1274. 29. October. Salzburg. CDXLVIII. Ablassbrief des Bischofes Wernhart von Seckau für das Gotteshaus Gleink. Wernhardus miseratione diuina Seccouiensis Episcopus vniuersis presentes litteras inspecturis Salutem in omnium Saluatore. Quoniam, vt ait Apostolus, omnes stabimus ante Tribunal Christi recepturi, prout in corpore gessimus, siue bonum fuit siue malum, oportet nos diem messionis extreme misericordie operibus preuenire ac eternorum intuitu seminare in terris, que reddente Domino cum multiplicato fructu in celis recolligere valeamus, firmam spem fiduciamque tenentes, quoniam, qui parce seminat, parce et metet et qui seminat in benedictionibus, de benedictionibus et metet vitam eternam. Cum igitur Monasterium Glunicense Patauiensis Dyocesis fouere merito et honorare debeamus et in quantum poterimus, promouere, et cum ipsum Monasterium subsidijs fabrice et aliarum promotionum multum indigeat adiuuari, omnibus, qui ad eandem Ecclesiam in die dedicationis causa deuotionis confluxerint, et nihilominus hiis, qui eidem manum porrexerint adiutricem, vere penitentibus et confessis quadraginta dies de inivncta sibi penitentia auctoritate nobis a deo tradita misericorditer in domino relaxamus. Datum Salzpurge anno domini M° CC: LXX: IIII IIIIto kalendas Nouembris Presentibus perpetuo duraturis. Orig. auf Perg., dessen Siegel verloren, im Stiftsarchive zu Gleink. Auch in einem Copialbuche des 17. Jahrhunderts daselbst. CDXLIX. 1274. 2. November. Salzburg. Indulgenzbrief des Bischofes von Brixen für die Kirche zu St. Florian. B. dei gratia Brixensis Ecclesie Episcopus vniuersis christi fidelibus presentes literas inspecturis salutem et eternam in domino karitatem. Quoniam, vt ait Apostolus, omnes stabimus ante tribunal christi recepturi singuli, provt in corpore gessimus, siue bonum fuerit siue malum, oportet nos diem messionis extreme misericordie operibus preuenire ac eternorum intuitu seminare in terris, quod reddente domino cum multiplicato fructu recolligere mereamur in celis, certam spem fiduciamque tenentes, quod, qui parce seminat, parce et metet et qui seminat in benedictionibus, et metet vitam eternam. Cum itaque ad restauracionem monasterii in domo sancti Floriani patauiensis Dyocesis fratribus ibidem deo famulantibus proprie non suppetant facultates et ob hoc fidelium indigeant elemosinis adiuuari, caritatem vestram monemus et in domino exhortamur in remissionem vobis pecaminum nichilominus iniungentes, vt de bonis a deo vobis collatis pias elemosinas et grata eis karitatis subsidia ad consumacionem predicti operis erogetis, vt propter hoc et alia bona, que domino inspirante feceritis, possitis ad eterna gaudia pervenire. Nos quoque de omnipotentis dei gratia nec non Apostolorum Petri et Pauli confisi omnibus, qui dictam ecclesiam in festis domini videlicet Natiuitatis, Pasce et Pentecostis et in quatuor solempnitatibus beate virginis nec non beati Augustini, Floriani Martiris et Dedicacione dicti Monasterii deuocione congrva duxerint visitare, elemosinas suas ibidem ad consumationem incepti operis relinquentes, Quadraginta dies criminalium, de quibus vere confessi et contriti fuerint, et Octoaginta dies genialium relaxamus presentibus perpetuo valituris. Datum Salzburge anno domini M: CC. LXXIIII. in die animarum. -- Orig. auf Perg., dessen Siegel verloren, im Stiftsarchiv St. Florian. Wörtlich gleichlautend, an demselben Tage und Orte ausgefertigt, ist ein Brief des Bischofs Leo von Regensburg, ebenfalls auf Pergament mit Siegel. 1274. 