divina provecti desiderantes Civitatem predictam ac illi adiacentem patriam divini muneris largitate concessa inextinguibili sapientie lumine illustrari, easque sanis peritorum consiliis et maturitate fulciri, generale studium in eadem Civitate statuimus et ordinavimus inchoandum ac tam in sacra pagina et utroque iure quam quavis alia licita facultate perpetuis futuris temporibus vigere, necnon legentes et studentes ibidem omnibus et singulis privilegiis libertatibus, honoribus exemptionibus et immunitatibus, Magistris doctoribus et studentibus in generali studio Civitatis nostre Bononiensis pro tempore commorantibus et residentibus etiam uti et gaudere posse et debere prout in nostris inde confectis litteris plenius continetur. Cum igitur volentibus in scientiis in dicto studio proficere ex proventibus ecclesiasticis liberalius deceat adesse presidium quo illi temporibus oportunis in ecclesiis et beneficiis ecclesiasticis per eos obtentis fructum affere poterunt uberiorem. Nos considerantes manipulos fructuum qui de laboribus studentum in area ecclesie congeruntur, ac cupientes ecclesie que viris litteratis permaxime noscitur indigere profectum huiusmodi promovere tenore presentium apostolica auctoritate perpetuo statuimus et ordinamus atque decernimus quod omnes et singuli in eodem studio postquam rite inchoatum fuerit pro tempore legentes et studentes ac eorum posteri litterarum studio huiusmodi insistendo seu in eo legendo fructus redditus et proventus omnium suorum beneficiorum ecclesiasticorum que in quibusvis ecclesiis sive locis tunc obtinent et eos obtinere contigerit quecunque quotcunque et qualiacunque sint cum ea integritate quotidianis distributionibus dumtaxat exceptis percipere possint et debeant cum qua illos perciperent si in ecclesiis sive locis huiusmodi personaliter residerent et ad residendum interim in eisdem minime teneantur nec ad id inviti valeant coarctari. Non obstantibus tam felicis recordationis Bonifacii pape VIII. predecessoris nostri per quas concessiones huiusmodi sine prefinitione temporis fieri prohibentur et aliis apostolicis generalibus vel specialibus per sedem apostolicam vel illius Legatos aut etiam in provincialibus vel sinodalibus Conciliis editis Constitutionibus et ordinationibus, aut si legentes et studentes huiusmodi in eisdem ecclesiis sive locis primam non fecerint personalem residentiam consuetam, et aliis in quibus beneficia huiusmodi forsan fuerint ecclesiarum statutis et consuetudinibus iuramento confirmatione apostolica vel quacunque firmitate alia roboratis contrariis quibuscunque, etiam si de illis servandis et non impetrandis litteris apostolicis contra ea et ipsis litteris non utendo etiam ab alio vel aliis impetratis seu motu proprio vel alias quomodolibet concessis iidem legentes et studentes per se vel procuratores suos prestiterint hactenus vel medio tempore eos prestare contigerit forsitan iuramenta. Aut si locorum ordinariis, a sede predicta sit indultum vel imposterum indulgeri contingat quod Canonicos et personas aut alios beneficiatos suarum Civitatum et diocesium etiam in dignitatibus personatibus administrationibus vel officiis constitutas per subtractionem proventuum suorum ecclesiasticorum vel alias compellere valeant ad residendum personaliter in eisdem. Aut si eisdem ac dictarum ecclesiarum Capitulis vel quibusvis aliis communiter vel divisim ab eadem sit sede indultum vel imposterum indulgeri contingat quod Canonicis et personis beneficiatis ipsarum ecclesiarum et diocesium etiam in dignitatibus personatibus administrationibus vel officiis constitutis non residentibus in eisdem vel qui in ipsis huiusmodi non fecerint residentiam consuetam fructus redditus et proventus Canonicatuum et prebendarum ac dignitatum personatuum administrationum vel officiorum earundem ecclesiarum et aliorum beneficiorum suorum ccclesiasticorum minime ministrare teneantur et ad id compelli non possint