Testibus W · Phi Episcopo Glasguensis ecclesie. W. filio Alani Senescalli justiciario Scocie Waltero Byset . Waltero de Petyn lippo de Malevill. David de Hastingis anno regni domini Regis nono decimo. apud Kintor xijo die Octobris. Taxacio judicum delegatorum super uicariis in episcopatu Abirdonensi. 1 (A.D. 1250.) Uniuersis sancte matris ecclesie filiis hoc scriptum visuris uel audituris Cancellarius Morauiensis / Thesaurarius et magister Johannes de Euerley canonicus Dunkeldensis eternam in Domino salutem Nouerit uniuersitas uestra nos mandatum domini Pape suscepisse in hec uerba・・ INNOCENCIUS Episcopus seruus seruorum Dei dilectis filijs cancellario Morauiensi. thesaurario et magistro Johanni de Euerley canonico Dunkeldensi Salutem et Apostolicam benediccionem. Presentata nobis dilectorum filiorum de Kalkou de Abirbrothoc et de Lundors abbatum Sancti Andree diocesis Sancti Benedicti ac prioris cathedralis ecclesie Sancti Augustini ordinum conuentuumque suorum. peticio continebat. Quod cum bone memorie Abirdonenses Episcopi · capituli sui accedente consensu quasdam ecclesias Abirdonensis diocesis in quibus abbates prior et conuentus iidem jus optinent patronatus in proprios vsus eorum sibi duxerint concedendas. Et quod per eosdem Episcopos taliter factum extitit in hac parte per Apostolicam sedem fuerit postmodum confirmatum Venerabilis frater noster Abirdonensis Episcopus Episcoporum illorum successor pro sua nobis suggerens uoluntate quod nonnulli abbates priores aliique prelati tam religiosi quam eciam seculares in ciuitate Abirdonensi et diocesi constituti uicariis quarundam ecclesiarum quas in proprios vsus tenent imponentes nouas contra Lateranensis statuta concilij terras et alias possessiones ad uicarias spectantes easdem ipsis subtrahunt uicariis in vsus proprios convertendo quidam uero prelatorum ipsorum tantum de prouentibus ecclesiarum percipiunt earundem quod earum uicarii nequeunt de residuo commode sustentari a nobis optinuit literas continentes vt super hiis auctoritate nostra statueret prout vtilitati ecclesiarum ipsarum secundum Deum expedire videret non obstantibus concessionibus quibuscunque et confirmacionibus eciam a sede Apostolica impetratis contradictores per censuram ecclesiasticam apella 1 [From the Registrum Vetus Cenobii de Aberbrothoc, MSS. Bibl. Adv.] H cione postposita compescendo. Cumque literarum ipsarum pretextu niteretur idem Episcopus ordinare / fines tenoris earum perperam excedendo / quod prefati abbates prior et conuentus de prouentibus dictarum ecclesiarum certam annuatim recipient porcionem et omnes reliqui prouentus ipsarum assignarentur uicariis earundem jamdicti abbates prior et conuentus se ac ecclesias seu monasteria sua per ordinacionem hujusmodi sencientes indebite aggrauari per appellacionis remedium nostram audienciam inuocarunt cui dictus Episcopus detulit reuerenter sicut in ejus literis perspeximus contineri. Quocirca discrecioni uestre per Apostolica scripta mandamus . quatinus facultatibus ipsarum ecclesiarum diligenter solliciteque pensatis in eis prout discrecio uestra secundum Deum viderit expedire certas et determinatas curetis statuere uicarias. Et de prouentibus ecclesiarum illarum porcionem ipsis congruam assignantes nominatos abbates priorem et conuentus postea contra ordinacionem uestram super hiis. nullatenus permittatis ab aliquibus indebite molestari molestatores hujusmodi per censuram ecclesiasticam sublato appellacionis obstaculo compescendo. Non obstantibus aliquibus literis ueritati et justicie prejudicantibus per quas execucio mandati presentis impediri ualeat uel differri / et de quibus specialem oporteat fieri in presentibus mencionem. Quod si non omnes hiis exequendis poteritis interesse duo vestrum ea nichilominus exequantur . Datum Lugdunj xijo Kalendas Maij Pontificatus nostri anno septimo. HUJUS igitur auctoritate mandati abbate et conuentu de Abirbrothoc ordinis Sancti Benedicti per procuratorem suum legittime constitutum uicariis vero ecclesiarum quas habent in diocesi Abirdonensi