dinoscitur, animo nos decet libenti concedere, et petentium desideriis congruum impartiri suffragium.

Ea propter, dilecti in Domino filii, vestris justis postulationibus clementer annuimus, et præfatum monasterium, in quo divino mancipati estis obsequio, sub beati Petri et nostra protectione suscipimus, et præsentis scripti privilegio communimus; Statuentes ut quascunque possessiones, quæcunque bona, idem monasterium in præsentiarum juste et canonice possidet, aut in futurum, concessione pontificum, largitione regum vel principum, oblatione fidelium, seu aliis justis modis, Deo propitio, poterit adipisci firma vobis vestrisque successoribus, et illibata permaneant. In quibus hæc propriis duximus exprimenda vocabulis. Ecclesiam de Fontibus, et grangiam de Morker, cum tota terra de Herleshow per suas divisas plenarias, ex dono Roberti de Sartis et uxoris illius Raganildis. Grangiam de Sutuna ex dono Rogeri de Molbray et uxoris ejus Aaliz, et Radulphi de Bellun, cum terris acquisitis a Torfino filio Gospatric, et a Godwino de Clutherum et filio ejus Dolphino. Grangiam de Caiton cum terra Herberti, et via ex consensu Ricardi Pedelarrun. Grangiam de Marton cum terris in confinio ejusdem loci acquisitis. Grangiam de Kilnesey, cum dimidia carucata terræ in Bordelay. Grangiam de Couton-more, cum appendiciis suis. Grangiam de Aldeburgh, cum terra quam dedit Turgisius filius Malgeri, ex alia parte aquæ Joræ, cum communi pastura. Grangiam de Dacra cum necessariis plenarie in foresta de Niderdale, ex dono Rogeri de Molbray. Quadraginta acras, ex dono Gichell in Balderby, cum communi pastura, et tres, de Radulpho de Brysow, cum terris, silvis, pascuis, pratis, et aliis appendiciis ad supradictas grangias pertinentibus. Libertates etiam omnes, etc., ut supra (p. 77).

Sane laborum vestrorum quos propriis manibus aut sumptibus colitis, sive de nutrimentis vestrorum animalium, nullus a vobis decimas præsumat exigere.

Si qua vero libera et absoluta persona, etc., ut supra (p. 78). Adjicientes insuper, auctoritate apostolica interdicimus, ne quis fratres vestros, clericos vel laicos, post factam in vestro monasterio professionem, absque vestra licentia suscipere audeat vel retinere. Præsenti quoque decreto sanximus, ut episcopus, etc., ut supra (p. 78).

Sanximus autem, ne aliquis archiepiscopus vel episcopus sive cujuslibet Ordinis locum vestrum a divinis interdicat officiis, sed liceat vobis omni tempore, clausis januis, exclusis excommunicatis et interdictis, suppressa voce, divina officia celebrare, nisi

APPENDIX.

I.—A LETTER FROM G., BISHOP OF WHITHERNE, TO W., BISHOP OF DURHAM, ABOUT ORDAINING CERTAIN MONKS OF FOUNTAINS.—

[Cart. iii., Pr. et Conv., Dunelm., 2536.]

Venerabili in Christo patri domino W. Dei gratia Dunelmensi episcopo, G., eadem gratia Candida Casa episcopus,' salutem et promptissimam cum omni devotione reverentiam. Reverendæ paternitati vestræ manifestum facimus, quod cum nuper transitum faceremus per Dunelmiam, facta fuit nobis copia litterarum quas de gratia vestra concessistis viris religiosis dominis Priori et Conventui Dunelm. super ordinibus in absentia vestra celebrandis ibidem, per aliquem episcopum notum, si per eos transitum faceret. Verum cum et earum litterarum beneficio non haberemus quod ad alios ordinandos præterquam ad monachos illius ecclesiæ, et etiam ad viros religiosos vestræ diœcesios tantummodo potestatem nostram extendere possemus, de vestra tamen solita clementia ac summa benignitate plenam reportantes fiduciam, et maxime ad instantiam venerabilis in Christo patris domini Ébor. archiepiscopi, qui super hoc nos interpellavit, cujus preces vehementer credimus vos velle non recusari; tres monachos de Fontanis, et alios tres monachos de Jerovall de licentia nostra duximus ordinandos, non eo animo ut mandati vestri fines excederemus, aut juri vestro in aliquo derogaremus, ne, quod absit, in alienam messem falcem mitteremus, immo saltem ut juxta gratiam vestram istam gratiam facere possemus, vestras supplendo vices. In cujus rei testimonium præsentes litteras nostras sigillo nostro signatas vobis mittimus patentes.

