Contre Symon de Vendosme, demeurant à Fressencourt; Condemné à xx s. t. Caution: François Tavernier.

Remise d'une année de rente due aux pauvres.

Après avoir veue la requeste à eulx présentée par Jacques Heuzé, Nicolas Heuzé et Peronne de Cambray, tendant à ce qu'il leur fut quicté les arréraiges d'une rente ou surcens de cincquante six solz tournois, que les pauvres ont droict de prendre et avoir chascun an sur sur une masure, lieu et héritage où souloit estre maison manable que l'on nommoit«<les gracieulx », faisant coing des rues des Faucilles (1) et des Conreurs (2), et consentir que les dictz supplians facent leur prouffict de la dicte masure, Messieurs ont quicté aus dictz supplians une année de la dicte rente; payeront les supplians les aultres années d'arréraiges; permectent à iceulx supplians faire leur prouffict du dict héritaige, à la charge que celluy auquel ilz le transporteront passera tiltre nouveau et recongnoistra le dict surcens.

CHAMBRE DU VENDREDY III JOUR DE SEPTEMBRE MIL V LXIII.

Audience de Police.

Entre le procureur de la Ville, demandeur,

Contre Adrian Gossuyn, pour avoir achecté avoine devant l'heure Condempné à xx s. t.

Contre Ancelot Warnier, boucher, pour avoir exposé

(1) La partie de la rue actuelle des Canonniers comprise entre la rue Saint Thomas et la Grande-Place.

(2) C'est-à-dire probablement Corroyeurs. C'est à présent la rue de la Comédie.

en vente en la boucherie ung toreau sans y mectre la locquette rouge: Condempné à x s. t.

Contre Jehan de Sply, boucher, pour avoir vendu brebis en la boucherie: Condempné à x s. t.

Contre Jacques Despaulx, boullenger, qui a laissé aller ses pourceaulx par la ville: Condempné à x s. t.

Office de sergent à masse.

Messieurs admectent la resignation que faict presentement Noel Bataille, au prouffict de Jehan Affer, de son office de sergent à masse, en paiant sept livres dix solz; lesquelz vII 1. x s. tz. le dict Affer a baillé et paié à François Fama, argentier, le шe jour de septembre mil v soixante trois; ce faict, le dict Affer receu au dict estat de sergent à masse, après qu'il a faict le serment en tel cas requis.

Exemption du guet.

Ont exempté de guet Jacques Morel, cousturier, aagé de soixante quinze ans, ou environ, en considération de son ancien aage.

Remises d'arrérages dus à l'église St André.

Après avoir veue la requeste à eulx présentée par Marcq Challevoix demeurant au logis du Cigne, tendant à ce que Messieurs luy quictent deux années d'arréraiges d'une rente de quarante solz que la marglerie de l'eglise Sainct Andrieu a droit de prendre chascun an, au jour de Noël, sur la dicte maison, lieu et héritaige du Cigne, à la charge qu'il promect paier une année de la dicte rente escheue au jour de Noël dernier passé, Messieurs luy ont quicté les dictes deux années d'arréraiges en considération des répa

rations qu'il a convenu et convient faire au dict logis du Cigne, à la charge qu'il paiera une année de la dicte rente escheue au jour de Noël dernier passé; recongnoistra la dicte rente et en passera tiltre nouveau qu'il baillera aux margliers de la dicte église Sainct Andrieu, à ses despens.

Exemption du guet.

Ont exempté de guect Vallentin Guiot pour son impotence, à la charge qu'il yra à la porte.

Remise de deux années de rente dues à l'église S. André.

Messieurs ont quicté à Jehan du Hamel et Anthoine Eloy, propriétaires d'une maison et lieu séant en la rue Sainct Jehan, deux années d'arréraiges d'une rente de trente solz que la dicte maison doit à l'église Sainct Andrieu, au dict Sainct Quentin, à la charge qu'ilz paieront une année de la dicte rente escheue au jour de Noël dernier passé, recongnoistront la dicte rente et en passeront tiltre nouveau.

