de Bretaigne et ceulx de sa compagnie s'en retournerent touts en leurs maisons pour la mortalité, laquelle estoit frappée en l'ost, laquelle feit mourir grand nombre de gens, et entre aultres le fils du comte Jehan, dont ce fust dommaige. Et en ce temps se rendit le chastel de Toncques au S de Blanville qui estoit devant; et en ce temps se rendit le susdit chastel Gaillard, lequel fust assiegé par l'espace de cinq semaines, et estoient dedans vj1 Anglois, lesquels s'en allerent a Harfleur, leurs corps et biens saulfs.

aussy

CHAPITRE XXII.

Du siege qui fust mis devant Harfleur, et comment la ville fust rendue; puis parle de l'armée que feit le comte de Foix ; et comme il assiegea le chastel Guisant; et comme il defeit les Anglois et en y eult que morts que prins environ xije.

APRÈS les choses dessusdites faites, le roy de Franche se parteit de la ville de Rouan, armé d'une brigandine et dessus une jacquette de drap, accompagnié du roy de Cecille et des aultres Srs de son sang en grands habillements, et par especial le comte de St Pol, lequel avoit ung chanfrain a son cheval, prisé de vingt mille escus, et chevaucha jusques en la ville de Moustiervillier, a demy lieue près de Harfleur, ou il fust logié, et incontinent feit mectre le siege devant Harfleur, les comtes de Dunois, d'Eu, de Clermont et de Nevers, le S de Cullant, grand maitre d'hostel, le S' de Blanville, maitre des arbalestriers, et plusieurs aultres, qui touts y feirent grandement leur debvoir, et y eurent grandement a souffrir tant pour les gelées, pluyes et aultres froidures comme pour la mer qui souvent sourdoit en plusieurs logis, pour ce qu'ils estoient tout entrecouverts

, par

de paillas et de genestre, car autour d'icelle ville de Harfleur, n'y avoient arbres ny maisons ou ils se peussent heberger ne loger, ce nonobstant ils feirent de sy grandes approches de trencquis, de fossés et de mines, et battirent tellement la `muraille des bombardes et canons, que les Anglois qui estoient dedans environ xvc rendirent la ville de Harfleur au roy de Franche, et s'en allerent leurs corps et biens saulfs les ungs en Angleterre, les aultres en Normandie es places tenantes leur party.

Assés tost après icelle reddition, qui fust environ le iiij de janvier an dessusdit, mil iiije xljx, le roy parteit de Moustier et retourna sur la riviere de Saine a une abbaye nommée Immeuges, a cinq lieues au dessous de Rouan. En ce temps le comte de Foix feit assembler une grosse armée et feit mectre le siege par le sieur de Lautrec, son frere, bastard de Foix, devant le chastel de Guisant, qui est très fort chastel, assis a quatre lieues près de Bayonne. Quant les Anglois le sceurent, ils se meirent par les champs jusques environ quatre mille combattants, dont estoient chiefs, le connestable de Navarre, le maire de Bayonne, George Soliton, et plusieurs aultres, lesquels se boutterent en vaisseaulx sur une riviere qui passe parmy ledit lieu de Bayonne, et vindrent descendre près du chastel; et quant ceulx qui tenoient le siege en feurent advertis, se partirent secretement et vindrent au debvant des Anglois, lesquels estoient ja descendus

de leurs navires, et ferirent sy asprement et durement dessus eulx, qu'ils les desconfeirent et meirent en fuite jusques a leurs basteaulx, et la feurent que morts que prins xije Anglois. George Soliton, quant il veit celle destrousse, se doubta qu'il ne peult recouvrer ses navires, et par ce passa parmy le siege, a tout soixante lanches, et se saulva pour ceste heure dedans le boullovert, puis regarda qu'il ne pooit estre secouru, sy se partist de nuict, a tout ses gens, cuidant retourner au lieu de Bayonne; mais le bastard de Foix le sceut et le poursuivit tellement, qu'icelluy George fust la prins et la pluspart de ses gens; et le lendemain se rendit le chastel et xv ou xvj entre Menet, Haye et Bayonne, puis s'en retournerent les gens du comte de Foix en leurs pays.

CHAPITRE XXIII.

Du siege de Honfleur et comme elle fut rendue; et des ville et chastel de Ballesmes que le duc d'Allenchon assiegea et print ; et de la ville de Fresnay qui se rendit par composition.

DURANT le temps que Charles, roy de Franche, estoit en l'abbaye de Immeuges, le dix septiesme jour de janvier l'an xljx, fust fait le siege de Honfleur par le comte de Dunois et les aultres seigneurs dessus nommés de sa compagnie, lesquels feirent grandes approches de fossés, trencquis et mines, et feirent battre la muraille de bombardes, canons et engins volans, tellement que les Anglois qui dedans estoient de trois a quatre cens, dont estoit chief et maitre le susdit Courson, composerent a rendre icelle ville de Honfleur aulx Franchois le dix huictiesme jour de febvrier ensuivant, en cas qu'ils ne seroient secourus et de ce bailler hostaiges, pour lesquels combattre les Franchois feirent ordonner de clorre les camps, mais les Anglois n'y vindrent point, pour ce que le duc de Sombreset ne les secourut point, lequel estoit dedans la ville de Caen, laquelle ville il n'osoit desemparer, et aussy ils n'es