ARREST CONTRE GILLES GARNIER. JANVIER 1573. (Extraict des registres du greffe de la court du Parlement de Dole.) L'an mille cinq cens soixante et quatorze, en la cause de messire Henry Camus, docteur ès droicts, conseiller du Roy nostre Sire en la cour souveraine de parlement à Dole, et son procureur général en icelle, impetreur et demandeur en matière d'homicide conimis aux personnes de plusieurs enfans, dévorement de la chair diceux, sous forme de loup-garou, et autres crimes et délictz, d'une part; et Gilles Garnier, natif de Lyon, détenu prisonnier en la conciergerie de ce lieu, deffendeur, d'autre part. Pour par ledit défendeur, tost après le jour de faicte Sainct-Michel dernier, luy estant en forme de loup-garou, avoir pris une jeune fille de l'aage d'environ dix ou douze ans en une vigne, près le bois de la Serre, au lieu dict és Gorges, vignoble de Chastenoy, près Dole un quart de lieue, et illec l'avoir tuée et occise, tant avec ses mains semblans pattes, qu'avec ses dents, et après i l'avoir trainée avecques lesdictes mains et dens jusques auprès dudict bois de la Serre, l'avoir despouillée, et mangé pourtant de la chair des cuisses et bras d'icelle, et, non content de ce, en avoir porté à Apolline sa femme, en l'hermitage de Saint-Bonnot près Amanges, en laquelle luy et sadicte femme faisoyent leur résidence. Item par ledit deffendeur, huit jours après la feste de Toussaincts aussi dernier, estant semblablement en forme de loup, avoir pris une autre fille au mesme lieu, près du pré de la Ruppe, territoire d'Authume, qui est entre ledict Authume et Chastenoy, peu de temps avant le midy dudit jour, et l'avoit estranglée et meurdrie de cinq plaies avec ses mains et dens, en intention de la' manger, n'eust esté la rescousse qui en fut faicte par trois personnes, selon qu'il a recogneu et confessé par maintes fois. estant Item pour ledit deffendeur, environ quinze jours dessus en forme de loup, avoir prins un autre enfant masle de l'aage d'environ dix ans, près une lieue dudit Dole, entre Gredisans et Menoté, en une vigne sise au vignoble dudit Gredisans, et après l'avoir estranglé et occis, ainsi que les précédens, et mangé de la chair des cuisses, jambes et du ventre dudict enfant, avoir démenbré une jambe du corps d'iceluy. Et pour par ledict défendeur avoir, le vendredi avant le jour de feste sainct-Barthélemy aussi dernier passé, prins un jeune garçon de l'aage de douze à treze ans, estant sous un gros poirier près le bois du village de Perrouze, du cousté de Cromary, l'avoir emporté et trainé dedans ledict bois, où il l'estrangla comme les autres enfans cy-dessus mentionnez, en intention d'en manger; ce que il eust faict, n'eust esté qu'il vint tost après des gens pour le secourir; mais l'enfant estoit gea mort; estant lors ledict défendeur en forme d'homme et non de loup; en laquelle forme il eust mangé de la chair dudict garçon sans ledict secours, nonobstant qu'il fust jour de vendredi, selon qu'il a par réitérées fois confessé. Veu le procès criminel dudict procureur général, mesmes les réponses et confessions réitérées et spontanéement faictes par ledict deffendeur, ladicte Cour, par arrest, le condanne à estre cejourd'huy conduit et trainé à revers sur une claye par le maistre exécuteur de la haulte justice, dois (1) ladicte conciergerie jusques sur le tertre de ce lieu et illec par ledict exécuteur estre bruslé tout vif et son corps réduit en cendres; le condamnans en oultre aux dépens et frais de justice. Donné et prononcé judiciairement audict Dole, en ladicte Cour, le dix-huitiesme jour du mois de janvier, l'an mil cinq cens septante trois (2). (1) Dois, depuis. (2) Cet arrest est accompagné d'une lettre de l'éditeur Dan-d'Aitge au doyen de l'église de Sens, de laquelle nous avons extrait le passage suivant : << Gilles Garnier, lycophile, ainsi l'appelerai-je, estant hermite, prist depuis femme, et n'ayant de quoi sustenter sa famille, tomba, comme est la coustume des mal-appris, en défiance et tel désespoir, qu'errant par les bois et désertz; en cet estat, il fut rencontré d'un fantosme en figure d'homme, qui lui promit monts et merveilles; et, entr'autres choses, de lui enseigner à bon compte la façon de devenir, quand il voudroit, loup, lion ou léopard, à son choix, et pour ce que le loup est une beste plus mondanisée par deça que ces autres espèces d'animaux, il aima mieux estre désguisé en icelle, comme de faict il fut, moyennant un unguent dont il se frottoit à ceste fin, comme depuis il a confessé avant que mourir avec recognoissance de ses péchés. >> VOYAGE DU 1 MARECHAL DE RETS EN ANGLETERRE. ΜΑΙ 1573 (1). Le Cardinal de Lorraine et ceux de Guise, faschez de voir leur niepce Marie, Royne d'Escosse, tousjours en captivité, et desireux de remuer les cartes en Angleterre par le moyen de ceste femme, attrayante et fine au possible, ont de long-temps, et spécialement depuis l'emprisonnement d'icelle, fait infinies menées en Angleterre par le moyen de leurs serviteurs secrets; et est le bruit tout commun que, par leurs artifices, ils ont tant fait qu'il n'y en a que trop en ce pays-là qui aimeroyent autant Marie Stuard pour leur Royne qu'Elizabet à present régnante. Au baptesme de la fille du Roy de France, beaucoup de conseils furent mis en avant à ce propos, lesquels on entendra aisément par l'exécution qu'on en voulut faire sur la Royne Elizabeth, comme nous le verrons maintenant. Le Conseil secret, spécialement le Roy et la Royne mère, et quelques-uns de leurs plus confidens, espéroyent bien faire leurs besongnes aussi, si le (1) Mém. de l'état de France. |