Imágenes de páginas
PDF
EPUB

ew zu funderm wolgeuallen, das wir vnd der obgenant vnser lieber vetter Herzog Sigmund, gegen ew allen vnd ewr yeglichem gnediclich erkennen wellen. Geben zu Nüremberg an mittichen nach sant Gilgen tag (2. Sept.) Anno XLIV. Vnsers reichs im fünften iare.

Albrecht von gots gnaden Herzog
ze Desterreich e.

Erbern weisen vnd getrewen lieben. Als ir vns yek geschriben habt vnd vnder andern dingen vast vnser zukunft begeret, haben wir wol vernomen. Also lassen wir ew wissen, daz wir vns auf heut von hinnen erheben; vnê zu ew vnd andern enden hinauf in vnser lande ze fügen. Davon begern wir an ew mit vleiß, daz ir ew haltet als wir ew gang getrawn vnd nyemand frömds inlasset, wan wir hoffen, mit rat vnd hilf ewrer vnd ander der vnsern solich weg zu bedenken vnd für hande ze nemen, die mit gots hilff dem hauß ze Oesterreich, vns vnd ew allen zu nug vnd gemach komen sullen. Geben zu Nürmberg an mittichen nach vnsrer lieben frawn tag Nativitatis (9. Sept.)

Anno XLIV.

Dominus Dux in consilio. Den erbern weisen vnsern getrewen lieben, den burgermeistern vnd räten vnsrer stette Friburg, Brisach vnd Nuwenburg in Bryßgaw.

Albrecht von gots gnaden Herzog
ze Desterreich ze.

Erbern weisen vnd lieben getrewen. Wir tun ew zu wisfen, daz wir auf den nächsten dinstag zu Vlm mainen ze sein vnd dann fürbas für Echingen, Rüdlingen, gen Rotemburg an den Nägker ze reiten. Begern wir, daz ir ainen werbenden poten eylund zu vns vnder augen schifchet, der vns beschaidenlich vnderweisen künne, wie fich die frömde lewffe bis auf die zeit als ew der brief geant

würt wirdet, gehalden haben, auch wa wir am füglichisten des ersten einziehen föllen, daz wir vns dester aigenlicher an allen sachen wissen ze richten. Daran tut ir vns befunder wolgeuallen. Geben, zu Swabach an freytag nach vnsrer lieben frawn tag Nativitatis (11. September.) Anno Domini XLIV.

Den erbern weisen vnsern lieben getrewen, burgermaistern vnd räten vnserer siette Fryburg, Brysach vnd Nüwenburg im Brißgaw.

Albrecht von gots gnaden Herkog
ze Oesterreich .

Getrewen lieben. Wir tun ew ze wissen, daz wir vnsers geuerts anheint herkomen sein vnd willen haben, vns angeends gen Villingen ze fügen, vnd mainen den nagften donrstag da ze sein, dahin auch ander fürsten vnd herrn darzu ettlich der merer tail von vnser lantschafft hie oben zu lande zu vns komen werden. Also ist vnser begerung vnd geuallen, daz ir der ritterschafft vnd lantschafft vmb ew gesessen, so ir treflichst müget, aufbringet, vnd ewr botschafft damit zu vns daselbshin gen Villingen sendet. Alsdann wellen wir die sach nach notturft für hand nemen, vnd nach rat der fürsten, herrn vnd der lantschafft darin handeln, daz wir hoffen mit gots hilff zu den sachen. ze tun, als vnser, des hawß Oesterreich vnd ewere notdurfft erhaischen wirdet. Auf das begern wir mit ernst": chem vleiß, daz ir nyemand frömbds inlasset, sunder zw haltet vnd tut, als dann vnser benanter gnediger herre vnd bruder ew vor geschriben hat, vnd wir ouch des ain gang getrawn zu ew haben. Geben zu Rewtlingen an fand Matheus tag (21. September.) Anno XLIV.

[ocr errors]

Dominus Dux in consilio. Den erbern weisen vnsern getrewen lieben, den burgermeistern vnd räten der stette Fryburg, Brysach vnd Nüwenburg.

Albrecht von gots gnaden Herzog
je Desterreich ze.

Erbern, weisen, lieben, getrewn. Vns ist yet gewisse warnung komen, wie daz die sweizer nach vnsern stet ten Lauffemberg vnd Walshut stellen, vnd maynen auf flössen ain volk auf dem rein herab ze bringen, dieselben vnser stet zu überlauffen vnd inzenemen. Nu muget ir wol versteen, solten die veind fölichs gflos zu iren handen bringen, waz groffer scheden vnd vnrats darauß ersteen möchten. Davon begern wir an ew mit ganzem ernst vnd wellen, daz ir guter armbrust zwaingig, tausent pfeil vnd zehen hantpüchsen, on verziehen gen Lauffëmberg schicket, den vorgenanten veinden zu widersteen, vnd solhem irm mutwillen zu weren. Daran tut ir vnser geuallen vnd maynung genglich, waz sich dann dafür ze tun gebüret, das wellen wir gnediclichen schaffen zu entrichten. Geben ze Vilingen am mittichen vor sand Dyonisien tag (7. Oft.) Anno XLIV.

Dominus Dux in consilio. Den erbern weisen vnsern lieben getrewn, burgermaister vnd rat ze Fryburg.

