Religiosi viri Abbas et conuentus de Whalleye, Cisterciensis ordinis, nostre diocesis, ecclesias parochiales de Eccles, de Rachedale, de Whall. cum capellis, et de Blakeburn cum capellis in partib3 Lancastrie antedictis sibi et suo monasterio appropriatas possident atq. tenent. Volentes itaq. super iure quod dicti Religiosi circa retentionem ecclesiarum predictarum se habere pretendunt iuxta morem visitationis nostre hijs plenius certiorari, ipsos ordinauimus et fecimus super hijs coram nobis legitime ad iudicium euocari. Expositis siquid et ob

iectis ex nostro officio parti dictorum religiosorum omnibus supradictis, factaq. responsione ad ea per partem eorundum, premissa omnia iudicialiter confitentem et super hoc pluribus instrumentis et literis tam apostolicis quam quorundem predecessorum nostrorum necnon Couentr. et Lich. ecclesiarum capitulorum coram nobis exhibitis et ostensis, dictisq. instrumentis et literis rimatis et diligenter inspectis dicteq. parti assignato termino competenti ad introducend. omnia quib3 in dicto negotio uti volebat, et demum in facto concluso, terminoq. dato et die prefixo ad nostram pronunciationem super premissis seu sententiam audiend. Nos Walterus permissione diuina Couentr. et Lich. episcopus antedictus, auditis diligenter intellectis et rimatis dictorum religiosorum munimentis, rationibus, iuribus, appropriationibus super premissis factis et exhibitis coram nobis, deliberatione super ipsis habita cum iurisperitis in presentia partis religiosorum predictorum, ipsos religiosos super retentione ecclesiarum predictarum tamquam sufficienter munitos, a nostro examine fore decreuimus dimittendos, ipsosq. et eorum monasterium quoad premissa ab officio nostro in hijs scriptis dimittimus et absoluimus p decretum. Insuper predecessorum nostrorum vestigijs inherentes, concessiones et appropriationes de dictis ecclesijs cum capellis suis a quibuscunq. personis factas, Religiosis eisdem quantum in nobis est, tenore presentium approbamus et etiam auctoritate ordinaria confirmamus. Potestate ordinandi de quibusdam iurib3 et obuentionib3 de quib3 inuenimus inter eosdem religiosos et dñum Ricardum de Swyneflet vicarium ecclesie de

Whall. predicte aliqualem controuersiain fuisse subortam nobis nichilominus reseruata. In cuius rei testimonium has nostras pronunciationem, sententiam, et confirmationem fecimus nostri sigilli appositione muniri. Dat. apud Prestecote xij. kaln. Julij anno dñi m. ccc. septimo decimo. Et consecrationis nostre vicesimo primo.

LXXVI. Dimissio et approbatio domini Walteri de Langeton, Couentrensis et Lichfeldensis episcopi, de ecclesijs nostris Eccles, Rachedale, Whalleye, et Blakeburn in visitatione sua, sub manu publica.

I

N Dei nomine, Amen. Cum dudum nos Walterus permissione diuina Couentr. et Lich. episcopus, archidiaconatum Cestrie in

partibus Lancastrie inter aquas de Ribbel et de Mersee, nostre diocesis, anno dñi m.ccc. septimodecimo, auctoritate ordinaria visitantes, omnes religiosos et alios ecclesias parochiales in eisdem locis in usus proprios obtinentes ad certos dies et loca fecissemus coram nobis iudicialiter euocari, ad proponend. et ostendend. pro iure suo quicquid habent super retentione ecclesiarum predictarum. Ac religiosi viri Abbas et conuentus de Whalleye, dicte nostre diocesis, ecclesias parochiales de Eccles, Rachedale, Whalleye, cum capellis, et de Blakeburn cum capellis, in partibus Lancastrie antedictis appropriatas possidentes ut premittitur coram nobis vocati, multa et varia instrumenta siue priuelegia tam super appropriatione dictarum ecclesiarum cum capellis sibi facta quam et super ordinatione vicariarum in dictis ecclesijs in forma iuris exhibuissent coram nobis. Nos visis et inspectis exhibitis per eosdem religiosos et diligenter examinatis, inuocato Cristi nomine, pronunciamus dictos religiosos super retentione ecclesiarum predictarum cum capellis suis ut premittitur sufficienter fore munitos et canonicos possessores, ipsosq. ut sit munitos ab officio nostro in hac parte dimittimus et absoluimus per decretum. Insuper predecessorum nostrorum vestigijs inherentes,

concessiones, appropriationes de dictis ecclesijs cum capellis suis factas Religiosis eisdem, quantum ad nos attinet, tenore presentium approbamus et confirmamus. Potestate ordinandi de quibusdam iuribz et obuentionibz, de quib3 inuenimus inter eosdem religiosos et dñum Ric. de Swyneflet vicarium ecclesie de Whalleye predicte aliqualem controuersiam fuisse subortam nobis nichilominus reseruata. Has autem nostras pronunciationem, dimissionem, absolutionem, et confirmationem per magistrum Nich. de Guthmundele clericum nostrum publicum auctoritate sancte Romane ecclesie Notarium scribi volumus et publicari, et sigilli nostri nichilominus impressione muniri. Acta sunt hec apud Prestecot xij. kaln. Julij. anno dñi prenominato, Indictione xv., pontificatus sanctissimi patris et dñi, dñi Joh. diuina prouidentia pape xxij. anno primo. In presentia reuerendorum virorum magistrorum Philippi de Turuill, Lich., et Rob. de Weston Landan ecclesiarum canonicorum testium ad hoc specialiter rogatorum

et vocatorum.

