nous avonmes ces présentes lettres saiellées de no séel. Faites et données en nostre maison et castiel en le Haye en Hollande, ce dimence tresime jour dou mois de march, l'an mil trois cens sissante et un. Dou command monsigneur le duc, présens dou conseil, Jehan de Bloys et monsigneur de Gommignies, J. DE HARVENG. S. PAR MONSGR. de Lalaing. On lit dans le compte du chapitre de Sainte-Waudru, de la Saint-Remi 1361 à la Saint-Remi 1362: « Au past maistre Tierri de Voppezoenne, liquels fu rechus en l'église, le venredi apriès le jour de grandes » Paskes', par le mort Robiert de Lingne, lx. s. blans. Valent tournois : » LXIIIJ S. IIл d. » CCCCXXX. Lettres du duc Albert, par lesquelles il accorde des statuts à la (8 mai 1362, au Quesnoy.) Aubiers, par le grasce de Dieu, dux de Baiwière, contes palazins dou Rin, bauls et gouvreneres des comtés de Haynnau, de Hollande, de Zellande et de le signerie de Frise, faisons savoir à tous que, pour moutepliier et amender le draperie de no ville de Hal et yceli soustenir et essauchier, al honneur et commun pourfit de no très chier frère le conte et signeur desdis pays, et de nodite ville de Hal, et ossi pour fortefyer de plus en plus no ville dessusdite, pour le pays de Haynnau aidier à deffendre, nous, par boin avis et par grant délibération sur chou euwe de pluiseurs personnes de no grant 122 avril 1562. consel et d'autres preud'ommes drapiers d'aucunes de nos boines villes de Haynnau à chou congnissans, avons, à le suplication et requeste des boines gens de nodite ville de Hal, donnet grasce et pooir que li commun drapier qui à présent sont à Hal puissent eslire et nommer un doyen, quatre jurés et un varlet sarmentet, pour le draperie de ledite ville de Hal warder et maintenir sur tel ordenanche que chi-apriès sera déclarée. Et chou fait, il déliveront les nons' par escript à no recheveur de Haynnau u à sen lieutenant à Hal et à no baillieu de ledite ville, et lidis recheveres u ses lieustenans et nodis baillius se pueent et doivent sur che consillier l'espasse de quinze jours, et devens ce tierme doivent chiaus u autres qui mieus seroient à ledite draperie pourfitauble à leur milleur et loyaul avis et par le consel et accort de le plus grant partie et de le plus saine des communs drapiers de nodite ville commettre et sarmenter èsdis offisses par souveraineté, ou nom de no très chier frère le conte, et pour les poins et articles de ledite draperie warder, et aront pooir, le terme d'un an, de faire et exserser tous les esplois qui à chou porront appertenir. C'est assavoir que chius doyens ara poissanche de coniurer et semonre les quatre jurés dessusdis de tous kas appertenans à leditte draperie, et cil juret porront et deveront loyaulment jugier à se semonse et au raport doudit varlet sarmentet audit doyen, liquels doit yestre de ses rapors creus par sen sairement, et tous les esplois, bans u amendes qui de chou porront kéyr lidis doyens doit lever et faire aemplir le jugement des jurés, sauf et réservet le haute justiche de vie, de menbres et de kas de crieme que retenut y avons sur cheaus qui le mefferoient. Et de tous ces esplois de ledite draperie sera tenus lidis doyens de compter cascun an une fie, quinze jours devant l'issue de sendit offisce, par-devant no recheveur de Haynnau u sen lieutenant à Hal, le baillieu, les eskevins de Hal, et les quatre jurés dessusdis. Desquels esplois, bans, lois u amendes, nous, ou non de no chier frère le conte, devons avoir le moitiet, lidis doyens le quart et li quatre juret de ledite draperie l'autre quart. Et le jour de ce compte, qui se fera cascun an quinze jours devant le jour saint JehanBaptiste doivent lidit doyens et juret eslire et nommer loyaulment et par leur sairemens, un autre doyen et quatre jurés, pour l'année ensuiwant, des plus pourfitaules et loyauls qu'il saront en toute ledite draperie selonch leur avis, et d'ichiaus doivent délivrer