Ego Adalbero Dei gratia Treuirorum humilis minister et seruus apostolice sedis le gatus subscripsi. N° 122. Erzbischof Arnold son Cöln beurkundet den Schieds, Spruch mehrerer Bischöfe, daß die Pröbste von Bonn und Xanten als Archidiacos nen den Rang vor jenen von St. Gereon in Cöln haben. 1138. In nomine sancte et indiuidue trinitatis. Arnoldus diuiua fauente clementia Coloniensis archiepiscopus. Aliter pax ecclesie stare non potest. nisi unusquisque frater sui prioratus locum ordinemque cognoscat. et eo contentus intra propriam mensuram se contineat. Hanc igitur rationem attendentes. et unicuique sibi debitum locum et ordinem in ecclesia seruare cupientes scire uolumus tam, presentes quam futuros cunctos ecclesie prelatos et subditos. qualiter unius disceptationis scrupulum usque ad nostra tempora indiscussum. justo judicio terminauimus. Erat nimirum inter fratres antiqua et interminata questio eo quod prepositus sancti Geronis aduersus Bunnensem et Xantensem prepositum de prioratus sui ordine et loco semper disceptaret. tanquam ipse superiorem eis locum in choro sancti Petri et in publicis processionibus ac conuentibus habere deberet econtra illis se superiorem habituros locum viua ratione affirmantibus. Ex qua disceptatione simultates et odia nascitura timuimus. nisi rem juste terminaremus. vtrius igitur partis petitione predictis prepositis die et loco prefixo. audientiam dedimus. Dato itaque utrique parti prolocutore. asseruerunt venerabiles fratres Gerardus Bunnensis. et He rimannus Xantensis prepositus. ob hoc superiorem locum sibi deberi. quia ecclesie nostre archidiaconi essent. et illis ecclesiis presiderent. quibus archidiaconatus a prima consitutione adjuncti essent. et quia in generali synodo. et ceteris publicis conuentibus a latere nostro residerent. et ad tractanda siue inuenienda seu promulganda judicia. post reliquos archidiaconos nostros primi essent. Econtra fr. Bruno sancti Gereonis prepositus dixit. quod ob hoc superior locus sibi deberetur. quia sui predecessores eum eatenus habuissent. Quod tamen reliquus clerus non fatebatur. Nam etsi ipse et sui predecessores aliquando superiorem locum occupassent . tamen semper res in lite permansit. Deinde cum utraque pars juxta tenorem utrarumque rationum judicium expeteret à venerabili fratre nostro Arnoldo majoris ecclesie preposito judicium quesiuimus. Quo inducias postulante. adhuc sub judicio pendente negocio. ne quod temerarium judicium precipitaretur. venerabilem dominum Tietwinum sancte Rufine episcopum qui tunc Colonie fuit. ad hanc causam acciuimus et dominum Alberonem Leodiensem episcopum. Andream Trajectensem episcopum Wernerum Monasteriensem episcopum. Vdonem Osenbrugensem episcopum. Embriconem Werzeburgensem episcopum. Nicolaum Cameracensem episcopum. quibus rei geste ordinem diximus. et quid eis de judicio uideretur interrogauimus. Hi uero auditis utrobique rationibus secundum judicium et consuetudinem omnium aliarum ecclesiarum adjudicauerunt archidiaconis superiorem ubique locum. Judicium igitur datum. hoc modo. et in nostra presentia a venerabilibus episcopis et clero appro mus. batum auctoritate sancti Petri et nostra uenerabili Gerardo Bunnensi preposito. Herimanno Xantensi preposito. et eorum successoribus et eorum ecclesiis in perpetuum confirmamus et sub anathemate interdicine aliqua in posterum persona reuocet ad litem quod semel judiciario ordine debitum accepit finem Et ut inconcussum judicium permaneat. presenter paginam sigillo nostro signare. et testes ejus rei subternotare curauimus. Quorum hec nomina sunt. Albero Leodiensis episcopus. Andreas Trajectensis episcopus. Wernerus Monasteriensis episcopus. Vdo Osenbrugensis episcopus. Embriko Werzeburgensis episcopus. Nicolaus Cameracensis episcopus Arnoldus majoris ecclesie prepositus. Walterus decanus. Gerardus abbas sancti Pantaleonis. Willelmus