Nr. 406.

catus Virginum Machabearum in Colonia 1263 Jun. 23, Confert Andreae canonico Gncznensi caput unius sanctae virginis de dccim millium virginum cum aliis multis reliquiis.

m. orygin. Skrawek pergaminu, z którego pieczęć znikła.

an. Archiv. Capituli. I, 5a.

mnibus Christi fidelibus ad quoscunque presens scriptum pervenerit, Convenginum dictarum Machabearum in Colonia salutem in eo, qui est primus et imus, principium et finis. Notum sit universis tam presentibus quam futuris, nos ad petitionem domini Andree canonici Gnesnensis et amicorum suorum, unius sancte virginis de collegio Undecim millium virginum cum aliis multis quiis duximus conferendum, rogantes attentius, ut quibuscunque dictus A. predireliquias portaverit vel mittendas decreverit, honor eis debitus impendatur. ne quippiam in posterum dyabolica concitati versucia huic nostre donationi raire presumant, presentem paginam sigilli nostri Conventus munimine roboramus. um Colonie anno Domini M.CC.LXIII, in vigilia Iohannis Baptiste.

Colonia, Köln a/R.

Nr. 407.

Bolezlaus Cracoviensis Sandomiriensis dux 1263 Jun. 27, Cracovie; protestatur, b. m. Ratzlavam relictam comitis Clementis, coenobio de Ołobok dimidiam haereditatem Uszew et partem salis in Bochnia certis sub stipulationibus contulisse.

Pergam. orygin. bez śladu przywieszenia pieczęci, na którym ręką XIII wieku 4 dokumenta odpisano.

Poznań. Königl. Staats Arch. Otobok 1.

In nomine Domini amen. Quoniam omnes moriuntur et quasi aque dilabuntur, ne gestarum rerum memoria processu temporis per exortam oblivionis caliginem apud posteros nostros evanescat, digne solet instrumentorum munimine cum expressione testium perhennari. Inde est quod nos Bolezlaus Dei gratia Cracoviensis Sandomiriensis dux hac nostra littera memorie commendamus presentium et in notitiam deferimus futurorum, quod felicis recordationis domina Ratzlava relicta comitis Clementis, sororibus Ordinis Cisterciensis in Oloboc Deo famulantibus, pro remedio anime sue et debito quod contraxerat in recepcione cuiusdam pecunie eisdem exsolvendo, contulit dimidiam hereditatem que Usva nuncupatur cum omnibus suis utilitatibus et pertinentiis, videlicet molendinis, piscationibus, nemoribus, pratis et aliis commodis habitis et habendis perpetuo iure possidendam, adiciens pro sustentatione earumdem sororum salis quam in Bochna possidebat medietatem; reliquam vero partem filie sue ancille Christi sorori Visenege magistre de Stanetek contulit possidendam, post cuius decessum totum supradictarum sororum usibus proficiet et utilitati.

Nos vero attendentes prefate domine merita preclara et devotionem sepe nominatarum sororum considerantes, donationem huiusmodi confirmavimus eisdem, volentes, quod eisdem libertatibus et immunitatibus gaudeant in sua quiete possessione predicte hereditatis, quibus sepe memorata domina, prout in nostre mansuetudinis privilegio a nobis eidem olim dato plenius continetur. Hoc tamen adicimus, quod supra nominate sorores monasterii Olobocensis vel earum prepositi sive procuratores, si unquam habuerint propositum vel necessitatem alienandi, commutandi vel vendendi memoratam partem hereditatis, nulli presumant vendere vel concedere ad tempus vel perpetuo, nisi sororibus domus de Stanetek. In robur igitur et perpetuam memoriam supradictorum, presentem litteram nostro sigillo duximus consignandam. Datum Cracovie anno Domini M.CC.LXIII, quinto Kalendas Iulii, presentibus testibus hiis: Paulo cancellario curie et canonico Cracoviensi, Iacobo filio Pacozlai iudice Cracoviensi, Pelca castellano de Cechow, Laurentio subcamerario Cracoviensi, Iohanne dicto Bobino dapifero ducisse, Mirozlao filio Mscivugii et aliis quam pluribus clericis et laycis.

Oloboc, Otobok. Usva, Uszew. Bochna, Bochnia. Stanetek, Staniątki. Cechow, Czechów.

Nr. 408.

Boleslaus dux Polonie 1263 Jul. 2, in Poznan; protestatur, se monasterio Paradyż dedisse haereditates Grodzisk et Słocin, et pro eis modo commutationis haereditates Chrząstów, Kotowo et Olbrachtowo recepisse; libertates quoque eiusdem monasterii confirmat.

Rogalin. Biblioteka. Paradis, Lib. privil. Nr. 43.