quibusdam personaliter / quibusdam per procuratores legittime constitutos coram nobis comparentibus in ecclesia parrochiali de Banchry Tarny anno gracie m° cc. 1°. die Jouis proximo post Festum Sancti Petri ad Vincula die precedenti continuata facultatibus singularum ecclesiarum diligenter solliciteque pensatis Deum habentes pre oculis. habitoque prudentum virorum et jurisperitorum consilio certas et determinatas sentencialiter taxauimus uicarias in eisdem et de prouentibus ipsarum per juramenta singulorum uicariorum et aliorum fidedignorum uicariis singularum ecclesiarum congruas assignauimus porciones uidelicet Vicarie ecclesie de Banchry Tarny taxate sexdecim marcis / totum alteragium vnacum acra terre et decimam garbarum eiusdem uille de terris tunc cultis saluis singulis annis fabrice ecclesie de Abirbrothoc quadraginta denariis per manum uicarii percipiendis decimis garbarum pre dicte uille postea colendarum cum terris ad ecclesiam spectantibus et aliis decimis garbarum tocius parrochie / integre in perpetuum predictis abbati et conuentui de Abirbrothoc remanentibus. Vicarie ecclesie de Baneff taxate triginta marcis alteragium ipsius ecclesie cum manso et alteragium de Inuerbondy cum vna acra terre tota decima piscarie tam albi piscis quam rubei et terris spectantibus ad matricem ecclesiam et capellam / et decimis garbarum tocius parrochie remanentibus perpetuo abbati et conuentui supradictis Vicarie ecclesie de Gameryn taxate decem et octo marcis totum alteragium cum duabus acris terre ecclesie et decima garbarum tocius parrochie remanentibus predictis abbati et conuentui. Vicarie ecclesie de Fyvyn taxate triginta tribus marcis alteragium cum terra de Ardincross reseruatis singulis annis quinque marcis in lana pacabili uel agnis et decimis garbarum tam de Ardincros quam tocius parrochie predictis abbati et conuentui Vicarie ecclesie de Buthelny taxate quindecim marcis totum alteragium cum sex marcis in decimis garbarum in certis locis eiusdem parrochie annuatim percipiendis de terris tunc cultis residuo decimarum garbarum ipsius parrochie integre remanente perpetuo predictis abbati et conuentui. Vicarie ecclesie de Taruays taxate triginta duabus marcis / alteragium cum vna acra terre reseruatis octo marcis annuis percipiendis de decima lane uel agnorum uel vtraque et decimis garbarum tocius parrochie cum terra ecclesie integre inperpetuum predictis abbati et conuentui Vicarie ecclesie de Kynnerny taxate decem marcis totum alteragium cum manso et quinque marcis et dimidia in decimis garbarum in certis locis de terris ipsius parrochie tunc cultis residuo decimarum garbarum tocius parrochie remanente integre in perpetuum predictis abbati et conuentui Vicarie ecclesie de Cule taxate duodecim marcis totum alteragium cum manso et quatuor Nomina villamarcis et dimidia in decimis garbarum in certis locis ipsius parrochie de rum parrochie terris tunc cultis residuo decimarum garbarum tocius parrochie integre Estertochres/ in perpetuum predictis abbati et conuentui remanente Vicarie ecclesie Westertochres de Forglynt taxate centum solidis / totum alteragium cum manso de Cule Ochtircule/ . . in decimis garbarum de terris tunc cultis residuo prouen- de Kule · tuum qui postmodum excreuerint vltra centum solidos in vsus dictorum abbatis et conuentus remanente Reseruata nobis in perpetuum potestate predicte sentencie molestatores per censuram ecclesiasticam compescendi · Et sciendum quod omnes predicti uicarij predictarum ecclesiarum omnia onera ordinaria sustinebunt et de fabrica cancellorum ecclesiarum et de oneribus extraordinariis pro porcione sua inperpetuum respondebunt. In cujus rei testimonium presens scriptum sigillorum nostrorum munimine duximus roborari • 1 Assedacio terrarum de Inuercany Willelmo de Medilton (A. D. 1411— A.D. 1438.) Uniuersis sancte matris ecclesie filiis ad quorum noticias presentes littere peruenerint. Walterus permissione diuina abbas monasterii Beati Thome Martiris de Abirbroth et ejusdem loci conuentus salutem in omnium Saluatore. Nouerit