Nomination d'auditeurs aux comptes de l'église S. Eloy.

Messieurs ont nommé auditeurs des comptes Sainct Eloy, François Fama, François de Burcourt et Jacques d'Achery.

Ayans veue la requeste présentée par Claude Barra... (1).

Louage d'une maison appartenant à l'hôpital de Fonsomme. Après avoir veue la requeste présentée par Anthoine Paringault tenant, à tiltre de louaige pour ung terme de dix huict ans, la maison où il faict sa résidence, séant rue

(1) La suite manque et dix lignes environ ont été laissées en blanc.

Sainct Jehan, appartenant à l'hospital de Fonssommes, en paiant chascun an cent cincq solz, en laquelle maison il a fait plusieurs reflections rompues par les ennemis tenans ceste ville, requérant par icelle luy vouloir bailler icelle maison au dict tiltre de louaige pour ung terme de quarante ans, en paiant chascun la somme de six livres tournoiz, et quicter le dict hospital des ouvraiges et reparations qu'il a faictes en icelle maison, Messieurs luy ont accordé la dicte maison pour ung terme de quarante ans, en paiant chascun la somme de six livres tournoiz, dont le premier terme de payement escherra au jour de Noël prochain; demeurera, en ce faisant, le bail préceddent nul et résolu, et demeure quicte le dict hospital des reffections faictes en icelle maison par icelluy Paringault, et laquelle maison le dict Paringault sera tenu tenir et entretenir en bon et suffisant estat le dict terme durant.

CHAMBRE DU VENDREDY X JOUR DE SEPTEMBRE L'AN MIL VC SOIXANTE TROIS.

Rejet d'une enquête à fin de remise d'une amende.

Messieurs ont ordonné que Jehan Affer, sergent à masse, paiera l'amende de xx s. t. à laquelle il a esté condempné, nonobstant la requeste affin de dim[in]ution qu'il a baillée.

Remise de deux années de rente due aux pauvres.

Messieurs ont quicté à Claude Barra, mercier, deux années d'arréraiges d'une rente de six solz t. qu'il doit aux pauvres, chascun an, [pour une maison sise] sur la rue de Bouteffour, tenant à la masure appartenant à l'église de Toussains, d'autre aux hoirs Me Thomas Perrignon, par

derriere devant l'eglise Sainct Loys; les dictz deux ans escheuz au jour de Noël mil ve soixante ung, à la charge qu'il recongnoistra la rente et en passera tiltre nouveau.

CHAMBRE DU VENDREDY XXIIII JOUR DE SEPTEMBRE
L'AN MIL V LXIII.

Audience de Police.

Entre le procureur de la Ville, demandeur,

Contre Claude Challevoix qui a laissé aller par la ville deux pourceaulx et contre l'ordonnance: Condempné à x s. t. ; caution Claude Pourret.

Contre Guillaume Pincepré, pour semblable cause: condempné à x s. t.

-Contre Jacques Despaulx, pour telle cause: dempné à x s. t.

- Contre Anthoine Grignon, de Mourcourt, qui a achecté blé devant l'heure: condempné à v s. t. ; caution Jehan Aguet.

Offices de sergent à masse, de déchargeurs de vins et de mesureuse de blé.

Messieurs ont admise la resignation faicte par Guillaume Guerlan de son office de sergent à masse, au prouffict de Jacques Turbier, en paiant cent solz t. à la Ville, lesquelz cent solz t. icelluy Turbier a paié à François Fama, argentier, et ce faict, icelluy Turbier receu et institué au dict office, après qu'il a faict le serment en tel cas requis.

Ont aussi admise la resignation faicte par Nicolas Oudon, deschargeur de vins, ou procureur fondé de procuration en dacte le Ixe jour de septembre mil ve soixante trois, seignée