doublez de satin cramoisy violet et est le bort de la casuble plus riche que les tornicles, trois aubes, trois amits, deux estolles, trois maniples, garniz de drap d'or pareil de la casuble, doublées de pareil satin, ung parement d'autel de drap d'or frizé à grandes fleurs et ung frontal doublé de bleue toille, ung passet de drap d'or rez à grandes fleurs, semblablement doublé de thoille bleue; item, ung drap d'or semblable que dessus pour le siége du prélat et ung epistolaire doublez de satin violet, deux chappes de drap d'or frizé à grosse fleurs dont les bordz sont tous chargez de perles et les deux chapperons aussy garniz de perles; en l'ung desdits chapperons est broudé Nre Sgr au Jardin à jenoulx, St Jehan, St Piere et St Jacques dormans, et en l'autre chapperon est broudé la Resurrection de Nre Sgr du Sepulche; et aux tabernacles gros cailloux de perles; doublées lesdites chappes et chapperons de satin cramoisy violet, et les brodures desdites casuble, tornicles et chappes. Sont en divers lieux cheue beaucop de petites perles; à quoy seroit bon de y remedier, affin de éviter à la perte de semblables perles qui sont perdues, qui n'est guère de chose, eu regard au grand nombre de perles qui sont esdits aornemens. Avecq ce sont deux fermaulx d'argent dorez, servant devant ausdites chappes, armoyez des armes de feu le Roy Dom Philippe de Castille, pesans, assavoir lesdits fermaulx armoyez quatre marcx sept onces; et y comprins ce qui tient ausdites chappes debveroit porter selon le dernier Inventoire

v m. vil onc. x est.

Une chappe de cueur, de drap d'or, figuré de velour blancq, les borts brodez d'angeles, prophetes, fusilz, toisons d'or et deux E. E. lachiez et noez ensamble, doublée de satin bleu.

Une cappe de drap d'or noir, les bors broudez d'imaiges, fusilz, thoison d'or et E. E. ensamble lachiez et noez, doublée de satin rouge.

Une cappe de cueur, de drap d'or rouge, les bords broudez d'imaiges, fusilz, thoison d'or et de E. E. ensamble lachiez et noez, doublée de satin verdt.

Une autre cappe de cueur, de drap d'or bleu, les borts brodez d'imaiges, fusilz, thoison d'or, doublée de satin noir. Une chappelle de drap d'or en fachon de plumes de pan et de rosettes rouges et blanches, assavoir: une casuble, deux tornicles, deux cappes de cueur, deux estolles, trois maniples, le tout doublé de scindal vermeil, trois aubes, trois amitz de linge, furniz de leurs paremens, item deux paremens d'autel, assavoir, l'ung pour le hault et l'autre pour le bas et le frontal y servant, avec la nappe ou linge tenant audit frontal y servant, lesquelles pièces sont doublées de thoille bleue; et si sont lesdits paremens et casuble fort usez.

Une chappelle de velours cramoisy, broudée et semée de bouts de pommes de pyn de fyl d'or et de blanches fleurs de lys, brodées de perles, assavoir: une casuble, deux tornicles, trois chappes de cueur, deux estoles, trois maniples, ung frontal, à tout la nappe tenant audit frontal; le tout doublé de tiersselin bleu, trois aubes, trois amits de linge avec leurs paremens. Encoires deux draps ou paremens d'autel broudez et semez comme devant, assavoir: l'ung pour le hault et l'autre pour le bas, et sur le hault est l'Annonciation de Nre Dame et sur le bas Nre Sgr venant au Jugement, aiant à l'ung costé Nre Dame et à l'autre costé S' Jehan, lesquelles deux pièces sont doublées de bougran.

Une autre chappelle de velour cramoisy rouge, broudée de haye en fachon de haye, semée de fusilz et thoison d'or, ouvrée de brodure de fil d'or, assavoir: une casuble, deux tornicles, cineq cappes de cueur, ung épistollaire, ung drap pour le siége du prelat, deux estolles, trois maniples, le tout doublé de satin noir, trois aubes, trois amitz de linge furniz de paremens y servans; encoires deux draps ou paremens d'autel, l'ung pour le hault, à tout ung crucifix, Nre Dame et St Jehan estans droitz soubz ledit crucifix, ouvrez de brodure; et l'autre pour le bas devant l'autel, à trois ymaiges, aussy brodé, assavoir: St Andricu au milieu, Ste Barbe d'ung costé

et Ste Katheryne d'autre, et ung frontal y servant, à tout la nappe tenant audit frontal pour couvrir l'autel.

Item, deux casubles, deux estolles, deux maniples de damas blancq, painct dessus de noir de la passion, doublez de drap de damas rouge fort usez, une aube, deux amitz à tout leurs paremens, quatre draps ou paremens d'autel, assçavoir: deux pour le hault et deux pour le bas, deux frontalz y servans, à tout les thoilles tenans auxditz frontalz, lesquelles pièces sont doublées de bougran rouge, desquelles on se sert en qua

resme.

