtigesten fürsten vnd herren, herrn Sigmunds römischen künigs vnsers gnedigen herren gnad kommen sein, vnd vns ouch gegen im verschriben haben als denn vnser briefe, die ew fürbracht werden aigenlichen aufweisen, darumb haissen vnd gebieten wir ew ernstlich by vnsern hulden vnd wellen, daz ir dem vorgenanten vnserm herren dem künig, in hand des hochgebornen fürsten vnsers lieben swagers purggraff Fridreichs purggrauen zu Nüremberg 2. nach innhalt der ieggenanten briefen, huldet, gelobet, vnd sweret, wann wir darauff ew all vnd yegliche sölicher huldung, gelübd vnd ayden die ir vns getan habt, vnd damit ir vns verbunden seit, ledig vnd los sagen in crafft dig briefs. Mit vrkünd dig briefs. Geben zu Costens an mittichen vor dem auffart tag (8. Mai) Anno Domini millesimo quadringentesimo quinto decimo.

Dominus Dux per se.

Wir Fridrich von gotes gnaden burggraue zu Nuremberg, obrister verweser der march zu Brandenburg, tun kunt menglichen die disen brief sehen, das die ersamen vnd weisen burgermeister, rat vnd die burger gemeinlichen der stat Friburg, vns an stat des allerdurchleuchtigisten fürsten vnd herren, herrn Sigmundes romischen kunigs vnd ze Ungern x. kunigs, vnsers gnedigen herren, gehuldet vnd gesworen haben. Hirumb so begern wir an stat des izgenanten vnsers herren, vnd bitten auch alle, die durch desselben vnsers herren des kunigs vnd vnsern willen thun vnd lassen wollen, das sy die obgenanten von Friburg vnd alle die iren fürbass nicht beschedigen noch in keinerley vnwillen zuzihen, sunder sy vnd die iren freuntlichen handeln vnd in behulflichen vnd geirtten sein, als andern des obgenanten vnsers herren vnd des heiligen reichs gehorsamen. Daran erzeigen sy demselben_vnferm herren vnd auch vns funderlich wolgevallen, vnd wir

ez auch gen denselben gerne verdienen vnd verschulden wollen. Geben vnter vnserm Secretum zu Friburg am mitwochen nach vnsers herren auffart tag (15. Mai) Anno Domini XVo.

Wir Sigmund von gotes gnaden romischer kunig, zu allenghten merer des richs, vnd zu Vngern, Dalmatien, Croatien c. kunig, bekennen vnd tun kunt offenbar mit disem brief allen den die in sehen oder horen lesen. Als die burgermeistere, rete vnd burgere gemeinlich der stat zu Fryburg in Brisgow vnsere vnd des richs liebe getrűen, vns vnd dem heiligen romischen riche, von des hochgebornen Fridrichen Herzogen ze Oesterrich u. vnsers lieben oheimen vnd fürsten vrlobs vnd geheisses wegen, gehuldet vnd gesworen hant, vnd wan vns nu dieselben burgermeistere, rete vnd burgere diemüticlich gebeten haben, das wir in alle vnd igliche ire brieue, priuilegia, hantuesten, rechte, gute gewonheite vnd fryheite, die sy von romischen keysern vnd kunigen vnser vorfarn an dem riche, vnd den Grauen von Fryburg, vnd ouch dornach von der herschafft von Defterrich erworben vnd redelich herbracht haben, zu bestetigen, zu vernewen, zu beuestnen, vnd zu confirmiren gnediclich geruchen. Des haben wir angesehen foliche ire diemütige vnd redliche bete, vnd ouch vast treffliche willikeit, die wir an denselben von Fryburg gefunden hant, vnd ouch stete vnd willige dienste, die die vorgenauten von Fryburg vns vnd dem riche tün sollen vnd mygen in künftigen gyten, vnd haben nu dorumb mit wolbedachtem mute, gutem rate vnserer vnd des richs fürsten, greuen, edeln vnd getrüen vnd rechter wissen, den vorgenanten burgermeistern, reten vnd burgern gemeinlich der stat zu Fryburg, vnd iren nachkomen vnd derselben stat Fryburg, alle vnd igliche priuilegia, hantueften, rechte, gute gewonheite, fryheite vnd brieue, wie die von worte ze worte lutend vnd begriffen sind, die sy von den vorgenanten vnsern vorfarn romischen keysern vnd kunigen, vnd den Grauen von Fryburg, vnd ouch dornach von der herrschaft von Oesterrich erworben vnd redlich herbracht