2. November. Salzburg. CDL. Indulgenz des Bischofes Johann von Chiemsee für die Kirche zu St. Florian. Nos Johannes dei gratia Chimensis ecclesie episcopus vniuersis christi fidelibus salutem in domino sempiternam. Cum fidelium deuotio ad piorum frequentationem locorum nec non ad dei et suorum venerationem sanctorum sit spiritualibus beneficiis prouocanda, Nos de omnipotentis dei misericordia confisi omnibus bene contritis et confessis, qui Monasterium in domo Sancti Floriani martiris, in festiuitatibus domini nostri Natiuitate videlicet, Pascha et Pentecosten, in quatuor quoque sollempnitatibus virginis gloriose et beatorum Avgustini et Floriani martiris nec non dedicationis Ecclesie pia mente visitauerint, XL. dies de iniuncta sibi penitentia relaxamus. Datum Salzburge IIII. nonas Nouembris Anno domini MCCLXX IIII. Orig. auf Perg., dessen Siegel verloren, im Stiftsarchive St. Florian. CDLI. 1274. 27. November. Passau. W. Dompropst und das ganze Dom-Capitel zu Passau bestätigen die Abtretung des Patronats - Rechtes der Kirche in Hadershofen durch den Edlen Poppo von Grünenburg an das Kloster Gleink. Rerum prouide gestarum noticia digne propagatur in posteros, cum constet auctoritas et robur firmius ex testimonio litterarum. Hinc est, quod nos W. dei gratia Tumprepositus Totumque Capitulum Ecclesie Patauiensis tenore presentium profitemur, quod nobis presentibus et consensum tam ex iuris quam deuotionis debito in opus pietatis prebentibus homo nobilis dictus Poppo de Grenenburch zelo pietatis ductus celestia terrenis preponderare cognoscens ius patronatus in ecclesia dicta Hædreichshouen, quod a progenitoribus suis hereditario iure possederat, Ecclesie sancti Andree in Glevnich pro remedio anime sue libere et absolute cum consensu omnium heredum et parentum suorum pure tradidit propter deum, cuius traditionis forma est hec: Ego Poppo de Gronenburch (wie 1274 am 7. Juni). Vt igitur premisse donationis firmitas in perpetuum solida permaneat et illesa, voluimus presentem cartam sigillo nostri Capituli roborari. Actum et datum Patauie Anno domini Millesimo Septuagesimo quarto, Indictione secunda, Quinto Kalendas Decembris. Orig. auf Perg. mit Siegel im Stiftsarchiv Gleink. CDLII. 1274. 19. December. Ebelsperg. Indulgenz des Bischofes Peter von Passau für die Kirche zu St. Florian aus Anlass des Kirchenbaues. Petrus dei gracia Ecclesie Patauiensis Episcopus vniuersis christi fidelibus presentes litteras inspecturis salutem in omnium saluatore. Quoniam, ut ait apostolus, Omnes stabimus ante tribunal christi recepturi, prout in corpore gessimus, siue bonum fuerit siue malum, oportet nos diem messionis extreme misericordie operibus preuenire ac eternorum intuitu seminare in terris, quod reddente domino cum multiplicato fructu recolligere debeamus in celis, firmam spem fiduciamque tenentes, quod qui parce seminat, parce et metet et qui seminat cum benedictionibus, de benedictionibus et metet uitam eternam. Cum igitur ad restauracionem monasterii in domo sancti Floriani fratribus ibidem deo famulantibus proprie non suppetant facultates et ob hoc indigeant fidelium elemosinis adiuuari, vniuersitatem vestram monemus, rogamus in domino et hortamur ac in remissionem vobis iniungimus peccatorum, ut de bonis a deo vobis collatis pias elemosinas et grata ipsius caritatis subsidia ad consumacionem predicti operis erogetis, vt per hec et alia bona, que domino inspirante feceritis, mereamini supernorum consorcio ciuium aggregari. Nos enim de omnipotentis dei misericordia et beati Stephani prothomartiris confisi patrociniis, omnibus, qui dictam Ecclesiam in festis uidelicet Natiuitatis domini, Pasce et Pentecostes et in quatuor sollempnitatibus beate uirginis nec non Sancti