Imágenes de páginas
PDF
EPUB

wir ouch in vester gedechtniß vnd den willen haben, semlichs gein inen nyemer ewiglich zu vergessen. Darzu wellent ouch enfer guten fründ von Nüwenburg in trüwen bedencken vnd sy geniessen lassen, daz sy in iren fachen bestentlich, des wir wol vnderricht sind. Vnd was ich von den reisigen vólfern in üwerm brieff gemeldet oder andern dingen wyter be gegnet, daruff ir ouch üwer kuntschafft haben sollent, wollent vns tag vnd nacht verkünden. Deßglich wir ouch tun, vnd vnser lib vnd vermögen, wo das yemer zu schulden kompt, in gangen brüderlichen trüwen zu úch segen vnd vns von úch nyemer ewiglich scheiden wollent. Datum an mitwuchen nach Oculi, vmb das ein nach mittag (16. März) LXXIVo.

Schultheiß vnd rat zu Bern.

Den fromen fürsichtigen wisen, burgermeister vnd rat zu Basel, vnsern sundern lieben guten fründen vnd getrüwen eydgenossen.

Vnsern besonder guoten fründen, dem burgermeister vnd dem rat zuo Friburg, embieten wir Hanns Ruodolff von Endingen ritter, der meister vnd der rat zuo Straßburg, vnfern früntlichen dienst. Lieben fründe. Vns langet an, wie der von Hagenbach vff vnser frowentag nehst vergangen by dem Herzogen von Burgunden gewesen fy, vnd gebetten im vierhundert mit gleuen harvß zuo schicken, die stette vnd floß zuo besezen, ouch das der Herzog ge= rett habe, er welle Dütschlant anderwerbe besehen, doch nit in mosse, als er das ieg besehen hette. Duch ist geseit, er fo gegen Rymelsberg zuogezogen vnd habe den kopff ge= kert gehept gegen Lügelnburg, vnd ist donoch geseit, das vff morn samstag den palmeabent, föllent dem von Hagenbach vff tusent pferde komen, vnd darnoch sol me nochziehen, die sich also teylen vmb lyferunge willen. Vnd wie wol wir des noch kein eigentschafft wissen, so wolten wir doch nit Lassen, dann sollichs so vns also angelanget ist, verkünden üwer guten früntschafft, die wir bitten, semlichs üwern vnd onfern guoten fründen von Nüwemburg ouch zuo schiz

den, dann wir disen vnsern botten vßgeuertiget haben, sich den nechsten weg gen Costenz zuo fügen, sachenhalp als ir wol vermercken. Geben vff fritag vor Palmetag (1. Apr.) Anno LXXIV.°

Vnfern besondern guoten fründen, dem burgermeis fter vnd dem rat zuo Friburg im Brißgowe.

Vnser früntlich willig dienst allzyt zuvor. Ersamen, wisen, befundern, lieben vnd guten fründ. Als ir nechst üwer erfame ratsbotten by vns gehept haben, hand wir daruff ernstlichen geschriben vnsern ratsbotten gen Coften, vnd irs rats ouch darinn begert. Die hand vns wider geschriben vnd wissen lassen, üwer vnd der von Nüwenburg halb, ein gute troftliche antwurt, vnd befunder wie der fürst von Desterrich mit gemeinen Eydgenossen ein ewige richtung haben, vnd daby ein vereynung mit demselben fürsten, gemeinen Eydgenossen, vnd etwevil anderer fürsten, herren vnd stetten diser lannden gemacht werden solle. Duch hand sy vns daby wissen lassen, wie daz sy von des fürften reten warlichen vernomen haben, wie das der von Hagenbach lantvogt c., dem fürsten der getat halb zu Brisach vnderstan= den geschriben hab, daruff er finem lantvogt empholhen habe daruff zu antwurten, vnd so ferr er der antwurt nit benügig fin wolte, so hatt er im ein reisigen gezug zugeben, úch vnd die von Nüwenburg damit zu beschirmen. Harvmb so habent ein gut gemüte vnd lassent úch nyemant erschrecken, vnd wenn der tag zu Costens ein ende nemen wirt, so wollent wir ich alle dinge eigentlicher mit vnser eigenen bott schafft wissen lassen. Geben vff sambstag dem Palmobend (2. April). Anno LXXIV.°

Peter Rot, ritter, statthalter vnd der rat zu Basel.

Den ersamen wysen, vnsern besundern lieben vnd guten frånden, burgermeister vnd rat zu Friburg im Briß

gome.

Vnser früntlich willig dienst allzyt zuvor. Ersamen, wisen, besunder lieben vnd guten fründ. Üwers getrüwen schribens vnd warnungen danckent wir üch flisfiglichen, begerent ouch das allzyt gutwilliglich vmb üch zu verdienen. Sust hand wir üwer liebe by vnsern eigenen botten vff hüt schriben lassen, alles das was wir wissent üch notturfftig sin zu verkünden, denn wir allzyt gern tun woltent, was wir wistent ůch uch lieb vnd dienst sin. Geben vff mentag nach Palmarum (4. April). Anno LXXIV.

Peter Rot, ritter, statthalter

vnd der rat zu Basel.

Den ersamen wisen, vnsern besundern lieben vnd guten fründen, burgermeister vnd rate zu Friburg im Brißgow.