abbas sancti Martini. Rudolfus Tuiciensis abbas. Cuno Sigebergensis abbas. Tiedericus Campensis abbas. Tiebaldus sancti Seuerini prepositus. Berno sancti Kuniberti prepositus. Berengerus sancti Andree prepositus .Tiedericus sanctorum Apostolorum prepositus. Willelmus sancte Marie prepositus. Godefridus subdecanus. Sigebodo cantor. Obertus scolasticus. et totus sancti Petri conuentus cum reliquis aliarum ecclesiarum prioribus. de sancto Gereone Ruberto decano. de sancto Seuerino Alberone decano. de sanctis Apostolis Arnoldo, decano. de sancto Cuniberto Volkoldo decano. de sancto Andrea Godescalco decano, de sancta Maria in gradibus Volewino decano. de sancto Georgio Tiederico decano. Acta sunt Colonie anno dominice Incar nationis. MCXXXVII. Indictione 1. regnante Cunrado secundo anno regni ejus j. No 123. Bulle des Pabstes Innozens II. für das Kloster Ravengirsburg 1139. Innocentius episcopus seruus seruorum dei. dilectis filiis Wecelino preposito ejusque fratribus in Rauenghenburchensi ecclesia canonicam uitam professis in perpetuum. Religiosis desideriis facilem accommodare debemus assensum. ut fidelis deuotio celerem sortiatur effectum. Hujus rei gratia dilecti in domino filii uestris petitionibus clementer annuimus. et personas uestras ac Rauenghensburchensem ecclesiam in qua diuino uacatis seruitio ad exemplum predecessoris nostri sancte memorie pape Honorii sub beati Petri ac nostra tutela suscipimus et presentis scripti patrocinio communimus. Statuentes ut ordo canonicus secundum beati Augustini regulam in eodem loco perpetuis temporibus irrefragabiliter conseruetur. Obeunte uero te ejusdem loci pre posito uel tuorum quolibet successorum nullus in eadem ecclesia qualibet subreptionis astutia seu uiolentia preponatur. sed quem fratres communi assensu . uel fratrum pars consilii sanioris. secundum Dei timorem regulariter prouiderint eligendum. Sane possessiones et bona que liberalitate illustris uiri comitis Bertolfi uxoris ejus Hadewic (1) seu aliorum fidelium oblatione in presentiarum juste et canonice possidetis. siue in futurum largiente Deo justis modis poteritis adipisci firma uobis et illibata permaneant salua diocesani episcopi justitia et reuerentia. Auctoritate quoque Dei et beatorum apostolorum Petri et Pauli et nostra interdicimus nequis ejusdem cenobii aduocatiam absque prepositi et (1) Man sehe Urkunde vom 5ten Mai 1072, fratrum electione sibi usurpet. Prohibemus etiam ne idem aduocatus ullum aduocatum in eodem loco sibi substituere audeat. Electus autem nullum a fratribus canonicis. uel ab eorum officialibus seruicium exigere presumat. nec causas suas et placita infra septa et officinas claustrales agat. Archipresbitero synodum ibi habere non liceat absque nutu fratrum canonicorum nec ab aliquo pecunia pro ecclesie redemptione exigatur omni deinceps tempore. Decernimus ergo ut nulli omnino hominum liceat uestram prefatam ecclesiam in aliquo perturbare. uel ejus possessiones auferre. uel oblatas retinere. minuere, seu quibuslibet uexationibus molestare . sed omnia uobis integra conseruentur. uestris et pauperum usibus profutura. si qua igitur ecclesiastica secularisue persona hanc nostre constitutionis paginam sciens contra eam temere uenire presumpserit. secundo tertioue commonita. si non satisfactione congrua emendauerit. potestatis honorisque sui dignitate careat. reamque se diuino judicio existere de perpetrata iniquitate cognoscat. et a sacratissimo corpore ac sanguine Dei. et domini redemptoris nostri Jhesu Christi aliena fiat. atque in extremo examine districte ultioni subjaceat. Cunctis autem eidem loco sua seruantibus sit pax domini nosti Jhesu Christi. quatinus et hic fructum bone actionis percipiant. et apud districtum judicem premia eterne pacis inueniant. Ego Innocentius catholice ecclesie episcopus. Ego Albericus Hostiensis episcopus. |