In nomine sancte et individue Trinitatis amen. Cum omnis legitima actio autentica scriptura indigeat ut sua firmitate convalescat, eam testamentaria voluntas maxime necessariam habet, per quam ipsius libera ordinacio semper comprobata perseveret. Ideo notum facimus omnibus tam presentibus quam futuris Christi fidelibus universis ad quorum audienciam presens scriptum pervenerit, quod nos Boleslaus Dei gracia dux Polonie, cum venerabili viro domino Henrico abbate de Gostichov, que et Paradisus dicitur, et confratribus ipsius talem inter nos commutacionem hereditatum fecimus. Nam ab ipsis tres hereditates, quas a fundatore eorum quondam comite Bronisio proprietatum ipsius in edificacionem monasterii sui perceperant, que vulgariter Chrastovo, Quottovo et Olbrachtovo nuncupantur, cum omnibus attinentiis ipsarum perpetuo possidendas suscipientes, predicto abbati ac domui sue in concambium duas hereditates, que vulgariter Grodisce et Suhcino dicuntur, cum omnibus attinentiis ipsarum similiter iure hereditario et absque ulla retractacione vel revocacione perpetualiter contulimus possidendas. Heredes vero predictarum hereditatum, quas prenominato abbati et domui sue contulimus, quicunque hactenus fuerant, nullum omnino respectum, nec ipsi nec successores corum, poterunt habere in futurum, eo, quod in presencia nostra et baronum nostrorum de bona voluntate ipsorum nobis resignantes, omni proprietati abrenunciaverunt. Eapropter predictus abbas ac monasterium ipsius plena et pacifica gaudeant possessione. Insuper in sepedicta commu

tacione annectimus, quod paci et tranquilitati prefati monasterii in futurum hoc modo prospicientes, omnia privilegia et omnes libertates quas a nobis et a fratre nostro pie memorie duce Premislo in omnibus hereditatibus nunc habitis, aut in futuro ex donacione bonorum hominum habendis obtinuerant, fideliter cuncta confirmantes, presenti autentico solemniter sanxivimus eidem. Ut igitur nullus in posterum ausu temerario frivole obviando sepe nominatum monasterium de hoc cambio et confirmacione libertatum ac iudiciorum presumat molestare, presens scriptum super eo iussimus conscribi et sigilli nostri inpressione roborari, testibus nichilominus adhibitis quorum hec sunt nomina: Eustachius iudex, Andreas iudex, Iohannes cancellarius noster, Martinus castellanus de Starigrod, comes Bedigostius, Iohannes filius Hiconis et alii quam plures. Acta sunt in Poznan anno dominice Incarnacionis millesimo ducentesimo sexagesimo tercio, sexto Nonas Iulii, Indiccione sexta.

Paradisus, Paradyż. Chrastovo, Chrząstowo. Quottovo, Kotowo, osada znikła w okolicy m. Zaniemyśl, dziś objęta w Olendry Dąbrowskie. Olbrachtovo, osada znikła w okolicy m. Książ. Grodisce, miasto Grodzisk. Suhcino, Stocin. Starigrod, Starygród.

Nr. 409.

Urbanus Pp. IV 1263 Dec. 9, apud Urbem veterem; confirmat concessionem iuris patronatus in hospitali Gneznensi quondam a duce Boleslao, et ipsius hospitalis cum possessionibus eiusdem a b. m. Fulcone archiepiscopo Gneznensi, ecclesiae dominici Sepulchri in Miechów factam.

Nakielski. Miechovia pag. 192.

Urbanus episcopus servus servorum Dei, dilectis filiis preposito et fratribus Domus Miechoviensis ad ecclesiam dominici Sepulcri Hierosolymitani spectantis, Ordinis sancti Augustini, Cracoviensis diocesis, salutem et apostolicam benedictionem. Iustis petentium desideriis dignum est nos facilem prebere consensum, et vota que a rationis tramite non discordant, effectu prosequente complere. Cum igitur, sicut petitio vestra nobis exhibita continebat, nobilis vir Boleslaus. et quondam frater Premislai ducis Gneznensis de consensu bone memorie Fulconis archiepiscopi Gneznensis ius patronatus quod habebant in hospitali in Gnezna, et idem archiepiscopus dictum hospitale cum decimis, terris, possessionibus, hominibus ibidem in Zdechova morantibus, redditibus et aliis iuribus et pertinentiis suis prout spectabat ad eum, sui Capituli ad id accedente consensu, vobis et per vos Domui vestre pia et provida deliberatione duxerint concedenda, sicut in literis inde confectis dicitur plenius contineri: nos vestris supplicationibus inclinati, concessionem huiusmodi, sicut pie ac provide facta est, ratam ac firmam habentes, eam auctoritate apostolica confirmamus et presentis scripti patrocinio communimus, salva in predictis moderatione Concilii generalis. Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum. Datum apud Urbem veterem V Idus Decembris, pontificatus nostri anno tertio.

Miechoviensis, de Miechow. Zdechova, Zdziechowo.