haben, gnediclich bestetigt, vernewet, beuestet vnd confirmieret, bestetigen, vernewen, beueftnen vnd confirmieren in die ouch in allen iren puncten vnd artikeln, in craft diff briefs vnd romischer kuniglicher machtvolkommenheit, vnd meynen vnd wollen sy vnd ire nachkomen daby gnediclichen handhaben, schußen vnd schirmen vnd daby beliben lassen, vnd gebieten ouch dorvmb allen vnd iglichen fürsten, geistlichen vnd werntlichen, greuen, freyen herren, rittern, knechten, vogten, amptlüten vnd sust allen andern vnsern vnd des richs vndertanen vnd getrűen, ernstlich vnd vesticlich mit disem brief, das sy die obgenanten von Fryburg vnd ire nachkommen an den vorgeschriben iren brieuen, priuilegien, hantuesten, rechten, guten gewonheiten vnd fryheiten nicht hindern oder irren in dheinwis, sunder sy daby gerulich beliben lassen, als lieb in sy, vnser vnd des richs swäre vngnade zu vermeiden, vnd by verliefung zweinzig mark lotigs goldes, die ein iglicher der dawider tut, halb in vnser vnd des richs camer, vnd halb den vorgenanten von Fryburg verfallen ist, vnleslich zu begalen. Mit vrkund diß briefs versigelt mit vnser küniglichen maiestat insigel geben zu Costenz nach cristi geburt vierzehenhundert iar, vnd dornach in dem fünfzehendisten iare, des nechsten donerstags nach dem heiligen Pfingstage (23. Mai), vnserer riche des vngrischen x. in den newn vnd kweinzigisten vnd des romischen in dem fünften jaren.

Wir Sigmund von gotes gnaden romischer kunig, zu allengiten merer des richs, vnd zu Vngern, Dalmatien, Croatien . kunig, bekennen vnd tun kunt offenbar mit disem brieff, allen den die in sehen oder hören lesen. Als wir die burgermeister, rat vnd burgere gemeinlich der stat zu Friburg, vnser vnd des richs liebe getrüen, yegund zu vnfern henden genomen, vnd sy vns vnd dem riche von geheisse des hochgebornen Fridrichs Herzogen zu Osterrich, vnsers lieben oheim vnd fürsten doruff gehuldet vnd gesworen haben, also wollen vnd sehen wir von romischer kuniglicher macht, daz dieselben von Friburg vnd die stat Friburg

weder von vns noch vnsern nachkomen an dem riche, von demselben riche in keinem wege empfremdet werden sollen, es fü dann, daz man sy den von Osterrich widergebe. Mit vrkund diß brieffs versigelt mit vnserer kuniglicher anhangenden mgiestat insigel. Geben zu Costenz nach crists geburt viergehenhundert jare, vnd dornach in dem fünfzehenden iare, des nechsten donerstags vor der heiligen Dryueltikeit tag (23. Mai) vnserer riche des vngrischen 2. in dem newnvndgwengigisten vnd des romischen in dem fünften iaren.

Unser willig früntlich dienst allzit voran. Befundern lieben fründe. Als ir vns kürzlich verschriben vnd früntlich geantwurt hand, wie ir vnserm herren dem kunig gehuldet habent, mit den fürworten, nach inhalt derselben üwer geschrift, vnd besunder daz üch vnser herre der kunge mit finen kunglichen briefen beftettiget vnd begnadet habe. Lieben fründe, der früntlichen antwurt wir üch gar früntlich danken. Nu haben wir noch nit gehuldet, nachdem vnd daz an vns gemutat haust. Vnd darumb so bittent wir üwer gut frünt schaft gar früntlichen vnd ernstlichen, daz ir es tun wellind durch vnser früntschaft vnd willig dinst willen, vnd vng wellind der briefe, die üch vnser herre der römsch kung iego geben haut, abgeschriften senden in üwern brief verschlossen bi disem botten, vnd ain aigenschaft in geschrift wie ir ze nächste vnserm herren Graf Johansen von Luppfen gesworn habind, vnd wez er üch gesworn habe, als wir des üwer guten früntschaft wol getrüwen. Daz wellen wir vmb üwer gut früntschaft in merren vnd mindern sachen all zite willenclich verdienan. Datum quinta ante Petri et Pauli apostolorum. Anno CCCCXVo.

Burgermaister vnd raut ze Vilingen."

Den fürsichtigen vnd wisen, dem burgermaister vnd dem raute der stat zu Friburg, vnfern befundern lieben vnd guten fründen ..