Morum nostrum ex occidentali boreali et orientali partibus / Et alie octo acre jacent ex parte boreali dicti mori contigue adiacentes terris domini subdecani Glasguensis wlgariter nuncupatis / The Wester Craiggis / in longitudine / et nostri moro ex occidentali et australi partibus / et terris Thesaurarii Glasguensis ex orientali parte Tenendas et habendas dictas sexdecim acras terrarum / siue Mori Furcarum / prefatis subdecano et capellanis et suis successoribus imperpetuum / a nobis et successoribus nostris de prefato reuerendissimo patre et pro tempore existente Archiepiscopo Glasguensi / in puram et perpetuam elimosinam vt premittitur cum vniuersis suis juribus et pertinentiis Reddendo et faciendo inde annuatim dicti subdecanus et capellani eorumque successores imperpetuum / orationum suffragia deuotarum pro dicto reuerendissimo patre capitulo nobis et successoribus nostris. In cuius rei testimonium sigillum nostrum commune huic presenti carte nostre est appensum / apud ciuitatem Glasguensem die quarto mensis Maii anno Domini millesimo quingentesimo vigesimonono. Coram hiis testibus domino Ricardo Otterburne Jacobo Schaw capellanis Johanne Trynsche Andrea Flemyng et Johanne Walkar seriandis cum diuersis aliis · VNIUERSIS sancte matris ecclesie filiis GAUINUS miseratione diuina Archiepiscopus Glasguensis salutem in eo qui est omnium vera salus. Ea que pro ecclesiarum omnium presertim nostre ciuitatis decore et venustate / ac personarum quarumlibet in illis diuinis laudibus insistentium commoditate / proinde facta et ordinata fuisse dicuntur illa presertim per que diuinus cultus ac ministrorum numerus ad Dei laudem in eisdem augmentum suscipiant / libenter cum a nobis petitur ordinarie auctoritatis munimine roboramus. Sane pro parte venerabilis confratris nostri magistri Jacobi Houstone subdecani ecclesie nostre metropolitane Glasguensis nobis nuper exhibita petitio continebat quod alias honorabiles viri nostrique dilecti / videlicet / Robertus Stewart de Mynto prepositus / Georgius Burell et Jacobus Wilsoune balliui / ac etiam consules et communitas ciuitatis nostre Glasguensis / ad laudem gloriam et honorem Summe et Indiuidue Trinitatis Patris videlicet et Filii et Spiritussancti / ac Beatarum Marie semper Virginis et Anne matris eius / in augmentationem diuini cultus et capellanorum per eundem magistrum Jacobum subdecanum exponentem in sua Noua Ecclesia Beatarum Marie et Anne predictarum / vberiorem sustentationem · sexdecim acras terrarum Mori Communis Furcarum wlgariter / The Gallowmure / nuncupati · dederunt et per eorum cartam in perpetuam elimosinam donarunt prout in carta pergaminea dictorum prepositi balliuorum consulum et communitatis desuper confecta plenius continetur. Et sicut eadem subiungebat petitio / si donatio sexdecim acrarum predictarum per prepositum balliuos consules et communitatem predictos facta / [per] eorundem in spiritualibus et temporalibus immediate dominum superiorem et ordinarium confirmaretur / per hoc plurimum decori dicte ecclesie et octo capellanorum predictorum statui consuleretur. Quare pro parte dicti exponentis nobis fuit humiliter supplicatum vt donationem sexdecim acrarum predictarum / et singula in carta predicta contenta / auctoritate ordinaria confirmare aliaque in premissis opportuna prouidere dignaremur. Nos igitur huiusmodi supplicationibus tanquam justis et rationabilibus inclinati / donationem predictam ac cartam antedictam / dummodo concessio et mensuratio sexdecim acrarum predictarum iter publicum itinerantibus et tenentibus nostrarum terrarum de Borrowfeild dictis acris adiacentium ex vna parte accedendi ad ciuitatem nostram Glasguensem et recedendi ab eadem