landen militi et Johanni Bremensteyn magistro zunfftarum antedictis, ad supplicandum dicto domino Georio de Andlo pro Rectore nominato ut onus Rectorie subiret et acceptaret, deputavit et ad eundem dominum Georium destinavit; qui facientes eidem domino Georio supplicacionem humilimam de premissis, idem dominus Georius nominacioni et deputacioni dicti Reverendi patris domini nostri Basiliensis resistere non volens, sed pocius supplicacionibus dictorum oratorum ad eum missorum annuere, onus huiusmodi Rectorie humiliter subivit et acceptavit, prefatumque Reverendum patrem dominum nostrum Basiliensem ante dictum summum altare accessit, et se coram sua paternitate flexis genibus constituit, Nec non ad delacionem eiusdem Reverendi patris domini nostri Basiliensis Cancellarii idem dominus Georius ut Rector dicte universitatis supra pectus suum et more prelatorum de promovendo commodum et utilitatem eiusdem universitatis et illius suppositorum dampna vero precavendo pro nosce et posse statutaque et ordinaciones pro ipsa universitate fiendas et fienda servando et alia que Rectorem pro tempore concernunt fideliter faciendo et adimplendo publice et cum debita sollempnitate iuravit. Quemquidem dominum Georium ut ipsius universitatis et studii Basiliensis rectorem dictus Reverendus pater dominus noster Basiliensis iuxta se statuit et collocavit, et ad statim Chorus dicte Ecclesie nota etiam sollempni canticum laudis Te deum laudamus decantavit. Illoque decantato et finito supradicti oratores et deputati Consulatus Basiliensis, organo antefati domini Johannis de Flachslanden militis coram prefatis Reverendo patre domino nostro Basiliensi tamquam Cancellario ac domino Georio de Andlo uti Rectore dicte universitatis de tradendo salvum conductum universitati et studentibus atque suppositis eiusdem, iuxta omnes necessitatem statuta et ordinaciones atque privilegia et libertates pro eiusdem honore utilitate et stabilimento faciendo et edendo quantum in consulatu Basiliensi consisteret et alia facienda faciendo cum omni diligencia et pro toto posse se et consulatum Basiliensem obtulerunt. Super quibus premissis omnibus et singulis Reverendus pater dominus noster Basiliensis Cancellarius ac dominus Georius de Andlo Rector ipsius universitatis et eciam Oratores Consulatus supradicti nomine quorum supra Nos infrascriptos Notarios instanter requisierunt quatenus eis unum vel plura publicum seu publica conficeremus instrumentum et instrumenta. Presentibus ibidem Venerabilibus et peritis honorabilibusque et discretis viris dominis Laurencio Kron Officiali Curie Episcopalis Basiliensis, Wernhero Wölfflin arcium et medicine doctore, Jeronimo Künlin in decretis licenciato, Nicolao Lützelburger et Conrado Boumhower presbiteris et Cappellanis dicte Basiliensis Ecclesie, Wunewaldo Heidelbeck dicti domini nostri Basiliensis Secretario, Johanne Strus Notario, Wilhelmo Spül, Johanne Erlebach et Ulrico Krug, Curie Basiliensis predicte causarum procuratoribus, et pluribus aliis fide dignis personis testibus ad premissa vocatis pariter et rogatis. Quo facto mox et illico cum iamdictus Reverendus pater dominus noster Basiliensis dicte misse de sancto spiritu decantabat et continuabat officium, Nos subscripti Notarii super hoc requisiti, pro uberiori premissorum execucione et publicacione, litteras apostolicas preinsertas valvis sive portis sepedicte Ecclesie Basiliensis publice affiximus et sic affixas aliquamdiu stare permisimus; ita quod huiusmodi apostolice litere ab omnibus dictam Ecclesiam intrantibus legi poterant et videri. Tandem ipsas litteras a dictis valvis removimus, copiam preinsertarum litterarum cum eidem debite auscultatam et eciam affixam ibidem relinquentes. Super quibus premissis sepefatus magister Conradus Künlin prothonotarius nomine Consulatus Basiliensis nos subscriptos notarios instanter requisivit, Quatenus unum vel plura publicum seu publica conficeremus instrumentum et instrumenta. Acta fuerunt hec anno domini indiccione mense hora loco et pontifi catu quibus supra. Presentibus ibidem