Et ego Nich. de Guthmundele clericus Lincoln. diocesis publicus sancte Romane ecclesie notarius premissis ut prescribuntur omnibus et singulis presens interfui premissa sic fieri vidi et audiui et in hanc publicam formam redegi, Signoq. meo solito et consueto signaui rogatus. Et dictus pater sigillum suum presenti instrumento fecit appendi ad maiorem huius rei euidentiam et ubiorem cautelam.

LXXVII. Dimissio et approbatio domini Rogeri de Norburgh, Couentrensis et Lichfeldensis episcopi, in visitatione sua de ecclesijs nostris Eccles, Rachedale, Whalleye, et Blakeburn.

NIUERSIS sancte matris ecclesie filijs ad quos presentes litere peruenerint, Rogerus permissione diuina Couentr. et Lich. episcopus salutem in dño sempiternam. Uniuersitati vestre tenore presentium intimamus quod nuper ex debito pastoralis sollicitudinis archidiaconatum Cestrie personaliter

visitantes comperimus quod religiosi viri Abbas et conuentus de Whalleye, Cisterciensis ordinis, nostre diocesis, ecclesias parochiales de Eccles, de Rachedale, de Whalleye, cum capellis suis, et de Blakeburne cum capellis, archidiaconatus predicti tanquam appropriatas sibi et suo monasterio aliquamdiu possederunt et adhuc sic possident in presenti. Volentes itaq. de titulis quos ijdem religiosi in hijs ecclesijs se habere pretendunt effici certiores eosdem super ipsorum exhibitione et probatione canonica coram nobis ad certos diem et locum fecimus euocari, quib3 die et loco prefati Religiosi iuxta formam vocationis legitime comperentes, expositis et obiectis ex officij nostri debito parti dictorum religiosorum compertis omnibus supradictis et ab eadem parte iudicialiter confessatis, exhibitisq. postmodo super assecutione dictarum ecclesiarum cum suis pertinentijs pluribus instrumentis et literis tam apostolicis quam quorundem predecessorum nostrorum necnon Lich. et Couentr. ecclesiarum capitulorum, assignauimus parti eorundem religiosorum certos diem et locum ad faciend. et recipiend. super hijs exhibitis et ulterius in ipso negotio quod iustitia suaderet. Quo die adueniente, habita super premissis omnibus disputatione et discussione diligenti, et demum in negotio concluso, prefixoq. termino parti dictorum religiosorum ad audiend. nostram pronunciationem siue sententiam in hac parte. Nos auditis et intellectis quibuscunq. propositis et exhibitis per partem eorundem religiosorum habitaq. super hijs plena deliberatione et examinatione, ac seruato in omnibus iuris ordine qui requiritur in hac parte, quia inuenimus prefatos religiosos super assecutione et appropriatione ac etiam retentione dictarum ecclesiarum cum omnibus suis capellis sufficienter fore munitos, ipsos canonicos possessores fuisse et esse pronunciauimus et declarauimus, iustitia suadente, eosdem ab examine nostro in hac parte per decretum nichilominus dimittentes. In quorum omnium testimonium, sigillum nostrum presentibz duximus apponend. Dat. apud Wybbenbur. iiijo non. Julij anno dñi m.ccc. vicesimo tertio, et consecrationis nostre secundo.

LXXVIII. Indentura inter nos et parochianos ecclesie de Whalleye et quarundem capellarum eiusdem de decima feni.

EC indentura testatur quod cum controuersia mota fuisset inter religiosos viros fratrem Robertum Abbatem de Whalleye et eiusdem Loci conuentum, ordinis Cisterciensis, ex parte una, et parochianos capellarum ecclesie de Whalleye, videlicet de Brunlay, Colne, Aluetham, Chirche, Haslyngden, parochianosq. villarum de Symondeston, Padiham, Twyselton, Hapton, Reued, Dounom, Penhulton, et Chateborn, ex parte altera, p decima feni. Dicta controuersia sub hac forma tandem amicabiliter conquieuit. Videlicet quod omnes et singuli dicti parochiani et eorum heredes tam presentes quam futuri imppetuum soluent de cetero singulis annis fide media dictis Abbati et conuentui et eorum successoribus pro decima cuiuslibet plaustrate feni unum quadrantem argenti bone et legalis monete tempore quadragesimali quando computant cum procuratoribus dictorum Abbatis et conuentus de alijs minutis decimis in ecclesia de Whalleye et in capellis eiusdem supradictis. Dicti vero Abbas et conuentus concedunt pro se et successoribus suis imppetuum quod ipsi percipient de qualibet plaustrata feni unum quadrantem argenti de dictis parochianis et eorum heredibus pro decima feni eorum ut predictum est sine ulteriori exactione, si tamen ista conuentio statutis ordinis Cisterciensis antedicti non obuiet, nec canonicis institutis. Et si statuta ordinis prefati vel canonica instituta virtute istius indenture in suo robore stare non permiserint vel destruxerint, predicti parochiani non confitentur seipsos victos in controuersia predicta nec concedunt ipsos esse decimaturos alio modo quam decimauerunt ante confectionem istius indenture. Et predicti Abbas et conuentus concedunt pro se et successoribus suis quod causa receptionis predicti quadrantis si concordia predicto modo facta stare non poterit, decimam feni de dictis parochianis non exigent,