y

ne court, sur l'amende de xx s. t., c'est assavoir: J lonch drap XLVIIJ asnes, li cours draps XL alnes et li demis-lons draps xxIIIJ, sur l'amende de xx s. Item, li doyens et li juret mesurront les polies del ourdieur cescune année une fois. Et s'il erent trouvet plus court qu'il ne deuwissent yestre selonch les mesures c'on li aroit délivret, seroit-il à XL s. Item, que nuls drappiers ne ourdira en-desous LX s., sur l'amende de xv s., s'il n'estoit que li stains pesast de un mellet drap xxv l.; adont poroit-il ourdir à LVIIJ. Item, un bleu drap LXX et nient mains, s'il n'estoit que li stains pesast xxIII livres: se poroit yestre en LXIX. Item, un blanch LXXV et pour mains. Et qui là en-desous ourdiroit, il seroit à xv s. t. Et quiconques ourdira un drap à taindre à un rouge liste sera-il al amende de XL s. Et li drappiers cuy li draps sera, à x livres. Item, cescuns telliers tistera bien et souffissanment tous draps et pièces, et en cescun drap et pièche le propre ensengne dou drappier cuy li draps sera, sur l'amende de xx s. t. Et se uns draps ert maul tissus et que deffaute euist d'autre fillet royés u en autre manière, à le deffaute doudit tellier, si l'amenderoit lidis telliers au drappier par le dit dou doyen et des jurés. Et se seroit al amende de xx s. t. Item, que nuls telliers ne die à autre plus qu'il ne waingne, sur l'amende de v s. Et se aucuns telliers blasmoit, par manière de rigeur u par yre sen compaingnon u un autre tellier de chou qu'il waingnast pau u mains de luy u d'un autre, il seroit à xx s. t. Item, que lidit tellier yront sus et jus de leurdit ouvraige par le commune cloke qui à ce est ordenée, sur tel amende que leur journée monte, et que nuls telliers de draps ne tiengne à se maison ostilles de toilles qui se cheuist de tistre draps, sur l'amende de xx s. t. Item, au point de noppage, quiconques voet tenir ouvraige doudit mestier, se aucune de ses ouvrières un drap u pièce sakast, fournoppast, ardesist u deskirast, dont plainte venist par-devant le doyen et les jurés, si l'amenderoit li maisteresse des ouvraiges au dit dou doyen et des jurés, au drappier cuy li draps u pièce seroit, et avec ce, seroit al amende de v s. t. Et li premiers draps u pièche qui premiers sera aportés à leur maison que elle aist enconvent à nopper, celi doivent parnopper premiers sans autre drap u pièche commenchier u faire, sur l'amende de v s. Item, que nulle maisteresse d'ouvraige de nopperie ne nes unnes de ses ouvrières ne autre u autres, de par li, drap ne pièce ne scouveront de ramon ne d'autre cose, pour yestre plus ouvert et mieus paroir, sur l'amende à ledite maisteresse de 1J S. vл d. t., et li ouvrière qui le feroit à

xv d. et de plus tant à cescune. Item, toutes ouvrières de nopprie, retailleresses et autres ouvrières qui œvrent à journée, yront sus et jus à le cloke et désierviront leur journée, sur l'amende de leurdite journée. Et quelconques drappiers u drappière devra plus u mains de journée à ses ouvrières qu'il sera ordenet par le doyen et les jurés, sera al amende de x s. tant de fies que l'aroit fait. Item, li doyens et li juret à ш termes l'an poront et deveront hauchier et abaissier, se mestiers est, les journées des ouvrières de nopprie et de retaillerie. Item, que nulle ouvrière ne voist ailleurs ouvrer par nuit, entre le moyenne dou mois de may et le moyenne dou mois d'aoust, que à sen maistre ù elle cevre le jour, sur l'amende de x1 d. t. Item, au point de foullerie, que li foullons cescun drap u pièce embrouera bien et souffissanment, et se bien ne l'avoit fait, se li convenroit refaire et rembrouer, et avoech ce, seroit al amende de v s. qui s'en plainderoit. Item, si aront li foullon de cascun drap et pièche le fuer de fil fordes, et ne doivent foller ne faire doy follon en un vaissiaul, le semaine, que J lons draps u J lonch drap et lawres de 1J pièces, et qui plus en feroit u laveroit, seroit à xx s. t. tant de fies qu'il le feroient u aroient fait. Et quelconques foullons qui plus demandera à nul drappier u fera demander plus que le fuer qui enjoins leur sera, si que dit est, à cescune fois sera à xx s. t. Et li drappiers qui plus donroit, à XL s. Et s'il estoit u fust trouvet aucune deffaute à drap u à pièche que aroient foullet, qu'il ne fust bien fait et souffissanment, se seroient al amende de xx s., et avoech chou, sorroient au drappier` son damaige par le dit dou doyen et les jurés. Item, entre Pausques et le SaintRemy, ne doit aler nus follons al œvre devant le cloke au jour, sur l'amende de ш s. t. Item, au point des polies, que li maistres des polies les metera et tendera asdites polies il et une ayuwe dou mestier avoech li, et quant li draps sera à polies, si est-il en le warde doudit maistre et ossi quant il est livrés à leur maison, et l'en doivent roster, entauvler et ployer par le consel le doyen et les jurés. Et s'il le rostoit u il le metoit u le tendesist u donnast larghèche par luy seulement, sans ayuwe, seroit-il al amende de x s. t. Item, que nuls maistres des polies ne ployèche nul drap s'il n'est sayellés, sur l'amende de x livres tournois u autres ossi, quiconques le ploieroit. Et quiconques ploiera un drap ou ploit de le drapperie de Hal qui ne fust foullés, tissus ne drappiés à Hal, fust lons draps u cours, seroit al amende de ш livres. Item, on ne ployera nul lonch drap ou ploit de lons draps, qui TOME II.

