monachi, canonici, clerici vel laici memoratos Fratres contra privilegia sua super decimarum vel aliarum libertatum exactione gravaverint, appellatione remota, clericos ab officio suspendatis, laicos autem excommunicationis sententia percellatis, et tam suspensionis quam excommunicationis faciatis usque ad dignam satisfactionem sententias observari. Quod si a Sede Apost. litteræ impetratæ fuerint quaram occasione quis ab illis decimas exigere, vel aliud contra privilegia vel indulgentias eorum ab ipsis extorquere nitatur, respondere illis minime teneantur. Quod si aliquæ compositiones inter eos et aliquos, pacis intuitu et utriusque partis consensu, factæ fuerint, illas faciatis ratas et inconcussas perpetuis temporibus remanere. Ad hæc præsentium auctoritate præcipiendo mandamus quatinus, si quis parochianorum vestrorum in sæpedictos Fratres violentas manus injecerit, eum, candelis accensis, excommunicatum publice denuntietis et tanquam excommunicatum faciatis ab omnibus evitari, donec eisdem Fratribus congrue satisfaciat, et cum litteris Diocesani Ep'i rei veritatem continentibus Apostolico se conspectui repræ

sentet.

[SINGLE BULL BY POPE NICHOLAS III.]
Nicholaus.

[CCCCI.-GENERAL CONFIRMATION OF ALL PRIVILEGES, ETC., GRANTED BY PRECEDING POPES TO FURNESS, ACCORDED TO THE CONVENT BY POPE NICHOLAS III.]

De pertinentibus Furnesii confirmatio generalis. I.

[255 col. 2.] Nicholaus1 etc. Abbati et Conv. Furnesii etc. Solet annuere Sedes Apost. piis votis et honestis petentium desideriis assensum benivolum inpertiri. Ea propter, dilecti filii, vestris justis postulationibus grato concurrentes assensu, omnes

He was Pope from 1277 to 1280.

libertates et immunitates a prædec. nostris, Romanis Pontificibus, Monasterio vestro concessas, necnon libertates et exemptiones sæcularium exactionum a Regibus et Principibus et aliis Christi fidelibus rationabiliter vobis et Monasterio vestro præd. indultas, sicut eas juste et pacifice obtinetis, vobis et per vos eidem Monasterio, auctoritate Apost., confirmamus, et præs. scripti patrocinio communimus. Nulli ergo etc.

[COLLECTION OF BULLS BY POPE URBAN III.]

Urbanus.

[CCCCI-BULL BY POPE URBAN III. ADDRESSED TO THE ABBOT AND CHAPTER OF FURNESS, TAKING THE CONVENT SPECIALLY UNDER HIS PROTECTION ANd St. Peter's, AND CONFIRMING ALL PRIVILEGES, IMMUNITIES, ETC., BELONGING, OR YET TO BELONG, TO THEM, AND ESPECIALLY WHAT HAD BEEN GRANTED TO THEM BY KING STEPHEN, KING HENRY, AND THE KING OF THE ISLES.]

Frem de eisdem confirmatio generalis. I.

Urbanus' Ep'us etc. Abbati et Capitulo Furnesii etc. Officium justa postulantibus indulgere et vigor exigit æqui[255]tatis, et ordo postulat rationis, cum petentium voluntates et pietas adjuvat et veritas non relinquit.2 Ea propter, dilecti in Domino filii, vestris justis postulationibus grato concurrentes assensu, Monasterium vestrum, cum omnibus quæ in præsentiarum juste et pacifice possidetis, aut in futuro, Deo propitio, justis modis poteritis adipisci, sub B. Petri et nostra3 protectione suscipimus et præs. scripti patrocinio communimus: specialiter autem libertates et immunitates generaliter Ordini vestro ab Apost. Sede

Pope from 1185 to 1187.

2 Relinquid.

3 Nostre.

indultas, dignitates etiam et elemosinas quæ vobis et eidem Monasterio vestro ab illustris memoriæ Rege Stephano, et karissimis in Christo filiis nostris Henrico, illustri [sic] Anglorum et Insularum Regibus, seu aliis Dei fidelibus rationabiliter sunt collatæ, sicut in eorundem regum et aliorum donatorum cartis plenius continetur, et vos eas juste et pacifice possidetis, auctoritate Apost. confirmamus. Nulli etc.

[CCCCIII-BULL BY POPE URBAN III., WHO FOLLOWED THE EXAMPLE OF POPE LUCIUS, GRANTING TO THE CISTERCIAN ORDER AT LARGE THAT IF THEY ARE REFUSED A HEARING, IN ANY CAUSE, FOR THE PRIVILEGES ACCORDED TO THEM BY THE HOLY SEE, ANYTHING FORMALLY DONE TO THEIR PREJUDICE ON THE OCCASION SHALL BE VOID AND OF NO FORCE.]

Si privilegia nostra er justa causa aliquando duxerimus non monstranda, vel non audiantur, ab hoc nullum nobis

praejudicium generetur. Urbanus iii.