les nons sanlauvlement audit recheveur, sondit lieutenant et ledit baillieu, liquel en aront le quinzaine ensuiwant leur consel, pour chiaus u autres sarmenter èsdis offisses par tel consel et en le manière que dessus est dit, et cil porront et deveront esploitier, jugier et faire tout chou qui à leur offisse appertenra, en rendant et faisant compte par-devant les dessusdis, en le manière et par tels devises que deseure est dit, et ensi d'an en an, de là en avant, tant que li ordenanche de ledite draperie durra. Et donnons plain pooir audit doyen et asdis jurés, les deus d'iaus u leur varlet sarmentet, de aler vir tous les ouvraiges de chiaus qui de ledite draperie se melleront, et de jugier, à le semonse dou doyen, toutes les amendes qui apparroient yestre fourfaites par le rewart de deus desdis jurés u le raport ledit sarmentet, toutes fois et quantes fois que boin leur sanlera ; et de sarmenter par ledit doyen tous chiaus qui de ledite draperie se melleront, pour dire vérité de chou que li juret leur demanderont, à le requeste doudit doyen, toukant ledite draperie. Et porront lidis doyens et sarmentet u li uns d'iaus esploitier, arriester, paner, serganter et avoir le congnissanche, par le jugement desdis jurés, de tous kas qui de ledite draperie se pueent u porront dépendre. Et s'aucuns faisoit, sans main mettre, vilenie, ne disoit lait asdis doyen, jurés et sarmentet, u à l'un d'iaus, chiuls u cille qui le feroit, seroit à quarante solz et amendet au dit des jurés, et s'en seroit creus chius à cuy on le feroit, par se sairement, et se on y metoit main, on en seroit à otel amende que de nos autres siergans de le contet de Haynnau. Apriès, nous volons que de cose qui puist toukier à ledite draperie nuls ne se puist traire à autre justiche que asdis doyen et jurés, sur le ban de quarante sols, et toudis demoront le congnissanche asdis doyen et jurés. Item, volons-nous que lidit doyens et juret soient ensanle un jour en cascune semaine pour faire droit et loy à tous chiaus qui poroient avoir à faire de ledite draperie. Et se lidis doyens estoit malades u hors de le ville, nous volons qu'il ait poissanche de mettre un lieutenant, par le conseil deseuredit. Et s'aucuns refusoit à yestre èsdis offisses, nous volons que lidit juret le puissent jugier à quarante sols et aemplir le dit des jurés. Et se doyen ne juret n'y voloient entrer, nous volons que no justiche de Hal en puist constraindre yauls et leur biens. Et s'il avenoit que li doyen u juret, par mort, par maladie u par nécessitet, ne peuwissent ledit offisse faire, nous volons que no gent deseuredit, par tel consel avoech que dit est, puissent remètre autres en se lieu de ledite draperie. Et s'est no entente et volenté que li varlės sarmentés de ledite draperie puist demorer oudit offisse tant qu'il plaira asdis doyen et jurés. Et toutes les fies qu'il vorront, en quel an et en quel tamps que ce soit, nous volons qu'il le puissent roster et un autre remètre en se' lieu. Apriès, nous avons ordenet sur le mestier de taintenerie, que nul taintenier, leur varlet, ne leur meskine, ne nul de leur maisnies ne feront, ne feront faire, pour yauls ne à leur pourfit, drap ne pièce, sur l'amende de dys sols tournois, le drap et le pièche avoir fourfaite et pierdue, et que li tainteniers ne boulle, après le premier boulage, layne, drap, pièche ne fillet, sur l'amende de xxv s. t., et qu'il ne taingne layne ne drap en autre scorche que en scorche de gaillier u de rachinnes de gaillier, sur l'amende dessusdite. Item, se li tainteniers mes taint layne u drap si que par luy y ait deffaute, enmiendrer le doit au drappier par le dit dou doyen et des jurés. Et avoech ce, sera-il al amende de xx s. t. Item, ara li tainteniers, pour sen boulage de un drap, de pièches et de layne tel fuer que li doyens et li juret li metteront et ordeneront en droite loyaulté et par raison, selonch le fuer desous et