m'ont esté ostez, lesquels avoient esté dès long-temps et ceste ville pour la garde et sureté d'icelle; car n'y ayant point de gens pour votre service et estant proches de gens si suspects, elle ne peult estre en seureté et ne pourrois vous en asseurer comme je le désire; je vous supplie très humblement, Sire, y vouloir pourvoir. Sire, je supplie notre Seigneur vous donner en parfaite santé, très bonne, très heureuse et très longue vye. Votre très humble et très obéissant serviteur et subject, De Mézières, ce 26 septembre 1372. LA VIEUVILLE. Sire, le prisonnier dont vous escrit le seigneur de La Vieuville se faisoit nommer Loïs de Guilitz, qui est ung nom emprunté d'un gentilhomme du duc de Clèves; toutesfois il s'appelle Loys de Boisot, autrement le seigneur de Roua. Il avoit apporté plusieurs lettres en France de la part du prince d'Orange, les unes adressantes au feu admiral, à Bricquemault, à ung conseiller de Paris nommé Torsey, et à plusieurs autres princes et seigneurs de votre royaulme; et ce que ledit seigneur apéu entendre de luy est que, par sesdites lettres, il demandoit audit admiral où ils se joindroient ensemble, et plusieurs autres entreprises qu'il ne sçait pour ne savoir au long le contenu desdites lettres, lesquelles il avoit, à son arrivée à Mézières, incontinant estre descendu à l'hotellerie, caché dessoubs l'auge des chevaulx; et depuis, comme il ne vouloit rien faire congnoistre audit seigneur de la Vieuville, luy, pour en tirer quelque chose, luy fist acroire qu'il avoit commandement de Votre Majesté de le renvoyer au duc d'Albe. Alors, par le moien d'ung prisonnier, lequel expressément ledit seigneur avoit fait coucher avec luy, il fit advertir le seigneur des Amelles, gentilhomme du pays, lequel a sa maison forte à demye-lieue de Mézières, huguenot et qui peult mettre deux cents hommes en moings de rien en sadite maison, pour avoir la charge de Sedan et en estre capitaine, comme ledit sieur de la Vieuville vouloit l'envoyer là bas; lequel des Amelles, incontinant, envoya ung de ses serviteurs allemants, lequel, feignant avoir affaires avec l'autre prisonnier, parla avec ledit Loïs de Boizot, et luy promit, de la part de son maistre, qu'il ne se souciast, et qu'advenant ou que par votre commandement ou autrement on le transporte, s'il pouvoit eschaper la prison, qu'il s'asseurast d'estre réservé, et ceulx qui pour votre service le conduiroient hachez en pièces, et qu'il le retireroit à Sedan, et qu'il n'aura faulte de rien. Ledit de Boizot alors luy envoya toutes les lettres et mémoires qu'il avoit, et les mit ès mains dudit serviteur pour les bailler à son maistre. Ledit sieur de la Viêu ville ayant entendu tout ce que dessus, par le prisonnier qu'il avoit mis avec ledit de Boizot, faignant d'estre ami dudit des Amelles, il luy promit le mettre dehors: mais que, craignant d'estre puis après recherché, qu'il vouloit sçavoir de luy qu'elles lettres et mémoires il avoit, et celui à qui il les vouloit envoyer, afin de les retirer, parce qu'il craindroit que cela ne vint à votre cognoissance; qui fut cause que ledit Loïs de Boizot, adjoustant foy à sa délivrance, confessa entièrement tout ce que dessus; et d'abondant que sçavoit esté luy qui avoit faict entrer le prince d'Orange à Bullemonde, et qu'il avoit incité ceulx de Malines à prendre les armes. Par son moien, Sire, vous cognoistrez grande partie des secrets dudit prince d'Orange, mesme toutes les intelligences qu'il a en votre roiaume, desquelles pour estre encore plus certain, s'il plaisoit à Votre Majesté il fauldroit escrire à M. de ༡ Buillon qu'il commandast audit des Amelles représenter les lettres en mémoires, puis mander ledit prisonnier pour estre plus amplement interrogé. Ledit sieur de La Vieuville ayant tel voisin, il vous supplie luy rendre vingts soldats qui lui ont esté ostez, considéré que de tout temps ils y ont estez, et il vous assurera par ce moien de toute surprise, ce qu'il ne pourroit fère n'estant ladite ville de Mézières gardée que de ses amis et habitans du lieu. de la Cour de parlement de Dole, du dixhuictiesme iour de lanuier, 1573 contre Gilles Garnier, Lyonnois, pour auoir en forme de loup-garou deuoré plusieurs enfans, et commis autres crimes : enrichy d'aucuns poincts recueillis de diuers autheurs pour esclaircir la matiere de telle transformation. ↑ Imprimé à Sens, par lean Sauine. 1574. |