II.—THE FOUNDATION CHARTER, BY ARCHBISHOP CHICHELEY, OF THE CISTERCIAN COLLEGE OF ST. MARY AND ST. BERNARD, OXFORD.-[MS., Univ. Coll., Oxon., J., i, 44.]

Universis sanctæ matris ecclesiæ filiis ad quos præsentes literæ pervenerint, Henricus permissione Divina Cantuariensis

(1) The Bishops concerned in this Letter seem to be Gilbert, Bishop of Whitherne, and Walter Kirkham, Bishop of Durham, circa 1249,

G.-VOL. II.

archiepiscopus, totius Angliæ primas, et apostolicæ sedis legatus, salutem, gratiam, et benedictionem, ac præsentibus fidem indubiam adhibere. Cum nuper metuendissimus princeps Henricus Dei gratia rex Angliæ et Franciæ et dominus Hiberniæ post conquæstum sextus, per suas literas patentes pro se et hæredibus suis nobis concesserit de gratia sua speciali, ut quoddam congruum et notabile mansum collegiale in honore gloriosissimæ Virginis Mariæ, Sanctique Bernardi, in vico vulgariter nuncupato Northgate strete, juxta et extra portam borealem villæ Oxoniensis, in solo nostro erigere, facere, et fundare possimus, in quo scolares monachi ordinis Cisterciensis in Universitate Oxoniensi pro tempore studentes simul poterint commorari, ac scolares prædictos monachos ordinis prædicti in mansum collegiale prædictum in solo nostro erectum congregare seu congregari facere, et ibidem Collegium perpetuum de uno Priore et Scolaribus monachis dicti Ordinis in Universitate Oxoniensi pro tempore studentibus fundare valeamus, regendum per unum de ipsis Scolaribus in Priorem dicti Collegii de tempore in tempus præficiendum et assumendum, ac in reliquis gubernandum secundum ordinationes sive statuta per nos aut successores nostros Cantuarienses archiepiscopos super præmissa fundatione facienda, quæ in dictis patentibus literis liquent manifeste: volentes hujusmodi concessionem gratiosam nobis concessam, et novum in hac parte propositum, ac veram intentionem in favorem et profectum Ordinis prædicti ad finem perduci præoptatum, in honore prædictæ gloriosissimæ Virginis Mariæ, et Sancti Bernardi, nos, Henricus, archiepiscopus, primas et legatus prædictus, auctoritate et vigore concessionis et licentiæ prædictæ, in unum mansum collegiale in vico vulgariter nuncupato Northgate-strete in parochia Sanctæ Mariæ Magdalenæ, juxta et extra portam borealem villæ Oxoniensis, in solo nostro proprio nuper per nos pro hujusmodi manso ibi faciendo perquisito factum et ædificatum, Scolares monachos ordinis Cisterciensis prædicti in Universitate prædicta studentes congregari ac simul fecimus commorari, et ibidem unum Collegium perpetuum de uno Priore scolarium prædictorum, et de Scolaribus illis et eorum successoribus in Universitate prædicta studentibus futuris perpetuis temporibus ordinamus, stabilimus, facimus et fundamus per præsentes, et Priorem illum de tempore in tempus præfici, ordinari, et gubernari in omnibus, prout inferius specialiter declaratur. Ordinamus etiam, virtute et auctoritate regiæ concessionis prædictæ, et non aliqua alia auctoritate seu jurisdictione spirituali nobis incumbente, quod Willelmus Bramley, scolaris, monachus Scolarium prædictorum, sit Prior Collegii