per litteras apostolicas non facientes plenam et expressam ac de verbo ad verbum de indulto huiusmodi mentionem, et quibuslibet aliis privilegiis indulgentiis et litteris apostolicis generalibus vel specialibus quorumcunque tenorum existant per que presentibus non expressa vel totaliter non inserta effectus earum impediri valeat quomodolibet vel differri, et de quibus quorumque totis tenoribus in nostris litteris de verbo ad verbum haberi debeat mentio specialis. Proviso quod beneficia huiusmodi debitis propterea non fraudentur obsequiis et animarum cura in illis quibus illa imminet nullatenus negligatur, sed per bonos et sufficientes vicarios quibus de beneficiorum ipsorum proventibus necessaria congrue ministrentur diligenter exerceatur, et deserviatur inibi laudabiliter in divinis. Nulli ergo omnino hominum liceat hanc paginam nostrorum statuti ordinationis et constitutionis infringere vel ei ausu temerario contraire. Si quis autem hoc attemptare presumpserit indignationem omnipotentis dei et beatorum Petri et Pauli Apostolorum eius se noverit incursurum. Datum Mantue Anno Incarnacionis dominice millesimoquadringentesimoquinquagesimonono, pridie Kal. Januarii, Pontificatus nostri Anno Secundo. Jo. de Tartarinis. VI. Bulle vom 31. December 1459 an den Abt von Himmelspforte, den Domdecan von Basel und den Probßt von St. Peter dem Jüngern in Straßburg. Vgl. S. 30. Pius Episcopus servus servorum dei Dilectis filiis Abbati Monasterii Celiporte Constantiensis diocesis, et Basiliensis ac sancti Petri iunioris Argentinensis Ecclesiarum Decanis salutem et apostolicam benedictionem. Hodie ut in universitate studii quod in Civitate Basiliensi inchoandnm ac tam in sacra pagina et utroque iure quam quavis alia licita facultate perpetuis futuris temporibus vigere debere statuimus et ordinavimus, proficiendi facultas excresceret et facilius discendi facultas tribueretur, similiter statuimus et ordinavimus atque decrevimus quod omnes et singuli qui in eodem studio postquam rite inchoatum foret pro tempore legentes et studentes, ac eorum posteri in litterarum studio huiusmodi in facultatibus predictis insistendo seu in eis legendo fructus redditus et proventus omnium suorum beneficiorum ecclesiasticorum que in quibusvis ecclesiis sive locis tunc obtinerent et eos obtinere contingeret quecunque quotcunque et qualiacunqe essent cum ea integritate quotidianis dumtaxat distributionibus exceptis libere percipere valerent et deberent, cum qua illos perciperent si in ecclesiis sive locis huiusmodi personaliter residerent, et ad residendum interim in eis minime tenerentur, nec ad id inviti valerent coarctari prout in nostris inde confectis litteris plenius continetur. Quo circa discretioni vestre per apostolica scripta mandamus, quatinus si et postquam dicte littere vobis presentate fuerint per vos vel alium seu alios prefatis studentibus et legentibus quamdiu in studio ac in aliqua ex facultatibus huiusmodi studuerint sive legerint vel procuratoribus suis eorum nominibus fructus redditus et proventus beneficiorum huiusmodi iuxta dictarum nostrarum litterarum tenorem auctoritate nostra integre ministrari faciatis non permittentes eos per locorum ordinarios ac dictarum ecclesiarum Capitula, vel quosvis alios contra earundem litterarum nostrarum formam quomodolibet molestari. Non obstantibus omnibus que in dictis aliis litteris voluimus non obstare. Seu si ordinariis et Capitulis prefatis vel quibusvis aliis communiter vel divisim, a sede apostolica sit indultum quod interdici suspendi vel excommunicari non possint per litteras apostolicas non facientes plenam et expressam, ac de verbo ad verbum de indulto huiusmodi mentionem. Contradictores auctoritate nostra appellatione postposita compescendo. Datum Mantue Anno Incarnacionis dominice Millesimoquadringentesimoquinquagesimonono Pridie Kal. Januarii, Pontificatus nostri Anno Secundo. pro Servatio Jo. de Tartarinis. |