uniuersitas vestra nos vnanimi consensu et assensu tocius capituli nostri vtilitate monasterij nostri cum competenti deliberacione pensata / assedasse et ad firmam dimisisse. Willelmo de Medilton pro toto tempore vite sue totas terras nostras de Inuerkany · cum omnibus justis pertinenciis suis vna cum molendino et decima illarum. Soluendo inde annuatim dictus Willelmus prefatis dominis abbati et conuentui quatuor libras vsualis monete regni Scocie ad duos anni terminos videlicet Festa Penthecostes et Sancti Martini in hieme per equales porciones sine dilacione dolo vel fraude aliquali Et eciam custodiet forestam nostram de Trostow Et si contigerit dictum Willelmum custodia dicte foreste negligentem esse vel in aliquo delinquere ad nostram correccionem sine strepitu judiciali se submittet et subibit Et ipse eciam Willelmus ad curias et placita dicti domini abbatis faciendo communem sectam apparebit. Et quociens vel quando premonitus fuerit laborabit honeste vt decet cum abbate vel ejus officiariis capiendo le bowch de curia prout alii de consuetudine capiunt et recipiunt Et eciam subibit omnia onera husbandorum debita et consueta . Preterea si dictus Willelmus in solucione firme et decime tardus fuerit / aut vile persoluens aut nobis vel nostris officiariis quibuscunque nomine censeantur seu nostris husbandis rebellis injuriosus inobediens fuerit aut ineptus licebit nobis vel successoribus nostris de eisdem terris cum pertinenciis ordinare et disponere pro libito nostre voluntatis sine contradiccione quacunque Et eciam predictus Willelmus inueniet nobis et nostris cum ad predictam terram venerimus, hospitalitatem honestam secundum facultatem suam cum vtensilibus domus cum pertinenciis. Nec licebit eidem Willelmo dictas terras vel aliquam partem earundem alicui 1 [From the Registrum Recentius Cenobii de Aberbrothoc, MSS. Bibl. Adv.] persone cotariis tantum exceptis arrendare concedere vel assedare quoquomodo sine nostra licencia speciali petita et obtenta. In cujus rei testimonium sigillum commune capituli⚫ etc Preceptum sasine cujusdam crofte et domus jacentis in Banquhory / Jonete de Deray dande. (A.D. 1472.) Georgius permissione diuina abbas monasterij Sancti Thome Martiris de Abirbrothok dilectis nostris Alexandro Burnat de Leys et Alexandro Fresar de le Durrys et eorum alteri coniunctim et diuisim / balliuis nostris in hac parte salutem. Quia nobis clare constat quod quondam Johannes de Deray pater Jonete de Deray latricis presencium / obiit vltimo vestitus et sasitus vt de feodo ad pacem et fidem supremi domini nostri Regis de vna crofta cum domo super eadem situata cum pertinenciis in villa de Banquhory infra vicecomitatum de Kyncardyne · et quod dicta Joneta est legittima et propinquior heres ejusdem quondam Johannis patris sui de dictis crofta et domo cum pertinenciis et quod est legittime etatis et de nobis tanquam abbate dicti monasterij tenetur in capite Vobis precipimus et mandamus quatenus dicte Jonete / vel suo certo attornato latori presencium sasinam dicte crofte et domus cum pertinenciis juste haberi faciatis et sine dilacione saluo jure cujuslibet / et hoc nullo modo omittatis. Ad quod faciendum vobis et vestrum alteri coniunctim et diuisim nostram in hac parte committimus potestatem Datum sub sigillo officij nostri apud monasterium nostrum predictum vicesimo nono die mensis Julij. anno Domini millesimo quadringentesimo Septuagesimo Secundo. (A.D. Assedacio terre de Inuercanny etc Andree Smyth concessa 1 1476.) Uniuersis pateat per presentes nos Georgium permissione diuina abbatem monasterij Sancti Thome Martiris de Abirbrothoc cum consensu fratrum nostrorum assedasse et ad firmam dimisisse dilecto nostro Andree Smyth totam villam nostram de Inuercanny cum molendino ejusdem et dimedium ville nostre de Banchry / cum pertinenciis pro termino quinque annorum plenarie et integre complendorum Termino vero introitus dicti Andree in dicta villa cum dicto molendino et dimedio 1 [From the Registrum Recentius Cenobii de Aberbrothoc, MSS. Bibl. Adv.] |