THE

PRIORY OF COLDINGHAM.

I. PRÆCEPTUM JUSTICIARII AD CAPIENDUM X LIBRAS
IN TERRA DE RISTONE AD CAPELLAM DE BEREWIK.

(Reg. I. fol. 18.)

Hugode Beklay [sic], justiciarius Laodoniæ, dilecto sibi et fideli Willielmo de Baddeby, Constabulario de Berwyk, salutem. Mandamus vobis et præcipimus quatenus de terra Johannis Scoti de Ristona, quam traxit in plegiagium coram nobis versus dominum regem, pro duabus paribus literarum domini regis de disseisina, decem libras ad operationem capella castri de Berwyk per venditionem sine dilatione capiatis de dicta terra. Si quid autem residuum fuerit ultra viginti libras, dicto Johanni deliberari faciatis, et hoc nullo modo omittatis, nisi dictus Johannes vobis in dictis decem libris incontinenti satisfecerit. In cujus rei testimonium has literas meas vobis patentes [sic]. Datæ apud Berewyk die dominica in quinquagesima, anno gratiæ millesimo, ducentesimo, sexagesimo, primo.

II. CARTA ROBERTI EPISCOPI DUNELMENSIS DE UNA
PLACEA IN INSULA CONCESSA Friori de COLDINGHAM

AD INHABITANDUM.

(Ex. Orig. 4a. 2e. Pont'. I. 1.)

Omnibus Christi fidelibus presens scriptum visuris vel audituris, Robertus permissione divina episcopus Dunelmensis salutem in Domino sempiternam. Noveritis nos dedisse

1261.

1279.

domino Henrico de Hornecastre, Priori de Coldingham et monachis loci ejusdem et eorum successoribus, unam placeam ad habitandum in villa de Haly Eland, ex parte boriali de Lamesete, quæ continet sexcies viginti pedes in longitudine et totidem in latitudine. Habendum et tenendum eisdem Priori et monachis et eorum successoribus, de nobis et successoribus nostris, libere, quiete, integre, et pacifice, in perpetuum, cum omnibus libertatibus, comoditatibus et aysiamentis ad dictam villam de Haly Eland pertinentibus. Reddendo inde annuatim nobis et successoribus nostris, ad scaccarium nostrum de Norham, sex denarios ad quatuor anni terminos in Norhamschyre constitutos, pro omni servicio, consuetudine, exaccione, secta curiæ et demanda. In cujus rei testimonium sigillum nostrum. apponi fecimus huic scripto. His testibus, dominis Gwyschardo de Charron, tunc senescallo Dunelmensi, Thoma de Herington et Johanne filio Marmaduc' militibus, et magistris Alano de Essingwald, Johanne Hock, Roberto Auenel, et Nicholao de Appelby et aliis. Data apud Alverton, vjto idus Septembris, anno Domini м CCLXX° nono, et pontificatus nostri quinto.

Seal. See SURTEES, Seals, pl. 2, No. 3, and the PRIORY
OF FINCHALE, p, 149.

After 1292.

A

III. UT LICENTIAT TALEM ACCEDERE
TRACTANDUM, UTPOTE IN HOC PLURIMUM VALITURUM.

(M.S. C. iv. 25, fol. 2.)

Cum illustris princeps et dominus, dominus J. dei gratia rex Scottorum, apud Dunelmum sit, ut certitudinaliter intelleximus, in proximo accessurus, cum quo habemus necessario diffuse tractare, si suæ placuerit celsitudini, super negotiis domus nostræ de Coldingham contingentibus, quæ revera eo longe feliciorem sortiri speramus effectum, quo in ipso tractatu domini T. habuerimus præsentiam personalem; paternitatem vestram reverendam omni affectione requirimus et rogamus, quatenus dicto domino T. ut in adventu domini regis nobiscum apud Dunelmum his, quæ ibidem agi continget, interesse possit, diguemini, si placet, licentiam impertiri.

IV. APPELLATIO DE COLDINGHAM,

[Ex Orig.]

In Die nomine, Amen. Anno Domini a nativitate M. trecentesimo, quarto, indictione secunda, die quarta mensis Junii; pateat omnibus evidenter quod in præsentia mei notarii et testium infra scriptorum constitutus frater Thomas de Rillingtone, monachus monasterii Dunelmensis, procurator religiosorum virorum ... prioris et conventus ecclesia Dunelmensis, habens plenam et sufficientem potestatem pro dictis... priore et conventu appellandi procuratorio nomine eorundem prioris et conventus, coram venerabili viro domino Alano Dei gratia abbate de Alnewyke, Dunelmensis dioceseos, tanquam coram autentica et sollempni persona, quandam appellationem interposuit in hac forma.

...

...

In nomine Domini, Amen. Coram vobis venerabili viro domino Alano de Staunforde, abbate de Alnewyke, tanquam coram autentica et honesta persona constitutus, ego Thomas de Rillingtone, monachus ecclesiæ Dunelmensis ac procurator religiosorum virorum dominorum prioris et conventus ecclesiæ Dunelmensis, ordinis Sancti Benedicti, procuratorio nomine prædictorum, in his scriptis dico, conqueror et propono quod nuper ad prædictorum ... prioris et conventus, ac mei procuratoris ipsorum pervenit notitiam, quod venerabilis pater dominus Antonius episcopus Dunelmensis* quasdam litteras surrepticias per falsi suggestionem et veri suppressionem in præjudicium prædictorum... prioris et conventus, et monasterii Dunelmensis non modicum et gravamen, a sanctissimo patre et domino, domino Benedicto papa xj impetravit et optinuit super provisione facienda domino Hugoni, qui dicitur episcopus Bibliensis, de cella seu prioratu de Coldingham, ordinis Sancti Benedicti, sancti Andrea dioceseos, ad prioratum dictæ Dunelmensis ecclesiæ pertinente, quarum literarum tenor dicitur esse talis.

BENEDICTUS episcopus, servus servorum Dei, venerabili fratri episcopo Dunolmensi, salutem et apostolicam benedictionem. Exhibita nobis tua petitio continebat quod Sarraceni, Christiani nominis inimici, episcopatum Bibliensem occuparunt hactenus, et adhuc detinent occupatum, et per hoc venerabilis frater noster Hugo Bibliensis episcopus egestate gravatus,

• Anthony Beck, Bishop of Durham from 1288 to 1810.

1304.