Anno 1451-1452. Vaerden en boodscapen. Item Johannes de Leeuw gesonden tot Loven aen meester Hemelryc de Campo, omme onderwys te hebben van zekeren scriftueren ghecomen uten hoven van Rome der stad aengaende; was ute i dach met twee peerden, xv in Oegst iiiic lii; comt op vi s. gr. M. Uutgegheven van diverschen menigerande dinghen. Item gegeven Hubrecht Welman by overdragen van der cameren, omme te betalen trest, dat men Angeli Tanni sculdich was van dusent ducaten Meester Romb. van den Wykette, canter St Rombouts tot Mechelen, gedaen met wisselbrieven by den selven Angeli, omme dairmede te expedieeren zekeren zaken, dair de voirseide canter mede gelast was van der stad wegen, welc rest quam op iiiic xl ducaten, elken ducaet gerekent te iiii s. vi d. gr. Vl., maken xcix lb. gr. Vlams, valent cxlviii lb. x s. gr. M. Item betaelt den pachteren van den weghelde, voer dat men de Hanswyckpoirte stakette in de indulgencie, voir zyn scade, x s. iiii d. gr. M. Anno 1452-1453. Uutgegeven van presenten binnen desen jaere. Item ii stopen wyns gepresenteert Angeli Tanni van Brugge, i st. van Beane en i st. Ryns. ind Molenyser, al te xii st. de ghelte; comt op, xii in December, iii s. gr. M. Item i stopen wyns gepresenteert Angeli Tanni medegeselle van Brugge, die hier aen de stad comen was, omme zekere zaken wille der stad geestelycken aengaende, waren ghehaelt in den Hert; i in Meerte xive li; comt op s. gr. M. (Meester Pauwels de Rota komt hier eens en Meester Anthon Aneron drie maal voor, zonder dat er speciaal uit op te maken is, dat het betrekking heeft op den aflaat) Uutgegeven van vaerden ende boodscappen. Item Johannes de Leeu gesonden tot Luydeke, omme te spreken met meester Peter van Tuernout, die te Rome wert trac omme zekeren zaken wille der stad aengaende; ende van daer voort tot Tricht, omme te gecrigen xxxii ducaten, die de canter gheleent hadde van der stadgelde te Rome heer Godscalke vanden Kerckhove, canoenc tot St Vaest tAtrecht; ende voert tot Curynghen ter bruyloft van den penetier van mynen heer van Luydeke; was ute vii daghe, viii in Mey iii liii; comt op (met ii peerden) xxxviiii s. gr. M. Uutgegeven van diverssen menegerande costen. Item gegevene Meester Peter van Tuernout by aenbrenghen van Johannes de Leeu ende Jan Yzerwyn gelast inttsamen omme zekeren saken, die hij te laste ghenomen heeft van der stad weghen in den hove van Rome te verwaren, gelyc hy metter stad overcomen heeft, x cronen val. en noch omme andere saken ii Riders, val. tzamen iii lb. xii s. ix d. gr. M. Item gegeven her Peter Reps, priester, van eenen brieve, dien hy bracht heeft aen de stad van Meester Wouteren Pauwels uten hove van Rome, by bevele van der cameren; xxvii in April. iiii liii; ii g. post., val. vii s. gr. M. Item betaelt voir de costen, die Peter Ghysbrechts tot enen male ghedaen heeft tot Brugghe biden ghesellen van den banckieren van Rome omme des ghelts wille, dat de canter van Mechelen onder deselve banckieren te Rome gheset hadde, en voir de costen, die Johannes de Leeuw oec aldair ghedaen heeft, tot drie malen met drie peerden metten penninghen, die men gegheven heeft voir de scriftueren; comt op xiii lb. xviii s. vi d. gr. M. |