Insuper idem dominus Episcopus vna cum omnibus Ministerialibus et hominibus suis in singulis suis et suorum possessionibus, feodis et proprietatibus uel alio quocunque censeantur nomine, in districtu iudiciorum dictorum de Schaumberch per Traungeu et Tunawetal, cuius termini usque Rotensala protenduntur, omni iure nec non approbata et antiqva consvetudine, que ipsis tempore Ernesti de Churenberch per Traungeu et per alios ipsorum districtus tempore Manigoldi Episcopi aut alterius, cuius tempore ipsorum ius clarius uiguit, conpetebat, gaudere tenebitur libere et quiete. Ceterum iidem Nobiles de Schaumberch ipsj domino Episcopo et suis in Ciuitate sua Everdinge iura quelibet sic plenissime conseruabunt, qualia fuisse aliquo tempore poterunt recordarj idem Ciuibus suis de Patauia circa Mutam in Ascha integre facientes. Et ut huiusmodi promissio ab eis Patauiensi ecclesie de cetero seruaretur, ipsum feodum ratione promissorum eis collatum vacare pronunciauerunt libere, si quicquam violauerint promissorum. Acta sunt hec Patauie presente Capitulo, Ministerialibus et Ciuibus nec non et predictorum nobilium fidelibus, qui singula predicta communiter approbarunt. Supradictus etiam dominus R. Episcopus ipsis super huiusmodi sua assignauit 'publica instrvmenta et cum de ipsorum parte transuersas repeteret, quod suum aput Osterhouen sigillum perdiderint, asserebant.

Mon. boic. XXIX. II. 203.

CLXIII.

1250. 22. März. Linz. Rudiger, Bischof von Passau, beurkundet, dass er Meinhart dem Tröstel vorlängst vier Mayrhöfe verpfändet habe.

Rudigerus dei gratia Pataviensis Ecclesie Episcopus omnibus in perpetuum Salutem in domino, vt ea, que a nobis rite geruntur, rata semper in posterum conseruentur, volumus eadem interdum scriptis et testibus confirmare. Vnum omnibus in futurum notum esse uolumus, quod nos preterita et futura fidelitatis obsequia Meinhardi cognomine Trostel attendentes ipsi et uxori sue Chvnigundi de Cierberch contulimus iure et titulo feudali quatuor Curias villicarias, quas nomine et situ loci exprimimus tali modo. Due dictarum Curiarum sunt in Strazze posite, tercia in levtingen, quarta in Rivte, que tamen omnes erant a nostris uetustissime graui mutuacione antecessoribus obligate. huic autem nostre infeudationi interponitur

huiusmodi conditio, quod si dictus Troestel et uxor eius dicta sine simul genitis decesserint heredibus, dicte Curie ad usus pataviensis Ecclesie redeant absolute nec dictis infeudatis aliqua liceat nec obligandi aut uendendi alienatio in dictis curiis, nisi summa personarum necessitas aut ecclesiastica peregrinatio id conpellat. In huius rei testimonium et firmamentum damus hanc litteram Sigillo nostro et inscriptione testium roboratam. Testes: ditmarus domus sancti Florianj prepositus, Otto et Gerhohus canonici pataviensis ecclesie, henricus et Wernhardus de Schovwenberch, albertus Livtzman, Burchardus de Weir, Wlr. de lobenstain, Vlr. de Kapelle, Siboto et Arnoldus de lonstorf, heinricus et arnoldus piber, Gvndacherus de Oede, Cunradus de Chlingenprunne, Luipolt de hvbe, Otto de Chriede, Rugerus prueschinke et alij quam plures. Datum in Lintza anno domini M. CC. L. XI. Kalendas aprilis.

Mon. boic. XXIX. II. 79.

CLXIV.

1250. 8. April. Passau. Rudiger, Bischof von Passau, verleiht dem Wernhart von Inne die Güter, welche dem Bisthum Passau von Rudiger dem Eferdinger heimgefallen sind.