Urbanus [255b col. 2] etc. universis Abbatibus Cisterciensibus. Inter cætera gravamina quibus pacem vestram et indultam vobis a Sede Apost. libertatem sæcularis nititur astutia prægravare, illud, sicut accepimus frequentius, sustinetis, ut privilegia vestra quæ ad propulsandas injurias malignorum in publico recitanda profertis, nec recipi nec audiri quorundam malignitas patiatur, quatinus, privilegiorum recitatione suppressa, videatur eis deinceps quodammodo licitum quod contra ea fuerit tali calliditate præsumptum, unde nos, et eorum versutiis obviantes, et paci vestræ paterna sollicitudine providentes, felicis memoriæ Lucii Papa, prædec. nostri, vestigiis inhærentes, indulgemus vobis, et præsentium auctoritate, decernimus ut, si prædictæ malignitatis ingenio contra immunitates quæ in vestris privilegiis continentur aliquid contigerit in juris vestri præjudicium diffiniri, quod factum fuerit irritum sit et inane, nec vos propter hoc ulli dispendio subjacere.

[CCC CIV. — GENERAL BULL BY POPE URBANUS III. ADDRESSED TO THE CISTERCIAN ABBOTS AT LARGE, REPEATING A LONG LIST OF PRIVILEGES AND IMMUNITIES CONFERRED BY PREVIOUS POPES, AND ESPECIALLY BY POPE LUCIUS III., ALL OF WHICH ARE FOUND FULLY SPECIFIED IN DIVERS OF THE PRECEDING COLLECTION OF BULLS.]

De variis articulis Ordini indultis, et alibi superius nominatis, ut lucidius declaratur in Bulla sequenti. Urbanus iii. 3.

Ea propter,

[256.] Urbanus etc. universis Abbatibus [Cisterciensibus]. Cum Ordo vester per infusionem Divinæ gratiæ longe lateque fidelibus Christi sit odor vitæ in vi[t]am, in hiis quæ juste requiritis tanto facilius nostrum inpertimur assensum quanto plures vestro exemplo in Ecclesia Dei proficiunt ad salutem. dilecti in Domino filii, vestris justis postulationibus clementius annuentes et sollicite providere volentes, ne ad id quod vestram religionem dedeceat aliorum possitis malignitate compelli, felicis memoriæ Lucii Papæ, prædec. nostri, vestigiis inhærentes, vobis, auctoritate præsentium, indulgemus ut si Archiep'i vel Ep'i, in quorum parochiis Domus vestræ fundatæ sunt, cum humilitate debita requisiti, Abbates substitutos benedicere, et cætera ad Officium Ep'ale spectantia, exhibere forte renuerint, eisdem Abbatibus, si tamen sacerdotes fuerint, liceat proprios novitios benedicere, et cætera quæ ad officium suum pertinent exercere, et ab alio Ep'o accipere quæ a suo Ep'o in[256 col. 2]debite fuerint denegata: Illud adjicientes ut in recipiendis professionibus quæ a benedictis vel benedicendis Abbatibus exhibentur, ea sint forma et expressione contenti quæ ab origine Ordinis noscitur institutascil., ut Abbates ipsi, salvo Ordine suo, profiteri debeant, et contra statuta Ordinis nullam professionem facere teneantur. Quod si Sedes Diocesani Ep'i vacaverit, hæc omnia ab aliis Ep'is libere suscipere et absque contradictione possitis;-sic tamen ut in posterum ex hoc propriis Ep'is nullum præjudicium generetur.

Quia interdum propriorum Ep'orum copiam non potestis habere, si aliquem Ep'um per vos transire contigerit, ab illo benedictionem vasorum et vestium recipere valeatis. Paci quoque vestræ et tranquillitati providere volentes, districtius prohibemus ne quis vos ad sæcularia officia provocet; sed si quis sibi putaverit aliquid in vos de jure competere sub Ecclesiastico judice experiendi habeat facultatem. Nullus etiam vos vel Fratres vestros ad concilia, synodos, aut aliquos forenses conventus ire vel judicio sæculari de substantia vestra propria vel possessionibus subjacere compellat, nec ad Domos vestras accedat causa Ordines celebrandi [256b], c[h]risma faciendi, causas tractandi, aut aliquos publicos conventus convocandi : Adjiciendo ut nulli infra miliare unum ab Abbatiis vel grangiis vestris ædificia vel mansiones novas liceat facere; quod si præsumptum fuerit, per Ep'um Dioceseos vel ejus officiales excommunicationis sententia arceantur. In causis autem propriis, sive civilem sive criminalem contineant quæstionem, liceat vobis Fratrum vestrorum quos ad hoc ydoneos constiterit testimonio uti, ne ex defectu testium jus vestrum valeat deperire. Auctoritate quoque Apost. interdicimus ne quis vicinos vel mercenarios vestros pro eo quod vos ad laborandum adjuverint in illis diebus quibus vos laboratis et alii feriantur, vel aliqua occasione eorum quæ Apost. benignitate vobis sunt indulta, seu benefactores vestros pro eo quod vobis aliqua beneficia vel obsequia ex caritate præstiterint, interdicti aut vinculo excommunicationis audeat innodare. Quod si quis in aliquem de familia vestra quamdiu in famulatu vestro fuerit, propter detentionem decimarum, vel aliquid aliud a Sede Apost. Ordini vestro indultum, excommunicationis vel interdicti sententiam promulgaverit, liceat vobis eos absolvere; et si [256b col. 2] necesse fuerit, ecclesiastica sacramenta, cum sepultura, conferre.