Cropfisberg, et alii quam plures. Datum actumque apud sanctum Salvatorem in monte Amiato, anno dominicę incarnacionis MCCX. IIII. kal. septembris, indictione XIII.

130. Conrad III. bischof zu Speyer stiftet die domsängerei "daselbst. Speyer, 1213 april 15.

Cuonradus Dei gracia Spirensis episcopus, imperialis aulę cancellarius. Tempus ędax rerum et fragilis hominum memoria plurima frequenter subtrahunt humanę noticię, et in oblivionem deducunt, ideoque quoddam factum nostrum utile satis et honestum scriptis autenticis dignum duximus recommendari. Sane in Spirensi ecclesia, cui nos Deus indignum pręesse voluit, et per quam nostrę primitivę promocionis causam suscepimus et incrementum, cantoriam instituimus de consensu et voluntate capituli nostri et de beneplacito aliorum bonorum virorum, officium quippe necessarium et honorificum ad servicium Dei et cultum. Assignavimus autem de redditibus nostris cantori octo marcas annuatim dandas. Postea ad instanciam capituli nostri et consilium ecclesiam quandam in Hergisheim in Spirensi diocesi sitam, cuius patronatus nobis pertinet, dedimus ad cantoriam pro perpetuo beneficio et per manus dilectorum filiorum nostrorum maioris prepositi et decani in presencia multorum tradidimus eidem officio, ut cum primum vacaverit iam dicta ecclesia cedat cantori cum omni iure et utilitate et ita adnectimus ecclesiam illam cantorię, ut semper in posterum officium illud concommittetur. Ut hęc autem ordinacio nostra, hoc quoque statutum perpetuę firmitatis robur obtineat, hoc presens publicum et autenticum instrumentum conscribi iussimus et sigillo nostro et capituli maioris ecclesię fecimus communiri. Huius quoque rei testes sunt, Cuonradus maior prepositus, Cuonradus decanus, Fridericus prepositus sancti Widonis, Cuonradus custos, Andreas scholasticus, Rudigerus cellerarius, Cuonradus portarius, et alii de concanonicis. nostris. De ministerialibus, Albertus camerarius, Anshelmus advocatus, Heinricus de Nievern, Sifridus cap., Cuonradus de Sulhvelt. De civibus, Cuonradus scultetus, Heinricus de Husen, Sifridus pullus, Cuonradus Godescalci, et alii quam plures. Acta sunt hęc autem anno dominicę incarnacionis MCCXIII. XVII, kal. maii, indictione XV. (I.)

131. Innozenz III. pabst bestätiget die domsängerei zu Speyer. Signie, 1213 aug. 4.

Innocencius episcopus, servus servorum Dei, venerabili fratri episcopo Spirensi salutem et apostolicam benedictionem. Licet apostolicę aures semper patere debeant iustis precibus supplicancium, his tamen nos opportet benignius postulata concedere, quos Deo placita credimus postulare. Cum igitur in Spirensi ecclesia, eiusdem consenciente capitulo, per te nuper instituta fuerit dignitas cantorię loco et aliis pertinentibus ad cantoris officium ac redditibus eciam percipiendis, ab illo, qui pro tempore cantor extiterit, nos id, sicut pie ac provide sine preiudicio alieno ad decorem domus Domini factum est tuis inclinati precibus approbantes, auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostrę confirmacionis infringere, vel ei ausu temerario contraire. Si quis autem hoc attemptare presumpserit, indignacionem omnipotentis Dei et beatorum Petri et Pauli apostolorum eius se noverit incursurum. Datum Signię II. nonas augusti, pontificatus nostri anno quinto decimo.

