Item betaelt Claze van den Driele, voir dat Lembrecht van der Tommen ende zijn ghesellen Johannem de Leeu te Rome geleent hebben; comt op iiiic ducaten, te 54 gr. Vl. den ducaet; valent cxxxv lb. gr. M.

Item Wouter Storm gesonden tot in den Haghe bij onsen ghenadigen Heere, omme hem te kundeghen de gratie van Mechelen ende omme gheleye te hebben vor de pelegrime aldair te comen; en was ute dairomme vi dage; en van dat Meester Alard van der Porten hadde en zijn clerc van den zegel van denzelven geleye, ende andere, v crone; x Januari anno lvi; comt op iii lb. xv s.

Item Dieric Adriaens gesonden te Bruessel aen mijnen heere den cancellier van Brabant, omme te verwerven gheleye voir de pelgreme; was ute i dage. Item gegeven voir den zegel van denselven geleyde, iii saluyten, x Januari anno 56, xxiiii s. iii d.

Item Johannes Barbier gesonden te Ryssel, te Dornike, te Yperen, te Cortrijcke, te Nieuwpoort, te Brugge, te Ghent, omme de indulgentie aldair te publijeren ende ons ghenadighen heeren gheleye van de pelegrimme uyt te roepen, van 11 dage, xxi in Junio anno 56, met de hoefschheyt hem gedaen; comt op ii lb. ix s.

Item Wouter Leliboom gesonden te Loven aen van Acker en van Male, doctoren te Loven, ii dage, xx in Junio 56; comt op ii s.

Item betaelt Meester Jan de Leeu van viii transcriptien, xxiiii videmi, xiiii commissien en iic xlvi copien van der bullen allomme te senden; comt op viii lb. vi s.

Item betaelt bruder Jan Caudelet in Henegouwen, bruder Andries Hoereken in Zeelant, de superior van den Augustijnen in Vlaenderen ende Meester Jan van Meerbeke te Bruessele, de gratie van Mechelen in de landen voirseid te prediken; comt op iii lb. iiii s.

Item betaelt Meester Jan de Leeu van ons heylichs vaders baniere, die te St Rombouts in de kercke hanget; coste te Rome xxxix s.

Item Johannes voirseid van transcriptien, copien, commissien, zegel, was, fransijn ende papier om te scriven, al tsamen op ii lb. iii d. gr. M.

Item bruder Andries Hoereken ende bruder Henric van Uttrecht, omme dat sij den aflaet te Bruessele, te Bossche ende alomme in de Kempene gepredict hebben; comt op ix s. vi d.

Item Meester Jan de Leeu gesonden te Loven ende Meester Roelof van Beringen aen mijnen heer van Luydeke, den bisschop van Atrecht, iii dage met ii peerden; comt op xvi s. vid. Item heer Jan Kristiaens, van dat hij te Curinghen aen mijnen heer van Atrecht geweest heeft, om een placet; comt op vi s.

Item betaelt Meester Jans Steens cnape, van dat hij te ii male te Bruessel geweest heeft; comt op xviii s.

Item betaelt heer Claze, capellaen tot Onser Vrouwen, voir xii transcriptien, in fransine gescreven aengaende den aflaete, ii crone; ende Meester Mertene van ii processen, een vidimus van de cruysvaert ende commissien omme te moghen prediken, ii crone, val. xxiiii s.

Item betaelt Meester Janne de Leeuw, voir drie dossine copien van der bullen van den aflaete te doen scriven; comt op xviii s.

Item betaelt eenen boode, dien onse heyligen vader den Paus van Rome hier te Mechelen gesonden heeft met eender bullen, dairmet dat hij de indulgentie te Mechelen brenghet heeft; comt op xix riders, val. vi lb. iiii s.

Item betaelt heer Jan Roods ende Johan Cole, van xxxvi transcripten te tekenen met notariistekenen, ut supra. int gr. Reg., v in Junio, ii lb. v s.

Item gegeven Meester Anthon Ferrarij in hoefschhede, ut supra int gr. boec, ut supra per cameram, xx lyoen, val. vii lb. x s.

Item van den diverschen costen ende briven ende scriftueren met eender vaert, inne gescreven in tgroot boec fol. clx; comt op viii lb. xi s. vi d.

Item Jan van Hulshout, te hulpe van zijnen costen omme

der indulgentien willen van Coelene tot Mechelen; comt op iiii lb.

Item gegeven mynen heere den coordeken van St Rombouts, van xvi commissien van der indulgentie te bezegelen; comt op xv s.

Item gegeven van eender maeltijt gedaen bij den aertschebisscop ende biechtvader van de stad, xxiiii in Mey; comt op v lb. xi s.

Item gegeven denselven bisscop te hulpe tot enen peerde, bi ordonnantie van der cameren, in Mey 56, iiii lb.

Anno 1456.

Dit sijn de presenten ende ghiften, diemen gedaen heeft met denzelven aflate.

Primo betaelt van de maeltijt, die de stad gegeven heeft Meester Anthonys Ferrarij, boode ons heilichs vaders des Paus van Rome, ende den biechtheeren en der wet van de stad; ut supra ind groot Register fol. clviii; comt op v lb. v s. iiii d. gr. M.