prædicti per institutionem spiritualem et jurisdictionem ipsius Ordinis Cisterciensis; et quod ipse et successores sui Priores ejusdem Collegii, et Scolares prædicti, et eorum successores, sint unum corpus et legitima communitas, quodque sigillum commune habeant imperpetuum. Et quod Collegium prædictum Collegium Sancti Bernardi in Oxonia nuncupetur, volentes Priorem illum et successores suos Priores Collegii prædicti pro tempore existentes in ordine prædicto et per eundem ordinem provisores monachorum studentium in Universitate prædicta, et non alio modo, nuncupari, acceptari, et teneri, ipsosque Priores omnibus et singulis beneficiis, statutis et privilegiis provisorum studentium dicti ordinis gaudere imperpetuum. Et ut Collegium antedictum perpetuis futuris temporibus sub honesto regimine conservetur, et quod Willelmus Bramley prædictus, et successores sui, necnon prædicti Scolares monachi præsentes, et eorum futuri successores, in eodem Collegio scientiæ Sacrarum Scripturarum et literarum studiis quietius insistere et operam dare possint, volumus et in quantum possumus, ex auctoritate prædictæ licentiæ domini regis nobis concessa, et non ex aliqua auctoritate ordinaria vel potestate spiritualis jurisdictionis nobis incumbentis, ne contraveniamus in aliquo privilegiis, statutis, et exemptionibus dicti ordinis quovismodo, volumus, concedimus, et ordinamus in plenam et finalem executionem et completionem fundationis nostræ antedictæ, quod omnes et singuli Priores Collegii prædicti in posterum præficiendi, ordinandi, vel deputandi, ex Scolaribus monachis dicti ordinis in eodem Collegio pro temporibus studentibus præficiantur, ordinentur et deputentur, deponantur, destituantur, et amoveantur, quotienscunque opus fuerit, per Visitatores ordinis supradicti pro tempore existentes, secundum modum et formam de institutione seu ordinatione provisorum studentium in ordine prælibato hactenus observatum, ac per generale capitulum ordinis prædicti aliter statuendum et ordinandum. Ad quod prædictus Willelmus Bramley et successores sui, ac Scolares monachi dicti Collegii, et eorum successores, quantum ad visitationem, correctionem, et jurisdictionem spiritualem in omnibus et per omnia immediate subsint et subjiciantur potestati et jurisdictioni Abbatis Cistercii, et Capituli generalis prædictorum, aut Visitatorum Commissariorum eorundem, qui pro tempore fuerint ad hujusmodi deputati, secundum privilegia, statuta, consuetudines et regulares observantias in eodem ordine hactenus observata, et non per nos nec successores nostros Cantuarienses archiepiscopos, nec per aliquos episcopos diœcesanos, seu per eorum alicujus ministros in præ

fatos Priores, aut Scolares, seu in eorum successores aliquam jurisdictionem ecclesiasticam, ordinariam aut spiritualem, exercere, aliquid restatuere, ordinare, seu diffinire in posterum valeamus, aut valeant vigore fundationis Collegii sæpedicti. Et si aliquid in contrarium alicujus præmissorum fecerint, aut facere præsumpserint, hoc sit penitus irritum et inane. Potestatem autem interpretandi et declarandi hæc nostra statuta et ordinationes prædicta, aut nova, si oportuerit, edendi et faciendi super præmissis, Abbati Cistercii, et Capitulo generali ordinis supradicti omnino relinquimus et plenarie dimittimus per præsentes, veraciter confidentes in devotis suffragiis totius Ordinis prædicti pro nobis Altissimo spiritualiter oblatis, et in piis precibus universorum prædictorum Scolarium pro salubri statu regis prædicti et nostri quotidie dum vixerimus, cum Collecta Rege generis, et post decessum nostrum cum hac Collecta Deus Qui inter Apostolicos, in singulis suis missis. Ad quæ omnia et singula debite observanda una cum die obitus nostri specialis annuatim imperpetuum celebranda, omnes et singuli Scolares prædicti Collegii firmiter astringantur per speciale statutum in generali Capitulo ejusdem Ordinis solenniter ordinandum, harum tenore ordinamus. In quorum omnium testimonium et perpetuam evidentiam nostrum sigillum præsentibus apponi fecimus. Dat' octavo die mensis Februarii, anno Domini millesimo quadringintesimo, tricesimo septimo; et anno regni regis prædicti sextodecimo.

Sciant præsentes et futuri quod nos Henricus permissione Divina Cantuariensis archiepiscopus, totius Angliæ primas, tradidimus, dimisimus, et hac præsenti carta nostra confirmavimus Willelmo Bramley, Priori Collegii Sancti Bernardi in Oxonia et Scolaribus monachis ordinis Cisterciensis in Universitate Oxoniensi studentibus, omnia terras et tenementa cum suis pertinentiis quæ nuper habuimus ex dono et concessione Johannis Quarram in parochia B. M. Magdalenæ extra portam borealem villæ Oxon., per nomina duorum mesuagiorum adinvicem situatorum in eadem parochia, inter tenementum Collegii voc. Universite College ex parte australi, et ten. Johanis Snareston ex parte boreali; et continet in longitudine decem perticatas, et in latitudine novem perticatas et duodecim pedes; ac unius tofti seu gardini jac. in suburbiis villæ prædictæ extra portam borealem ejusdem villæ in parochia prædicta cont. in longitudine novem perticatas et decem pedes, et in latitudine duas perticatas et undecim pedes inter ten. Margaretæ Shipton ex parte australi, et gardinum magistri et scolarium Magne Aula Universitatis prædictæ. Habendum