3

soit trop cours plus de une asne, sur l'amende de II livres tournois. Et se doit uns lons draps blans piers, une eskarlatte avoir le larghèche de 11 asnes u x3 quartiers et demy, et nient mains, et uns autres lons draps x quartiersdemy et nient mains de xs, et qui mains en aroit, point ne seroit sayellet, et un cours draps doit avoir de let x quartiers u x quartiers et demi, ne plus ne mains. Item, se yra li doyens et li juret mesurer les polies et ensognier, et pour cescun quartier que uns draps sera trop cours, sera li drappiers al amende de v s. Et ensi des demis-draps et des cours. Item, cescun jour se yront doy des jurés en polies rewarder les draps, que faute n'y ait, et pour là-endroit sayeller chiaus qui seront boin et loyaul, et se ne sayelleront nul drap qui soit trop cours plus de une asne u demieasne à demy-drap. Et se li dras u li demy-draps est royés dou stain u de traime u maul ou mius tains par taches, u qu'il ne soit bien et loyaulment fais, drappiés de tous mestiers sicomme uns boins draps et fins doit yestre, ne seroit point sayellés ne ploiiés ou ploit des autres fins draps. Et tout chou feront lidit juret bien et loyaulment sur leur sairement à leur boin pooir, sans nulluy espargnier ne déporter. Et se li juret ne le faisoient, si que dit est, no justiche de Hal les en puet et doit coregier selonch leur meffait. Et se uns draps deskiroit as polies jusques à v asnes u mains, celi on refroit et stouproit bien et souffissanment à deus coustures. Et s'il en fust plus deskiret de v asnes, si ne seroit point saellet sans le consel dou doyen et des jurés. Item, se paiera-on dou sayel de cascun drap пJ d., et pour un demy-drap 13 d. t. Item, si est ordenet encore que nul drappier ne puelent faire estoupper ne ajoindre ensanle deus demy-draps pour un lonch drap faire, ne ossi ne porront un lonch drap retaillier ne coper en deus pour restoupper et refaire. pour livrer pour un lonch drap, s'il ne fust qui li meskeist as polies par vent u par autre meskanche, veuwe et seuwe par le doyen et les jurés. Et adont on en feroit par le consel dou doyen et des jurés, et tout chou de cascun point dessusdis qui enkéus y seroit, al amende de xxx s. t. Item, au point del estoupage des dras, que chius qui les estouppe n'y fera nulle trevierse, cousture ne brisure qu'il troeve s'il nel fait double ; et s'il convient faire une cousture trevierse, que point nel fache sans avoir monstret devant au doyen et as jurés, et qu'il ne prenge plus haut fuer que li doyen et li juret li asseront, enjoinderont del avoir. Et se aucuns dékéoit u deffaloit de faire aucuns de ces poins chi-dessus u qu'il fust trouvés en def