Rudegerus dei gratia Patauiensis Episcopus omnibus presentem litteram inspecturis Salutem in domino. Tenore litterarum presentium notum facimus uniuersis, quod nos grata et fidelia seruicia Wernhardi de Inne, que nobis exhibuit et exhibere in futurum poterit, aduertentes eidem et Alheidi uxori sue Domum in Insula, Molendinum, Vineam trans danubium cum piscina, cum eorum attinentiis, que nobis ex parte Rudegeri Euerdingarij omnia uacare ceperunt, tytulo contulimus feodali. Preterea quatuor Hubas in Ahalminge, que dicto Euerdingario pro triginta duabus libris a nobis obligate fuerant, eodem modo Wernhardo et Vxori sue pro eadem pecunia tamdiu obligationis tytulo assignamus, donec eisdem de prefata pecunia uidelicet ratisponensis monete per nos uel Successores nostros integraliter fuerit satisfactum. In cuius rei testimonium presentem litteram cum subnotatis testibus ipsis damus. Sunt autem hii: Gerhohus, Vlricus de Maemminge, Otto de Lonstorf, Canonici et Archidiaconi Patauienses; Hademarus de Wesin, Waltherus de Tannenberch, Wernhardus de Prambach, Heinricus et Vlricus

fratres de Prisekke, Chunradus Zachalinus et alii quam plures. Datum Patauie Anno domini Millesimo CC. L. VI. Idus Aprilis.

Mon. boic. XXIX. II. 369.

CLXV.

1250. Im April. — Abbt und Convent zu Kremsmünster verleihen dem Heinrich von Rudleiching und seinen zwei Söhnen einen Hof daselbst auf Lebenszeit.

Ortolfus dei gratia Abbas in Chremsmunster et Conuentus Notum facimus omnibus presentem paginam inspecturis tam presentibus quam futuris, quod nos Heinrico de Ridlaiching et duobus filiis suis Hertnido et Chunrado eandem curtem in Redlaiching ad nostram pertinentem Cameram et vestitum ad dies vite ipsorum solummodo contulimus tali forma, quod ipsi annuatim dimidium talentum in festo beati Andre nostro Camerario inde soluant, quod si neglexerint, Sexaginta denarios pro eiusdem negligentie satisfactione vltra Quatuordecim dies cum predicta etiam soluant pensione, hac interposita pactione, quod si ad terminum anni sine legittimo impedimento dictam detinuerint pensionem, extunc ipsi a suo penitus cadant ivre, nichilominus etiam hoc adiecto, quod post mortem eorumdem Heinrici ac suorum filiorum Hertnidi et Chunradi memorata curtis in Rodlaiching in nostram libere possessionem redeat pleno ivre, nec posteritas ipsorum aliquo ivre in eadem prefata curte sciat vlterius se potiri. Vt autem hec firma permaneant atque rata, presenti littera cum appensione sigillorum nostrorum liberaliter confirmamus testibus subnotatis: Hertwicus de Milperch, Chunradus de Aschperch, Ernsto de Stein, Merboto de Óde, Chunradus de Schachen, Hertwicus Zant. Item de familia Schowenbergensium: Hertwicus de Heking, Hertnidus, Livtoldus fratres, Chunradus de Strachem, Fridericus de Palsentz, Herrandus de Galspach et alii quam plures. Acta sunt hec anno Dominice Incarnationis MCCL. In mense Aprili.

Urkundenbuch von Kremsmünster Nr. 79.

CLXVI.

1250. Die Brüder Heinrich und Wernhard von Schaumberg beurkunden einen Vertrag zwischen dem Kloster Wilhering und dem Ritter Konrad

von Wert.