aliquatinus non impediat / ordinaria auctoritate / de expresso consensu venerabilium fratrum nostrorum dominorum decani et capituli nostri predictorum / propter hoc in eorum generali Penthecostali consilio legittime congregatorum / tenore presentium approbamus et confirmamus IN QUORUM omnium testimonium presentibus manu nostra subscriptis / sigillum nostrum vnacum sigillo communi dicti capituli nostri est appensum / apud Ecclesiam nostram Metropolitanam Glasguensem die Sabbati in Vigilia Penthecostes / videlicet / die decimaquinta mensis Maii anno Domini millesimo quingentesimo Vigesimonono / et nostre consecrationis anno quarto Sequitur subscriptio manualis dicti Domini Archiepiscopi Gauinus Glasguensis Archiepiscopus etc IN DEI nomine Amen. Per hoc publicum instrumentum cunctis pateat quod anno incarnationis Dominice millesimo quingentesimo quadragesimooctauo die vero penultimo mensis Februarii / In mei notarii publici et testium subscriptorum presentia personaliter constitutus venerabilis vir dominus Martinus Reid / capellanus altaris Sancti Christofori intra Ecclesiam Metropolitanam Glasguensem fundati/ existens in statu et saisina hereditariis terrarum domorum et annuorum reddituum subscriptarum jacentium in ciuitate Glasguensi et territorio eiusdem Inprimis vnius anterioris domus siue tenementi tegulati constructi et edificati per ipsum Martinum / jacentis in dicta ciuitate inter terras Johannis Mayn ex occidentali et terras olim Willelmi Salmond ex orientali partibus. Item trigintasex solidorum annui redditus de tenemento quondam Willelmi Gardnar contigue adiacente ex parte posteriori huiusmodi anterioris tenementi / inter terras anterioris tenementi ex boreali et terras quondam Roberti Fawsyde ex australi partibus Item vnius pecie vaste terre jacentis similiter ex parte posteriori dicti anterioris tenementi inter gawallum / lie gavill / Margarete Armour ex boreali / et vnum murum orti dicti tenementi ex australi / communem venellam que ducit ad torrentem Malyndonar ex occidentali partibus Item quindecim solidorum annui redditus de tenemento quondam Angusii Goldsmyth in Vico Furcarum / inter terras quondam Petri Colquhone ex orientali et terras quondam Dauid Menteith ex occidentali Item vnius tenementi anterioris et posterioris cum orto et pertinentiis eiusdem jacentis in Vico Furcarum / inter terras quondam Andree Hall ex occidentali et terras quondam Jacobi Wilsone ex orientali. Item decem solidorum annui redditus de tenemento Alexandri Stevyn jacente in eodem vico inter terras dicti olim Jacobi Wilsoune ex occidentali et terras quondam Johannis Lovke ex orientali Item sex solidorum annui redditus de tenemento dicti olim Johannis Lowke jacente in dicto vico trans torrentem Malyndonar / inter terras quondam Dauid Knox ex orientali et terras quondam Stephani Louyss ex occidentali partibus. Item vnius horrei / cum dimedia acra terre contigue eidem adiacente / jacentis in Longa Crofta inter terras Jacobi Brovme ex occidentali et terras quondam Willelmi Wylkyn ex orientali. Item vnius acre jacentis in ly Brvmelaw inter terras quondam Petri Adam ex occidentali et terras olim Johannis Wann ex orientali. Item vnius rige terre jacentis in eadem crofta inter terras dicti olim Johannis Wann ex orientali et terras Hospitalis Sancti Nicholaii ex occidentali Item quatuordecim solidorum annui redditus de tenemento quondam Willelmi Fynnisoune in via que ducit ad Pontem Clude ex australi parte eiusdem / inter terras quondam Roberti Cowper ex orientali et terras quondam Roberti Flemyng ex occidentali Item vnius bothe jacentis in eadem via ex parte occidentali eiusdem / vnacum quadam vasta parte terre contigue eidem adiacente