Item iiii stoopen wijns gepresenteert mijnen heer den coordeken van St Rombouts, vi s.

Item iiii stoopen wijns gepresenteert Meester Roelof van Beringen, ut supra, comt op vi s.

Item i stoopen wijns meester Emelrijc de Campo, ut supra, vi s.

Item iiii stoopen wijns Meester Janne Ruyssche, vi s. Item ii stoopen wijns de zangers in Sinxendaghe, ii s. Item iiii stoopen wijns Meester Jan van Hulshout, vi s. Item viii stoopen wijns Meester Anthony Ferrari, des Paus biechtvader, iiii van Beane ende iiii st. Rijnsch, xxviii in Mey, xiii s.

Item iiii stoopen Romenee gepresenteerd denselven Meester Anthony, ut supra, comt op vi s.

Item ii stoopen brueder Peter Dyke, ultima May, iii s.

Item iiii stoopen Meester Anthony Ferrari, i in Junio anno lvi, vi s. vi d.

Item ii stoopen Meester Jan van Hulshout, vi in Junio, iii s. iii d.

Item ii stoopen meester Alexander van Beringen, iii s. iii d. Item ii stoopen den ouden gardiaen der minderbrueders, ut supra, iii s. iii d.

Item ii stoopen brueder Jan Godhebsdeel, augustijn, iii s. iii d.

Item ii stoopen bruder Peter Dyke, (predicare van Antwerpen), iii s. iii d.

Item ii stoopen den superior van Onse Vrouwen broeders, iii s. iii d.

Item i stoopen wijns gepresenteerd bruder Henr. van Boechout, coste iii s. iii d.

Item ii stoopen wijns gepresenteert Claeze van den Driele, xiii in Junio anno lvi; comt op iii s. iii d.

Item betaelt van der maeltijt, die onse heren deden te Lysbette van der Laen, doen Meester Anthony Ferrarij te Mechelen quam; comt op xiii s.

Item ii stoopen wijns gepresenteert Meester Janne van Meerbeke, doctor, xix in Junio anno lvi, iii s. iii d.

Item vi stoopen wijns Meester Anthonyo Ferrarij, doen hij de misse zang tot St Peters, xxix in Junio anno lvi, iv s. ix d. Item iiii stoopen wijns gepresenteert denselven meester Anthonyo, iiii in Julio anno lvi, vii s.

Item i stoopen wijns gepresenteerd denselven meester Anthonyo, ut supra, vii s.

Item iiii stoopen wijns gepresenteert Meester Janne van Hulshout, dat hij te Coelne tracht, xv Aug. anno lvi, vi s.

Item iiii stoopen wijns gepresenteert eenen artschebusscop, die bruder van observantie was, i stoop wyns, i st. bastaert, i st. Romene, i st. van Baune, i st. Rijnsch; comt op viii s. iii d. Item iii stoopen wijns gepresenteert des Paus tresorier, ix in Meerte; comt op vi s.

Item gepresenteert denselven bisschop tot iii male xii stoopen wijns, valent xviii s.

Anno 1457.

Menegerande dinghen.

Item ghegeven Peteren van den Briele voir zine arbeyt, omme dat hi des saterdaechs de waghenen en anderen ghereguleert heeft van St Peters kerkhof tot Onser Vrouwen brueders, omme den wech aldair te openen, dat de pelgrimmen riden souden, die ter indulgentien comen waeren; comt bi overdraghen van der cameren op iii s. gr. M.

Item betaelt van der maeltyt ghedaen opten Beyaert, die de stad gegeven heeft den aersschen bisschop hier gesonden van onsen alderheylichsten vader den Paus van Roome metten allen den biechtvaderen, die in dese gracie ghebiecht hebben en gepreket, bij bijwesen van onsen heeren de schouteth ende wet van Mechelen, xxiii Mey lvii; comt op v lb. xi s. gr. M.

Item betaelt Meester Janne den Leeuw omme mede te betalen enen bode, die lei tot Rome omme der bulle wille van den abuyse bi overdraghen van der cameren xvi guld. Rijns, valent iiii lb. gr. M.

Item betaelt denselven Meester Janne (den Leeuw) voir enen wisselbrief ghemaect tot Rome te betalen bi Claze van den Driele ende Pauwels van Kerstene bi overdraghen van der cameren als boven; comt op lxviii gulden Ryns, valent xvii lb. gr. M.

Item betaelt Henrik van der Heyden, voir dat hi uut gheweest es tot Berghe opde Zoem, omme de wisselbrieven te hebben van Pauwels voirs.; comt op iii s. gr. M.

Item betaelt den banckieren van Brugghe, voir dat de canter van Mechelen in voirleden tiden te Rome ontfanghen hadde van haeren ghesellen aldair, omme te ghecrigen int hof van Rome zekere zaken van onsen heyleghen vader den Paus ten orboer ende profite van der stad, die deselve canter niet volbringhen en conste, ommedat hi aflyvich ward; comt hem dairvoer betaelt cxx lb. gr. M.