deseure ens és autres boines villes proïsmes resaulans à le drapperie de Hal, et ossi le courtesie des varlés. Et que nus tainteniers ne taingne de nulle autre tainture que de waide, de waranche, de grayne, de woude et d'escorche u rachinne de gaillier, si que dit est; ne ossi que nuls tainteniers en le ville de Hal ne puist taindre à nul marchant de dehuers drap ne pièce que lidis marchans aist accatet à Hal de le tainture et estoffe ledit marchant, sur l'amende de x livres tournois. Et ossi quelconques drappiers qui le feroit faire de le ville de Hal del estoffe ledit marchant u qui que ce feroit faire seroit al amende de x livres tournois, si que dit est, à tant de fois que seut u trouvet poroit yestre u raportet par ledit sarmentet. Item, au point de le layne pinier, avons-nous ordenet que nulle pineresse ne pingne de trois pynes, sur l'amende de v s. et ses pinnes avoir fourfais, et seront li pinne de tel longhèce que li doyens par les jurés en donra le mesure à sen varlet juret. Et de cascun dent de pinne qui seroit trop court seront al amende de 1 d. t., et s'il en y avoit en un pinne plus de IJ cours, si seroit fourfais li pynes et avoech ce al amende de v s. t. Item, se ne porra li pineresse avoir ne enprunter pour tenir devens 1 Se, son. que se maison nulles balanches, pois ne pesiaul, sur l'amende de v s. t. Et nulle pyneresse ne puist avoir ne tenir en se maison deus manières de bleuwe layne, deus manières de blancke, ne deus manières de marbret, ne deus manières de layne ù il n'ait mellure. Et qu'il ne puist avoir en se maison que trois pières de layne à une fie ne qu'elle ne puist aler ouvrer pour pynier à le maison se visin u visinne ne en nulle autre maison que en le sienne, se ce n'estoit à le propre maison dou drappier cuy laine elle pyneroit. Et qu'elle ne tingne le layne de nulluy que quinzaine que pynie ne soit u reportée au drappier devens ce jour. Et tous ces poins, sour l'amende de v s. t. tant de fois qu'elle briseroit ledite ordenanche en aucuns des poins dessusdis. Item, que li pyneresse ne dira à autre plus qu'elle ne waingne, sur v s. Et s'il yiert seut u trouvet que li pineresse coukast se layne en trop frech lieu, elle seroit al amende de v s. Et s'elle le moulloit u roindesist, à xx s. t., et avoech ce, yestre enkéuwe et atainte enviers nous en tel punission qu'il appertient à tel fait. Et s'elle ne avoit le layne pynye bien et loyaulment par que faute y euist, elle l'en amienderoit au drappier, par le dit dou doyen et des jurés, et avoech che, seroit al amende de v s. Item, que nuls homs faisans pynes u qui les tingne à loyer u qui les reuwisse u venge, n'en aist ne tingne nul pynne à se maison pour vendre, prester u leuwer, ne auwische nul qui ne soient lonch d'otel muison et longhèche qu'il sera li mesure qui leur sera délivrée dou doyen et par les jurés, et sur l'amende de v s. t., et avoir fourfait et pierdut lesdis pynes. Item, au point dou fillage, que les filleresses filleront bien et loyaulment en boin et souffissant fillet; si ne tenront en leur maisons deus manières de bleu, deus manières de blanc, ne deus manières de marberet, ne deus manières de nulle layne ù il n'a mellure, ne ne coukeront le layne à le terre, et tout sur l'amende de 13 s. t. tant de fois que trouvet u seut sera. Et s'elles moilloient u roindissent le layne u le fillet, si seroient à xx s. t., et à nous en otel fourfait et punision comme à tel cas appertient. Et se elles ne avoient bien fillet, si le doivent enmiendrer au drapier, au dit dou doyen et des jurés, et avoech ce yestre al amende de IJ S. t.; ne puelent ne doivent tenir ne avoir ne ossi emprunter en leur maison nulles balanches, pois ne pesiel, sur l'amende de IJ s. t. Item, au point sur le tellerie, si est ordenet premièrement que nuls drapiers ne drappière ne ourdira nul drap plus court que li mesure que li doyens et li juret en ordeneront, ne lonch drap |