Augustini, Floriani martiris et dedicacione dicti monasterii deuocione congrua duxerint uisitare elemosinas suas ibidem ad consumacionem operis relinquentes, Quadraginta dies criminalium et octoginta venialium, de quibus uere contriti et confessi fuerint, misericorditer relaxamus, Litteris presentibus, quas deferri per questuarios inhibemus, usque ad consumacionem operis valituris. Ratas insuper habemus omnes indulgencias, si quas reuerendi in christo patres et domini nostri coepiscopi pro dicte Ecclesie subsidio concesserunt. Datum in Ebelsperch Anno domini millesimo CC. LXXIIII XIIII kalendas Januarii. Aus einem Pergament-Codex Sæc. XIV. im Stiftsarchiv zu St. Florian. CDLIII. 1274. 31. December. Salzburg. - Indulgenzbrief des Erzbischofes Friedrich von Salzburg für die Kirche zu St. Florian. Fridericus dei gratia sancte Salzburgensis ecclesie Archiepiscopus a. (postolice) s. (edis) l. (egatus) vniuersis christi fidelibus presens scriptum intuentibus Salutem perpetuam in omnium saluatore. Pia mater ecclesia de filiorum suorum, quos spiritualiter genuit, salute sollicita christi fideles ad debiti famulatus honorem deo sacratis edibus inpendendum, quasi quibusdam muneribus ellectiuis, indulgentiis scilicet et remissionibus incitare consueuit, vt quanto frequentius ad easdem confluit et concurrit populus christianus, tanto celerius delictorum suorum veniam consequatur. Sane ut ecclesia Sancti Floriani dyocesis Patauiensis crebriori deuotione fidelium frequentetur, Nos de omnipotentis dei misericordia et beatorum apostolorum eius Petri et Pauli confisi suffragiis, vniuersis christi fidelibus, qui ad ecclesiam eandem in die uel anniuersario dedicationis eiusdem seu in quatuor sollempnitatibus Sanete et perpetue virginis Marie aut in Sanctorum Augustini et Floriani Patroni eiusdem ecclesie festis deuote accesserint annuatim, quadraginta dies de iniuncta eis penitentia, dum modo vere confessi fuerint et contriti, misericorditer relaxamus. Datum Salzburge anno domini Millesimo CC. LXX. quarto, Pridie kalendas Januarii. Orig. auf Perg. Das Siegel bedeutend beschädiget. Stiftsarchiv St. Florian. 1274. Liechtenau. CDLIV. Gundacker von Starhemberg und Chunrat von Sumerau überlassen dem Pfarrer zu St. Michael in der Wachau die Wiese in der Sazze. Nos, videlicet Gvndakkarus de storchenberc et Chinradus de Sumerowe presentibus litteris protestamur, quod nos ad instanciam Alberti venerabilis decani de Ardakker nec non plebani ecclesie sancti Michahelis in Wachowe pratum dictum wlgariter in der sazze, quod Chunradus de swarza a nobis possedit titulo feodali, id ipsum ipso nobis resignante et omne ius proprietatis, quod nobis attinebat in eodem, delegavimus ecclesie sancti Michahelis in wachowe pro remedio animarum nostrarum pleno iure et perpetuo possidendum. et in huius cause robur et testimonivm adhibemus sigilla nostra presenti pagine, eis etiam testibus, qui huic facto aderant, similiter annotatis. Testes Rudgerus de liechtenowe, Walconus zant, Hermannus et Ottakkarus fratres de Rechperc, Chunradus de droz, Chunradus de giluz, Chunradus de woluerut et alii quam plures. Acta sunt hec in liechtenowe Anno ab incarnacione domini M CC. LXXIIII Orig. auf Perg. mit zwei Siegeln. Stiftsarchiv St. Florian. Von dieser Urkunde sind zwei Exemplare vorhanden. 1274. St. Florian. - CDLV. Propst und Convent zu St. Florian reversiren, den letzten Willen des Ritters Albert Wolfstein getreu zu erfüllen. Nos Chunradus dei gratia, H. (einricus) decanus totusque conuentus domus sancti Floriani scire cupimus uniuersos Lecturos tenorem presentium et audituros, quod dominus Albertus pie memorie |