ex parte anteriori dicte bothe/ inter terras Jacobi Gibsone ex occidentali et terras ex orientali Item trium solidorum annui redditus de tenemento Niniani Ross contigue adiacente dicte bothe et ex parte posteriori eiusdem / jacente vt supra. Item decem solidi annui redditus de tenemento quondam Mathei Campbell / et olim Johannis Scott/ jacente ex parte australi Porte Australis in via que ducit ad Pontem trans Cludam / inter terras quondam Alexandri Hommill ex boreali et torrentem de Malyndonar ex australi. Item decem solidorum de tenemento quondam Thome Blythmann annui redditus / jacente ex parte orientali vie que ducit a Cruce Forali vsque Portam Australem inter terras Georgii Cliddisdale ex boreali et terras quondam Roberti Blak ex australi. Item quatuor solidorum de tenemento nunc spectante Willelmo Louthiane jacente in vico qui ducit a Cruce Forali ad Portam Occidentalem ex parte boreali eiusdem / inter terras Dauid Lyndesay ex orientali / terras Roberti Bogill ex occidentali Item sex solidorum annui redditus de tenemento Patricii Scott jacente in dicta ciuitate in via que ducit a Quadriuio ad Locum Fratrum Predicatorum ex parte orientali dicti vici / inter terras quondam Michaelis Flemyng ex australi et terras Henrici Wilsoune ex boreali partibus. Qui vero dominus Martinus Reid accessit personaliter ad dictas terras et tenementa / et ibidem zelo Dei Omnipotentis Patris et Filii et Spiritussancti inclinatus / et pro salute anime sue parentum et consanguineorum suorum et omnium fidelium defunctorum / et propter specialem deuotionem quam erga Intemeratam Virginem Dei genitricem gerit / et vt cultus Dei Omnipotentis Beatissimeque Marie Virginis et Omnium Sanctorum intra Eccle siam Collegiatam eiusdem ciuitatis Glasguensis augeatur honestius atque decentius celebretur Omnes et singulas predictas terras tenementa et annuos redditus in manibus probi viri magistri Johannis Hall alterius balliuorum dicte ciuitatis nomine prefate Ecclesie Collegiate resignauit. Qua resignatione sic facta idem balliuus statum et saisinam omnium et singularum prescriptarum terrarum tenementorum et annuorum reddituum discreto viro domino Jacobo Cauldwoll presbytero ibidem nomine prefate Ecclesie Collegiate legittime recipienti / per terre et lapidis ac lie hesp et stapille deliberationem / reseruando prefato domino Martino vsum fructuum et liberum tenementum omnium et singulorum predictorum vnacum dispositione et donatione eorundem quoaduixerit deliberauit Presentibus ibidem discretis viris Dauid Hugonis notario publico etiam in premissis requisito / domino Johanne Watsoune Johanne Young ac Johanne Sellar et Dauid Watsoune seriandis Et ego Nicolaus Withirspoune artium magister Glasguensis diocesis publicus sacra Apostolica auctoritate notarius Quia [etc.] Nicolaus Withirspowne subscripsit IN DEI nomine Amen. Per hoc publicum instrumentum cunctis pateat quod anno incarnationis Dominice millesimo quingentesimo quadragesimonono die vero mensis Junii primo / In mei notarii publici et testium subscriptorum presentia personaliter accessit honestus vir Johannes Wann burgensis ciuitatis Glasguensis ad tenementum Archibaldi Blakburne / olim spectans magistro Johanni Watsoune/jacens in ciuitate Glasguensi in publica via que ducit a Loco Fratrum Predicatorum vsque Crucem Foralem ex parte orientali eiusdem / inter terras Sancti Rochi ad austrum et terras domini Willelmi Burell ad boream / Et ibidem prefatus Johannes Wann viginti solidos annui redditus sibi debiti de dicto totali tenemento / et sibi impignorati per dictum magistrum Johannem / in manibus probi viri magis tri Johannis Hall alterius balliuorum dicte ciuitatis in fauorem venerabilis |