132. Friedrich II. könig schenkt der domkirche zu Speyer die patronatsrechte zu Esslingen, Speyer, 1213 dec. 26.

In nomine sanctę et individue Trinitatis, amen. Fridericus secundus divina favente clemencia Romanorum rex et semper augustus et rex Sicilie in perpetuum. Si homini iudeo adhuc sub umbra legis veteris constituto, superfluum videbatur et vanum orare pro mortuis, nisi eos, qui decesserant speraret resuscitandos, nos qui sub tempore gracię et veritatis sumus constituti, sub firmitate catholicę fidei de futura mortuorum resurrectione dubitare non possumus. Salubre et necessarium orare pro caris nostris iudicamus et largicione elemosinarum eis subvenire, ut si forte aliquid eis culpę humanę fragilitatis inheserit, elemosinis et oracionibus vivorum deleatur. Notum igitur esse volumus omnibus presentem paginam inspecturis, tam presentis etatis, quam posteritatis successivę, quod nos eo die, quo corpus carissimi patrui nostri Philippi, gloriosi Romanorum regis augusti, translatum a civitate Babenbergensi, ubi innocenter et tam crudeliter, quam fraudolenter occubuit, in Spirensi ecclesia, ad busta imperatorum et regum parentum et antecessorum nostrorum,

qui ibidem sepulti sunt, fecimus sepeliri, ad honorem Dei et beatę Marię virginis, in cuius honore ecclesia Spirensis est fundata et ob salutem animarum dilecti patris nostri Heinrici incliti Romanorum imperatoris augusti et regis Šicilię, et iam dicti carissimi patrui nostri regis Philippi, Romanorum regis augusti, simul quoque pro animabus aliorum parentum nostrorum, ecclesiam in Esselingen, que iure hereditario proprietatis ad nos pertinebat, iam dicte ecclesię Spirensi liberaliter tradidimus, videlicet tam in iure patronatus, quam in omnibus aliis, que ad ipsam ecclesiam in Esselingen pertinere non dubitantur, dote, decimis, hominibus et quidcunque est, quod ad ipsam ecclesiam spectare cognoscitur, ita quod universi proventus seu redditus pròvenientes quoquo modo ab ipsa ecclesia, dote, decimis, oblacionibus, sive fucis et locacionibus, cedant ad communes usus dictorum canonicorum Spirensis ecclesię et in eorum voluntate et arbitrio sit atque facultate sicut voluerint de ipsa ecclesia ordinare, ad hoc, ut ipsi studiosius et cum maiore devocione anniversarios tam patris, tam patrui nostri recolant et ordinent celebrari. Ut autem hęc omnia perpetua firmitate subnixa permaneant, presens privilegium inde conscribi iussimus et sigillo maiestatis nostrę communiri, statuentes et districtissime precipientes, ut nemo sit umquam, qui hanc donacionem nostram aliquo modo infringere presumat. Quod qui facere attemptaverit, quinquaginta libras auri puri componat, dimidiam partem fisco nostro, partem reliquam sepedictę Spirensi ecclesie persolvendam. Huius rei testes sunt, Theodericus Trevirensis archiepiscopus, Wolframus abbas de Wissenburg, Chunradus abbas de Mulenbrunnen, Daniel abbas de Sconavia, abbas Uterinevallis, abbas de Alba, atque abbas de Limburg, abbas de Otenheim, abbas de Sunnesheim, Eberhardus de Eberstein, comes Gotfridus et comes Chunradus de Calwe, comes Albertus de Lewenstein, Albertus de Antse, Rudolfus de Chiselowe, Marquardus de Wilre, Albertus de Rossewach, Waltherus pincernà de Sips, Beringerus frater suus, Heinricus magister coquine de Rotemburch, et alii quam plures. Signum domini Friderici secundi divina favente clemencia Romanorum regis et semper augusti et regis Sicilię. Ego Chunradus Metensis et Spirensis episcopus imperialis aule cancellarius, vice domini Sifridi Moguntinę sedis archiepiscopi et tocius Germanię archicancellarii recognovi. Acta

sunt hęc anno dominicę incarnacionis MCCXIII. indictione II. regnante domino Friderico secundo, Dei gracia Romanorum rege semper augusto et Sicilie rege, anno Romani regni ipsius II. Sicilie vero XVI. feliciter. Datum in civitate Spirensi III. kal. mensis ianuarii.