Vnser früntlich willig dienst allzyt zuvor. Ersamen, wisen, befundern, lieben vnd guten fründ. Als ir zem nechsten üwer ratsbottschafft by vns gehebt vnd hilff vnd rats begert hand c., fügent wir üch zu wissen, daj vns vnfer ratsbotten so zu Costenk sint, geschriben haben, daz die vereynung zwüschen den fürsten vnd stetten beschlossen vnd zugangen sye, vnd der eynung nach wollen wir vns gegen allen denen so das berürt, nach ir innhalt halten vnd dem nachgon. Aber wir bittent úch, nügit anzefahen, on rat vnsers gnedigen herren von Defterrich . Fürer so hand wir vff hütt verwar= lich vernomen, das by den funffgehen hundert reisiger Burgunder in das Wilertal, vnd by achthundert vor Mümpelgart harvß in dise lannde, vff morn zinstag vnd mitwuch nechstkünfftig kommen sollen, in meynung die stette vnd sloß damit zu besegen vnd zu behuten. Das alles tund wir üch im besten zu wissen, üch darnach zu richten. Geben off mentag nach Palmarum (4. April). Anno LXXIV.

Peter Rot ritter, statthalter

vnd der rat zu Basel.

Den ersamen wisen, vnsern befundern lieben vnd guten fründen, burgermeister vnd rate zu Friburg im Brißgowe.

Vnsern befundern guoten frånden, dem burgermeister vnd dem rat zuo Friburg im Brisgow, embieten wir Hanns Ruodolff von Endingen ritter, der meister vnd der rat zuo Straspurg vnsern früntlichen dienst. Lieben fründe. Vns ist von glöplichen lüten geschriben, wie einer von Colmar dise woche von Dammerkirch komen sy vnd habe geseit, das by drühundert pferden des Herkogen von Burgunn volcks doselbs gelegen, vnd von dannen gon Ensißheim geruckt syent, vnd gange rede das noch fünffhundert pferde nachfolgen. So ist vns daby ouch geschriben, der Herzog von Burgunn welle ein großen reyfigen gezüg, daronder ettwie maniger styger sy, mit allerhande zuorüftung in diß lant kürzlich schicken, Dambach vnd Kestenholz zuo vnderston zuo erobern. Solichs wie es vns angelangt ist, verkünden wir ich im besten, nit in meynung üch mit heisser måren zuo bewegen, dann wir wiss sent selbst dhenn eygenschafft davon. Darnach wissen úch zuo richten. Geben vff mitwoch nach dem Palmtage (6. April). Anno LXXIV.°

Vnsern befundern guoten fründen, dem burgermeifter vnd dem rat zuo Friburg im Brißgow, oder iren houbtlüten im velde.

Vnsern besunder guoten fründen, dem burgermeister vnd rat zuo Friburg im Brißgow, embieten wir Hanns Ruodolff von Endingen ritter, der meister vnd der rat zuo Straspurg vnsern früntlichen dienst. Lieben fründe. Üwer geschrifft an vns wisende, wie beslossen sye, sich mit gemeyner versammelung zuo erheben vnd ins velt zuo legern, gegenwer vnd gewarsami zuo versehen, innhalt üwers briefs, haben wir in funder wolgefallen gern gehört, vnd tuont üch früntlich zuo wissen, daß wir vor zuokunfft üwers briefs, die vnsern vnd die vns gewandt sint, beyde jensit vnd hie diffit Rynes habent tuon rüsten vnd in rüstung warten, wann wir inen anderwerb verkünden, fürderlich berent zuo fin, vnd hant nach etlicher vnderred wol vermerckt, das vnser gnediger

herr von Straspurg, als sin gnade vnd fin zuøgewandten mit vns in hülfflicher eynung stat, ieg den sinen ouch verkündt habe, sich vffrüftlich zuo halten, vff meynung, ob aber ein frömbd volk hervß ziehen wölt, zu beschedigung oder herschung diser lande, das dann finer stifft volck vnd die vnsern, zuosammen ziehen vnd vnderston wolten, mit gotts hilff vnd mit zuotuon aller guoter günner in gegenwer zuo erschynen. Wir haben ouch deßhalb etlich kuntschaffter vßgesant, vmb zuo erfaren frombds volks zuokunfft, do sint zwen von zweyen enden wider by vns komen, der eine der in oberlant gewesen ist hat geseit, es sye wor, das der Herzog von Burgund von Lüsse hinweg gezogen sye, in Lothringen mit finem volck, vnd lige noch ein reyfiger gezüg vmb Lüsse, aber wie stark oder wohin sy wöllent weiß er nit, vnd meynent es sye die ritterschafft im lande do vmb. So ist der ander knecht off gestern zu obend vß Lothringen by vns komen, vnd seit, der Herzog von Burgund hab an donrstag nehstvergangen zuo sant Niclausport gessen, vnd sy denselben tag fürbaß gon Nanssey geritten, vnd doselbs nit me dann übernacht gelegen, vnd vf den fritag hinweg gezogen gegen Lügelnberg zuo mit fünf oder sechshundert fins basterzügten volcks, vnd donoch vf den andern tag fint aber by fünfhundert reysiger pferd hin nachgezogen, mit vil wagen vnd karichen, die büssen vnd andern gezüg gefürt, doch sag man in Lothringen, es sol ein funder gezüg von Lamparten vnd Bickarten dem Hagenbach zuoziehen. Ist vnser meynung, vnser erfaren fürbaß nach den dingen zuo haben, vnd erfinden wir icht, üch notdurfst sin zuo wissen, wöllen wir ich vnd den üwern, in das velt vnverkündt nit lassen. Vnd als ir vns bitten, hilf vnd bistant zuo tuon, do sint wir teglich warten vnser rats fründ von Costenz, von den wir hoffen zuo hören guot botschafft, zuo gemeyner hilfflicher eynung vnd zuo gemeynen guoten sachen dienen, gont die für sich, so sint wir darinn on zwifel guotwillig zuo tuon was vns gebürt. Geben off mitwoch nach dem Palmtage (6. April). Anno LXXIV.

« AnteriorContinuar »