roboravi. Actum in cenobio beati Laurentii ante Kalis anno Domini M.CC.XL.VII, V Nonas Iulii, presentibus: comite Iarostio palatino Kalissiensi, magistro Bartholomco scolastico Lubucensi, comite Bedigostio camerario domini episcopi supra dicti.

Gelithovo, Jeligowo. Vevorchino, Wiewierczyn. Lubucensis, de Lubusz, z niemiecka Lebus.

Nr. 264.

Premisl dux Polonie 1247 Jul. 3, in Trono ad sanctam Mariam; confirmat donationem hereditatis Rogalin, a Nicolao canonico certa sub conditione ecclesiae Poznaniensi factam, eiusque incolis libertates antiquarum praedictae ecclesiae villarum concedit.

Poznań. Archiv. Capituli. Lib. privil. B, Nr. 146. — Raczyński, Cod. diplom. Maior. Polon. 29.

In nomine Dei eterni amen. Quoniam acta et voluntates hominum per intervalla temporum solent variari, necesse est quod ea que debent perpetuari, litterarum apicibus annotentur, ut sic posterorum noticie presententur. Inde est quod nos Premisl Dei gratia dux Polonie notum esse volumus omnibus tam presentibus quam futuris, quod in nostra et venerabilis patris nostri domini Bogufali episcopi Poznaniensis nostrorumque baronum presentia constitutus dominus Nicolaus Poznaniensis canonicus, dedit libere, nullo impediente vel etiam reclamante, hereditatem suam Rogalino nuncupatam eeclesie Poznaniensi. Cui donationi nos pium assensum prebentes et ab ipso accipientes, dedimus ut consuetum est fieri in manus episcopi supradicti, qui nomine sue et nostre ecclesie Poznaniensis suscepit ipsam villam, obligans se nichilominus pro ecclesia et fratribus suis de ecclesia ad dictum dominum Nicolaum publice coram nobis, quod filium suum Iohannem clericum post mortem Nicolai in eadem locabunt villa vel alia ubi dominis videbitur expedire, quam etiam nomine ecclesie idem Iohannes cum decima quamdiu vixerit possidebit, nisi eidem Iohanni ecclesia aliter voluerit providere. Iohanne autem mortuo, redibit villa ad ecclesiam cum omnibus que tunc in ea fuerint operata, scilicet aratris, vaccis et aliis pecudibus, cum utensilibus que domum contingunt. Nos vero cum nostris nobilibus gratam et ratam habentes ordinationem sic cum ecclesia factam, damus omnem libertatem dicte ville Rogalino quam alie ville antique ecclesie habent in dominio terre nostre, et ut hec firmiter observentur, hanc litteram sub nostro sigillo dedimus nostre ecclesie consignatam. Actum in Trono ad sanctam Mariam die quarto post festum beati Petri, anno Domini M.CC.XL.VII., presentibus comite Iaroslao palatino Kalisiensi, Bogusa subcamerario Gneznensi, Bodzata subcamerario Poznaniensi, Bartholomeo scolastico Lubucensi et aliis.

Rogalino, Rogalin. Tronus ad s. Mariam, sc. in Poznan. Lubucensis, de Lubusz, z niemiecka Lebus.

Nr. 265.

Innocentius Pp. IV 1247 Oct. 23, Lugduni; monasterium Paradyż sub b. Petri suamque protectionem suscipit.

Pergam, orygin. Dwie dziurki od przywieszenia bulli: Innocentius Pp. IIII, która osobno zachowana mieści w sobie wtłoczone nici czerw. i żółt. jedwabiu. Na końcu tekstu obok podpisu: Ego Innocentius etc. po prawej Krzyż w pierścieniu, w którego otoku legenda: notas michi fac domine meas vite; w środku u góry: Scs. Petrus | Scs. Paulus; na dole: Innocentius Pp. IIII; po lewej podpisu w monogramie: Filii bene valete. Przed podpisem każdego świadka narysowany znak, w jednym z rozmaitych kształtów Krzyża.

Poznań. Biblioteka Raczyńsk. Diploma A, 16. - Raczyński, Cod. diplom. Maior. Polon. 28.

Innocentius episcopus servus servorum Dei, dilectis filiis abbati monasterii de Paradiso eiusque fratribus tam presentibus quam futuris regularem vitam professis. In perpetuam memoriam. Religiosam vitam eligentibus apostolicum convenit adesse presidium, ne forte cuiuslibet temeritatis incursus aut eos a proposito revocet, aut robur quod absit, sacre religionis infringat. Eapropter dilecti in Domino filii vestris iustis postulationibus clementer annuentes, et monasterium sancte Dei genitricis et virginis Marie de Paradiso Poznaniensis diocesis, in quo divino estis obsequio mancipati, sub beati Petri et nostra protectione suscipimus, et presentis scripti privilegio communimus. In primis siquidem statuentes, ut Ordo monasticus qui secundum Deum et beati Benedicti regulam atque institutionem Cisterciensium fratrum, a vobis post Concilium generale susceptam, in eodem monasterio institutus esse dinoscitur, perpetuis ibidem temporibus inviolabiliter observetur. Preterea, quascunque posssessiones, quecumque bona idem monasterium impresentiarum iuste ac canonice possidet aut in futurum concessione pontificum, largitione regum vel principum, oblatione fidelium, seu aliis iustis modis prestante Domino poterit adipisci, firma vobis vestrisque successoribus et illibata permaneant; in quibus hec propriis duximus exprimenda vocabulis. Locum ipsum in quo prefatum monasterium situm est cum omnibus pertinentiis suis, possessiones quas habetis in locis qui dicuntur Pacoliz, Lubizi, Lubinizco, Rusinov, Sacrev, Syronov, Saborov, Conerzch, Albreccov et Cranztov, cum pratis, vineis, terris, nemoribus, usuagiis et pascuis in bosco et in plano, in aquis et molendinis, in viis et semitis, et omnibus aliis libertatibus et immunitatibus suis. Sane, novalium vestrorum que propriis manibus atque sumptibus colitis, de quibus fructus aliquis hactenus non percepit, sive de ortis, virgultis et piscacionibus vestris, vel de nutrimentis animalium vestrorum, nullus a vobis decimas exigere vel extorquere presumat. Liceat quoque vobis clericos vel laicos liberos et absolutos, seculo fugientes, ad conversionem recipere et eos absque contradictione aliqua retinere. Prohibemus insuper, ut nulli fratrum vestrorum post factam in monasterio vestro professionem possent sine abbatis sui licencia de eodem loco discedere; discedentem vero absque communium litterarum vestrarum caucione, nullus audeat retinere. Quod si quis retinere forte presumpserit, licitum sit vobis, in ipsos monachos vel conversos regularem sententiam promulgare. Illud districtius inhibentes, ut terras seu quodlibet beneficium monasterio vestro collatum, liceat alicui personaliter dari sive alio modo alienari absque consensu totius Capituli vel maioris aut sanioris partis ipsius.