133. Innozênz III. pabst bestätiget dem domcapitel zu Speyer die patronatsrechte zu Esslingen. Rom, 1215 april 5.

Innocencius episcopus, servus servorum Dei, dilectis filiis, capitulo Spirensi salutem et apostolicam benedictionem. Iustis petencium desideriis dignum est nos facilem prebere consensum et vota, que a racionis tramite non discordant effectu prosequente complere. Eapropter dilecti in Domino filii vestris iustis postulacionibus grato concurrentes assensu ius patronatus, quod carissimus in Christo filius noster, F. illustris rex Sicilie in Romanorum imperatorem electus in ecclesiam de Ezelingen noscitur habuisse, sicut pie ac provide fuit ecclesię vestrę ab eodem rege concessum, et illud fuste ac pacifice possidetis vobis et per vos ecclesie vestre auctoritate apostolica confirmamus, et presentis scripti patrocinio communimus, salvo iure diocesani episcopi absque preiudicio aliorum. Nulli ergo omnino hominum liceat hanc paginam nostre confirmacionis infringere vel ei ausù temerario contraire. Si quis autem hoc attemptare presumpserit, indignacionem omnipotentis Dei et beatorum Pétri et Pauli apostolorum eius se noverit incursurum. Datum Rome apud

sanctum Petrum, nonas aprilis, pontificatus nostri anno septimo decimo.

134. Heinrich herzog von Brabant bestätiget dem domcapitel zu Speyer die überlassung der patronatsrechte zu Esslingen. St. Avold, 1215 aug. 22.

Heinricus Dei gracia dux Brabancię, universis presentem paginam inspecturis salutem et omne bonum. Ex serenissimi domini nostri Friderici Romanorum regis semper augusti et regis Sicilie et dilectorum dominorum nostrorum pariter et amicorum Th.. Trevirensis archiepiscopi et C. Metensis et Spirensis episcopi et imperialis aule cancellarii et ex multorum aliorum veredica relacione intelleximus, quod ea die, quo corpus dilectissimi domini nostri Ph.. Romanorum regis gloriosi in Spirensi ecclesia sepultum fuit, iam dictus domi

nus noster, F.. illustris Romanorum rex augustus et rex Sicilię, pro salute et remedio anime ipsius patrui sui incliti regis Ph. ecclesiam in Esselingen cum omni iure suo et omnibus possessionibus et tenenciis suis ipso quoque iure patronatus, multis principibus, comitibus, baronibus, ministerialibus astantibus, maiori ecclesię sanctę Marię in Spira contulit, ita ut ipsam ecclesiam in Esselingen deserviat in perpetuum canonicis Spirensis ecclesię et omnes proventus iam dictę ecclesię tam in possessionibus suis, quam in decimis, nec non oblacionibus et quibuscunque aliis proventibus de cetero cedant ad usus ipsorum canonicorum. Et quia filia prefati domini nostri Ph.. regis filio nostro matrimonialiter est coniuncta, ut ista donacio domini nostri F. Romanorum regis et regis Sicilie licet in se sufficiens sit, maiori niti iudicatur auctoritate, nos pro iam dicta puella, quam sicut veram sponsam filii nostri apud nos habemus, huic donacioni liberum et voluntarium consensum adhibemus et quidque iuris iam dicta domicella sponsa filii nostri in iam dicta ecclesia in Esselingen habere videbatur, racione paternę successionis, nos pro ipsa puella et pro filio nostro sponso ipsius, damus libere et absolute ecclesię sanctę Marię in Spira sicut a serenissimo domino nostro F.. Romanorum rege augusto et rege Sicilię factum esse cognovimus. Et ne de hoc questio possit oriri vel aliqua dubitacio, presentem inde cartam conscribi iussimus et sigillo nostro muniri. Datum apud sanctum Naborem anno dominicę incarnacionis MCCXV. XI. kal. septembris, indictione III.

135. Conrad III. bischof zu Metz und Speyer freiet dem Speyerer domcapitel den schultheissen von Diedesfeld und dessen Wohnung. 1216.

In nomine sanctę et individuę Trinitatis, amen. Episcoporum et aliorum ecclesię prelatorum officii est, vigili oculo et diligenti intencione hęc, que ad ecclesiarum quibus presunt, honestatem et utilitatem spectant et in parvis et in magnis expedire. Notum sit igitur tam presentibus quam futuris, quod nos Cuonradus Dei gracia Methensis et Spirensis episcopus, imperialis aulę cancellarius, Hernfridum scultetum in Dudinsvelt, contulimus Spirensi capitulo, cum eo iure, quo nobis fuit obnoxius, emancipantes eum, et curiam dominorum in qua est, ab omni debito servitutis, quo