Nos H. et Wn. fratres de Schovnberch notum facimus vniuersis, quod dominus abbas de Wilhering de consilio fratrum suorum militi nostro Chunrado de wert Allodium in Stainsultz ad dies suos iure contulit censuali, tali videlicet conditione, ut idem Chunradus predictum feodum ipsi monasterio deseruiat annis singulis censu statuto scilicet denariis LX. in natiuitate beate Marie. Chunradus autem de wert vicissim domui in Wilhering duo predia contulit post obitum suum, vnum in Sigranswanch, quod dicitur an dem Aigen, reliquum in Michelpach, disponens ipsis fratribus de illo in sigratswanch V mensuras avene, de reliquo X denarios, volens hoc ipsis fratribus ipso adhuc uiuente dari annis singulis. Post mortem vero ipsius tam suum predium in Stainsultz quam alia duo libere et quiete possidebunt. Quod factum, vt stabile, sicut diffinitum est, permaneat, presentem litteram abbati et conuentui predicto dedimus sigillo nostro roboratam cum testibus subnotatis: Hertwico de Hekinge, Eberhardo clamatore, Hertnido et Levtoldo filiis dapiferi, Ludwico et Chunrado de Strahen, Vlrico schiuer, Chunrado de awe et aliis quam pluribus. Acta sunt hec anno domini M: CC: L

Aus einem Copialbuche zu Wilhering.

Circa 1250.

CLXVII.

Stülz, Wilhering 522.

Mehrere Adelige bezeugen, dass Herzog Friedrich der Streitbare das Dorf Echendorf dem Kloster Wilhering geschenkt habe.

Cum nostris temporibus sint veritates a filiis hominum diminute, Nos, quorum nomina sunt subscripta, volentes divine remunerationis intuitu ecclesie in Wilhering ab insidiosa et fraudulenta prauorum malitia precauere inposterum, fidele de hoc testimonium perhibemus, quod pie memorie dux Fridericus uillam Echendorf sub Wagrain pleno iure, quo pater suus dux Leupoldus ipsam possederat eamque filio dereliquit, dicte ecclesie pro remedio anime sue suorumque progenitorum contulit libere et quiete perpetuo possidendam. Super quo presens scriptum fecimus nostris sigillis et nominibus conmuniri. Hec

nostra sunt nomina: Otto de Slevnz, Rapoto de Valchenberch, Chadoldus et Hadmarus de Werd, Hainricus dapifer de Greitzenstain, Otto de Perthollstorf.

Aus einem Copialbuche zu Wilhering. Stülz, Wilhering 523.

CLXVIII.

1250. Hertnid, Leutold's Sohn des Truchsessen von Schaunberg gibt dem Kloster Wilhering zwei Güter zum Seelgeräth; Konrad von Furt ein anderes.

Omnibus presentem paginam inspecturis tam presentibus quam futuris innotescat, quod ego Hertnidus filius Leutoldi quondam dapiferi de showenberc pie memorie predium in rådlihcing et predium Gmeinholz super altare beate Marie uirginis in Wilhering donaui pro remedio anime mee et omnium predecessorum meorum ita, quod post decessum ad zenobium predictum pertineant libere et absolute, me uero uiuente in meis usibus tenebo. Et sciendum est, quod predicta duo predia conparaui eo tempore, cum nullum habui heredem. Insuper ego Chunradus de furt etiam presentium tenore uniuersis constare cupio, quod ego predium unum in michelpahc etiam super altare beate uirginis in wilhering donaui post obitum meum usibus predicti cenobii cedendum, me uero uiuente in meis usibus seruabo. Et ne huic facto et donationi lis in posterum suboriatur, presentem cedulam sigillo dominorum nostrorum Nobilium de showenberc fecimus conmuniri. Huius rei testes sunt Leutoldus filius dapiferi, Hertwicus de hækking, Chunradus de owe, Ludwicus shiuer et Vlricus frater suus, Chunradus de strahen et Ludwicus frater suus, Eberhardus shriær et Leutoldus frater suus et Pertoldus scriba. Acta sunt hec anno domini M. CC. L.

Orig. auf Perg., die Siegel sind verloren. Stiftsarchiv Wilhering. Stülz, Wilhering. 524.

CLXIX.

Circa 1250. Arnold Piber schenkt mit Zustimmung seiner Schwägerin Jeuta, Witwe seines Bruders Heinrich, die Höfe zu Aich, Linden und Grenssenberg dem Kloster Wilhering.

Nouerint vniuersi tam presentes quam futuri, quod ego Arnoldus Piber nominatus cum vxore fratris mei Hainrici pie memorie domina Jevta et liberis eius in reconpensationem dampni ecclesie in Wilhering