y

faute, seroit pour cescun meffait al amende de xx s. t. Item, tout chil qui vorront faire pièches pour viestir et qu'il ne font nul drap entier, aporteront le layne dont faire le vorront, blanke et sans yestre retaillie, devant le doyen et les jurés, et leur moustera en disant quel cose et de quel couleur il en vorront faire. Et quant li pièche en sera tissue, le deveront reporter de requief par-deviers les jurés pour saeller, et on donra pour le saiel de cescune pièce 1 d. t. Et se ce ne faisoient, se seroient al amende de xx s. t., et le layne u pièche fourfaite et avoir pierdue. Item, li drapier en toutes pièces qu'il feront de leur main en leur ostel, y feront tistre leur ensaigne, sur l'amende de x s. t. Et ossi cescuns drappiers, pour cescune pièce qu'il fera, donra pour le sael 13 d. t. Item, nuls ne porra faire drap ne pièche de flockon, de drommos, de aingnelin, de gardure ne camelot tissut sur stain de lingne fillet, ne meller, en drap ne en pièce, avocques autres laynes, sur l'amende de xx s. t. et li drap et pièce avoir fourfait et pierdut. Item, toutes fois que li drappier marchant de Hal seront huers à leur drap as foyres, se li doyens u aucuns des jurés y est avœcke, qu'il sera là-endroit doyens, u li jurés, se li doyens n'y estoit par li. Et s'il n'y avoit ne doyen ne juret à celle foere, si en prenderoit et esliroit li doyens, j autre, au partir les compagnons de Hal par les ... jurés ; et cils seroit sarmentés, ou non' de nous et par nos gens, de retenir et warder le droit del ordenanche de ledite draperie. Et bien est assavoir qu'en nulle foere ù il ait draps de Hal à vente, nul drap qui ne sont sayellet dou séel de Hal n'y porront yestre ne demorer, sur l'amende de xx s. t. et le drap avoir fourfait. Item, que toutes boines gens de dehuers puellent faire drap et pièces sur leur assises et sur le droit del ordenanche de le draperie, mais cil drap ne porront yestre à nulle foere ne à nulle vente avocke les draps de ledite ville de Hal ne huers ne devens, sour le drap avoir fourfait et pierdut. Item, que nuls de Hal ne porra accater point de fillet de dehuers, pour faire drap, sur le drap et filet avoir fourfait et pierdut. Item, de tout chou que li doyens, as foyres dehuers, ordenera, par l'accort dou plus des compagnons qui là seront en estragnes marches et pays, al honneur et pourfit de nous, et pour tous damages et poursuites escuwer, qui à nous, à le ville de Hal u à l'ordenanche de ledite drapperie en porroit naistre et parvenir, que chius accors sera tenus sur l'amende de x livres

'Ou non, au nom.

tournois, et avœch chou, aroit fourfait à touttes foires et ailleurs les halles de Hal. J. an, sans nulle autre halle faire, asdites fueres, sur le non u calandise de ledite ville. Item, que à nul drap que on vendera de le ville de Hal as marchans de ledite ville, pour mener as foeres u pour faire leur boin pourfit, ne puellent partir que doy compagnon ensanle de celi marchandise, sur x livres tournois. Item, que li doyens et li juret, par le consel dou bailliu et eskevins de Hal, commetteront. J. colletier sarmentet. Et cils ira avœch les marchans en le manière que li doyens et li juret leur ordonneront et deviseront. Et se doit avoir de cescun drap qui sera vendus IJ gros de halle. Et se plus en prendoit, il aroit fourfait sendit offisce. Et qui plus en donroit, il seroit à xx s. t. Item, que nuls ne monstre drap ne ne vingne as marchans de dehuers ne de dedens, se li colletiers sarmentés n'y est délés, sur xx s. t., et au coulletier sen coulletage. Item, se aucuns osteliers u leur varlés u leur maynies u li colletiers sarmentés vingnent de dehuers avæk les marchans, cils aroit de cescune livre I d. t. Et parmy chou, li osteliers responderoit à cescun de sen argent, s'il ne fust ensi que lidis drappiers en denast plus long jour de paiement audit marchant. Item, quelconques des compagnons drappiers de Hal, as foires dehuers, sake .j. coutiel sur .j. autre compagnon de se compagnie, mais qu'ils soient en autre païs huers de le contet de Haynnau, si en seroit al amende de x livres tournois; et pour j. cop dou poing à c sols, et amenderoit à le partie bien et souflisanment par le dit dou doyen et des jurés; et se ce ne volsist faire, si aroit fourfait j. an, et pierdut sen mestier de le drapperie et ossi de ledite marchandise. Item, quelconques homs de devens le ville u autres marchans de dehuers qui accattera draps de Hal, on li livrera par le colletier, par le droite messure estrike, par le cecle. Et de ce ara li colletiers al accateur vs d. t. Et se li draps iert trouvés trop cours au mesurer, si sera rabattut al accateur à le quantitet qu'il consta premiers en gros au drappier. Item, que li drappier de le ville de Hal puissent vendre et accater toute leur drapperie de tel argent et de tel monnoie con plus on use ens és proïsmes villes, dont li marchant plus repairent et viennent à Hal, et ossi asquels li drapperie de Hal est plus sanlaule et mieuls se poursuit. Et que ossi de tel monnoie puissent faire ouvrer et arisner comme les proïsmes boinnes villes font mieus, poursuiwant leurdite drapperie et leur ordenance dessusdite. Item, avons-nous ordenet et accordet que s'il sanloit boin as