Albrecht von gots gnaden Herzog
ze Desterreich zc.

Erbern, weisen, lieben, getrewn. Wir begeren an em mit ganzem ernst vnd wellen, daz ir vns zwayhundert guter fußknecht schicket vnd darunter schügen so ir mayst gehaben muget, vnd fünftig guter wolgerüster wegen. Also daz die auf den dinstag schierst zu mittag hie sein on länger vergiehen, des wir vns auch zu ew verlassen, vnd ir tut vns auch daran ain gute geuallnüß. Geben ze Brysach an suntag vor sand Symon vnd Judas tag (25. Oktober.) Anno XLIV.

Dominus Dux in consilio. Schicket vns auch damit Andresen von BoßenSchreibers Urk. Buch. II. Bd.

27

[ocr errors]

ftain ewern diener. Möcht ir dann an der fußknecht stat geraysig haben, das sehen wir gern.

Den erbern weisen vnsern lieben getrewn burgermaister vnd rat ze Fryburg in Bryßgew.

Albrecht von gots gnaden Herzog
ze Oesterreich rc.

Lieben getrüwen. Wir begeren an üch mit allem ernst, das ir vffrüstend sechzig redlicher knechte, mit armbrusten vnd geschüße, vnd das der yeglicher darzu auch hab sust ein weere, vnd vierzig anderer knechte auch mit iren geweeren alle gewapent, vnd die schickent zu fin zu Diessenhoven am samsttag zu nacht vor sanct Martins tag nechstkünftig, fürbaffer mit andern zu tund, das sie von vns oder vnsern hauptlüten bescheiden werdend. Vnd tund herin üwern vlissigen ernst als wir üch getrüwen. Des verlassen wir vns gang zu üch. Datum Brisach in vigilia beatorum apostolorum Symonis et Jude (27. Oktober.) Anno XLIV.

Vnsern lieben getrüwen, burgermaister vnd rate der stat zu Fryburg.

Wir Albrecht von gots gnaden Herzog ze Oesterreich, ze Steyr, ze Kernden vnd ze Krain, Graf ze Tirol :c., embieten den erbern weisen, vnsern getrewen lieben, dem burgermaister vnd rat ze Fryburg im Bryßgaw, vnfer gnade vnd alles gut. Als das frangoys volk in kürg auß dem lande ziehen vnd vns vnsere gfloß wider volgen lassen vnd überantworten sol, also schicken wir yeh darumb hinab den edeln vnsern lieben getrewn, Graf Hannsen von Tierstein vnsern rat, vnser gfloß Ensißheim von dem egemelten volk von vnsern wegen einzenemen. Davon emphelhen wir ew mit ernst, wenn vnd in welher maß derselb Graf Hanns ew darumb anlangen vnd bedürffen werde mit volk, zeug vnd allerlei weere, daz ir im darin hilfflich, bengestendig vnd gehorsam seit nach notdurft, vnd des nicht laffet, damit dise gfloß zu vnsern handen wider gebracht

werden. Daran begeet ir vnsern ganzen willen. Geben ze Thessenhoven an funtag letare ze mitteruaften (7. März.). Anno quadragesimo quinto.

Dominus Dux in consilio.

Önsern früntlich willig dienst bevor. Lieben befundern guten fründ. Vns hat vnser gnediger herre Herzog Albrecht Herzog zu Desterrich œ., yeß geschriben vnd ernstlich empholhen üch zu schriben, dise nachgeschriben stucke in finem namen mit üch zu schaffen, dém also nach der ordenung vnd in dem zil nach ze komen ane alle hindernusse by sölicher vffgefagter pene, mit namen, wer sümig würde, da sol ein ngklicher wagen der vsblibet vnd die oder der dáran sümig ift, dafür tragen vnd geben funfftig malter korns oder funffhig gulden, die auch vnableflich zu bezalen vnd von inen zu finen handen inzebringen, wann sich sin fürstlich gnad vff dise geschefftnüsse vnd anslag gang verlat. Vnd ist dieß finer gnaden ordenung vnd meynung an üch vnd andere diser lantschafft, als hie nach gemeldet stat. Dem ist also, das ir gutter reyßwegen VIII haben wöllent, vnd föllent mit den clöstern Tennenbach, Güntterstal vnd andern clőstern, so denn zu üch gehören, vsgenommen die Tütschenherrn vnd die Johanniter, den wir sunderliche darumb botschafft tugent, berent ond gefertiget habent mit allen notdürfftigen sachen, ane allen abgang berent figent zem kürzeften off XIV tagen nehst komen zugerüstet. Nemlichen zu ygklichem wagen föllent ir haben zwü hantbuchssen mit eynem halben vierling pulffers vnd drühundert plyflög, die zu denselben büchsen gerecht sigent. Sodann aber zwühundert pfyl vnd zwen spieß mit hagken, item zwű hauwen, item zwű schuffel vnd ein stark ysenketten zweyer klaffter lang, item zwü seßtarschen, item ein gaißfuß, item ein steynaxt, das alles an stund zu bereyten, wenn man üch wissen lat, daz fölichs berent vnd gesandt werde an die ende üch bescheiden wirt. Vnd daz ir ouch nach ganzem üwerm vermögen zu roß vnd zu fuß damit vff vnd bereyt fint, daz ir

« AnteriorContinuar »