honorabilibus et discretis viris dominis Heinrico Ougershein plebano Ecclesie Sancti Theodori minoris Basilee Constanciensis diocesis, Petro Johanne Blattner presbitero Basiliensis Civitatis, Ludowico Moser substituto magistri Conradi prothonotarii et Aberlino Friess Incola Basilensis, testibus ad premissa vocatis pariter et rogatis. Notariatszeichen und Beglaubigung des Johannes Friederich de Munderstat, Clericus Herbipolensis dyocesis, publicus sacra Imperiali auctoritate et Venerabilis Curie Episcopalis Basiliensis Notarius Collateralis et scriba Juratus. Idem: des Johannes Ytelclaus de Munderstat, Clericus Herb. dioc. etc. wie vorhin. VIII. Proclamation und Einladung des Rectors Georg von Andlo zum Besuch der Universität Basel, vom 7. April 1460, Vgl. S. 35. Universis et singulis Christi fidelibus presentes literas lecturis seu audituris Nos Georgius de Andelo prepositus Ecclesie nec non Rector et universitas Novelli Studii Basiliensis Salutem in domino sempiternam et subscriptis fidem credulam firmiter adhibere A summis celorum regalibus sedibus progrediens unigenitus dei filius salutem humani generis In medio terre perfecturus hoc suo mundum post sui ad patrem reditum gracie dono munire dignatus est quo stabilis semper maneret et illibata summa veritas Cuius per doctrine et sciencie studium agnicio mentes hominum que originalis culpe nubilo fuscate concreate sibi Intelligencie vigorem amiserant cooperante spiritus sancti gracia illustraret Cuiusque auxilio Deum suum intelligerent diligerent et debito cultu illi exhibito illum ut finem comprehendereut summe felicitatis Esset quoque in perfectione intelligens solerti perquirenda hominibus quasi vita beata et eruditorum ad iusticiam splendor quasi stellarum in perpetuas luceret eternitates Ipsius denique dei in terris vicarii catholice Ecclesie summi pontifices eius salubriter Insequentes vestigia iugi solercia curaverunt fontalem sciencie originem multipharie in commissum sibi dominicum gregem per generalium studiorum fundamenta indelibiliter derivare Ut sic undique irrigua plantacio salutis vigeret que ut cedrus libani omnibus heresum et errorum depressis versuciis exaltata fidem sanctam conservaret illesam qua fidelium anime in caritate formate demum feliciter suo redderentur creatori hinc est quod cum Sanctissimus in Christo pater et Dominus noster Dominus Pius digna dei providencia papa secundus eadem qua sui predecessores romani pontifices pietate permotus nuper de apostolice potestatis plenitudine per patcutes apostolicas litteras statuerit et ordinaverit in Inclita civitate Basiliensi quam ad hoc aptissimam personali suo dum in minoribus esset comprobavit incolatu perpetuis temporibus esse debere et vigere studium generale adinstar generalis studii Bononiensis Illudque eisdem emunitatibus et privilegiis quibus Bononie studentes et legentes potiuntur nec non eciam hoc amplissimo privilegio quod Basilee legentes et studentes omnibus suorum beneficiorum grossos fructus et proventus ac si presentes essent in illis residendo sine temporis prefinicione percipere valeant duxerit stabiliendum prout in eisdem litteris plenius continetur Nos Georgius prepositus et Rector universitatis supradictus postquam in vim litterarum apostolicarum huiusmodi ad debitam instanciam Spectabilium et prudentum virorum Magistricivium Consulatus et Civitatis Basiliensis erga Reverendum in Christo patrem et dominum dominum Johannem Episcopum Basiliensem dicte universitatis in eisdem apostolicis litteris deputatum Cancellarium pro inchoacione eiusdem Studii factam per eundem Dominum Episcopum et Cancellarium celebrata per ipsum In die beatissimi Archipresulis Ambrosii pridem transacta coram universo Clero et populo dicte Civitatis de sancto spiritu missa sollempni publicatisque dictis et aliis apostolicis privilegiis dicto Studio generose collatis Servatisque debitis et consuetis in talibus sollempnitatibus et ceremoniis in Rectorem dicte universitatis essemus quamquam insufficientes deputati Ad realem ipsius Studii inchoacionem duximus in |