Une casuble de velours cramoisy rouge à riche bordt de brodure, à tout ung petit crucifix et la passion de Nre Seigneur dessus, une estoille, ung maniple doublez de tresselin bleu.

Une chappelle de drap damas blanc, assçavoir: une casuble, deux tunicles, trois chappes les bords broddez de noir et verd; semez de fusilz et des armes de Flandres, ung drap pour couvrir le siége du prelat, ung épistollaire, deux estolles, trois maniples, le tout doublé de thoille blanche, trois aubes, trois amitz, deux paremens d'autel, l'ung pour le hault et l'autre pour le bas, avec le frontal et ung passet y servant, doublez de thoille rouge (1).

Ung parement d'autel de drap d'or faict à losenghes blanches, rouges et verdes, et en chacune losenghe Pet Y couplez ensamble, assçavoir: ung ciel avec ung dosseret tenant ensamble, ung parement pour l'autel devant du mesme drap d'or et le frontal y servant, deux petis couchins de pareil drap d'or et deux gordines de taffeta renforchié à losenghes

(1) Les parties de ceste article par ordonnance de Sa Maté, Imperialle du xxne d'april XVe LV après Pasques à messire Oudars de Bersacques, son aulmosnier, comme appert par la certiffication dudit de Bersacques au dos de ladite ordonnance. (Pièces justificatives.)

blanches, rouges et verdes; et est ledit parement nommé le Paradis.

Deux paremens d'autel de tapisserie de haulte lisse, l'ung pour le hault contenant la Nativité de Nre Sgr ouvré d'or, d'argent et de soye bien richement, doublé de thoille rouge assez passée et l'autre pour le bas contenant l'offertoire des trois Roix, ouvré et doublé comme l'autre, qui sont nommées tables d'autel.

Ung frontal de drap d'or semé de petit fieullage rouge, blanc et verdt, et frangié de fringes de soye blance, rouge et verde à tout ung linge tenant audit frontal.

Ung drap de siége pour servir l'empereur sur la chayere, de velours rouge, eslevé de fleurs de vert velours, brochié de plumes de pan d'or, doublé de bougran bleu.

Ung autre drap de siége d'un baldequin de soye verd, brochié de petis pans de fil d'or, doublé de thoille bleuc.

Une boiste de fil d'or traict, à trois garnitures d'argent doré, à tout ung corporal dedens et une bourse à mectre corporaulx, ouvrée à l'esguille à kevrons d'or et de soye, doublée de soye rouge et ung corporal dedens.

Autres aornemens servans àung Evesque ou Prelat.

Une chappe de cueur pour ung prélat, toute broudée de fil d'or, historiée de divers miracles et misteres de Nre Sgr, comme de la chène, lavant les pieds de ses apostres, resuscitation du Lazar de la mort et pluisseurs autres misteres,. et le fermail devant ladite cappe garny de semence de perles, les aucunes perdues, et la cappe est doublée de tresselin de soye rouge.

Une autre cappe de cueur aussy pour ung prélat, broudée et ouvrée de fil d'or et les borts et chapperons d'icelle; les ymaiges sur ce broudez de semence de perles, où se treuve les aucunes perdues et le fermail devant, à tout les armes du

due Jehan; ledit fermail garny de semblables perles, et sur ladicte cappe broudée de divers histoires du Viel Testament et du Nouveau, avecq le Ave Maria en divers lieux.

Une mittre épiscopale, toute semée de perles où beaucop de pieres et pieces rompues sont tumbées, garnye de grosses louppes de saphirs, et autres meschantes pierres, et au dessus deux boutons esmaillez, laquelle au retour d'Espaigne a esté trouvée peser xvm m. vi onc. v est.

Une autre mittre de taffetaf ou satin blancq, paincte à lung des lez de la Passion et à l'autre lez du Jugement.

Linge servant à la Chapelle.

Une nappe de soye blance de cincq aulnes et ung quartier de long, servant à l'autel, aiant à ung boult unze traches de fil d'or et de soye ensamble, et à l'autre boult neuf semblables traches; en laquelle nappe sont dix ou douze trous bruslez.

Une autre nappe d'autel aussy de soye blanche, ouvrée sur chacun boult, une aulne de parfond de soye bleue et lettres grégeoises, et de pluisseurs autres manières de beaulx ouvraiges, de trois aulnes et demye de long.

Une autre nappe de soye blanche, sur chacun boult une large trache de soye et divers couleurs de deux aulnes et demye de long.

Une grande nappe pour couvrir l'autel, de trois aulnes de large et de six aulnes de long.

Aultres parties servans à la chappelle et non mises en œuvre.

Six vieses brodures pour faire servir à trois casubles, à tout croix de St-Andrieu; et entre les dites croix emplis de drap d'or blancq, rouge et bleu.

Quatres autres vieses bordures pour faire servir à une ca